Evruríkjaskuldir orðnar tapsgefandi fyrir alþjóðlega fjárfesta

 

Mynd. Skoðað í pakkann; Fullveldi, peningastefna og vaxtavopn þeirra evrulanda sem heita ekki Þýskaland né Frakkland

 

Fyrsta fjármálafyrirtækið hefur nú tilkynnt að það bókfæri hér með fjárfestingar sínar í ríkisskuldabréfum evru-ríkis Evrópusambandsins sem tapsgefandi fjárfestingu og væntir þar með ríkisgjaldþrots evru-ríkis. Um er að ræða austurríska fjármálafyrirtækið Vienna Insurance Group og fjárfestingar þess á hinu svo kallaða örugga myntsvæði Evrópusambandsins sem nú þokast hægt en örugglega nær brún hengiflugs fjöldaríkisgjaldþrota og upplausnar; DJ Newswires

 

Vienna Insurance Group álpaðist til að kaupa ríkisskuldabréf evruríkis Grikklands.

 

Listi hálf- og heilþrota ESB-ríkja í skuldatryggingaálögum myntbandalags Evrópusambandsins

• EVRURÍKIÐ GRIKKLAND: 906 PUNKTAR   
• EVRURÍKIРÍRLAND: 618 PUNKTAR
• EVRURÍKIÐ PORTÚGAL: 456 PUNKTAR
• EVRURÍKIРSPÁNN: 266 PUNKTAR

Þökk sé heilræði og aðgerða Davíðs Oddssonar fyrrverandi forsætisráðherra og seðlabankastjóra og Geirs H. Haarde forsætisráðherra í bankahruninu, er samsvarandi skuldatryggingaálag á ríkissjóð Íslands nú aðeins 258 punktar. Spá Davíðs haustið 2008 hefur því ræst að fullu. Alþjóðlegir fjárfestar telja öruggara að Ísland geti greitt ríkisskuldir sínar en ofangreind evruríki sem njóta Evrópuvaxta Össurar M. Skarphéðinssonar utanríkisráðherra. Ríkissjóður Grikklands greiðir nú sömu vexti og almenningur fær á VISA-yfirdrætti glóandi greiðslukorta.

 

Reynið svo að ímynda ykkur hversu hagstætt það verður landi okkar þegar núverandi ríkisstjórn Íslands fer loksins öll alveg frá öllum völdum. Vonandi er stutt í fall ríkisstjórnar Jóhönnu Sigurðardóttur. Út-mánuðir eru rétt að renna upp. 

 

Fyrri færsla

• 101 erlendur sérfræðingur - og ekkert gerist nema slæmt

Athugasemdir

[Haraldur Baldursson, 30.1.2011 kl. 19:16]

Myndin af skammbyssunni er stórkostleg. Reyndar er þetta vopn nú í höndum Samfylkingarinnar sem einblínir á SKAMMtíma-gæði ESB...sem eru vitanlega engin gæði hvorki til skamms, né lengri tíma.

ESB er bandalag andvana efnahags. Andvana sökum þess að stjórnmálin þar eru komin í self-destruct-mode....aldraðir eru komnir með öll völd og munu ekki gefa þau eftir að nýju. Ungt hæfileikafólk fær að velja milli þess að þjóna silfurrefunum og halda uppi þeirra lífgæðum á kostnað eigin framtíðar, eða að flytja burt....seinni kosturinn verður valinn og endurnýjunargeta ESB á dýrustu auðlindinni eru að hverfa.

Fjárfestar hafa verið merkilega seinir að átta sig á þessu, en nú er að bresta á með flótta.

Ég spyr mig hvort markmið Samfylkingarinnar sé að tryggja okkur þáttöku í hruni ESB, eða hvort Brussel-stólsetu-draumurinn sé það eina sem förinni ræður.

[Haraldur Haraldsson, 31.1.2011 kl. 00:16]

samfærandi góður pistill !!!sammála þessu