Fjármagnsflóttinn frá Evrópu eykst

Vegna pólitísks óstöðugleika hafa auðlegðarsjóðir margra fullvalda ríkja pakkað peningum sínum saman og yfirgefið Evrópu. Fjárfestingum þeirra í Evrópu er sjálfhætt vegna þeirrar stöðu sem Evrópusambandið hefur komið álfunni í

Hrunið er næstum algert því aðeins 17 milljarðar af 70 milljarða dala fjárfestinum sjóðanna standa eftir. Fjárfestarnir hafa aðallega flúið með fé sitt til Bandaríkjanna. Þessu greinir Financial Times frá í dag

Íslenskum lífeyrissjóðum verður varla stætt með neinar fjárfestingar á vegum íslenskra sjóðsfélaga á meginlandi Evrópu næstu árin, þ.e. á meðan meginland Evrópu kemur sér upp nýrri heimsstyrjöld til að rústa sér í. Sviðin jörð og viðstöðulaus Rubicon-hlaup eru orðin helsta starfsheitið fyrir allt sem viðkemur Evrópusambandinu og mölbrotnum löndum þess

NATO getur ekki virkað og þrifist á sviðinni jörð einni saman. Og framhaldið fyrir Evrópu verður því ákaflega langdregin kvöl. Þar sem NATO getur ekki virkað undir upplausn Evrópusambandsins, þar mun heldur ekkert annað geta virkað

Það er því líklega aðeins tímaspursmál hvenær íslenskum lífeyrissjóðum verður með lögum bannað að fjárfesta í Evrópu, því afar skrítnir hlutir eru að gerast á hinum gamla Berlín-Parísaröxli imperíal heimsveldisdraumanna á meginlandi Evrópu

Fyrri færsla

Kína ræður ekki við Norður-Kóreu

Kína ræður ekki við Norður-Kóreu

Það sem allir hefðu átt að vita, er nú að opinberast fyrir mörgum. Sannað er nú að Kína hefur lítil sem engin áhrif í heimshluta sínum. Það ræður ekki við Norður-Kóreu á neinn hátt. Það sem Kína er búið að segja heiminum og sérstaklega Bandaríkjunum áratugum saman, um áhrif þess í Norður-Kóreu, er ekki orðanna virði. Kína er áhrifalaust ríki

Kína er því aðeins með stöðu smáríkis þegar til kastanna kemur. Það hefur notað orðagjálfur og falskar yfirlýsingar til að koma sér í mjúkinn hjá eina stórveldi heimsins, Bandaríkjunum. Það er of veikburða til að hafa þau áhrif á nágranna sína sem það hefur svo lengi sagst hafa og notað sem vogarstangarafl gagnvart Bandaríkjunum

Ofan í þetta koma síðan skrautskrifaðar hagtölur ríkisstjórnar Kommúnistaflokksins, eins og að sjálfsögðu var sama sagan í Sovétríkjunum þar til þau hrundu. Halda verður blekkingarvef kommúnistaflokksins áfram hangandi klístruðum við spegla- og reyksali flokksins, hvað sem það kostar

Kína er svo fátækt land þegar útlendar deildir Bandaríska hagkerfisins við sjávarsíðuna eru dregnar frá, að heilabúgarður DDRÚV á jörð í Afríku hefði frekar átt að standa þar í 45 gráðu halla úti í hrísgrjónabala, blaðrandi um ástandið, eins og þeir gerðu í Líberíu í stað þess að tala við þau stjórnvöld í landinu sem ábyrg eru fyrir ástandinu. Þar ætti DDRÚV að koma fólki sínu fyrir til að spyrja um það sem þeim kemur ekkert við, eða, af hverju eru þjóðartekjur á mann þarna í bölunum í Kína aðeins tveir dalir á dag, sem er það sama og er í Líberíu. Þetta bvaðr og bla bla blaður um hin vondu okkur, er löngu hætt að virka, nema þá ef væri á batikbomsu kerlingastóð Vesturlanda, með deyjandi afkvæmi sín úr mislingum í poka á bakinu, skyldi þeim yfir höfuð hafa auðnast að koma einu slíku -en því sem næst vangefnu- afkvæmi í veröldina fyrir fimmtugt með aðstoð hins opinbera opinbera

Kína er staðnað og fallandi ríki. Fall þess mun að sjálfsögðu skapa öldur og usla í veraldarhafinu, er það sekkur sem sovéskur steinn. Japan er þar af leiðandi rísandi ríki í þessum heimshluta, enda ekki með þúsund milljón fátæklinga og kommúnistaflokk hagandi sem risavaxna legsteina um háls sér

Kína, Japan og öll Kórea voru á sama hrísgrjóna-stiginu fyrir 150 árum síðan. Kína og Norður-Kórea fóru fjöldamorðaleið sovésku miðstjórnarinnar í Kreml og eru því stálfátæk ríki, en Japan og Suður-Kórea fóru leið Vesturlanda til velmegunar

Kínverski flotinn er slappari en Japanski flotinn og kínverski flugherinn er slappari en Japanski flugherinn. Kína hefur hér með sjálft sannað að landið er áhrifalaust og til einskis nýtt til lausnar á vandamálunum er liggja sem rjúkandi ruslahrúgur á landamærum þess

Landgönguskipið USS America hefur nú verið gangsett og sent til aðgerða í Kyrrahafinu. Meðfylgjandi USS San Diego sjóflutningaskip bandaríska flotans hefur einnig verið gangsett til aðgerða á sömu slóðum. Þessi tvö bera fjögur þúsund landgönguliða og græjur. Tvö til þrjú flugmóðurskip bandaríska flotans eru á sveimi í heimshlutanum og strategískar sprengjuflugsveitir Bandaríkjanna á Guam-eyju eru í viðbragðsstöðu og á stanslausum æfingum með bandamönnum nálægt Kóreuskaga

Japan sættir sig minna og minna við ógnina frá Norður-Kóreu með hverjum deginum sem líður. Suður-Kórea er skiljanlega hrædd og veit ekki í hvorn fótinn hún á að stíga. Bandaríkin snúa nú við síðustu steinunum í leit að friðsamlegri lausn á vandamáli sem ekki verður leyst nema með vopnavaldi. Það vita allir, en kjósa samt ekki að trúa

Þegar lætin byrja mun Kína kenna Bandaríkjunum um að hafa eyðilagt upplognar samningaviðræður Peking við Norður-Kóreu og auðvitað ekkert gera. Kína bíður síðan átekta eftir því að Bandaríkin, Japan og Suður-Kórea leysi vandamálin á dyraþrepum þess án þess sjálft að þurfa að lyfta litla fingri til lausnar

Kína og Rússland halda áfram að selja Norður-Kóreu olíu til að hella á eldinn. Rússlandi sárvantar peninga því olíuverð er svo lágt og fimm milljón tonna korn-uppskerubrestur þar í landi komst í fréttir í gær. Enginn veit hvað gerist næst, annað en það sem verður að gera. Og það munu Bandaríkin sjá um að gera. Að því loknu munu Bandaríkin gera viðeigandi ráðstafanir varðandi kínverska blekkingamúrinn

Sem sagt: Kína er sökkvandi en Japan er rísandi. Þetta mun valda usla. Tyrkland er rísandi en Þýskaland er sökkvandi. Rússland er einnig sökkvandi en Pólland og Rúmenía eru hins vegar rísandi. ESB er búið að vera og Ítalía er búin að vera. Síðast þegar svona öldustaða kom upp í heiminum, var árið 1930. Við erum stödd þar núna. Þau lönd sem eru sökkvandi munu ekki hverfa þegjandi inn í nóttina. Lætin verða mikil er búa þarf til pláss fyrir þau ríki sem eru rísandi í veraldarhafinu

Ný kerfislæg heimsstyrjöld er því aftur að hreiðra um sig í veraldarhafinu og það er ekkert hægt að gera við því. Ekkert annað en að verja sig. Tíminn er kominn á ný, því sagan er aftur mætt til leiks. Fríinu frá henni er lokið

Fyrri færsla

Sovésk leikskólabörn í Reykjavík með milljónir á mánuði

Sovésk leikskólabörn í Reykjavík með milljónir á mánuði

Ekki vantar að ausið er miklu fé í ábyrgðarlausa borgarstjórn Reykjavíkur, sem sæmt hefði sér vel við stjórn verstu sovétríkja. Þarna taka vinstri-pólitísk leikskólabörn í ofstopafullum sandkassaleik sér milljónir greiddar hvern mánuð úr vösum borgaranna, án þess að hafa minnstu hugmynd um hvað að þeim lýtur af ábyrgð og skyldum. Óreiða og gerræðislegt stjórnarfar ríkir í rekstri höfuðborgar Íslands. Og svæsinn hugmyndafræðilegur ofstopi er orðinn helsta kennimerkið fyrir rekstur hennar

Þessir Samfylkingaflokkar verstu pólitísku gangster-eininga sem sést hafa um aldir, virðast svo gerilsneyddir ábyrgðartilfinningu að ekkert nema feitt og flott vinstra líf á kostnað borgaranna frá blautu barnsbeini getur útskýrt þessa ábyrgðarlausu hegðun og ofstopa. Ef þetta er afrakstur velferðarríkis, þá er því sjálfhætt

Launin sem sturtað er ofan í þá eru greinilega spillandi há. Það hlýtur að vera lágmarkskrafa að þeir sem ábyrgir eru í málum Reykjavíkurborgar, séu látnir greiða laun sín til baka fyrir að hafa ekki stjórn á þeim málum sem þeim er trúað fyrir. Og sá sem ábyrgur er fyrir Reykjavík er borgarstjóri hennar. Það fær hann laun sín fyrir. Annars er hann úti að aka og á ekki laun skilið. Afsögn hans hlýtur að vera næsta mál á dagskrá

Þessa pólitískt subbulegu óstjórn höfuðborgar Íslands þarf helst að draga fyrir dómstóla. Hún virðist orðin svo siðferðislega spillt að ekkert minna en stór reikningur og eignamissir dugar

Það eina sem mér dettur í hug varðandi pólitískar gangster einingar Reykjavíkurborgar, er níðandi Jóhönnustjórn Samfylkingar og Vinstri grænna

Merkilegt er hversu illa innréttaður vinstri vængur stjórnmálanna virðist almennt vera orðinn. Bæði fyrirbærin eru farin að minna á umboðslausan rekstur og pólitískan súrrealisma Evrópusambandsins. Taka þyrfti höfuðborgarréttindin af Reykjavík

Og ekki hrópa ég húrra fyrir hægri mönnum í borgarstjórn. Þeir virðast of margir orðnir samdauna í sandkassanum, sbr. geggjunaráform um vitsmuna- og  fjármálalegan stórbruna í samgöngumálum inn í svarta framtíðina, verði geggjun þessa fólks látin ráða för. Flest þetta fólk í bæjarstjórn virðist hafa misst vitið

Utanríkisráðuneyti Ísraels sendi frá sér fréttatilkynningu í gær um skaðræðisstörf George Soros. Hana má lesa hér. Eins og kunnugt er nær ofstopafullt hatur borgarstjórnarmeirihluta Reykjavíkur langt út fyrir landsteinana. Í ráðstjórnarhúsinu við Tjörnina orna vinstrimenn sér við hatur á kostnað borganna, sem þeir fyrirlíta

Fyrri færsla

Falskrar fréttir ESB um fríverslun

Falskrar fréttir ESB um fríverslun

Í aðdraganda G-20 fundarins sem haldinn var í skrílshrjáðri Hamborg, án landamæra gegn skríl, kom Evrópusambandið af stað herferð falskra frétta um falskan "fríverslunarsamning" á milli sambandsins og Japan. Tímasetning þessara fölsku frétta frá ESB var stillt á að reyna að hafa áhrif á viðræður um frjálsa ófrjálsa verslun á G-20 fundinum í Hamborg

Fyrst þarf að huga að því að engin frjáls verslun er til í heiminum. Ef verslun á milli landa á að fara fram þá þarf að vernda hana með viðsöðulausu hervaldi. Það geta ekki allir gert

Og enginn myndi kaupa neitt frá Kína ef ríkið niðurgreiddi ekki flest sem þar er framleitt af Kínverjum sjálfum. Restin er framleidd af erlendum fyrirtækjum við sjávarsíðuna í erlendum deildum kínverska hagkerfisins. Þeim var veitt frelsi til að nota niðurgreidda kínverska þræla

Og engin viðskipti við Þýskaland myndu fara fram ef gengi gjaldmiðils þess væri ekki falsað með því að kveikja í öðrum hagkerfum þeirrar myntar sem Þýskaland notar. Þetta eru öll frjálsu viðskiptin. Gengi Þýskalands er falsað og þess vegna er landið með stærsta viðskiptahagnað nokkurs lands í veröldinni. Sá hagnaður er að brjóta ESB-lönd í spað. Current account staðan í Þýskalandi er að sprengja allt upp í loft í nafni "frjálsrar verslunar" sem er hvorki frjáls né til

Falsfrétt ESB um "fríverslunar" samning við Japan er enginn samningur og engin frétt vegna þess að engin ríki í ESB hafa samþykkt hann og mörg þeirra munu alls ekki samþykkja hann, vegna þess að andstaðan við þessa svo kölluðu fríverslunar-samninga er að verða svo mikil og útbreidd vegna þeirrar eyðileggingar sem þeir hafa valdið í einmitt þessum ríkjum - eins og sást þegar fagna átti 6 ára samningaferli ESB við Kanada

Og engar horfur eru á að fjárfestingahluti svona samnings við Japan myndi verða samþykktur. Eins og Wolfgang Munchau ritar um þessa fölsku frétt ESB af þessu ekki-máli, þá var það markmið ESB að búa til veruleika sem er ekki til. Það er of margt ekki til í ESB, en sem sagt er að sé þar til:

1. Evran hefur ekki bætt neitt í Evrópu, hún hefur hins vegar eyðilagt flest

2. ESB skaffaði löndum þess ekki velmegun, eins og það lofaði. Það kom í veg fyrir að hún gæti orðið til

3. ESB varðveitti ekki neinn frið. Það bjó hins vegar til ófrið og eyðilagði frið. Aldrei hafa Evrópulönd hatað hvert annað eins mikið frá lokum Síðari heimstyrjaldar

4. ESB hefur eyðilagt friðinn sem Bandaríkin komu á í álfunnu og varðveittu fram til einmitt stofnunar ESB. Sú staðreynd mun tala sínu óhagganlega fasta máli í framtíðinni

5. ESB er fölsk frétt um falska hluti

ESB getur ekki tekið þátt í veröldinni vegna þess að til að geta tekið þátt í henni þarf fullveldi og sjálfstæði. Aðeins sterk ríki með sitt eigið hús í góðu lagi geta tekið þátt í veröldinni. ESB er hins vegar að leysast upp. Og nýkjörinn nýr Renzi í Frakklandi mun þar engu breyta um, hvorki innan þess lands né utan

Því fyrr sem heilabú manna hætta að páfagaukast með falska hugtakið "frjáls viðskipti", því betri og friðsælli verður veröldin

Fyrri færsla

ESB-einangrað Pólland heimsótt

ESB-einangrað Pólland heimsótt

Mynd AP: Undir pólska Hamrinum. Andrzej Duda forseti Póllands og Donald J. Trump í Varsjá 6. júlí 2017

Donald J. Trump heimsótti Pólland fimmtudaginn 6. júlí 2017. Þar ávarpaði hann pólsku þjóðina sem fyrir stuttu síðan í sovéskt hönnuðu alræðisríki safnaðist saman í milljón manna messu sem einróma hrópaði: "við viljum Guð". Rétt vestan megin við, voru vinstrimennin sem misst höfðu af Stalín þá þegar byrjaðir að hrópa "við hötum Guð og heimtum Stalín"

Pólverjar kusu, er þeir loksins fengu að kjósa, ríkisstjórn sem fellur Evrópusambandselítum ekki í geð. Sambandið þolir helst ekki að reglur lýðræðis séu virtar því það er að byggja upp ný sovétríki. Evrópusambandið ofsækir því Pólland af því að það með lýðræðislega kjörinni ríkisstjórn er að vinna að málum pólsku þjóðarinnar, sem er sterk, en ekki fársjúk. Ef fólk ætlar að vera þjóð þá verður það að viðhafa passlega þjóðarstefnu/þjóðernisstefnu og ekki vera undirlægju-hrætt við það

Þjóð án þjóðernisstefnu er ekki til og getur ekki verið til. Hún er annað hvort við það að gufa upp, eða þegar gufuð upp, eða þegar að að velli lögð. Þjóðarstefna þjóðríkisins úr Gamla testamentinu er lífsnauðsynleg og hún er besta manngæskuberandi stofnun mannkynssögunnar. Og hana er hvergi annarsstaðar að finna en í hinum Heilögu ritningum Vesturlanda. Hvergi annarsstaðar

Tæplega sextíu prósent Pólverja segjast frekar vilja segja sig úr Evrópusambandinu en að gangast undir íslömsk upplausnarplön Brusselveldisins. Þessi könnun var nýlega gerð af IBRiS. Og ekki nóg með það, þá segja þeir sem þekkja innsog sögunnar í Póllandi hve best, að Brusselveldið sé bara enn eitt nýja veldið í anda bolsévismans, sem hanna ætlar nýja tegund "samfélags" í stað þjóðfélags. Pólverjar segjast ekki ætla ekki að taka þátt í sjálfmorði Evrópusambandsríkja

Þessi tvö félagsform geta ekki þrifist samhliða. Ekki frekar en kommúnismi og þjóðríkið. Ég er því sjálfur í íslenska þjóðfélaginu, en ekki í "einhverju samfélagi". Samfélög geta ekki gefið út vegabréf né haldið lýðræðislegar kosningar og þau hafa ekkert heimilisfag, bera enga ábyrgð og níðast á þjóðfélaginu. Þau geta ekki átt fulltrúa og þau geta ekki varist, því að "sam-félag" er ekki þjóð með sameiginleg örlög. Þau standa því fyrir ekkert. Ekkert sameiginlegt er þar að verja. Samfélög eru ekki til nema sem þar af leitt samstarf fullvalda og sjálfstæðra þjóða, enda stendur það skýrt í fyrstu málsgrein stofnsáttmála sameinuðu ÞJÓÐANNA. Þær þjóðir sameinast um að eiga þar ákveðinn vettvang, en sem samt er að gufa upp, því vettvangurinn sá hefur gleymt tilgangi sínum. Þannig fer um allt sem er "sam". Það verður saminu að bráð

Hefur þessi visnun og ófrjósemi hins alþjóðlega visna vinstris þegar náð fótefstu í Reykjavíkurborg. Frjósemi íslenskra kvenna fer brátt að heyra sögunni til og volæðið hefur hafið innreið sína í ostaklukkuspil Reykjavíkurborgar. Fnykurinn þaðan fer vaxandi og hávaðinn í vinstra alræðistómi hennar er eftir því

Það er líklega engin tilviljun að Donald J. Trump var komið fyrir í sæti undir málverkinu af Sobieski þriðja, sem sturtaði síðasta heimsveldi íslams burt af meginlandi Evrópu. Eftir þessu var tekið þegar Trump hitti Duda forseta Póllands í fyrradag. Honum var vísað til sætis undir Hamrinum. Sobieski er oft nefndur íslam-hamarinn frá Póllandi. Og eins og Winston var, þá er Trump illa liðinn af óteljandi leiðum og veikburða sálum Vesturlanda, sem henda fullveldi þjóðríkjanna fyrir krókódílana, í þeirri von að þeir sjálfir verði étnir síðast. Winston var afar illa liðinn maður af mjög mörgum og til dæmis talinn skelfilegur maður í Danmörku, áður en hún var hertekin af þeim sem síðast reyndu að hamra Evrópu saman með ofbeldi og ofstæki, í stað menningarlegs og lagalegs ofbeldis og ofstækis, eins og fram fer í ESB í dag

Þýskaland með ESB-klíkuna í rassvasanum ofsækir þjóðríkið Pólland af því að Þýskaland verður að ráða yfir hinum svo kallaða innra-markaði til að geta flutt út helming landsframleiðslunnar, sem er út í hött þegar um fjórða stærsta en samtímis veikasta hagkerfi veraldar er að ræða. Þýskaland níðst þannig á öðrum þjóðum með "beggar-thy-neighbour" stefnunni. Það hefur svo fáa neytendur og kaupendur að neinu sjálft. Það er því orðið veikasti og þar með hættulegasti hlekkurinn á meginlandi Evrópu. Þýskaland verður líka að ráða peningastefnunni á þessum svo kallaða innri-markaði (í reynd fangabúðir) og það verður einnig að ráða því hvernig gjaldmiðill hans er verðlagður með tilliti til útflutnings út fyrir fangabúðirnar. Og það verður einnig að ráða verðbólgustiginu, þannig að það sé Þýskalandi ávallt í hag og verðleggi útflutning því sjálfu í hag en öðrum í óhag, til þess að þessir aðrir séu áfram laskaðir og veikir og geti ekki keppt við Þýskaland á eðlilegum forsendum, nema nurli og níðst á öðrum stefnunni

Þýskaland verður einnig að ráða því hvort að viðskipti verði látin hafa forgang fram yfir lýðræði og frelsi manna í Evrópu. Þýskaland heimtar því stjórna veikingu NATO til þess að varnabandalagið eyðileggi ekki komandi viðskipti Þýskalands við Rússland. Ekkert má standa í vegi fyrir því að Þýskaland geti flutt út helming landsframleiðslunnar núna og í framtíðinni. Það heimtar því að NATO sé fyrst og fremst pólitískur kjaftaklúbbur en ekki hernaðarbandalag, því þannig bandalög ógna viðskiptum Þýskalands, sem er að deyja sínum gelda öldrunardauða

Þýskaland er því í NATO á allt öðrum forsendum en flest önnur ríki. Það krefst þess að NATO sé haldið veiku svo það ógni ekki framtíðarmarkaði Þýskalands í Rússlandi eftir að gaddavírinn umhverfis fangabúðir hins innri markaðar fellur. Og þegar lönd ESB fá þá fullveldi sitt á ný með því að sambandið lognast útaf sem sjálfdautt og misheppnað geopólitískt trix hinna fyrrverandi Þýskalands og Frakklands. En þessi tvö ríki eru og verða áfram aðeins fyrrverandi veldi. Ekkert make-up getur meikað yfir þá staðreynd, sama hversu þykkt því er smurt á sviðin andlit þeirra

Video: Bandarísku og pólsku forsetahjónin takast í hendur

Pólland hefur hellt grús í úrverk Þýskalands, sem er með ESB í rassvasanum. Pólland skalt því ofsótt frá Brussel fyrir að vilja áfram vera fullvalda ríki með sín dýrmætu landamæri sem nágrannar þess viðstöðulaust og öldum saman hafa reynt að þurrka út. Það var aldrei meiningin með Evrópusambandinu að lönd þess gætu haft sjálfsákvörðunarrétt. Þau áttu að sýna undirgefni, kyngja kúgun og hlýða og vera til fyrir sviðnu löndin tvö

Bandaríkin hafa lítilla sem engra sameiginlegra hagsmuna að gæta með Þýskalandi lengur, því Þýskaland, eins og áður, er frekar gagnslaust ríkislíki og óútreiknanlegt. Þýskaland er ekki mikilvægt land fyrir neinn í Evrópu nema fyrir Þýskaland sjálft. Landið er einungis efnahagsleg hugmynd prinsins Bismarcks að þjóð. Og þannig hugmynd um þjóð getur aldrei gengið upp. Evrópusambandið byrjaði því að liðast í sundur við fyrstu ágjöf því Þýskaland er veikasti hlekkur þess. Það mun aldrei þola sjálfsákvörðunarrétt þjóða né þjóðfrelsi þeirra. Þess vegna er Þýskaland að deyja. Það er nú þegar því sem næst lifandi dautt. En útför þess mun hins vegar ekki fara fram í kyrrþey. Hafa ber það í huga, þegar hugað er að "framtíðinni" á meginlandi Evrópu. Jarðarfararstemmingin þar verður engin smásmíði

Þess vegna fór Trump til Póllands. Við engan er að tala í Þýskalandi. Þar er ekkert og verður aldrei neitt. Hið nýja en gamla Intermarium Pilsudski er hins vegar orðið að staðreynd í smíðum. Hún er í smíðum og þar mun allt það mikilvæga í Evrópu fram fara á komandi mörgum tugum ára. Verið er að reka Intermarium fleyginn á sinn stað. Ungverjaland hefur ákveðið að taka þátt í heræfingum með Rúmeníu sem tekur þátt í heræfingum með Póllandi. Svo munu Eystrasaltsríkin stíga um borð ásamt Búlgaríu. Þá eru þetta sem sagt ríkin Pólland, sem er ekki platríki, Rúmenía og Ungverjaland - og svo Bandaríki Norður Ameríku, sem orðið hafa það sem þau eru með því að vera aldrei sammála um neitt. Þau eru nefnilega ekki samsæri því stjórnarskrá þeirra sá fyrir því að bandaríska þjóðin mætti, ætti og skyldi samkvæmt mannlegu eðli, aldrei vera sammála um neitt. Þess vegna er Donald J. Trump forseti Bandaríkjanna í dag, en ekki sam-særi einhvers sam-félags

Video: Ræða Donalds J. Trump í Póllandi í heild

Fyrri færsla

"Í Bandaríkjunum tilbiðjum við ekki ríkisstjórnir, við tilbiðjum Guð"

"Í Bandaríkjunum tilbiðjum við ekki ríkisstjórnir, við tilbiðjum Guð"

Þetta sagði Donald J. Trump þann 1. júlí 2017 e.Kr

Og ekki nóg með það, Donald J. Trump neitar því að hið opinbera torg sem búið er að tæta og rífa allt okkar trúarlega burtu frá, og sem þannig er orðið nakið, sé fyllt upp með nýjum vantrúarguði "góða fólksins" sem aðeins getur endað í Stalínistískum tryllingi. Vantrúin er að verða ný ríkistrú eins og var í Sovétríkjunum. Út í hafsauga skal þessi sovétismi, svo hann leggi ekki þjóðfélagið í rúst eins og gerðist í þeim guðlasu ríkum. Þetta segir Donald J. Trump beint sem óbeint. Hann einn þorir og gerir. Hann kom sá og sigaði

Hinir komu líka, en sáu ekkert og töpuðu. Og þeirra vegna eru meðaltekjurnar í úthverfum embættismanna Washingtonborgar orðnar hærri en meðallaun eru í Kísildalnum. Þetta er einsdæmi í sögu Bandaríkjanna

Á Íslandi ganga menn viðstöðulausan berserksgang í trú sinni á ríkisvaldið og hið nakta opinbera torg þess. Og þeir fá ofurlaun fyrir að hrifsa til þess afraksturinn af erfiði annarra. Þetta er skömm. Mikil skömm og þjóðarplága. Og borga svo ekkert til NATO nema smápeninga. Nenna ekki að verja landið okkar og afneita því að við sjálf ættum sem algert lágmark að geta löggað okkar eigið loftrými með okkar eigin vélum, mönnum og peningum, en sem hverfa bara ofan í ginið á hinu nakta opinbera torgi Sta-lín-ismans. Þetta þarf að stöðva

Í dag er þjóðhátíðardagur Bandaríkjamanna. Og einmitt á þeim degi skaut Norður-Kóreuafkvæmi Stalíns upp eldflaug sem þau pervertu afkvæmi segja að nái á milli heimsálfa

Til hamingju með 4. júlí sjálfstæðisdaginn Bandaríkjamenn, í landi hinna frjálsu

Washington 1. desember 1862
Abraham Lincoln um Bandaríki Norður-Ameríku
“the last best hope of earth”

og það er mikið rétt

Fyrri færsla

Sjálfstæði Skotlands er of hættulegt

Sjálfstæði Skotlands er of hættulegt

USS Gerald R. Ford var afhent bandaríska flotanum til fullnustu um daginn. Dýrasta og öflugasta skip sem flotinn hefur nokkru sinni tekið á móti. Bandaríkin ráða heimshöfunum. Landleiðin verður því farin

****

Það er aðeins ein afgerandi ástæða fyrir því að Skotland er ekki sjálfstætt ríki. Hún er sú að Skotland er afturendinn á Bretlandi. Og verði hann sjálfstætt ríki þá er vel hugsanlega hægt að hertaka hann og ráðast þannig inn í Bretland bakdyramegin frá. Þetta er ástæðan fyrir því að Skotland er ekki sjálfsætt ríki

Fullveldi og sjálfstæði Bretlands er of mikilvægt til að hægt sé að opna afturenda fastalands þess með því að taka þá áhættu að Skotum sé látin eftir bakdyravarsla Bretlands. Þeir myndu sofna á verðinum og gera "samninga" sem eru slæmir samningar fyrir Bretland. Og þannig er nú það. Og þannig hefur þetta alltaf verið. Ómeðvituð stefna sem og einnig meðvituð, á vissum köflum sögunnar

Og þannig eru framdyramálin einnig fyrir Rússland, þegar að Úkraínu kemur. Þetta er náttúrlega of einfalt til að flestir komi auga á þetta. Hársbreidd munaði því að Winston tæki Írland yfir sem mögulegan þýskan öskubakka í Síðari heimsstyrjöldinni. Litlu munaði, eða aðeins hundrað kílómetra Írlandshafinu

Kanada fær hins vegar að vera sjálfstætt ríki af því að afturendinn á því er lokaður. Annars væri það hluti af Bandaríkjunum. Og Quebec í Kanada fær leyfi til að vera á frönsku af því að Kanada er útjaðar Bandaríkjanna. Ef Kanada stæði eitt, þá væri Quebec á ensku

Davos-maðurinn er enginn töframaður eins og veröldin hélt um skeið, þegar hann bjó sig til. Engin öld mun líða án kerfislegrar stórstyrjaldar sem viss lönd og heimssvæði hafa bara ekki efni á að tapa. Það er jafn öruggt og næsta sólarupprás

Þau stríð sem háð hafa verið síðan síðast, voru ekki kerfislega mikilvæg stríð, því heimurinn fórst ekki við það að þeim var tapað. Bandaríkin urðu ekki minni á því að tapa þeim sumum, því þau voru bara staðbundin spilli-stríð og ekki háð til sigurs

Himininn þykknar upp á ný. Og Davos-maðurinn er burtfokið línurit. Allur landmassi Austurhvels jarðar, EvrAsía, er á leið í klessu á ný

Bandaríki Norður-Ameríku eru eina ríkið á plánetunni sem þrótt hefur til að heyja til dæmis þrotlausa stórstyrjöld í samfellt 50 ár og sigra hana. Sagan okkar er full af jafnvel enn langdregnari styrjöldum

Hinn "góði maður" Aristóteles krefst þess að hinn "góði borgari" sama spekings sé viljugur stríðsmaður. Annars er hann vondur maður. Þetta þurfa akademískt heilabilaðir siðferðispostular vorra daga að vita

Fyrri færsla

Umhverfisstofnun og grunnskólinn

Umhverfisstofnun og grunnskólinn

Ótímabær hefur framleiðslu á grafarbökkum

Hér á landi eru skólar sem kalla sig grunnskóla. Ég skil reyndar ekki af hverju þeir heita grunnskólar. Hvaða grunn skyldu þeir kenna sig við. Kannski grunninn að þeim byggingum sem hýsa þá? Eða eru þeir kannski bara grunnur þannig grunnur. Nei það getur varla verið því þá myndu þeir heita grunniskólinn.

Ég spyr því ætla mætti að þessir skólar hefðu á höndum eitthvað grunnhlutverk, eða jafnvel grundvallarhlutverk

Þegar ég var barn þá gekk ég hins vegar í skóla sem passaði mér. Ég gekk í barnaskóla, en ekki grunnaskóla

Í barnaskólanum var mér á frekar stuttum tíma kennt að lesa íslensku. Þegar ég hafði lært það þá gat ég lesið íslensku. Það gat ég nefnilega ekki þegar ég fæddist, því fóstrið ég vissi ekki í hvaða tungumál ég myndi fæðast í. Öll börnin höfðu augu svo þau voru notuð við lestrarkennsluna

Svo var mér kennt að skrifa íslensku. Það tók ekki langan tíma því barnaskólinn var fyrir börn. Við skrifuðum stíla. Einbeitingin var mikil því það ríkti friður í kennslustundum, annað var auðvitað ekki liðið. Við þurftum nefnilega að einbeita okkur

Svo lærði ég að reikna. Það var ekki erfitt í byrjun því einn plús einn eru tveir. Þegar við kunnum það þá var byrjað að deila og margföldunartöflur lærðum við utanað, því þær kenndu okkur talnamunstrið, restin kom svo af sjálfu sér. Svona gekk þetta

Hið bóklega skólahald var 3-4 kennslustundir á dag. Við fengum líka lýsi og háfjallasól

Þegar þetta var komið á sinn stað, þá var byrjað að kenna okkur annað. Til dæmis Íslandssögu, ljóð, Biblíusögur og söng. Öll börn í barnaskólanum höfðu ókeypis raddbönd svo þau voru notuð við sönginn. Svo var einn tími á viku notaður í krass sem stundum endaði jafnvel með teikningum

Þetta var sem sagt barnaskólinn

En hvað skyldi fara fram í grunnskólum landsins. Skyldi til dæmis Umhverfisstofnun hafa gengið í grunnskóla. Ekki trúi ég því að hún hafi gengið í barnaskóla, því þar lærðum við að lesa, skrifa og reikna. Hún hlýtur að hafa gengið í grunnaskólann. Það hlýtur að vera

Ótímabær dauði Umhverfisstofnunar sorglegur er

Fyrri færsla

Ný bylgja farms mannsmyglara að skella á Ítalíu

80 ótímabær dauðsföll vegna svifryks

Ný bylgja farms mannsmyglara að skella á Ítalíu

Ný holskefla "flóttamanna" er nú að skella á suðurstöndum hins fársjúka Evrópusambands. Á Ítalíu hafa 22 skip með tólf þúsund manns lent á síðustu tveim sólarhringum. Þetta eru skipsfarmar fólks mannsmyglara sem græða á tá og fingri á fullveldislömuninni sem Evrópusambandið hefur valdið ríkjum þess

Frá áramótum hafa mannsmyglarar hent 76 þúsund manns í hausinn á ítölskum skattgreiðendum, fyrir risavaxnar summur illa fenginna peninga. Þeim fjármunum sem frá mannsmyglinu kemur er síðan veitt til framköllunar á enn frekari straumi nýrra viðskiptavina. Talið er að Ítalía sé fæðingarland Mafíunnar. En enn hefur þó ekki tekist að koma lögum yfir þann félagsskap innan landamæra landsins, og sem galopin eru út til annarra ESB og EES ríkja Evrópu. Talið er að Mafían hafi þénað mest allra á ESB-aðild Ítalíu og upptöku evru

Ítölsk stjórnvöld hafa nú fengið nóg og hóta að loka öllum höfnum landsins nema að Evrópusambandið kaupi þennan smyglvarning glæpagengja af herðum Ítalskra skattgreiðenda. En bök þeirra eru nú þegar mölbrotin vegna evruupptöku landsins, sem fært hefur fjármálakerfi Ítalíu að heljarbrún

Ítölsk stjórnvöld heimta því að mannsmyglinu verði dreift áfram sem jöfnu teppasprengjuregni yfir öll 27 lönd sambandsins. Að sögn þeirra sem til þekkja eiga sér nú hástemmd pólitísk orðaskipti stað á milli Rómar og Brussel

Í Þýskalandi er Angela Merkel aftur að sækjast eftir endurkjöri sem kanslari landsins. En sumir þýskir stjórnmálamenn hafa sagt að Merkel muni, öryggis síns vegna, þurfa að flýja til Suður-Ameríku þegar hún fer frá völdum, vegna þess hvernig hún tók á síðasta teppasprengjuregni mannsmyglara yfir Þýskaland og Evrópu. Hvernig skyldi hún taka á þessu málin núna, þegar þýskir kjósendur eru minntir svona á síðast. Fimm ára barni hefði tekist betur en Angelu Merkel í glímu við vandamál sem taka þarf á og leysa

Sænska Säpo-öryggislögreglan segir nú að það regn hafi skolað jafnvel tíu þúsund stórhættulegum ofbeldisleitandi öfgaíslamsmönnum inn í Svíþjóð. Árið 2010 mat Säpo að um 200 slíka einstaklinga væri að ræða innan landamæra sænska ríkisins. Hafa ber í huga að þetta er stærri tala en allur sá fjöldi hermanna NATO sem á vakt er vegna Rússlands í Austur-Evrópu. Þessi smyglaði mannafli gæti hæglega tekið hluta af sænska ríkinu á sitt vald og hafist handa við aftökur á sænskum ríkisborgurum, komist hann yfir nægilegar vopnabirgðir

Þeim svæðum í landinu sem ekki teljast lengur hæf til að lúta valdi ríkisstjórnarinnar í Stokkhólmi, hefur fjölgað um átta svæði upp í 61 landsvæði. Sænska lögreglan segir að svæðin séu ekki lengur hæf til þátttöku í sænska ríkinu né réttarfari þess og biður um hjálp. Lögreglan segist varla geta sinnt lögboðnu löggæsluhlutverki sínu á þessum svæðum

Það styttist sennilega óðum í herstjórn á þessum svæðum. Að Svíar þurfi að beita hernum í sínu eigin landi. Hluti af Svíþjóð er að breytast í útlönd, þ.e. í hluta af Mið-Austurlöndum

Hafa þessi ummæli Säpo nú haft þau áhrif í Danmörku að þar krefjast stjórnmálamenn þess að dönsku landamærunum á milli þessara tveggja Norðurlanda verði lokað og að engum sé hleypt þar um, nema undir fullu eftirliti. Hættan sem steðjar að Danmörku kemur ekki lengur aðeins frá suðri, heldur einnig frá norðri

Frönskum hersveitum sem standa í aðgerðum vegna borgarastyrjaldarinnar í Mið-Austurlöndum, hefur verið gert að sjá til þess að komið sé með öllum ráðum í veg fyrir að þeir einstaklingar og ríkisborgarar sem frá Frakklandi hafi snúist til liðs við bardagasveitir Ríkis íslam, geti snúið lifandi heim til Frakklands á ný. Hvar sem til þeirra næst, skal frá þeim gengið að fullu. Ekki verður liðið að þeir snúi lifandi heim til Frakklands á ný, til að vinna þar að frekari manndrápum (WSJ)

Þá mannsmyglara sem standa fyrir þessum straumi verður að handtaka, dæma fyrir mannsmygl og fangelsa. Höggva þarf skip þeirra upp og taka af þeim öll skipstjórnarréttindi, skyldu slík vera til staðar. Vísa þarf þeim úr lögsögunni og banna þeim nokkru sinni að koma inn í hana aftur. Skyldu þeir nást við iðju sína á ný, þarf að herða viðurlögin

En þetta mun auðvitað ekki fara svona vegna þess að æðsti talsmaður utanríkis- og öryggisstefnu Evrópusambandsins er hin ítalska Federica Mogherini, sem ólst upp í ungliðahreyfingu ítalska kommúnistaflokksins. Hún vill að hryðjuverkaskapandi stjórnmál íslamistatrúar verði hluti af tilvistargrundvelli Evrópusambandsins

Hún sagði í sumarræðu sinni árið 2014 að "pólitískt íslam" ætti að vera hluti af tilvistargrundvelli Evrópusambandsins. Þetta er firra því ekkert annað en einmitt pólitísk útgáfa af íslam er til. Federica Mogherini er gott dæmi um veruleikafirrtan umboðslausan embættismann elíta á ofurlaunum Brusselveldisins. Hefur því veldi veruleikafirringar nú tekist að sprengja Evrópu aftur á aðdragandastig Fyrri heimstyrjaldar

Enn og aftur hefur það sýnt sig að Evrópusambandið er fullkomlega ófært um að leysa nein þau vandamál sem steðja að því á ytri landamærum þess. Þetta sást þegar Júgóslavía var að brotna upp. Þetta sést vegna Rússlands og þetta sést hér á Íslandi á þeirri tenginu sem land okkar hefur við tortímingarvél ESB. EES-samningurinn er því að verða sjálfkeyrandi rottueitur fyrir Ísland

Evrópusambandið getur ekki leyst nein vandamál innan landamæra sinna né hvað þá heldur á sjálfum landamærum þess og alls engin vandmál getur það leyst utan þeirra. Sambandið er bara svarthol. Þar sogast bara allt inn og ekkert sleppur lifandi út. ESB er orðið svarthol uppsafnaðra vandamála

Fyrri færsla

Rekur Hitler CNN? - og náttúrubólan að verða búin

Rekur Hitler CNN? - og náttúrubólan að verða búin

Eins og við var að búast er nú komið í ljós að viðskiptalíkan fjölmiðilsins CNN byggir á því að búa til sögusagnir um Donald J. Trump, forseta Bandaríkjanna. Það er frekar ógeðfellt að verða vitni að svona lágkúru eins víðtækasta nets "frétta" í heiminum. Leyndar upptökur sem birtar voru í gær sýna að "Trump-Hitler" er eftir allt saman bara Einka-Pravda CNN sjálfs: horfa (YouTube)

Á Íslandi er staðbundin CNN-útgáfa hins vegar skattafjármagnað fyrirtæki og heitir bara DDRÚV

Það sem gerst hefur á fjölmiðlamarkaði undanfarin fá ár er það að hefðbundnir fjölmiðlar hafa misst sterkustu fótfestu sína vegna svo kallaðra "samfélagsmiðla". En þeir nýju "miðlar" miðla glæpum, auglýsingum, eiturlyfjum, morðum, nauðgunum, barnaníði, þýfi, hryðjuverkum, vændi, skoðunum og skepnuskap á innra-neti glóballar fyrirtækja á borð við Facebook Inc. En það fyrirtæki rekur innra-netverk sem sumir halda að sé eitthvað í ætt við Veraldarvefinn, en er það ekki

Síðan gerist það að upp kemur kreppa í heiminum sem rekja má til pólitískra gróðurhúsaáhrifa hinna svo kölluðu frjálslyndu afla (úniversal imperíalistar) sem ráku hnattvæðingu fyrir sig á kostnað þeirra sem kunna ekki sömu erlendu Alþjóða-Alþjóða Brandarana sem sú elíta segir skoðanabræðrum sínum hinum megin á hnettinum, og sem þær samtengdu elítur hlægja saman að á meðan þeir sem borguðu brúsa þeirra, bera latté hláturskaffið á borð fyrir hana í innflytjenda-sótthreinsuðum hverfum elítanna um alla plánetuna

Hvar sem þetta alþjóðabatterí stígur niður fæti úr flugvélum sínum er þeim sem borguðu brúsann gert skylt að þjónusta þetta lið og veita því ókeypis gistingu, mat og viðurværi. Síðast þegar heimsmyndin var þessu ástandi lík, voru það menn og biskupar hinnar úniversal-kaþólsku stofnunar og kóngafólkið sem höfðu svipaða stöðu í heiminum. Hún gat riðið um allar þekktar álfur og látið þá sem borguðu brúsann halda sér uppi. Gist, étið og drukkið gratís, og látið bera sig hvar sem var og hvert sem var

Hafa biskupar bæði OECD og AGS því getað haldið heilar tvær fjölmennar guðsþjónustur hér á Íslandi í sömu vikunni og prédikað þar alþjóða-alþjóða á einu og sama framandi tungumálinu, mælt skírlífið og úthlutað refsingum. Messum þeirra er nú lokið í þetta skiptið og bænahaldið hefst. Sjálfur held ég mig þó áfram við mína eigin Íslensku Þjóðkirkju og borða mínar bognu kleinur

En svo kom breska iðnbyltingin (vinur litla mannsins) og gerði útaf við þetta viðskiptalíkan yfirstéttarinnar. Í dag hefur alþjóðaelítunni hins vegar tekist að sauma sig á ný í alþjóðavætt fast fæði hjá hinum nýju töpurum veraldar: þeirra sem kunna ekki alþjóðabrandarana á framandi tungum til að deila með hamstrandi heimsborgara-félögum sínum hinum megin á hnettinum á kostnað þeirra sem borga brúsann

Þegar svo þessir tvennu nýju mikilvægu straumar koma til atkvæðagreiðslu í Brexit og bandarísku forsetakosningunum, þá tryllist þessi elíta því hún verður svo hrædd um að missa tökin á lýðnum sem þjónar undir henni. Flestir sómakærir áskrifendur að fjölmiðlum þessa pakks segir þá upp áskriftum sínum og yfirgefur partý þeirra, því þeim ofbauð hræðsluáróðurinn svo hroðalega. Við þetta vandast málið fyrir þessa glóballar fjölmiðla, því það sem eftir er, eftir að dópmiðlun Facebook hefur látið vef sinn sópa, eru einungis krónískt Brexit- og Trump-hatandi kjarnalesendur fjölmiðlanna, til að halda þeim uppi. Þá þarf að halda mjög fast í með því að búa til skrímsli úr þeim sem ætla að yfirgefa Evrópusambandið og kjósa meintan herr Hitler-CNN, eins og Stormsker benti svo réttilega á. Þannig að staðan í dag á fjölmiðlamarkaði alþjóðaelítanna er sú, að halda verður, hvað sem það kostar, í þennan kjarnahóp sem eftir er, með því að búa til skítaþvottaherferð um Trump og kjósendur hans og þá sem vilja yfirgefa Titanic-sökkvandi elítuskip Evrópusambandsins. Þess vegna er þetta eins og það er

Náttúrubólan að verða búin

Svo er staðan hér heima, sem og annarsstaðar, að verða sú, að náttúran sem staðið hefur á Altari Vinstrisins eftir að Stalín/Lenín datt af því, er einfaldlega að fara úr tísku. Fólk er að verða leitt á náttúrunni því hún svarar ekki til væntinganna sem BBC-glóbal elítan hefur búið til með sínum leiknu náttúru- og dýralífsmyndum þeirrar alþjóðaelítustöðvar. Þetta sést einnig á þungum leiða sumra á náttúru manna sem birtist í fréttum um innfluttar náttúrulausar Schengen-vændisvélar og lækkandi frjósemi hér á landi

Hin svo kallaða náttúra hefur brugðist BBC-kynslóðinni og kynslóðin sú er að krókna föst í föl á heiði, náttúrulaus í náttúrunni. Þess vegna er ferðamannabólan að verða búin. Náttúran svaraði ekki til væntinganna. Ný della og nýtt musteris-altari munu svo verða til

Og þannig er nú það. Donald J. Trump mun því gera Bandaríkin mikilfengleg á ný. Það getur hann af því að hann ætlar sér ekki að gera nein önnur lönd að því sem hann hefur ekkert umboð til að gera. Bara sitt eigið land. Á meðan munu stjórnmálamenn Evrópusambandsins einbeita sér að því að gera önnur lönd mikilfenglega fátæk á ný, því þeir hafa misst öll verkfærin til að gera jafnvel næstu götur við sjálfa sig mikilfenglegar á ný. Og þar við situr. Þeir munu því áfram tæta og trylla heiminn á meðan "þeirra tími" kemur aldrei aftur, vegna öskufalls úr þeim sjálfum

Fyrri færsla

Bankakerfi Ítalíu varð evru að bráð