Sir Winston Churchill fékk fimm hjartaáföll á ævinni

Það fyrsta gerðist um nótt þegar hann var að loka glugga í Hvíta Húsinu í heimsókn hjá Franklin D. Roosevelt forseta Bandaríkjanna. Erindi Churchills í þessari heimsókn var að biðja Bandaríkjamenn um stuðning. Þá stóð sem hæst baráttan um Bretland. Bretar stóðu þá aleinir í styrjöldinni gegn sameiningu Evrópu undir stjórn sósíalistans Adolfs Hitler. Læknir Churchills var auðvitað með í förinni og annaðist hann. En hvorki var hægt að segja Churchill sjálfum né umheiminum frá þessu hjartaáfalli. Það hefði grafið undan baráttuþreki bresku þjóðarinnar og orðið að vatni á myllu illra afla hins evrópska meginlands. 

Ef Sir Winston Churchill væri í heimsókn hjá Samfylkingunni og Vinstri grænum á Íslandi núna, fengi hann líklega hjartaáfall á hverjum degi. Ekki vegna hrifningar, heldur vegna sorgar yfir því hversu innilega fjandsamleg hin hreina vinstri ríkisstjórn Íslands er gegn landi sínu, íbúum þess og menningu Íslendinga. En Íslendingar standa því miður einir gegn ríkisstjórn Íslands, sem er á mála hjá þjóðfjandsamlegum öflum meginlands Evrópu.  

 

Ég er íhaldsmaður. Mér ofbýður.

 

Fyrri færsla

 

Veit Axel Weber að myntbandalagið mun leysast upp á næstunni?

 

Athugasemdir

[Æsir (IP-tala skráð) 19.10.2010 kl. 21:00]

mér fannst mikils til steingríms koma áður en hann komst til valda

í huga mínum er steingrímur kakkalakki í dag

ég verð aldrei eitthvað sérstakt

ég verð alltaf frjálst atkvæði laus við flokka

kveðja

[Jón Valur Jensson, 20.10.2010 kl. 00:27]

Ég deili þessu viðhorfi þínu til Samfylkingarinnar, Gunnar.

Það gera menn í vaxandi mæli, t.d. verkfræðingurinn sem vék sér að mér á götu í kvöld og Hólmarinn (úr Stykkishólmi) sem ég hitti þarnæstan á undan í Krónunni um 7-leytið í kvöld, báðir yfir sig hneykslaðir á þessum flokki.

Þreyðu Þorrann, Gunnar minn, þjóðin er að gefast upp á þessu, og ekki hefur bætt úr skák fyrir Samfylkingunni þetta sem er að gerast í Reykjavík, með árás gegn trúartilfinningu foreldra skólabarna og samkrulli með vanhæfni borgarstjórans og Besta flokksins, einnig þar er stutt í endalokin.

Með kærri kveðju,

[Gunnar Rögnvaldsson, 20.10.2010 kl. 11:17]

Þakka ykkur 

Já Jón Valur, þetta er orðið eins og við séum nú þegar komin inn í Evrópusambandið. Mér blöskrar. 

Æsir: ég er líka frjálst atkvæði. En góðir íhaldsmenn geta átt heima í flestum flokkum og einnig staðið utan þeirra allra. Samnefnari fyrir íhaldsmenn er að vilja ekki kasta fyrir róða því sem gott er. Að halda fast í góða hluti þó svo að á móti blási.

Ekkert af þessu er til staðar í ríkisstjórn Íslands. Hún samanstendur af einnota tækifærissinnum sem fórna Íslandi fyrir ráðherrastól.