Á þessum degi fyrir ári síðan [u]

Mynd: úr Daily Shot tölvupóstinum til mín þann 17. febrúar 2023: Listi yfir þau 25 lönd heimsins sem ráða yfir stærstu flotum skriðdreka. Einu NATO-löndin sem komast þarna á blað eru Bandaríkin, Tyrkland og Grikkland. Samt hef ég grun um að Rússar eigi enn fleiri skriðdreka en þarna eru sýndir því Rússland er líklega mesta landherveldi mannkynssögunnar

****

Á ÞESSUM DEGI Í FYRRA

Sjá tengil á frétt mbl.is neðst

Á þessum degi fyrir ári síðan, þ.e. þann 21. febrúar 2022, tilkynnti DNA fréttastofa Dotnetsk um fordæmalausar árásir stórskotaliðs þess Úkraínuhers sem NATO og ESB höfðu byggt upp í það að vera næst stærsti her í Evrópu, á eftir þeim rússneska, en öflugri en Tyrkneski herinn. Hófst uppbygging úkraínska hersins í kjölfar valdaráns sem komið var í kring í Kænugarði með aðstoð ESB- og NATO-landa og var innrás þessa hers inn í sjálfsstjórnarlýðveldin í austri þá yfirvofandi. Í fréttatilkynningu DNA segir:

"Ukrainian army fires 1,500 rounds on Donbass in 24 hours"

Það er rétt sem Vladímír Vladímírovich Pútín forseti Rússlands segir í ávarpi sínu til rússneska þingsins og sem Morungblaðið lætur getið í frétt blaðsins. Það var ekki Rússland sem hóf stríðið í Úkraínu. Því til sönnunar er til dæmis hægt að skoða skýrslu stofnunar Sameinuðu þjóðanna frá 27. janúar 2022 (PDF), eða frá því mánuði áður

Þar segir: að 51 þúsund til 54 þúsund manns liggi í valnum á tímabilinu frá 2014 til ársloka 2021. Að rúmlega 14 þúsund hafi verið drepnir og að 37 þúsund til 39 þúsund séu særðir eða örkumla

Af því liði sem umlykur hinn óframboðshæfa og mállausa Jósef Biden forseta Bandaríkjanna, og sem ófær er um að mæta blaðamönnum og svara spurningum og að koma fram og segja þrjár setningar í samhengi við hverja aðra, eru menn í æðstu valdastöðum sem eru afkomendur frægra úkraínskra nasista í Síðari heimsstyrjöldinni, en nú búsettir bæði í Bandaríkjunum og Kanada

LÁTI VITA

Þeir sem séð geta fyrir sér að ríkisstjórn Mexíkó með aðstoð Kína byggi upp þannig öflugan her í Mexíkó og sem byrjar að brytja niður Bandaríkjamenn búsetta í Mexíkó, láti Pútín vita þegar þeir skilja samhengið

Og þegar Kína býður Mexíkó aðild að kínversku Kyrrahafsvarnarbandalagi (NPTO eða North Pacific Treaty Organization) og fær herstöðvaraðstöðu í landinu sem liggur beint upp að suðurlandamærum Bandaríkja Norður-Ameríku, já þeir láti Hvíta húsið í Washingtonmýri vita þegar þeir skilja einnig það samhengi, og segi því húsi einnig í leiðinni að þeir óttist að Kína aðstoði Mexíkó við að ná Nýju Mexíkó til baka úr höndum Bandaríkjamanna. En það er þetta sem er í gangi í Úkraínudeilunni

Kína getur þá bara sagt að það sé með opnar-dyr-stefnu í NPTO (e. Open Door Policy) og að löndum sé frjálst að ganga í hvaða varnarbandalag sem er. En það er reyndar ekki rétt því alþjóðasamkomulög segja að ekkert ríki geti aukið þjóðaröryggi sitt á kostnað þjóðaröryggis annarra ríkja, því sé slíkt reynt þá verður stríð

"EKKI EINA TOMMU AUSTUR"

En þann leik eru ESB-ríkin (ófriðarbandalagið) og NATO undir yfirstjórn Bandaríkjanna búin að leika gagnvart Rússlandi frá lokum Kalda stríðsins. Þá var Rússum lofað að NATO myndi ekki fara eina tommu austar

NATO hefur að mig minnir aldrei háð varnarstríð. Öll stríð þess hafa verið drottnunar-, árásar-, eða hernaðarátök í þá áttina. Leiðréttingar eru velkomnar

Skrílræði: Sturlaður forseti bandaríska þingsins, Nancy Pelosi, rífur sambandsríkisræðu þjóðkjörins forseta Bandaríkjanna í tætlur að baki hans í febrúar 2020, í beinni sjóvarpsútsendingu til Bandaríkjamanna. Forsetinn er eini þjóðkjörni fulltrúi þeirrar þjóðar

****

Í þessu samhengi má geta þess að bandarískir ríkisborgarar hafa ítrekað óskað eftir því að bandaríski herinn geri frekar innrásir í verstu glæpahverfi bandarískra stórboga og frelsi þá, heldur en að ráðast sífellt inn í önnur lönd hinumegin á jörðinni. Bandarískir ríkisborgarar hafa einnig óskað eftir því að bandaríkjaher verji landamæri Bandaríkjanna, en innan þeirra eiga þeir sitt heima

Hér er eitthvað sem farið hefur verulega úrskeiðis, en það er auðvitað frekar reglan heldur en hitt þegar að fjölþjóðafyrirbærum eins og ESB og NATO kemur. Þau öðlast ávallt sitt eigið líf og taka sig síðan sjálf af lífi með því að verða eins og ESB og NATO. Þar er því allt að hrynja núna

Nú spyr ég: hvor málsaðilinn, Rússland eða NATO, hefur sýnt ótrúlega þolinmæði í málinu og verið seinþreyttur til átaka, þegar samkomulagssvikin, "ekki eina tommu austur", eru höfð í huga

Nallinn, hið óþjóðlega vald, lætur ekki að sér hæða, hvorki í Sovétinu sáluga né í Nalla-ESB og Nalla-NATO

Uppfært:

ALLT ÁVARP VLADÍMÍRS PÚTÍNS TIL RÚSSNESKA ÞINGSINS - MEÐ ENSKUM TEXTA

Upptaka: Allt ávarp Vladímírs Pútíns til rússneska þingsins þann 21. febrúar 2023 með enskum undirtexta, þökk sé Michael Rossi stjórnmálafræðingi við Rutgersháskólann. Bein krækja

****

Fyrri færsla

Sameinað NATO búið með skotfærin

Verða að vera tilbúin að prófa kjarnorkuvopn

Athugasemdir

[Ingólfur Sigurðsson, 22.2.2023 kl. 06:53]

Upphafleg athugasemd hjá mér við þessum merkilega og vekjandi pistli varð of löng - úr varð reiðilestur minn í nýjum pistli á minni síðu í garð þeirra sem ógna heimsfriðinum.

Margt í pistli þínum kom mér á óvart, og sýnir að alrangt er það sem haldið er fram að Rússar einir hafi byrjað þetta stríð.

Páll Vilhjálmsson kemst að sömu niðurstöðu og þú, að Kínverjar þurfi ekki að hjálpa Rússum við að sigra þetta, þótt þeir bíði á hliðarlínunni tilbúnir.

Maður vonar bara að þetta fari vel, þótt þetta líti enn verr út en í Kúbudeilunni.

Þínar blogggreinar ættu að vera mest lesnar hér. Þær eru í hæsta gæðaflokki.

[Gunnar Rögnvaldsson, 22.2.2023 kl. 08:16]

Þakka þér fyrir Ingólfur.

Ég hef lesið bloggfærslu þína, þannig að ég skil þig vel. Þar er margt satt og rétt.

Þegar átökin í Úkraínu tóku á sig nýja mynd í febrúar fyrra með "sérstakri hernaðaraðgerð" Rússa, vaknaði ég upp við vondan draum, því samkvæmt því sem gerðist með svo kölluðum lokum Kalda stríðsins átti þetta ekki að geta gerst, því eins og ég segi hér fyrir ofan: ekkert ríki á rétt á því að auka þjóðaröryggi sitt á kostnað þjóðaröryggis annars ríkis. Og sé það reynt þá endar það illa. Það var einmitt þetta sem Rússum var lofað þegar þeir drógu sig til baka frá meginlandi Evrópu, en NATO ekki. Þeim var lofað að slíkt yrði ekki reynt.

Engum ríkjum Evrópu stóð nein ógn af Rússum frá og með lokum Kalda stríðsins.

Það sem gerst hefur núna sannar hins vegar að það var ekki bara sovéski kommúnisminn, eins og sagt var, að vesturlöndum stæði ógn af. Hann er löngu horfinn eins og nasisminn er horfinn í Þýskalandi. Nei, málið þegar allt kemur til alls er það að veruleikafirrt krataklíka hins hyldjúpa helvítis þeirrar tegundar sósíalisma á vesturlöndum þolir hreinlega ekki sjálfa tilvist Rússlands og menningu þeirrar þjóðar.

Það var mjög erfitt fyrir kana-dindilinn mig að kyngja þessari sjálfsrannsóknar-niðurstöðu minni nokkrum mánuðum eftir að hernaðaraðgerðin hófst þann 24. febrúar 2022. Ég gróf mig niður, endurlas allt sem ég vissi um Rússland og nýjustu rannsóknir t.d. bandarískra hernaðarsagnfræðinga um innrás heimsveldis nasista inn í Rússland 1941. En þeir gátu lagt nýtt eða fyllra mat á stöðuna þegar sovétið féll og skjalasöfnin opnuðust. Eftir þetta endurmat á landinu Rússlandi var niðurstaða mín sú að þetta átti alls ekki að geta gerst, en það gerðist samt, og það er algjörlega Evrópusambandinu og NATO að kenna.

Í dag er staðan sú að víglínan er um 1500 km. löng eða sem svarar til fjarlægðar Reykjavíkur frá Ósló (sú fjarlægð Íslands frá Ósló mætti þó gjarnan vera enn meiri og dýpri mín vegna). Rússland er með um það bil 120-150 þúsund ferkílómetra af fyrrum Úkraínu á sínu valdi, algjörlega, og var átakasvæðið í Desert Storm, þ.e. hinni tilefnislausu innrás Bandaríkjanna inn í Írak, fimm sinnum minna en það er núna í Úkraínu.

Segja Rússar að um eiginlegt stríð sé ekki enn sem komið er að ræða, frá þeirra bæjardyrum séð. Þeir hafa enn sem komið er aldrei notað meira en 20 prósentur af landherafla sínum. Bardagasveitir lýðveldanna tveggja í austri hafa lagt mikið af mörkum, enda vilja og vildu þau ekki láta hið snarbilaða lepplið NATO í Kænugarði þurrka sig út.

Kveðjur

[Gunnar Rögnvaldsson, 22.2.2023 kl. 14:57]

miðvikudagur, 22. febrúar 2023 kl. 14:55:20

Ha ha ha ha.

Nú hefur kvisast út í hverju "hugrekki" Jósefs Bidens forseta Bandaríkjanan í að fara til Kænugarðs var falið (fyrir fjölmiðlum).

Komið er í ljós að  Vladímír Pútín forseti Rússlands gaf út eins konar passa (propusk) til handa Jósef Biden um að hann mætti fara eina ferð fram og til baka með lest frá Przemysl í Póllandi til Kænugarðs og að engar bandarískar herflugvélar né bandarískar borgaralegar flugvélar væru í lofthelgi Úkraínu í 24 tíma á meðan.

Þar mætti svo Biden illa til fara eftir lestarferðina, bölvaði Pútín og fór svo til baka til Przemysl.

Það er greinilegt að Hvíta húsið ber mikið traust til loforða Vladímírs Vladímírovich Pútíns forseta Rússlands.

En það var einmitt í Przemysl að fjölþjóða her Austurísk-Ungverska keisaradæmisins gafst upp í Fyrri heimsstyrjöldinni. Herskipanirnar voru á sjö tungumálum en þarna í Przemysl leystist herinn upp og hver fór til síns heima. Síðan tapaði Ungverjaland stórum hluta af landsvæði sínu, og einn hlutinn lenti inn í Úkraínu.

John Helmer blaðamaður er með þetta. En hann vann áður fyrir Jimmy Carter í Hvíta húsinu og er eini vestræni blaðamaðurinn sem rekið hefur sjálfstæða fréttaþjónustu frá Moskvu og hefur gert það síðan 1989.

PRESIDENT VLADIMIR PUTIN SIGNED SAFE CONDUCT FOR PRESIDENT JOSEPH BIDEN, ONE RETURN PRZEMYSL RAIL PASS, 24-HOUR LEAVE PASS FOR KIEV, IN “COVERT” MISSION TO FOOL NEW YORK TIMES, LONDON TIMES, FINANCIAL TIMES (AND IT DID)

[Birgir Loftsson, 22.2.2023 kl. 17:44]

Sælir báðir, já enginn er saklaus í stórveldapólitík.

Í raun má rekja hana (núverandi gerð) allt aftur til myndunar þjóðríkisins/stórveldisins. Fyrst Frakkland (Karlamagnus) og svo England (og Bretland 1707) en Þýskaland og Ítalía komu seinna enda mikill bútasaumur sem þurfti að vinna. Samt var þarna fyrirrennarar síðastnefndu ríki, Prússland og 2-3 stór ítölsk ríki.  Rússland varð til sem stórveldi er þeir lokuðu á Mongóla í tíð Ivars grimma. Segja að þessi þróun hafi að mestu verið afstaðin á 16. öld (myndun núverandi stórvelda) en þá færðust átökin yfir til nýlendnanna í Ameríku (t.d. 7 ára stríðið) og loks til Afríku á 19. öld þegar hún opnaðist og svo Asíu.

Sama vitleysan er í gangi nú og á 17. öld, í 30 ára stríðinu sem var svaka stríð (og ég skrifaði um) og hefði getað orðið upphaf Þýsklands. Þvílíkt stríð. Fyrirrennari allra morðóða stríða í Evrópu. Gjöreyðingastríð vegna fáranlegra ástæðna (og hægt að stunda vegna stærða ríkja). Sama með Napóleon styrjaldirnar og heimsstyrjaldirnar báðar. Brjáluð stríð.

Ég held að þið tveir (og flestir aðrir) sjái ekki hversu gagnlaus/tilgangslaus þessi stríð eru og heildarmyndina. Og skipa sig í lið með einhverju? Þegar sömu grautarhausarnir eru beggja megin við borðið? Versta er að nú geta þessir grautarhausar (ná alla leið til Washington) stútað jörðinni á innan við hálftíma.

Bjánarnir skiptast á að vera í liði með hverjum öðrum. Eina stundina eru Rússar vinir Þjóðverja en á morgun kannski óvinir. Sama gildir um Frakka...og aðra. Ást - hatur samband Englendinga og Frakka stóð í aldir. Og hver er árangurinn? Er eitthvað vit í þessu? Bara af því að stjórnendur þessara stórvelda vilja vera í tindátaleik.

Sleppum við Íslendingar? Held nú ekki. Nokkrar kjarnorkusprengjur eru eflaust (án vafa í mínum huga) merktar "with love from....to Iceland"!

Og kjölturakkarnir á Alþingi eru jafnvitlausir og allir hinir. Jafnvel verri, því að þeir reyna ekki einu sinni vernda landið og treysta á stórveldið í vestri, sem gæti hrunið hvenær sem er eða misst áhugann á landinu eins og 2006. Þeir fylgja í blindni stríðsóðu ættingja sinna í Evrópu og setja sig á háan hest, bara vegna þess að erlendir innrásarherir gátu ekki eða höfðu ekki áhuga á taka einskins vert land eins og Ísland hefur verið í gegnum aldirnar.

Nú er sagan önnur, flugmóðuskipið Ísland er kjörið skotmark í komandi heimsátökun. Jafnvel Kínverjar hafa eflaust merkt einhverjar kjarnorkusprengjur fyrir Ísland, "deliver to Iceland from China with express".

Erum við Evrópubúar ekki allir skyldir og búið í álfunni í tugþúsundir ára? Skiptir einhverju máli ef siðirnir og tungumálið eru aðeins öðru vísi en hjá fólkinu handan við fjallið? Erum við ekki öll á sömu vegferð? Og mannkynði ef út í það er farið. Við höfum ekkert lært síðastliðin tvö þúsund og fimm hundruð ár.

Af hverju er enginn virkilega að tala um frið? Það væri öruggast fyrir Evrópubúa og heiminn. Ekki einu sinni friðardúfurnar í VG (vinstri gagnlausir)berja í borðið og segja, hingað og ekki lengra. Enginn Jón Baldvin til lengur á Íslandi á vígvelli stjórnmálanna.

Og í guðanna bænum, hættum að segja: Allt Pút...Bide..Macr...að kenna. Þetta er þeim öllum að kenna.

[Ingólfur Sigurðsson, 23.2.2023 kl. 00:10]

Eitt er það sem er nýtt við þetta stríð og það er kynjastríðið sem er ein grunnforsenda þess, fyrir utan venjulega landvinningapólitík sem vakir bæði fyrir Bandaríkjunum og Rússlandi. 

Eins og Eva Hauksdóttir rakti í pistlum á Stundinni fyrir 10 árum þá er woke-stríðið hjá demókrötum í Bandaríkjunum og mörgum flokkum á heimsvísu ný trúarbrögð, sem komu í staðinn fyrir kirkjuna, og sérstaklega verstu þættina í sögu hennar, það er að segja nornabrennurnar. Kynjafræðingar, kvenfrelsarar og öfgajafnaðarmenn hafa ekki umburðarlyndi gagnvart mannkynssögunni. Þeir eru í krossferð að sigra Rússland og miklu er kostað til, því Rússland er eitt síðasta vígi hefðbundinna kynjahlutverka og menningar þeirrar sem blómstraði í gegnum aldirnar.

Joe Biden er ekkert nema kjölturakki Kamölu Harris og þannig kvenna. Evrópuþjóðirnar og Vestrið í heild reynir að sigra Rússa til að fela vandræðin heima fyrir, að Vesturlönd eru á barmi borgarastyrjaldar, vegna hinnar umræddu skautunar.

Ef leiðtogar eins og Biden myndu ekki láta stjórnast af tilfinningaviðbrögðum myndi hann vita að sagan leiðréttir sig sjálfkrafa, ef Pútín er einræðisherra sem ekki ógnaði Vestrinu, sem enginn þarf að hræðast munu menjar eftir hann hverfa með tímanum, jafnvel þótt Úkraína tapi fyrir Rússlandi.

Nei, þeir sem óttast Pútín vita að hann stendur fyrir sjónarmið sem standa tryggilega í evrópskri menningu og kristinni trú. Ennfremur er vitað að tími wokefræðanna er takmarkaður. Woke ruglið hlýtur að vera froða sem hjaðnar að lokum. Mikið mannfall fyrir slíka froðu.

[Gunnar Rögnvaldsson, 23.2.2023 kl. 00:10]

Þakka þér kærlega fyrir Birgir.

Jáh, tja, mja og hah.

Svo lengi sem mannlegt eðli er eins og það meðfætt er, þá munu hlutirnir ekki breytast, sagði Þúkýdídes. Hann hafði auðvitað rétt fyrir sér. 

Nýju stríðsflokkar vesturlanda eru hinir grænu flokkar umhverfiskommúnistanna og mannréttinga. Þeir eru að undirbúa nýtt sovétríki á flatri jörð. Þú sérð þetta á örvitunum í Hvíta húsinu núna, Önnulenu hinni grænu þýsku bjórtunnu og í Vinstri helgrænum hér heima.

Nýtt nalla-sovétríki grænkomma þarf á rosalegu magni af nýjum stríðum að halda og miklu af skotvopnum. Skjóta þarf næstum allt fólk sem gengur ekki í takt. Á meðan býr þetta fólk í bunker og talar eins og Stalín og Hitler.

Sjáðu Bjarna Ben. Hann bara dinglar í snöru þeirra, plebbinn sá, og búktalar.

Kveðjur

[Gunnar Rögnvaldsson, 23.2.2023 kl. 00:37]

Já Ingólfur. 

Þjóðverjar hafa málfræðina yfir þetta: Einræðisherraínur, Stalínur og Hitlerínur.

Þarna er ekkert nýtt undir sólinni. Kellingar bjarga okkur ekki. Og það vita Rússar vel.

Þeir þekkja líka sína menn mun betur en mýrarmenn í Washington þekkja virkisvetraþánka Rússlands.

Ég held að Rússar séu að undirbúa svo hrikalegt og úr sér bræðandi kjaftshögg á vestrið að það muni ekki reyna að leika þennan leik sinn á ný næstu 70 árin.

En lengra nær hin umtalaða baunasúpa Þúkýdídes sennilega ekki. Síðan hefast deigið á ný og sagan endurtekur sig.

[Theódór Norðkvist, 23.2.2023 kl. 08:48]

Röksemdarfærsla þín er algjörlega óskiljanleg. Hvernig færðu það út að Vesturlönd hófu stríðið? Vegna þess að 14 þúsund eru látnir vegna uppreisnarsinna sem eru studdir af Rússum?

Síðan er það helber þvæla að Rússum/Sovétríkjunum/Gorbachev hafi verið lofað að engin lönd í A-Evrópu gengju í NATÓ. Það var aldrei gert og þó skúringarkonan hafi rekist á Gorbachev í ganginum á einhverjum fundarstað USSR og Vesturlanda og lofað Gorbachev einhverju í þá veru , þá átt þú að skilja að það hefur ekkert lagagildi.

Enda er ekki hægt að banna þessum löndum að sækja um aðild að NATO, ekki frekar en að það sé hægt að banna þeim að halda með Manchester United.

Ef vinur þinn, morðhundurinn í Kreml, er svona hræddur við útþenslu NATO, segðu honum þá að hætta að ráðast inn í löndin í kringum sig, nauðga og drepa þar konur, börn og gamalmenni.

Nei Gunnar, eins og þú hefur oft skrifað marga ágætis pistla, þá held ég að þú hafir haft hausinn of lengi í kafi í sorapollum rússneskra ríkisfjölmiðla lygarans Pútíns.

[Gunnar Rögnvaldsson, 23.2.2023 kl. 09:08]

Þakka þér fyrir Theódór.

Þar sem þú hefur alið manninn svo lengi í Svíþjóð, þá er mjög svo skiljanlegt að þér líki vel við að láta aðra hugsa fyrir þig.

Ég get því miður ekkert gert fyrir þig í þeim efnum úr þessu.

Kveðjur til þín á Skáni.

[Ragnhildur Kolka, 23.2.2023 kl. 10:18]

Samkomulag, undirritað eða heiðurs skiptir Bandaríkin engu. Þeir fara eftir "rule-based order" sém er bindandi fyrir alla aðra en þá sjálfa. Fyrir BNA er reglan afstæð.. 

[Theódór Norðkvist, 23.2.2023 kl. 10:26]

Ég þykist hugsa fyrir mig sjálfur, eins og þú gerir eflaust og það er sennilega bara tilviljun að þín sjálfstæða hugsun hafi komist að nákvæmlega sömu niðurstöðum og húskarlinn í Kreml hefur komist að.

Engu að síður þakka ég fyrir hlýjar kveðjur og endurgeld þær til þín á Íslandi.

[Gunnar Rögnvaldsson, 23.2.2023 kl. 11:18]

Vertu ánægður Theódór.

Í 12 mánuði hafa allir sem einn fjölmiðill vesturlanda sagt þér að Úkraína --með aðstoð þúsunda starfsmanna NATO um allan heim sem sjá Úkraínuher fyrir lifandi gögnum í öllum litum og þar með skotmörkum úr 120 gervihnöttum Bandaríkjanna og NATO-landa-- hafi í samfellt alla þá mánuði verið að vinna stríð við hinn skotfæralausa rússneska her sem er með hinn vonda Vladímír Pútín sem æðsta yfirmann í landi sem enga lögmæta þjóðaröryggishagsmuni má né ætti að hafa því innrásir sturlaðrar Vestur-Evrópu inn í Rússland hafa verið svo örfáar og gereyðandi hin síðustu nokkur hundruð ár.

Nú er bara að halda áfram að hlusta á og lesa þessa fjölmiðla vesturlanda alla saman og sperra upp eyrun í hvert skipti sem mannvonska Rússa og forseta þeirra er undirstrikuð.

En samt er enn eins og að eitthvað passi ekki við veruleikann, því þú fannst einn mann úti í horni sem er bara alls ekki sammála.

Og á morgun er þessi grábölvaði 24. febrúar kominn aftur enn á ný, en björninn ekki lagður enn.

[Gunnar Rögnvaldsson, 23.2.2023 kl. 11:19]

Þakka þér fyrir Ragnhildur.

Já. Þessi svo kallaða "rule-based order" passar kannski ágætlega við reglubundnar innrásir vestrænna landa í fjarlæg lönd, stundum og stundum ekki með aðstoð NATO.

Þeir sem sjá einhverja reglu í hlutunum allar götur frá 1992, hafa að minnsta kosti ekki verið staðsettir hér á þessari jörð.

Kveðjur

[Theódór Norðkvist, 23.2.2023 kl. 23:54]

Þakka ágætt svar. Ég er svo sem ekki þeirrar skoðunar að her Rússlands sé kominn að fótum fram (því miður ekki.) Ég les oft álit núverandi eða fyrrverandi överstlautinanta í sænska hernum og þeir hafa sagt að Rússland gæti hugsanlega haldið út í þessu stríði mjög lengi, ef mig misminnir ekki.

Er ekki að segja að Vesturlönd geri allt rétt, það er valdabarátta í heiminum og ekki allir vandir að virðingu sinni í þeim ljóta leik. Allur heimurinn er á valdi hins vonda segir í hinni góðu bók. Er ég ber saman Vesturlönd og Rússland þá er það eins og spurningin hvort maður vilji vaða skítinn upp í hné, eða upp að geirvörtum.

Held ég hafi ekki mikið meira að segja, þakka þeim sem lesa.