Gengið á neyðarfundi á götum Þorsteins Pálssonar

PDF

 

Euro-Area Central Banks to Hold Crisis Call

 

Til neyðarfundar var boðað hjá seðlabankastjórum evrulanda kl. 18 í dag, sunnudag til sólar.

Til fundarins var gengið á snjóþrúgum ofan á eggjaskurn myntbandalags Evrópusambandsins. Einn eftir annan reyndu seðlabankastjórar evrulanda að feta sig áfram eftir næfurþunnu peningagólfi evrunnar. En skyndilega var snúið við og ákveðið var að halda símafund í staðinn. Til þessa fundar var boðað vegna þess að Þorsteins króna Pálssonar er í þann mund að brjótast úr höftum og hefja áhlaup á varnargarða Brussels. Krónunni stýra röksemdir Þorsteins Pálssonar sem rofið hafa hraðamúr ljóssins og breytt sér í pólitískt hlátursgas. 

Í alvöru talað. Þessi neyðarfundur er til marks um að málefni myntbandalags Evrópusambandsins eru komin í slíka hættu að samráð á milli seðlabanka er nauðsynlegt. Þar verða þeir að sýna á sér andlitin, taka myndir, svo menn muni betur hvernig það andlit lítur úr sem á örlagastundu lokar og skrúfar fyrir TARGET2 greiðslukerfi evrusvæðis. Sú aðgerð myndi stöðva sogflóttaflæði fjármagnsins til miðjunnar og leysa evrusvæðið upp á sama hátt og rúblusvæði Sovétríkjanna var leyst upp, með eftirfarandi ríkisgjaldþroti Rússlands sem afleiðingu. 

Í kjöllurum seðlabanka Þýskalands liggja nú um 350 miljarða evru kröfur á seðlabanka Grikklands, Írlands, Spánar, Portúgals, og þær halda áfram að hrannast upp. Ef fjármagnsflóttinn frá Ítalíu bætist við þennan TARGET2 flótta frá hinum evruvandalöndunum, munu engir stríðsvagnar geta náð að innheimta þá aftur. Svo lengi sem evrusvæðið virkar dag frá degi mun ECB við núverandi aðstæður taka sig af þessum kröfum á einhvern óskiljanlegan hátt, en þó líklegast með peningaprentun. En skyldi bara einn seðlabanki evrusvæðisins klippa á TARGET2 þá vita menn líklega ekki hvernig verður með kröfurnar.

Sem sagt; hver og einn seðlabanki evrusvæðis situr með valdið til að loka á TARGET2 til og frá landinu og frá því sekúndubroti glatar evra viðkomandi lands því að vera frjálst færanleg og mun þannig öðlast sitt eigið innra gengi. Frá þeirri stundu er evran orðin rústuð rauðspretta, zap; ekki lengur sameiginelg mynt með eitt gengi. Aflandsevrur frá miðjunni séð. 

 

Ég mæli með því að menn horfi á og reyni að skilja fyrirlesturinn "Europe on the Brink" í fyrri færslu. Skyldu menn eigi skilja TARGET2 greiðslukerfi myntbandlagsins þá ættu þeir að biðja þessa 33 já þingmenn um nánari útskýringar. Þeir vissu að minnsta kosti allt um það mál þann 16. júlí 2009. Eða hvað? Þeir áttu að minnsta kosti að vita hvað þeir voru að gera. Nema að Þorsteinsgasið hafi þá þegar verið komið yfir hættumörkin í þingsalnum. Það myndi að minnsta kosti útskýra óútreiknanlega hegðun og ákvörðun vissra þingmanna í pólitískum SVG gasklefa Alþings, þann daginn. Hæ Ögmundur Liljubrók Steingríms og Árna.

 

Bloomberg; Euro-Area Central Banks to Hold Crisis Call

 

Eftirmáli SVG

 

The European Central Bank calls its approach one of “constructive ambiguity”; other central banks no doubt wish they had thought of the label first. But nothing is less constructive than ambiguity at a time of disorientation and growing nervousness. However, ambiguity – or indeed aimlessness – has been a sin committed more by elected politicians than by technocrats — Financial Times; The unbearable lightness of leaders 

 

Fyrri færsla

 

Standard & Poor’s lækkar lánshæfnismat ríkissjóðs Bandaríkjanna 

Athugasemdir

[Ómar Gíslason, 7.8.2011 kl. 03:47]

Ætlar hugbúnaðurinn í Þorsteinni nokkrum Pálssyni sé bara ekki bilaður og óvíst hvenær hann kemst í lag? Væri bara ekki rétt að loka hann inn á meðan viðgerð stendur yfir?

[geir magnusson (IP-tala skráð) 7.8.2011 kl. 08:48]

Þetta er skörp og hárrétt greining á evrumálum. Evran gat alderi gengið til lengdar þar sem samtökin höfðu ekki refsirétt yfir þeim meðlimum, sem brutu reglur umríkisfjármál. Það er bara tímaspursmál þangað til sterku ríkin kasta amlóðunum fyrir borð. Svo maður noti gamla samlíkingu, þá er

ekki hægt að gera út teinæring ef hálf áhöfnin er einhent.

[Jón Ásgeir Bjarnason, 7.8.2011 kl. 08:58]

Það er kanski ekki skrýtið að kallað hafi verið til neyðarfundar hér og þar.  Ég hugsa að þessi frétt sé í raun miklu meiri ástæða vandræða en niðurfelling trausts á skuldasúpu kananna.

http://www.spiegel.de/wirtschaft/soziales/0,1518,778764,00.html

Þjóðverjar geta ekki staðið undir meiri óráðsíu sem búið var að sópa undir evrupappírinn sem var í "sameiginlegri" ábyrgð.  (Les;  Fé án hirðis).  Sérstaklega eftir að það er öruggt að þegar kanar hafa verið skrifaðir niður að fleiri eiga skilið smá niðurskurð í vestur Evrópu.

Enda voru Frakkar fljótir að lýsa "trausti sínu" á USA skuldapappíra...

Hvað er það með íslenska krata og óstöðvandi eyðingarhvöt.  Hvað í ósköpunum eru þeir að hugsa að ætla að senda þjóðina beint í annað hrun?  Aftur!  Það var ekki nóg með alþjóðlega fjármálamiðstöð á Íslandi með fulltingi EES samningsins!

London brennur. 

Þetta eru óþægilega spennandi tímar.