Borgari og hagsmunagæslumaður Breta - lífvörður ríkisstjórnarinnar

Sjálfskuldaviðurkenning er alltaf bindandi, nema að um sturlað geðveikt fólk sé að ræða. Framkvæmd hugtaksins yrði dregin áfram á bökum kjósenda núverandi formanns Sjálfstæðisflokksins, sem hyggst uppfylla Icesave pöntunarseðil bresku krúnunnar með atvinnuuppbyggingu landsmanna. Sjálfur mun hann ríða á bökum þjóðarinnar og greiða sér fyrstur. Hagsmunir Breta verða þó ekki geymdir á Þjóðminjasafninu hjá öðrum munum safnsins. Hagsmunamatur formannsins fæst hins vegar í sjoppum um allt land.

Út-mánuðir renna upp. 

Verst er að ég get ekki sagt mig úr flokknum því ég er ekki í honum af einmitt þeirri ástæðu að mig grunaði hvað vantaði í bakpoka forystunnar; Sjálfstæðið, staðfestuna, hugsjónir og þor.  

Eignir Sjálfstæðisflokksins eru að rýrna hratt í höndum forystusmjörlíkis þess sem þar situr nú sem bráðnuð klessa og drekkur afganginn af Þorgerði Þaulsætu úr reiðiskálum grasrótarinnar.

Vesalingar! Ekkert minna.

Athugasemdir

[Haraldur Haraldsson, 3.2.2011 kl. 16:03]

Hressilega sagt og mikið til i þessu ekki spurning? en ég samt óánægður en það er margir í flokknum sennilega meirihlutinn,þjóðaratkvæði er það sem gyldir þarna,ef ekki verður ekki sátt !!!/Kveðja

[Gunnar Rögnvaldsson, 3.2.2011 kl. 19:08]

Við þokuleggjum framtíðina þannig að yfirvofandi Las Vegas háspennu-sleggjuhögg Icesave geti ávalt veitt íslenskum sem erlendum fyrirtækjum sem vilja fjárfesta hér fullkomið óöryggi næstu áratugina - og baðað þjóðina í svitabaði ár eftir ár og áratug eftir áratug. Fólk mun laðast að svona óvissu eins mikið og það laðast að geilavirkum úrgangi.   

Það er einmitt þessi óvissa um útfall Casínóspils sem fær fyrirtæki til að ráða nýtt fólk til starfa. Þetta er svo spennandi. Svo spennandi. Látum gossa.

Þetta eru sömu reikningsaðferðir og notaðar voru til að reikna út stórgróða útrásarinnar. En hann bjó til þennan "Iceasve-gróða" sem nú situr á spilavítisborði lífvarðarsveitar Bjarna Ben.

Hversu ömurleg getur flokksforysta orðið? Enginn mun geta leikið þetta harakiri eftir Bjarna Benediktssyni. Enginn.