Einu sinni var það gæsagangur, en nú er það fíflagangur

Molbúasyrpa Samfylkingarinnar spilar sig vel

Fyrst var það evrópski stofugangurinn í Gúlag og kjallarakerfi Dzerzhinsky við torgið fræga. Svo kom gæsagangurinn í hjarta Evrópu. En nú þrammar höfuðlaust ESB í nýjum fíflagangi sem fær sanna Evrópusinna til að tárast á ný. Alltaf skulu fæðast nýjar vörur á hryllingsverkstæði Evrópu. Ný kerfi væni minn. 

Allt í sambandi við þetta ESB-einkamál Samfylkingarinnar er ein, tví- og allsber fíflagangur. Það gerðist líka í gær að prestur einn á blog.is sagði að Ísland ætti heima í ESB. Þetta er illgjörn fullyrðing. Engin þjóð á skilið að eiga heima í ESB. Og enginn á raunverulega heima í ESB nema Þjóðverjar og Frakkar.

 

Kratakomban ESB er geðlyf þessara tveggja krónísku vandræðagemlinga Evrópu. Enginn veit ennþá hvort lyfin muni virka þegar til geðkasta þeirra kemur á ný. Síðasta geðkast var hryllilegt og mun líklega endurtaka sig í nýrri mynd þegar afurðir Evrópusambandsins fara að springa innvortis í hinu nýja himnaríki embættismannaheimsveldis Evrópu. Elítuveldi Evrópusambandsins. Hinni nýju Evrópu væni minn.  

Ísland er svo óskaplega og fágætilega lánsamt að þurfa ekki að þramma stofugang með þýsk/franskar hækjur á fíflagangi doktors Össurar Ötkers Skarphéðinssonar á einkasjúkrahúsi Samfylkingarinnar.

 

Einkasjúkrahús þetta er staðsett í Brussel í Belgíu og er öskuhaugur og endastöð stjórnmálamanna Evrópu. Hin fullkomna lausn. Þar rotna þeir í getuleysi á kostnað skattgreiðenda sem eru að verða brjálaðir á massífu 30 ára atvinnuleysi í ESB og ömurlegum framtíðarhorfum hinnar deyjandi Evrópu.

 

Nú segir þessi ESB-elíta að tíminn fyrir Evrópu sé afar naumur. Alveg bráðnauðsynlega þurfi allt í einu allt að renna saman í eitt nýtt stórríki ef allt á ekki að fara úr takti við fíflaganginn sem er að verða sjálfkeyrandi í Evrópu, en sem er í algerri óþökk þegnana. Einkennin eru að byrja brjótast út. Mikið er búið að vera í gerjun og mjög lengi. 

Íslenska þjóðin neitar að borga lengur fyrir fíflagang Samfylkingarinnar. Nóg er komið. Lokum sérdeild Össurar. 

 

Frétt Morgunblaðsins; Jón vill hætta viðræðum 

Athugasemdir

[Jón Ríkharðsson, 28.7.2010 kl. 15:02]

Eflaust ganga Brussel menn í takt í einhvers konar fíflagangi. Össur er nú hoppandi á milli þeirra reynandi að telja þeim trú um að þjóðin fari að verða jákvæðari gagnvart aðildarmálunum.

Hoppið í honum virðist trufla þeirra vel þjálfaða fíflagang. Allavega reyndi Stefan Füler stækkunarstjóri að tempra hoppið í utanríkisráðherranum.

Stefan Brusselmaður vill koma okkur í fíflagangstaktinn með þeim. Í því augnamiði hefur hann ákveðið að heimsækja okkur og kenna sínum stuðningsmönnum að notast við staðreyndir í sínum málflutningi. Það verður gaman að fylgjast með hvernig það gengur.

Annars finnst mér þessum milljörðum sem varið er í umsóknarferlið betur komið hjá öldruðum og öryrkjum. En ég er kannski svona gamaldags í hugsun Gunnar minn, mér líður miklu betur í sjálfstæðu lýðveldi.

Sumu þarf nefnilega ekkert að breyta, þótt það sé gamaldags.

[Haraldur Baldursson, 30.7.2010 kl. 02:59]

Þeir eru að verða ansi margir tímafrestirnir sem við erum að falla á....

Þetta slaka sölutrikk..."birgðir eru að klárast" virkar ekki á okkur lengur. Njótum lífsins....utan ESB