Berkshire Hathaway: "I think Europe has a hell of a problem"

Wall Street Journal skrifar heim frá aðalfundi hluthafa fjárfestingafélags Warrens Buffett; eins snjallasta fjárfesti heimsins. 

"Ef ríkisfjármál ESB landa verða ekki sameinuð þá mun hin innri efnahagslega spenna myntbandalagsins brjótast út með mjög óþægilegum afleiðingum fyrir Evrópu", sagði Buffet.

Á þessum aðalfundi var ESB gagnrýnt fyrir að skjóta með baunabyssum á vandamál evrusvæðisins, sem eru af mammúskri stærð.     

"Það er ekki nóg að kunna og vita" - sagði Buffet eitt sinn er margháskólaðir fagmenn kvörtuðu yfir því að ná ekki sama árangri þegar þeir fylgdu viðskiptauppskrift þessa nú gamla manns - "þú verður líka að geta hugsað", sagði hann.

 

Elíta ESB kann og veit allt. En getur ekki neitt - og síst af öllu hugsað.

Það er einmitt það sem Gylfi allsherjarkjáni ESB-ASÍ stendur fyrir. Hann er ofalinn fíll á jarðsprengjusvæði elítu ESB. Sundurtættur en tekur bara ekki eftir því að allt fyrir ofan mitti er horfið. Þegar maður er bara hamar þá heldur maður að öll vandamál séu naglar. Sama gildir um ríkisstjórn Jóhönnu Sigurðardóttur, sem er undir sérstökum verndarvæng DDRASÍ, DDRÚV, DDRHÍ, DDRBIF og um það bil fimm þúsund annarra DDRlegra fyrirbæra ekki_almennings.

Á útborgunardegi Gylfa hjá DDRESBASÍ í gær skrifaði Financial Times heim frá paradís ríkisstjórnar Jóhönnu Sigurðardóttur og verkalýðselítu Íslands, um að ríkisfjármálahersveitir myntbandalagsins - það eina sem virkar á evrusvæðinu - bíði nú ávalt reiðubúnar í viðbragðsstöðu í hliðargötum Aþenu, dag sem nótt, því að landið eigi á hættu að springa í loft upp á hverri stundu. Eftir heil 29 ár í ESB.

 

Each evening, as darkness descends on Athens, police in riot gear wait in buses that line the side streets of the city centre. Some fidget with mobile phones, others stare into the night. What they are waiting for, nobody is sure. But everyone in the Greek capital agrees something could happen any time.  

 

Já, eftir 29 ár í Evrópusambandinu og 37 árum eftir að herinn sleppti þar ríkisvöldum, er Grikkland sprengt í tætlur af myntbandalagi Evrópusambandsins. Fólkið mun ekki sætta sig við þessa nýju herstjórn Evrópusambandsins. Það hitnar í kolunum og þrúgur reiðinnar safnast saman á næfurþunnri eggjaskurn myntbandalags Evrópusambandsins. 

 

Þrúguðu silfri DDRÚV líkar þetta afar vel, þ.e.a.s í Grikklandi. Bíbb. Slökkva.

 

Warren Buffett er hins vegar bjartsýnn á framtíðina fyrir Bandaríki Norður-Ameríku. 

 

Krækjur 

 

Wall Street Journal

Financial Times

 

Fyrri færsla

 

Atvinnuleysi í Þýskalandi lækkar eftir 12 ára samfellda gengisfellingu Þjóðverja 

 

Athugasemdir

[Jón Steinar Ragnarsson, 3.5.2011 kl. 02:10]

Ekki veit ég hvort Buffet er að snæða við sama buffet og amerísk alþýða, en allavega þá tek ég ekki yfirlýsingum hans eins og gullmolum af vörum Zaraþústra.

Hann er líklega ánægður með sitt og sennilega að losa sig við dollara á báða bóga eins og flestir framsýnir viðskiptamógúlar.  Kannski er hann að breyta þeim í silfur og gull áður en stíflan brestur.

Dollarinn er alveg á sömu leið og Evran og jafnvel enn ljósara að hann er farinn fjandans til. Allavega er hann þarna við breaking pointið. Kannski að sé ástæða þess að svo mikil vinna er lögð í það hjá spunameisturm Obama að fá fólk til að hugsa um annað. 

Dollarinn er á fótskriðu fjandan til. Brátt ná þeir að prenta sig út í horn. Ég gef þeim svona 8-12 mánuði.

[Jón Steinar Ragnarsson, 3.5.2011 kl. 02:23]

Framtíðaralríkið IMF hefur nú um tíma lagt til nýjan alþjóðlegan gjaldmiðil SDR (special drawing rights) Sem er ekkert annað en tilraun til að skapa landlausan seðalabanka og alþjóðlegan gjaldmiðil til að bjarga málum.

Samsæriskenningamaðurinn ég held að þeir ásamt sínum cróníum vinni markvisst að því að eyðileggja ríkjandi gjaldmiðla, en hvað veit ég svosem?

Ef við skoðum kreppuna miklu þá erum við rétt að komast upp í þennan sýndarbata sem þar var undanfari hins raunverulega hruns. Í USA liggur leiðin bara niðurávið. 

Kannski verður hægt að rigga upp í eitt verulega stórt og brjálæðislegt stríð, til að slá þessu á frest, en ég sé ekki að það hjálpi. Teikn eru þó á lofti fyrir þessu.

[Sigurjón Jónsson, 3.5.2011 kl. 09:45]

USA þarf og ætlar að fella dollarann það er eina leiðin sem þeir hafa út úr skuldavandanum. Á sama tíma munu allir aðrir gjaldmiðlar falla þannig að við sjáum fallið ekki í raun með því að skoða gjaldmiðla.

Hráefnisverð mun fara enn hærra upp og svo munu laun hækka í kjölfarið. Þetta mun gerast um allan heim.

Þetta er í raun gamla íslenska verðbólguleiðin, láta bankainnistæður og lífeyrissjóði brenna upp til að lækka skuldirnar.

Ef þetta gerist ekki þá fara Bandaríkin einfaldlega á hausinn ásamt flestum vestrænum þjóðum.