Takk fyrir 1944. Ólafur sagði 1944

 

Sjálfstæði og fullveldi Íslands er óendanlega dýrmætt. Bæði visna ef þau eru ekki notuð. Fjöregg þjóðarinnar er fullveldið. Í dag var það tekið í notkun.   

Lengi lifi 1944. Við stöndum í þakkarskuld við þá sem sköffuðu okkur 1944.

 

Þetta ár, 1944, fer að verða ártalið sem ríkisstjórnin þolir ekki. Og maðurinn sem ríkisstjórnin þolir ekki, heitir Ólafur Ragnar Grímsson. Það eru að mínu mati afar góð meðmæli með forseta Íslands.

Ríkisstjórnin á sér engan tilverurétt lengur. Hún er ekki ríkisstjórn fólksins. Og Bjarni Ben Jr. er orðinn núll eftir að hafa annúllerað grasrót og landsfund Sjálfstæðisflokksins. Ofan á kransæðaköku þessari drottna hjónin Júdas Vinstri Grænna, Jóhanna Sigurðardóttir forsætisráðherraína og hirðfíflið Össur. 

Athugasemdir

[Rauða Ljónið, 20.2.2011 kl. 17:02]

Í dag sigraði lýðræðið alræði.
Forseti vor er sverð okkar og skjöldur.
Til Hamingju Íslendingar.

[Ragnhildur Kolka, 20.2.2011 kl. 17:13]

Ólafur tók afstöðu með sjálfstæði og fullveldi íslensku þjóðarinnar og fyrir það er eigum við að vera þakklát. Nú eigum við að taka við keflinu. 

Nei, getur verið að lýðræðisaldan í Miðausturlöndum sé komin á tröppur stjórnarráðsins. Sem ég sit hér heyrast tveir háir sprengjuhvellir og grátt reykjarský liðast upp í loftið úr þeirri átt.

Er þá byltingin loksins byrjuð að éta börnin sín? 

[Magnús Bjarnason (IP-tala skráð) 20.2.2011 kl. 18:49]

Ef þessum lögum verður hafnað í þjóðaratkvæðagreiðslu þá er ekki annað en að leysa upp þing og boða til aþingiskosninga.

Af þessu frumvarpi stendur aukin meirihluti alþingis eða 73% af kjörnum fulltrúum landsins. Við synjun á frumvarpinu þá má líta á það sem vantraust á sitjandi Alþingi og því ber þá að endurnýja umboð sitt.

Þá gefst líka tækifæri til að ákvarða framtíðarstefnu lýðveldisins. En þau mál eru að verða aðkallandi. Eins og auðlindamál, peningamál, utanríkismál, opið land - lokað land af mörgu er að taka. Núverandi stjórn er lömuð vegna átaka um þessi mál. Eru þín nálgun á tvíhliðasamninga og brotthvarf frá aðild að viðskiptabandalögum rétt. Tryggir hún hagsmuni okkar eða þvert um?

[Jón Ásgeir Bjarnason, 20.2.2011 kl. 21:14]

Ólafur fór eiginlega gegn öllum, nema venjulegum kjósendum og skattgreiðendum í þessu máli.  (Og auðvitað þeim sem þiggja samfélagsþjónustu og aðstoð).

Hann fór á móti pólitíkusunum og sínum gömlu pólitísku blokkum sérstaklega.

Hann fór á móti fjármálaelítunni ef kalla má hana svo, en hún er á fullu við að senda reikning fyrra sukks á almenning hvar sem er í kring um okkur.

Hann fór á móti vinstrisinnuðu háskóla"elítunni".

Hann fór á móti forkólfum ASÍ og Atvinnurekendasamtökunum.

Hann fór á móti fjölmiðlunum.

Frábært!  Vel gert Ólafur!  Mjög vel gert.

[Einar Björn Bjarnason, 21.2.2011 kl. 01:39]

En hvað ég var feginn, er ég heyrði Ólaf segja Nei í annað sinn við Icesave.

Kannski að Bretar geri okkur þann greiða, að hindra ESB aðild okkar - í refsingarskyni, ekki vitandi að það sé greiði :)

Kv.

[Hrólfur Þ Hraundal, 22.2.2011 kl. 07:50]

Hér er margt vel sagt, en ég vil vekja athygli á orðum Einars Björns Bjarnasonar, í refsingaskinni. 

Bretum hefur mér vitanlega aldrei verið sagt með alvarlegum skírum hætti, hversvegna við þrælar Íslands erum svo viss um að skuld okkar við þá er eingin og þeim hefur ekki heldur verið sagt að við viljum ekki ganga í Evrópusambandið. 

Þess vegna nota þeir máli sínu til stuðnings hótannir um að hindra aðgang okkar að Evrópusambandinu.   Auðvita viljum við eiga frið við alla, en hann kaupum við ekki.  Hvorki með sjálfstæði okkar eða fullveldi, enda myndi það leiða til margháttaðar hömlunnar og þar með  ánauðar.