Yfirmaður OECD: ebólavírus geisar á evrusvæði

Lánshæfnismat ríkisjóðs Spánar var lækkað í dag  

Lánshæfnismat ríkissjóðs Portúgals var lækkað í gær 

Lánshæfnismat ríkissjóða Grikklands var lækkað í gær 

Lánshæfnismat bankakerfis Grikklands var lækkað í gær 

 

Aðalforstjóri OECD, Angel Gurria

 

"Þetta er ekki spurning um hvort gríska skulda- og ríkisfjármálakreppan breiði sig út til annarra landa á evrusvæði. Það hefur nú þegar gerst. Þetta er eins og ebólavírus. Þegar þér verður ljóst að þú ert smitaður þá þarf að skera útlimi af ef þú vilt lifa áfram." Bloomberg | FT 

 

Danske Bank aðvarar nú fólk sem fær laun eða hefur tekjur sínar í evrum. Þeir álíta að evran sé að fara . . ég veit hvert, en ekki hvenær . . en fara samt: Danske Bank: "Det er et kæmpe, kæmpe problem" 

 

Fyrri færsla

 

Skuldabréf Grikklands í ruslflokk. ESB íhugar að taka upp þýsk mörk 

Athugasemdir

[Einar Björn Bjarnason, 28.4.2010 kl. 20:01]

Dálítið dramatísk líkingarmál.

En, vandi Evrunnar er klár og líkur á hruni hennar, virðast nú orðnar meiri en minni.

Kv.

[Gunnar Rögnvaldsson, 28.4.2010 kl. 20:16]

Já.

En hrun er ekki það versta sem getur gerst, Einar. Það versta er að markaðurinn lokar nú á evrusvæðið. Þetta svæði hefur nú sýnt að það er bananaland peninga og ríkisfjármála. Þetta fer inn í minni peninganna.

Þeir, peningarnir, munu framvegis afgreiða Evrusvæðið sem áhættusamara fyrirbæri en nýmarkaðsland og hagvöxtur mun verða hryllilega lélegur vegna skorts á lánsfé og hárrar áhættuþóknunar. Evrusvæðið verður economic slump. Efnahagslegt og pólitískt hættusvæði.  

[Einar Björn Bjarnason, 28.4.2010 kl. 20:26]

Þ.e. ákveðin kaldhæðni í því, að hið svokallaða víðsýna fólk, sem sakar aðra um einangrunarhyggju, skuli ekki átta sig á að Evrópa er í alvarlegri hlutfallslegri hnignun.

En, þetta hefur verið ljóst, síðan tölu um fólksfjöldaþróun láu fyrir - fyrir meira en áratug.

Í skýrslu fyrir um réttu ári síðan, fyrsta ársfjórðungsuppgjöri 2009, talaði Eurostat einmitt um þá auknu hættu, sem stafaði af kreppunni og því að geta Evrusvæðisins, til hagvaxtar myndi óhjákvæmilega, skerðast um eitthver árabil. 

En, þeir einmitt mynntu á spá um fólksfjöldaþróun, sem segir að geta ESB til hagvaxtar, byrji að skerðast af hennar völdum, upp úr 2020.

Þannig, að glataður áratugur í hagvexti, sé virkilega alvarlegt mál.

Kv.

[Gunnar Rögnvaldsson, 28.4.2010 kl. 20:43]

Já, Við erum nú þegar búin að upplifa einn svona týndan japanskan áratug hér og erum þegar komin inn í númer tvö,

Grikkland væri ekki svona erfitt dæmi ef framtíðarhorfur þess væru ekki svona kolsvartar vegna hnignunar mannfjöldans og öldrunar. Grikkland er svo gersamlega vonlaust dæmi.  

Svo þetta er enn ein ástæðan fyrir fjármagnið til að halda sér í burtu og krefjast hærri og hærri áhættuþóknunar.

[Gunnar Rögnvaldsson, 28.4.2010 kl. 20:55]

10 ára sænsk ríkisskuld komst í neikvæðan vaxtamun við Þýskaland í dag. Svíar fá nú alþjóðleg lán á lægri vöxtum en Þýskaland.

það er mikill kostur fyrir Svía að vera ekki í mynt- og skuldabandalagi ESB.

[Einar Björn Bjarnason, 28.4.2010 kl. 21:55]

Þá hafði Stiglitz rétt fyrir sér, þegar hann ráðlagði Svíum, að halda krónunni - eftir inngöngu í Evrópusambandið.

Kv.

[Vilhjálmur Árnason, 30.4.2010 kl. 13:42]

Sælir félagar...vonandi sleppa einhverjar þjóðir undan evrunni. Best væri að styðja þau lönd sem þurfa að gengisfella til þess að ganga út úr samstarfinu.

Evran gæti gengið í þrennu lagi. Piggsevra- westevra og eastevra.

[Jón Frímann (IP-tala skráð) 1.5.2010 kl. 16:42]

Greindarvísitalan hjá þér er fallin í ruslflokk fyrir löngu síðan. Enda kemuru með samhengislaust rugl hérna á bloggið, sem lítur vel út á yfirborðinu er óttalegt kukl þegar nánar er skoðað. Enda tekur ekki nokkur maður sem þekkir málin mark á þér, og því sem þú ert að segja hérna.

Hinsvegar baðar þú þig í frægðarljósi Davíðs Morgunblaðsins á forsíðu mbl.is, síðan sé ég að þú ert ennfremur vinsæll meðal jesúísta og fasista hérna á Íslandi.