Þá hefðu Sovétríkin getað gengið upp, segir Jóhanna (kannski)

Forsætisráðherra Íslands, Jóhanna og Sigurðardóttir, segir að ef menntun hefði verið betri í Sovétríkjunum þá hefðu þau enn verið stórveldi í dag. Reyndar sagði hún þetta ekki. Ég segi þetta bara fyrir hana svo hún álpist ekki til að segja þetta sjálf. 

Meiri menntun hefði leyst málin. Það hljóta allir að sjá og skilja.

En auðvitað mun Jóhanna ekki segja neitt svona. Hún lætur Munkhausen Skarp segja þetta. Evrópusambandshirðfífl ríkisstjórnarinnar. 

Nú vantar nauðsynlega meiri menntun í ESB. Hámenntaðir óvitar Brussel hafa sprengt evruheim sinn í loft upp og þar með framið hámenntað harakiri. Þeir bjuggu til gagnslausa evrumynt án samþykkis fólksins og nú er hún sprungin. Alveg eins og Samfylkingin á Íslandi er að murka lífið úr lýðræði á Íslandi með dyggri aðstoð Vinstri kolsvörtu kosningasvikara alls.

 

Humpf!

Athugasemdir

[runar (IP-tala skráð) 12.5.2010 kl. 14:14]

Þegar Guð lokar hurð þá opnar hann yfirleitt glugga er/var sagt.

Tjón Íslands er hroðalegt !

En staðreyndin um að hinn (hingað til amk) upplýsinasvelti Jón og hin rökhyggjusvelta Gunna eru loksins farin að opna augun, farin að átta sig á úlfseðli scumspillingarinnar, það er nánast ómetanlegt.

Ef tilraun væri gerð til að meta virði þess að þessi flokksóværa var loksins mæld og léttvæg fundin, þá væri gildið stór tala með enn stærri tölu í veldisvísi !!

[Júlíus Björnsson, 12.5.2010 kl. 18:03]

1972 var próf frá MR jafngildi þess sem mætti kalla 2 ára nám í öllum deildum H.Í.  Ég las samhliða mínu námi MR námsefni frá Mála og stærðifræðideild kynlóðar foreldra minna til að öðlast sama grunn og langafar mínir og viðhalda meir en 1000 ár hefð.  

[Vendetta, 13.5.2010 kl. 13:02]

Að segja að sovézk menntun hafi verið ófullnægjandi væri lóðrétt lygi, svo að Jóhanna myndi aldrei segja það. Menntun, etv. fyrir utan hagfræði og stjórnmálafræði, í Sovétríkjunum og í Austur-Evrópu almennt var mun betri en var í Vestur-Evrópu á þeim tíma. Vísindarannsóknir sovézkra háskóla vou ekkert síðri en tíðkaðist á Vesturlöndum. Að vísu var hátækni ekki útbreidd vegna bandaríska viðskiptabannsins og menntakerfið byggði kannski á gamaldags kennsluaðferðum, en tileinkun þekkingar byggir á fleiri hlutum.

Prósenta íbúa í Bretlandi og USA sem eru með framhaldsmenntun er mjög lág, en mun hærri í gömlu Sovétríkjunum. Að einhver ESB-embættismaður sé að klandra sovézka menntun er hrein fáfræði. Að sovézka hagkerfið hafi verið byggt á blekkingu og þjóðfélagið á einræði og spillingu þýðir ekki að menntunin var léleg. En ef ummæli hans ná einungis til menntunar innan hagstjórnar og viðskipta, þá er það sennilega rétt.

Annars sat ég einu sinni fund með gestum í Evrópuþinginu og kom þá fram að margir þingmenn eru þeirrar skoðunar að ESB sé eins konar vestræn útgáfa af Sovétríkjunum: Skortur á lýðræði, miðstýring, valdalítil þjóðþing aðildarlanda, þvinguð "integration" gegnum tilskipanir (directives), niðurlagning landamæra, bruðl og spilling. Allt þetta er einkenni ESB í dag. En ólíkt Sovétríkjunum hefur ESB mjög lítil pólítísk áhrif út á við. Það er efnahagsrisi, en pólítískur dvergur.

Sovétríkin entust í 70 ár áður en misheppnuð efnahagsstjórn og spilling varð þeim að falli. Hvað ætli ESB endist lengi áður en sambandið liðast einnig í sundur? Ekkert endist til eilífðar.

[Gunnar Rögnvaldsson, 13.5.2010 kl. 16:07]

Þakka ykkur

Já þetta var einmitt pointið Vendetta. 

Sovétið hafði menntunina en það hjálpaði þeim ekki neitt. Þau hrundu ofan á þegnana og eru ennþá að hrynja og deyja ofan á þegnana.

Ef Jóhanna og Samfylkingarlæknar hennar hefðu komið að dánarbeði Sovétríkjanna þá hefðu þau örugglega lagt til að meiri menntun myndi bjarga þessum hroðalega of ólæknandi sjúklingi - og náttúrlega ný sameiginelg mynt (Moskva hafði gleymt að sameina myntir Varsjárbandalagsins og USSR (ófyrirgefanleg mistök))

Myntbandalagið mun fara sömu leið og sennilega allt Evrópusambandið líka, býst ég við.   

Kveðjur

[Vendetta, 13.5.2010 kl. 16:59]

Eitt af markmiðum yfirvalda í Kreml var að útmá öll þjóðleg einkenni þegna sovézku ríkjanna, sem ekki voru samræmanleg kommúnismanum og létu bæði þessar þjóðir og umheiminn halda að allir sem lifðu innan landamæra Sovétríkjanna aðhylltust sameiginleg markmið, bæði pólítísk og menningarleg. Þannig þegn var kallaður Sovétmennið.

Sameiningarsinnar innan ESB-elítunnar reyna að skapa Evrópumennið, sem gengur út á það að þjóðir innan ESB sýni sambandinu meiri trúnað en þjóðríkinu. Og að öll þjóðareinkenni minnstu þjóðanna þurrkist út (þmt. tungumál). Danskir stjórnmálamenn innan vissra flokka (t.d. De Radikale) hafa verið talsmenn þessarar stefnu.

En nákvæmlega eins og Sovétmennið varð aldrei til, þá mun Evrópumennið líka mistakast hrapallega. Sem betur fer eru starfandi efasemdaflokkar í Danmörku og Bretlandi sem geta haldið brjálæðinu í skefjum. 

[Gunnar Rögnvaldsson, 13.5.2010 kl. 17:19]

Vel að orði komist Vendetta.

[Júlíus Björnsson, 13.5.2010 kl. 17:32]

Frakkar,Þjóðverjar, Rússar, USA, UK eru með síu í menntakerfi til að tryggja að nægjanlegur fjöldi ráðgjafa  gangi upp.  

Fjöldframleiðsla menntamanna skapar störf og var því óumflýjanleg í kjölfar tækni og iðnaðarframfara. The Labour á flestum vesturlöndum eru menntamenn óháð grunnmennntun [til 18 ára]. Gamla Labour er um 20% af vinnuafli [var 80%].  

Þetta nýja meðal greinda Labour skapar svo störf í t.d. Þýskalandi með því að eldast.

Það er alveg ótrúlegt hvað fólk á erfit með að sjá góðar hliðar á málum. 

[Æsir (IP-tala skráð) 18.5.2010 kl. 20:03]

Hef alltaf gaman af því að lesa bloggið þitt

Finnst þú sjá vel og langt

Takk Fyrir

Kveðja

[Júlíus Björnsson, 19.5.2010 kl. 02:09]

Hér má finna skýringuna hversvegna Svíþjóð er Þroskuð en Íslandi [H.Í] er
ennþá á þroskastigi. 

http://juliusbearsson.blog.is/blog/juliusbearsson/entry/1051303/