Leita í fréttum mbl.is

Bloggfærslur mánaðarins, september 2016

ESB-fræðingarnir: evran mun ekki lifa af

"at some point in the future, Europe will again be hit by a new economic crisis. We do not know whether this will be in six weeks, six months or six years. But in its current set-up, the euro is unlikely to survive that coming crisis."

"Upp mun renna sá tími þar sem á Evrópu mun skella ný efnahagskreppa. Við vitum ekki hvort það verður eftir sex vikur, sex mánuði eða sex ár. En í núverandi uppsetningu er ólíklegt að myntin evra muni lifa þau komandi áföll af."

Þetta segir ný skýrsla Brusselbatterís herra Eins penings Eins markaðar (PDF og já, að sjálfsögðu með eiginhandaráritun herra Delores, því hún kostar minna en ekki neitt)

Já, erhm. Þetta er fólkið sem stendur "að evrunni". Það skrifar þessa opinberun niður í nýjar hraðritaðar viðgerðarleiðbeiningar til nota á strandstað evrunnar, þar sem hún síðast sást ofansjávar. Þetta fólk heldur að bara ef bankarnir geta haldið sér opnum einn dag lengur í senn, eins og núna, að þá sé Evrópan þeirra ókei

Þetta fólk hefur ekki minnstu hugmynd um hvað er að gerast í þessari Evrópu þeirra. Að gerast á landmassa 28 ríkja sambandsins, sem það sjálft með brölti sínu hefur steinsteypt niður í svo hroðalega stjórnmála,- efnahags-, mann,- og félagslega kreppu, að lönd hennar eru að leysa þá sjálfa upp. Þeir mega þakka fyrir að hafa ekki enn fengið kúluna í gegnum tómann hausinn

Við skulum því skála félagar, Róm logar svo glatt, Aþena er svo sæt rúst, og næstir í röðinni renna því viðskiptaráðherrar sambandsins sér kampakátir niður Dóná Bratislava, hinn komandi föstudag. Og allt kvartar þetta sama fólk yfir lélegum kjósendum álfunnar, sem borga brúsann. Lengi lifi nýi aðallinn!

Fráfarandi portúgalski framkvæmdastjóri Evrópusambandsins og Trotskíistinn Jose Manuel Barroso er kominn glaður og hress yfir til Goldman Sachs bankans að ráðleggja þeim um súrheysturnspírur ESB

ESB regluverkið heilaga: "commissioners may not engage in any other professional activity, whether gainful or not (heldur ekki í aflandsfélögum)

Og frú hollenska Neelie Kroes samkeppnismála-kommiszar ESB, og nýuppgötvaður forstjóri aflandsfélaga frá 2000 til 2009, fram til 2014, og sem hún brotleg sagði engum frá, nýtur nú sviðsljóssins bara allt í einu, en samt alls ekki. Í því skattaskjóli sem ESB-kommiszar svaf hún hjá arabískum vinum sínum og stundaði með þeim hrægammauppkaup úr Enron-líkinu á meðan hún með geislabaug var heilagur samkeppnismála-kommiszar yfir 28 löndum Evrópusambandsins

Núna er því sennilega árið 1910 runnið upp á ný. En þá voru lögð drög að friðarveðlaunaveitingu Nóbels, vegna bókar Norman Angell, sem sýndi svart á hvítu að styrjöld í Evrópu gæti aldrei brotist út á ný, sökum þess hve mikilfenglega samofin og samþætt fjármálin á milli landa í álfunni væru orðin. Þið vitið, bankarnir! Bara að þeir séu ókei, því þá er allt gott. Tralla la la luna luna tikk takk

Fjórum árum síðar hefst því Fyrri heimsstyrjöldin (borgarastyrjöldin) og á einni viku tekst að slátra sex hundruð þúsund manns, og leggja þar með línurnar fyrir stærðargráðuþörf komandi sláturhúsa Evrópu, þar sem brandarabók Normans Angell er svo veitt friðarverðlaun Nóbels árið 1933. Bókin heitir: Europes Optical Illusion, eða í stuttu máli; Evrópu-sambandið árið 2016

Fífl!

Fyrri færsla

Íslenskri táningsstúlku nauðgað í Danmörku


Íslenskri táningsstúlku nauðgað í Danmörku

Ég get ekki orða bundist vegna þessar fréttar í dag: Íslenskri stúlku nauðgað í Danmörku

Þessi furðulega frétt er í öllum fréttamiðlum í Danmörku í dag. Öllum. En það sem vekur undrun mína er hversu misheppnuð ritskoðun fjölmiðlanna er. Þeir ritskoða þjóðerni glæpamannanna burt, en "gleyma" svo viljandi að ritskoða þjóðerni fórnarlambsins burt

Nauðgararnir eru útlendingar, það kom fram í dönskum blöðum 18. september. En frá hvaða löndum þeir eru, er vísvitandi haldið leyndu fyrir lesendum í annarlegum pólitískum tilgangi. En þjóðerni fórnarlambsins, sem líka er útlendingur í Danmörku, er ekki þess hroðalega hættulega pólitíska eðlis, að rétttrúnaðarfólkið brenni fjölmiðla til ösku fyrir að segja að táningastúlkan sé Íslendingur. Fjölmiðlar þora því enn að nefna þjóðarheitið Íslendingur á nafn, vel vitandi það að við Íslendingar ætlum ekki að brenna þá niður né drepa neinn vegna eins né neins sem gerst hefur í 1200 ára sögu okkar

Af hverju eru menn svo að gagnrýna fjölmiðla Norður-Kóreu fyrir að endurhanna erlenda raunveruleikann fyrir 25 milljón íbúum þess lands? Það skil ég ekki, þegar fjölmiðlar Vesturlanda eru að endurhanna innanríkis veruleikann fyrir 500 milljón manns: Allra íbúa Evrópu!

Kanslara Þýskalands var hent í gólfið og breytt í þúsund stykki á síðustu vikum. Þýskaland er orðið óstöðugt! Þið megið gjarnan vekja mig ef sannast skyldi að svo mikið sem bara einn sentímetri af núverandi pólitískum innviðum Evrópu verði enn uppistandandi eftir 5 ár. Hvað tekur við í Evrópu næst, er spurning sem allir hér heima ættu að hugsa mjög ákaft um - og svitna!

Sem betur fer bý ég á Íslandi og get enn sem komið er sofið nokkuð tryggt. En er það virkilega þetta sem góða fólkið vill?

Já og svo var náttúrlega sá sem skaut dönsku lögregluþjónana í löglausa villimannahverfi Kaupmannahafnar um daginn, múslímskur hryðjuverkamaður. Það mátti heldur ekki birta neitt um

Hvað er að? Hverra erinda ganga þeir sem kalla sig "fjölmiðlar" ?? Er þetta miðilsfundur þeirra?

Fyrri færsla

Moodys sprengir Brexit bankablöðru ESB


Moodys sprengir Brexit bankablöðru ESB

Ný skýrsla Moodys um ESB-útgöngu Bretlands og hins alþjóðlega bankakerfis þess, stingur gat á hræðslubandalags-blöðru ESBhólista

Matsfyrirtækið segir að útgangan muni hafa litla sem enga þýðingu fyrir hið stóra alþjóðlega banka-fjármálakerfi Bretlands, sem er það stærsta í heiminum á sínu sviði

Vel og dýrt menntað íslenskt vinnuafl á sviði alþjóðlegra fjármála, ætti nú að leggja við hlustir og hugsa sinn gang á ný. Leggja metnað í að byggja upp skothelt tilbrigði af passlega stórum alþjóðlegum anga af sérhæfðu fjármálakerfi, sem verða mun í vaxandi eftirspurn þegar hinn innri markaður ESB verður formlega leystur upp - og sá einkadregill Þýskalands dreginn undan því landi. Það upplausnarferli er komið mun lengra á veg en sýnist

Engin alþjóðleg fjármálastofnun með fullu viti mun úr þessu nokkru sinni flytja sig til ESB. Þar er hvorki peningapólitísk þekking, eins og sést, né skilningur á kapítalisma til staðar. Og viljinn til að skilja og samþykkja hann er enginn, eins og sést á þeim hamförum sem þar hafa rústað ríkjum og á þeim hamförum sem nú búa um sig undir kistulagningarferli sambandsins, sem endur-uppsetja (e. re-configure) mun meginland taparanna í annað sinn, frá lokum seinni borgarastyrjaldar EvróAsíu landmassans. Sovésk mynt ESB er þess utan ónothæf og í bráðri útrýmingarhættu

Góður, arðsamur og passlega stór alþjóðlegur armur af íslensku fjármálakerfi í ESB- og EES-lausu landi, gæti verið þjóðarbúinu afar gagnlegur, sérstaklega þegar dýrmætri reynslu af veikleika þess síðasta, er snúið upp í verðmæta eign

Stutt er í að hinn svo kallaði innri markaður verður tekinn til skiptameðferðar. Þegar sú staða liggur fyrir þá er allur tilvistar grundvöllur ESB endanlega horfinn og því verður parkerað í litlu húsi við gamla götu í safnahverfi Genf

Framtíðin fyrir Evrópu næstu 500 árin er að mestu samfellt svartnætti

Fyrri færsla

Aðild Stalíns að Evrópusambandinu


Aðild Stalíns að Evrópusambandinu

Fréttin hér að neðan sem tengd er þessum pistli ætti að hafa kveikt öll aðvörunarljós hugsandi manna. En hafi hún ekki gert það, þá er hér neistaflug samhengisins. Og það er svona:

Allir þekkja fjöldamorðingjann Jósef Stalín, en margir þó misvel. Flestir kommúnistar litu á ókjörinn hann sem einhverskonar alþýðlega, ósnertanlega og hetjulega abstraktion langt út við sjóndeildarhring. Og þeir dýrkuðu hann á sama hátt og ESBsinnar dýrka Evrópusambandið í dag. Hann reyndi að negla hið sovéska kommúnistaheimsveldi saman með fólksflutningum og ofsóknum. Fólk var rifið upp án róta og búferlaflutninga-sent eins og pakki til einhvers annars hluta heimsveldisins, nauðugt og óviljugt. Bögglapóstur póstþjónustunnar naut blíðari meðferðar

En rætur fólksins urðu auðvitað eftir. Hakinn sem Stalín notaði við að höggva upp þjóðir og þjóðabrot, var svo, eftir hrun Sovétríkjanna, fluttur sem stjórntæknileg gersemi til Brussels, til notkunar á þjóðir Evrópusambandsins

Í Evrópusambandinu var massífu atvinnuleysi og peningapólitískum hörmungum komið á í mörgum ríkjum sambandsins undir sama fyrirkomulagi og notað var í Sovétríkjunum, þ.e. endalausum "skipulagsbreytingum" (e. structural reforms). Hugtakið "structural reform" þýðir í stuttu máli þetta: breyttu þér og vertu eins og ég - þ.e. eins og Þýskaland og stundum Frakkland, þegar við á

Búið var svo til fyrirbæri sem selt var undir heitinu "fjórfrelsi" og sovéska hakanum komið í vinnu á ný. Ég kalla þetta hins vegar hórfrelsi, því að þau stjórnvöld sem iðka þetta "fjórfrelsi" eru að hórast með þjóðríki sín. En þjóðríkin eru sjálfur hornsteinn Vesturlanda og fremsta manngæskuberandi stofnun mannkynssögunnar

Allir hugsandi menn ættu að svitna þegar jafnvel kommúnistar eru farnir að nota hugtök eins og "frjáls verslun og viðskipti" með morgunkaffinu. Þeir eiga alls ekki við neitt frelsi. Engan veginn. Þýskaland hefur aldrei stundað frjáls viðskipti. Landið var harðlæst og lokað útlendingum allt fram til 1980 og naut frá 1950 sérstakra viðskiptakjara við Bandaríki Norður-Ameríku. Þessi sérmeðferð kom landinu á fætur. Annars væri það nákvæmlega eins og Austur-Þýskaland er í dag eða þá að það væri massíft fyrrverandi Sovétríki

Til fjandans með þetta hugtak. Það hafa aldrei aldrei í sögunni verið stunduð frjáls viðskipti í heiminum. Þau hafa alltaf verið vernduð. Hugakið er því orðið algerlega kommúnistískt þegar það er notað um ESB. Einn stór þokubakki fullur af þvælu. Það er Kyrrahafsfloti Bandaríkjanna sem verndar siglingarleiðir þýsks útflutnings. Og það hefur hann gert hvern einasta dag ársins í meira en sjötíu ár. Þess vegna er Þýskalandi svona illa við Bandaríkin, því það á þeim allt að þakka. Án Bandaríkjanna væri Þýskaland ekki neitt. Meginland taparanna mun aldrei geta komið sér upp svo mikið sem bara einni "carrier strike group" á neinu hafi veraldar. Að dansa þannig stórskalaðan ballet á höfum heimsins krefst fullveldis: fulls og óskorðaðs valds yfir eigin málum, og hugrekkis. Hvorugt þessa er til í ESB

Í Sovétríkjunum áttu þjóðir og fólk að verða að Sovétmennum. Í Evrópusambandinu áttu þjóðir og fólk að verða að Evrópumennum. Vinnureglur samhæfingarinnar eru þessar: ef þú lofar að gera kjósendum í landi þínu illt, þá lofa ég þér í staðinn að gera mínum kjósendum að minnsta kosti jafn illt hér heima hjá mér. Þetta er ESB-samhæfingin (co-ordination). Svona er allt gott mulið niður og sett undir sambandið til rotnunar

Þessi tundurspillandi fræ Stalíns niður í gróðurmold kúgaðra þjóðríkja og þjóðarbrota fóru svo að spíra. Þau urðu að "minni-hlutum" eins og þeim sem við sjáum í Eystrasaltslöndunum og í Úkraínu í dag. Það er svona sem Evrópusambandið er orðið að hluta til. Það er orðið algerlega ófyrirsjáanleg tifandi tímasprengja sem sprungið getur hvenær sem er og næstum hvar sem er. Þetta er ein af átsæðunum fyrir því að Evrópusambandið er á leiðinni að verða eitt svæsnasta ófriðarsamband mannkynssögunnar. Sambandið mun með tímanum reynast álfunni sem enn annar Bleikur hestur

Vinstri hönd stjórnmálamanna nokkurra Austur-Evrópuríkja (Mið-Evrópa núna) ætlar sér nú, eins og þau gagnrýna Rússland fyrir með þeirri hægri, að hafa utanþings og erlend áhrif á stefnu og stjórnmál rótgrónasta lýðræðisríkis veraldar, Bretlands, og halda að þeir komist léttilega frá því. Þau halda það vegna þess að í þeirra hugum er þetta hvort sem er orðinn rótgróinn og áunninn kækur. Þetta er einungis hægt að útskýra með tilvísun í þann heilaskaða sem heilabú frjálsborinna manna verða fyrir þegar umgengni þeirra við Stalín í Evrópusambandinu verður eins og hún er og hefur ávallt verið hjá ESB-elítum: ný sovétstappa úr ESB-sjoppulúgum hóruhúsa fjórfrelsisins

Þau stjórnmálaöfl á Íslandi sem vilja taka sáningarvél Stalíns í notkun gegn þjóðríki Íslendinga eru þessi:

Vinstri grænir
Viðreisn
Samfylking
Björt framtíð
Píratar
Aðrir kratakommúnistískir smáflokkar

Þetta, meðal annars, er ein af ástæðunum fyrir því að sú Evrópa sem Evrópusambandið reyndi að búa til út landfræðilega heitinu Evrópa, er að brotna upp. Og það sem meira er. Þetta er ein ástæðan fyrir því að landbrjóturinn ESB er að sigla álfunni inn á braut nýs ófriðar. Næstu áratugir munu ekki verða sú skemmtisigling sem myndskreytt er með þvaðri í útsölubæklingum þessara brjálæðinga

Fyrri færsla

Brexit: Talið niður til hláturssprengju


mbl.is Gætu beitt neitunarvaldi gegn Bretum
Tilkynna um óviðeigandi tengingu við frétt

Brexit: Talið niður til hláturssprengju

DBK.DE lokun 16. september 2016

Mynd: Sektin, DBK.DE lokun 16. september 2016: -8,47%

Maður sér þetta fyrir sér. Theresa May og hennar fólk reyna að halda andlitunum í alvarlegum og áhyggjufullum skorðum svo lengi sem BBC-blaðamenn esb-ofstækisins og bankabjálfar Financial ESB Times samsteypunnar og álíka hryggleysingjar hafa möguleika á að munda myndavélarnar og senda úr þeim út til almennings. Svo er hurðinni skellt í lás í Downingstræti 10 og um leið frussast hláturssletturnar upp um veggina, tárin streyma niður andlitin í óstjórnlegum hlátursköstum og Theresa May slær öskrandi af hlátri á læri sér á meðan Boris Johnson styðst við vegginn inn ganginn og rétt nær að miða rétt áður en allt flæðir upp um alla veggi. Svo er staulast að fundarborðinu með skvettandi tebolla í hönd, en draga verður gluggatjöldin fyrir og fresta fundi á meðan þau reyna að ná andanum og koma andlitunum í bara sæmilegar vinnustellingar. Þetta má ekki verða öllum of augljóst. Sagt er að Sir Humphrey sé nú á batavegi, en sprauta þurfti hann niður úr hláturskasti

Staðreyndin er auðvitað sú að útganga Bretlands af Evrópulandi ESB er hrikalega góð staða fyrir Bretland að vera í. Landið heldur bókstaflega kyrkingartakti um sveitta hálsa hins skjálfandi embættismannaveldi ESB og það hefur nú náð áður óþekktu hreðjataki á Þýskalandi, sem er svæsnasti útflutningsdópisti veraldar; helmingur! landsframleiðslu þess er fluttur út

Skríði Þýskaland ekki á fjórum fótum að Brexit-samningaborðinu, þá er úti um 7-10 prósent af heildarútflutningi Þýskalands, sem fer til Bretlands, þar á meðal milljón bílar, og landsframleiðsla Þýskalands mun dragast saman um helming þeirrar tölu

Skríði allt ESB ekki einnig á öllum fjórum að samningaborði Bretlands, þá hringir Boris úr símanúmeri Bretlands í forseta Bandaríkjanna og er kominn með fríverslunarsamning við ekki bara Bandaríki Norður-Ameríku fjórum klukkustundum síðar, heldur og einnig við allt NAFTA í næstu viku (tímalengdin fyrir Ísland yrði þó sennilega tvöfalt lengri). Evrópa hefur hins vegar ekkert símanúmer til að hringja úr

Og ætli ESB báknið að gera hinu alþjóðlega bankakerfi Breta erfitt fyrir vegna Brexit, já þá mun þessi 14 milljarða dala sekt sem Deutsche Bank fékk fyrir fjárglæfrastarfsemi í Bandaríkjunum í síðustu viku, ekki lækka um svo mikið sem einn dal, og bankinn hreinlega rúlla yfir-um og beint ofan í fang Angelu Merkel, fyrir næstu kosningar heima í Þýskalandi, skyldi hún yfirhöfuð þora að bjóða sig fram

Bretland var 20 prósent af ESB. ESB hefur minnkað um 20 prósent á einu bretti!

Hverjum heilvita manni eða ríki myndi detta í hug að gera eitraðan EES-samning við liðið lík í dag. Evrópusambandið er liðið lík og löndin eru farin labba yfir það. Norsk verkalýðsfélög heimta enda í sívaxandi mæli að Noregur segi sig algerlega frá EES-samningum. Í síðustu viku bættust verkalýðsfélög upplýsinga- og tæknigeirans á þann lista

Á meðan heldur svo blessaður fjármálageirinn áfram að leita að einhverju alveg "pottþétt öruggu" sem er of stórt til að falla (e. too big to fail), eins og hann gerði í eldgamla daga, þegar hann keypti öll "öruggu ríkisskuldabréfin" af ríkjum Suður-Ameríku - en af ríkjum sem voru bara ekki til. Næsta "örugga eign" þeirra og sem er of stór til að falla - er Þýskaland í dag. Útflutnings-dópistinn sjálfur sem örvæntingarfullt leitar að næsta skammti, nú þegar hinn svo kallaði "innri markaður" er þurrausinn og kominn í óafturkræft upplausnarferli og Kína búið að vera -- og mörg fyrirtæki þess er reyna að lifa kínverska kredit-kommúnismann af, eru flutt til Mexíkó

Fyrri færsla

Bannað að tala um íkveikjur Angelu Merkel


mbl.is Telja að Bretar gefist upp
Tilkynna um óviðeigandi tengingu við frétt

Bannað að tala um íkveikjur Angelu Merkel

Donald Trump að snæðingi 500 px

Mynd: Setið að snæðingi heima í sínu eigin landi.

Eitthvað sem þröngur hópur manna kallar "leiðtoga Evrópu", segist vera að "funda" í Bratislava í dag

Reyndar snýst fundurinn um það hvort fundarboðslýsingin megi einnig standa í lokaniðurstöðuleysu fundarins, sem samin er fyrirfram. En hún hljómar svona: "Evrópa í öngþveiti" (e. "Europe in Chaos")

Angela Yeltsin Merkel vill að orðið "öngþveiti" sé strokað út með hennar togleðri, því það sé stærst. En hún stóð samt fyrir öngþveitinu með því að stroka út togleður allra annarra ríkja

Aldrei hefur ein heimsálfa í veraldarsögunni strokað sjálfa sig eins kyrfilega út úr sögunni eins og Evrópa. Ekkert ríki álfunnar hefur nein völd í heiminum í dag - og það sama gildir um álfuna í heild

Og það sem meira er: ekkert ríki í Evrópusambandinu hefur vald yfir sjálfu sér lengur. Þessi svo kallaða Evrópa, sem liggur nú ósjálfbjarga í öngþveiti innrásar, sjálfskapaðs massífs atvinnuleysis og örbyrgðar á pari við aðstæðurnar sem kölluðu herr Hitler til valda, er svo helsjúk að hún er við það að springa í loft upp

Völd Evrópu eru svo gersamlega áhrifalaus að þau gætu ekki keypt eina gleðikonu handa álfunni í einn dag. Svona völd kalla pólitískir sérfræðingar "soft power". Þessi "mjúku völd" virka eins og velklæddur spjátrungssætur strákur sem fer á næturklúbb. Jú, stúlkunum líst vel á hann tilsýndar. En honum er svo hent út um leið og upp kemst um blankheit hans. Þetta er "soft power". Og Angela Merkel var því -íklædd strokleðurbuxum- kosin valdamesta kona heimsins, - af blaðamönnum!, vel að merkja

dagur daganna

Mynd: Að heiman

Þessir varðveittu friðinn á meginlandi Evrópu eftir síðustu sameiningartilraun Evrópu. En þeir fóru til síns heima 1993, því heima er auðvitað best, og við tók sundrungar- og ófriðaraflið ESB. Álfan logar því aftur stafnanna á milli undir nýrri sameiningartilraun vitfirringaveldis ESB

Fyrri færsla

Hvað er eiginlega að Hillary Clinton?


Hvað er eiginlega að Hillary Clinton?

Einu sinni, 2012, átti það að heita að hún væri búin að ofkeyra sig, þegar hún var utanríkisráðherra. Þá datt hún út og hrundi niður

Undanfarið hefur svo verið sagt að hún sé þornuð upp, þegar það slær útí fyrir henni og hún hrekkur í spastískan gír og hlær óstjórnlega

Þann 11. september hrundi hún niður og bera þurfti hana inn í dulbúna sjúkrabifreið. Veðrið var íslenskt miðað við heima í Litla kletti, nánast frost, skýjað og notalegt. Enginn á staðnum nema Hillary var því með rafsuðugleraugu og enginn annar var við það að þorna upp

Þarna -við minningarathöfnina um 11. sept. 2001- hrundi hún niður og pressan kaupir og gleypir að hún sé með "smitandi lungnabólgu", sem meira að segja "starfslið hennar hafi smitast af"

Hefst þá Hillary handa við beinan sýklahernað á stúlkubarn sem sjúkralið hennar hleypir til hennar. Síðan er hún borin inn í svarta sjúkrabílinn svo að hægt sé að aka henni heim til dóttur sinnar, þar sem hún í friði getur sýklaherjað á hennar börn, þar af eitt kornabarn

Í 300 daga hefur Hillary ekki þorað að tala við blaðamenn. Enda sjálfsagt engin þörf á því, þar sem þeir eru allir smitaðir af henni

Hvað skyldi í raun vera að Hillary Clinton?

Mín tilgáta er sú að taugakerfi hennar sé búið að vera. Að hún sjálf sé búin að kála því og að hún haldi sér gangandi á leynilegu apóteki, eins og allt annað er leynilegt í hennar fari, og sem stappað hafi heilabú hennar í graut. Að hún sé orðin dómgreindarlaus, varanlega streitu-sköðuð og ófær um að bjarga lífi sínu

Þessi kosningaherferð þeirra Hillary og Bills Clinton og blaðamannastéttarinnar á móti Donald Trump, er að verða skuggalega átakanleg, svo ekki sé meira sagt

Hvað haldið þið að sé raunverulega að frú Hillary Clinton?

Fyrri færsla

Meiri og þéttari samvinna eykur líkur á ófriði í Evrópu


Meiri og þéttari samvinna eykur líkur á ófriði í Evrópu

Nú er stór hluti heimsins að verða búinn að stilla sér upp í svipaðar stellingar og heimurinn var í í aðdraganda síðri heimsstyrjaldar - sem sumir kjósa að kalla síðari borgarastyrjöld Evrópu. En staðan þá var samt víðfeðmari en sú álfa ein og það sama gildir um uppstillinguna í dag. Hún nær til alls landmassa Evrasíu. Helmings jarðkringlunnar (e. hemisphere)

Nú er loks að renna upp fyrir mörgum að meiri og þéttari samvinna og samtvinnun eykur líkur á ófriði og jafnvel styrjöld í Evrópu. Minnkar hættuna ekki, heldur eykur hana. Þið þekkið þetta úr eigin lífi. Ef öll gatan ætlar að fara að skipta sér af heimilishaldi allra í götunni, þá skapar það mun frekar eldfima stöðu, heldur en þegar hver sér um sitt, án þess að lokað sé fyrir nágrannahjálp og greiða. Evrópusambandið er að reynast álfunni sem ófriðar- og samtímis tortímingaraflafl efnahagslegra gæða

Öll þau stærri ríki sem hafa byggt hagkerfi sín upp með það fyrir augum að útflutningur eigi að bera efnahag þeirra uppi, eru nú stödd í gífurlegum vandræðum. Verst er Þýskaland statt, en það flytur út helming landsframleiðslunnar. Í Bandaríkjum Norður-Ameríku er þessi tala hinsvegar tæp 15 prósent og helmingur hennar fer til nágrannanna í Kanada og Mexíkó. Bandaríkin eru því ekki í vandræðum, því Evrasía kemur þeim lítið við í þessu tilliti

Bankar Þýskalands eru að verða þurrausnir. Þeir hafa haldið útflutningsfyrirtækjum landsins á floti svo að þau, eins og í Japan 1989/90, geti haldið fjárstreymi (cash flow) sínu gangandi og flutt út með allt að því tapi og jafnvel tapi. Þess vegna eru útflutningstölur Þýskalands ekki enn í frjálsu falli á opinberum pappírnum. Fjármálamarkaðir hafa ekki enn skilið ástandið, enda ekki nema von, þeir skildu ekki stöðuna í Japan eins og hún var 1989/90, fyrr en árið 1994. Sama má segja um skilning þeirra á stöðunni í Evrópu 1940. Og allir muna hvernig fjármálamenn veraldar skildu stöðuna síðast

En jafnvel stórbankar Þýskalands eru að komast í þrot við að halda hryllingnum leyndum fyrir almenningi. Bankakerfi Ítalíu rambar á barmi gjaldþrots og það mun hafa enn ýtarlegri alvarlegar afleiðingar fyrir þýsku bankana. Enginn hagvöxtur hefur verið á Ítalíu síðustu 14 árin. Enginn, og atvinnuleysi er eins og það var í kreppunni miklu. Vel stæð heimili og fyrirtæki geta ekki rekið sig, hvað þá þau sem voru illa stödd. Lánasöfn bankanna eru ónýt, en haldið gangandi dauðum með endalausum framlengingum til að komast hjá að upplýsa um sannleika bókhalds þeirra

Pólitísk reiknivél sambandsríkis Þýskalands, sem hin síðustu ár hefur verið að endurreikna pólitíska stöðu og staðsetningu Þýskalands í Evrópu og Evrasíu, mun verða fóðruð á þessum staðreyndum, og þær munu hafa mikil og langvarandi áhrif á útkomuna, loksins þegar reikniaðgerðum hennar lýkur. Enginn veit því enn hvert Þýskaland, svarti Pétur Evrópu, mun stefna

Án massífs útflutnings er Þýskaland gjaldþrota, bæði efnahagslega og pólitískt. Falli útflutningur landsins um helming, þá dregst landsframleiðsla þess saman um 25 prósentustig. Svo illa er komið fyrir þýska hagkerfinu. Það er orðið útflutnings-sjúklingur. Þetta veit pólitísk reiknivél Þýskalands. Og skoða þarf ECB-aukaseðlabanka Þýskalands með þetta í huga

Segja má að Evrópa sé við það að springa annað hvort í loft upp, en að minnsta kosti í tætlur. Ekkert virkar. Hvorki efnahagur ríkjanna, félagsleg tilþrif og skipan, né stofnanir Evrópusambandsins. Og enginn hlustar lengur á þær stofnanir því allir vita hversu gagnslaust og illa grundað Evrópusambandið er og hversu tortímandi myntbandalag þess hefur verið fyrir álfuna og jafnframt hættulegt efnahag veraldar

Ekki þarf að minna lesendur á að Kína er búið að vera og mun aldrei aftur taka inn hrávörur og iðnaðarvörur í neinni nándar líkingu við það sem var síðustu 30 árin. Miðstýrt Kína lifði á útflutningi, innvortis bólgum og rangstæðum kommúnistískum peningaútlánum og stærsti kúnni þess, Evrópa, er í miðstýrðu efnahagslegu dauðadái. Hrikaleg kommúnistísk fátækt ríkir í Kína hjá miljarði manns. Öll orka stjórnvalda fer í að halda kommúnistaflokki landsins saman. Herafli Kína sem svo gott sem eingöngu hefur það hlutverk að gæta kúgunaröryggis flokksins innanlands, mun verða úthlutað vinsældaskapandi ófriðarverkefnum undan ströndum landsins og kínversk efling Norður-Kóreu er staðreynd. Japan er eðlilega byrjað að hervæðast enn frekar á ný

Rússaland þarf 70 dala olíuverð til að lifa af. Litlar horfur eru á því verði á ný. Sambandríkið Rússland er því komið í hættulega stöðu. Rússland lifði lífinu á orkuútflutningi. Það getur ekki lengur fjármagnað skyldur sínar gagnvart sambandríkjunum og sú staða skapar ekki pólitíska traustabresti. Kannski á Rússland eins og við þekkjum það í dag, ekki mörg ár eftir ólifuð. En það gerir Rússland bara enn hættulegra og Rússar berjast ávallt best í ómögulegum aðstæðum. Meira að segja Saudi-Arabía er komin í vandræði og pólitískt neistaflug þar er þegar hafið

Heimsskipanin og heimsmyndin Evrópa, Rússland, Kína og Mið-Austurlönd er að brotna upp. Og um leið brotna stjórnmálin og löndin sem þau stjórna, einnig upp. Þetta eru einstakir tímar. Þessi heimshluti er að brotna upp

Hef ég nú gengið í Sjálfstæðisflokkinn, frá og með síðustu helgi. Fyrsta og eina stjórnmálaflokkinn á æfi minni

Fyrri færsla

Hnattvæðingin er komin í bakkgír


Hnattvæðingin er komin í bakkgír

+

Aðfararorð menntamáls nálægt fyrsta apríl 2007

Mynd: Fornminjar úr öskulögum Já-Pompei

Alþjóðleg vöruviðskipti hafa nú staðnað og alþjóðlegt fjárstreymi fer hratt minnkandi. Alþjóðavæðingin er stöðnuð og komin í bakkgír. Um það er aðeins fáum hnöppum að hneppa

Spyrja má af hverju þetta er orðið svona. En það er til lítils að spyrja að því. Spyrja verður hins vegar að því hvaða þýðingu þetta muni hafa fyrir okkur og þá sem við umgöngumst helst

Hverjir stjórna hagkerfinu þínu?

Ef þú ert útflutningsháð hagkerfi, þá stjórna útflutningsmarkaðir og útlendingar hagkerfinu þínu að mjög miklu leyti

En ef þú ert til dæmis hagkerfi eins og það bandaríska, sem er nettó innflytjandi, þá stjórnar þú sjálfur þínu hagkerfi - og um leið sumum þeim hagkerfum sem eru útflutningsháð þér (Kína, Japan, Þýskaland). Hóstir þú, þá fá þeir sem eru háðir þér, bráða lungnabólgu. Og já, Hillary hóstar, alveg rosalega

Bara kapítalistískt-vanþróuð stærri hagkerfi búa þannig um sig að önnur ríki stjórni þeim. Öll hagkerfi Asíu eru þannig og allir vita að kínverji Evrópu heitir Þýskaland. Þar spara menn sig í hel og leggja önnur evruríki í rúst með pólitískum evrum til þess eins að einn extra gámur í viðbót hendist út úr höfninni í Hamborg, og Sassnitz til Ust Luga

Fyrir okkur mun þetta að stórum líkindum hafa þá þýðingu að Rússland og Þýskaland munu vilja ganga í hjónaband, til að bæta kínverjum Evrópu upp skilnaðinn við Evrópu og Evrópusambandið. Sá skilnaður er nú þegar orðinn að borði þó svo að sængin sé enn sem komið er bróderuð spurningarmerkjum

Þið þekkið þetta. ESB átti að vera "hestakerran" fræga, knúin áfram af Þýskalandi og kúskurinn átti að heita Frakkland. Frans átti að vera svo stefnu-snjallt, fágað og gáfað og þýska aflvélin svo máttug, að kerran myndi þeysast fram úr blússandi eimreið Sáms frænda í Vestri

Hjólin eru hins vegar dottin undan hestakerrunni og þýska súrkálið prumpar ekki nema skilyrt, eða aðeins þegar einn extra gámur dettur út um afturendann á hagkerfinu því, til neytenda í öðrum löndum. Já í öðrum "löndum", því það eru einu neytendurnir sem landið hefur til að skaffa sér eftirspurn. Allt heima fyrir er hálf-dautt úr framskriðinni elli og þar með komið úr barneign. Gelding þýsku þjóðarinnar er að verða óleysanlegt líkamlegt vandamál

Nú, þegar glóböllur glitrar lengur ei, já þá mun vakna sá draumur súrkáls að ganga í nýtt hjónaband. Gamla bandið er einu sinni hékk um bíseppa frammámanna þýska ríkisins og hafði öfugt Eimskipafélagsmerki prentað á sig, verður dregið fram á ný, en þó í allt annarri mynd

Þýskulöndin eru að endurreikna stöðu sína í Evrópu og í veröldinni. Því er ekki hægt að tala sig frá. En Þýskaland mun því miður endurreikna alþjóðlega stöðu sína rangt, eins og síðast. Þá, síðast, hvarf stór hluti Austur-Evrópu af yfirborði jarðar

Þýskt fjármagn, þekking og tækni mun ætla sér að ganga í hjónaband með náttúruauðæfum, landflæmi, mann- og herafli Rússlands. Ekki sem hestakerra í þessu tilfelli, enda ekki hernumið eins og þá, heldur sem eitthvað til að fullnægja draumum beggja lögaðila, sem storkandi áhrifaógn við eimreið Sáms frænda í Vestri

En þessi þýski kínverji Evrópu hefur ekki mikinn tíma til stefnu, því eimreið Sáms frænda er nú þegar að leggja nýja brautarteina í Austur-Evrópu, sem virka munu brátt sem Suður-Kórea álfunnar. Sem fleygurinn mikli á milli, þið vitið hverra

Þá erum við loksins komin að lausnarorðinu sem allir elska. Mun súrkálið sætta sig við að verða Norður-Kórea Evrópu? Verða einskonar eða einhverskonar í þá átt. Lokað úti, en samt inni, og ESB komið í ruslið

Nokkurs konar vísir að Intermarium hans Pilsudski er nú þegar kominn í smíði austur við landamæri lífs og dauða, algerlega framhjá súrkálsdeild Evrópusambandsins. Bandaríkin eru byggherrann

Allt það sem gerist staðfastlega strategískur bandamaður Sáms frænda, blómstrar, vex og dafnar. Þetta veit Asutur-Evrópa, sem búin er að gefast upp á ESB og sérsaklega á Þýskalandi og Frakklandi. Og allt sem gerist staðfastlega strategíksur bandamaður súrkáls og sovéts, visnar og deyr. Það veit Asutur-Evrópa best

Þannig er nú það og þannig verður það um aldir. Sámur frændi byggði Suður-Kóreu. Sovétsteypa og súrkálstappa byggðu hins vegar Norður-Kóreu

Þetta er sá valkostur sem við höfum. ESB er súrkál og liggur sem hrúga af pólitískum úrgangi á gólffjölum Evrópukofans. Þýskaland er ekki áreiðanlegur strategískur bandamaður Bandaríkjanna og því síður er Frakkland það. Þetta vita Bandaríkin mjög vel

Já, Glóböllur er ei meir. Þeirri spurningu hvort að Angela Merkel hafi ekki örugglega verið síðasti Boris Nikolayevich Yeltsin Þýskalands, skal látið ósvararð hér. En allir vita að hernám Bandaríkjamanna og Breta varðveitti friðinn á meginlandi Evrópu, en ekki Evrópusambandið

Útganga Bretlands úr Evrópusambandinu (exodus) er pólitískt þýðingarmesti atburður heillar kynslóðar. Það munu menn smám saman uppgötva og sjá

Já, við lifum á Biblíusögulegum tímum. Og það voru Hinar Heilögu Ritningar sem byggðu upp Vesturlönd. Þær eru hornsteinn Vesturlanda

Fyrri færsla

RÚV er afstyrmi sem ekkert hefur lengur með íslenska þjóð að gera


RÚV er afstyrmi sem ekkert hefur lengur með íslenska þjóð að gera

Maður ælir. Þetta pólitíska afstyrmi sem kallar sig RÚV hefur ekkert með fréttamennsku að gera. Þessi ömurlega DDRÚV-persóna í dularklæðum fréttapretta RÚV er svo dæmigerð opinber klessa fyrir viðbjóðinn sem lekur út yfir landið frá þessu ógeðslega apparati, að ekki einu sinni útúrdrukkinn aumingi með hálm í heilastað myndi láta þetta út úr sér við þjóðkjörinn fulltrúa kjósenda, nema að því tilskyldu að hann telji hana liðsmann sinn og lagsmann

Þetta er dæmigert fyrir þann anda sem DDRÚV starfar í og andar út yfir landið okkar. Út með þetta fólk. Svona mann á að reka á staðnum. Það er það minnsta sem hægt er að fara fram á. Að koma svo og segja að þetta hafi verið "mistök" er eins og að segja við þjóðina, sem fjármagnar þetta, að hún sé heiladautt fífl. Þarna lýsti þessi maður því ljóslifandi, en fyrir slysni, hvernig þetta apparat er innréttað

Og að formaður VG skuli hafa látið hafa sig að slíkum aula að gera ekki athugasemd við hið ofboðslega plebbalega framferði hins pólitíska laumufarþega í dulargervi fréttamanns DDRÚV, er fyrir neðan allar hellur. Hún sannar sig hér með sem sannur auli og hugleysingi. Aumingjar og plebbar þið eruð!

Sigurður Ingi Jóhannsson er forsætisráðherra Íslands. Hann er forsætisráðherra minn, og ykkar!

Til andskotans með fréttastofu DDRÚV, stærsta sundrungarafl lýðveldisins. Nagdýr þjóðfélagsins. Til helvítis með þetta bákn

Fyrri færsla

ESB hefur ákveðið að endurskirfa skattalöggjöf Írlands


mbl.is Segir ummælin sýna andúð á Framsókn
Tilkynna um óviðeigandi tengingu við frétt

« Fyrri síða

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband