Sameinað NATO búið með skotfærin

OG BIÐTÍMINN EFTIR NÝJUM BIRGÐUM ER ÞRJÚ ÁR

Upptaka úr aðalstöðvum NATO þann 13. febrúar 2023. Framkvæmdastjóri NATO, Jens Stoltenberg, talar

****

Skotfæraframleiðsla sameinaðs NATO er ekki bara tvisvar, þrisvar, fjórum eða fimm sinnum minni en skotfæraframleiðsla Rússlands, heldur er hún mörgum sinnum minni. Já mörgum sinnum minni, segir framkvæmdastjóri NATO, Jens Stoltenberg þarna á upptökunni

Sá maður er hagfræðingur og snérist lokaritgerð hans um n. makroøkonomisk planlegging under usikkerhet eða "hagstjórnaráætlanagerð á óvissutímum". Maðurinn veit sem sagt ekkert, kann ekki neitt og getur ekki neitt. En einmitt þess vegna er hann framkvæmdastjóri NATÓ (nú plató). Það eina sem hann og forfeður hans kunnu vel, og eru þekktir fyrir að kunna, er að hata Rússa framar öllu öðru

ESB OG NATO: ALLTAF AÐ "HJÁLPA" ÚKRAÍNU

• Austurhlutinn sem vildi ekki ganga í NATO (aðeins 18% vildu það). Við erum bara að hjálpa
• Þegar ríkisstjórninni var velt með valdaráni NATO og ESB-landa. Við erum bara að hjálpa
• Og þegar vopnum er síðan skóflað í þá. Við erum bara að hjálpa
• Sorrý, vopnin eru búin og ég er orðinn grænn í framan. Vorum bara að hjálpa
• Var þetta ekki hjálplegt, landið þitt er ónýtt, og okkar reyndar líka. Vorum bara að hjálpa

Sukhoi Su-35 herþota Rússlands leikur listir sínar á flugsýningunni í París 2013. Síðan þá eru nýjar og afburða rússneskar herþotur komnar til og er bardagahæfur flugfloti Rússneska flughersins nú á pari við bandaríska flugherinn, en eldflaugaher og loftvarnir Rússlands eru hins vegar orðnar margfalt betri og öflugari en samanlangt í Bandaríkjunum og öllum löndum NATO. Þessu þurftu vestrænir blaðamenn einungis að fletta upp, og lesa sér til um til dæmis uppgjafartóninn í 2023-úttekt Heritagestofnunarinnar í Washington: 2023 Index of U.S. Military Strength. Menn hefðu einnig getað flett því upp að í Síðari heimsstyrjöldinni framleiddu Rússar helming allra stórskotaliðsvopna og skotfæra sem Bandamenn framleiddu. En þar sem upplýsingatækni nýaldar hefur aðeins gert vestræna blaðamenn að blaðurmennum þá er ekki við öðru að búast en rusli út þeim ranni

****

SÍÐUSTU 330 DAGAR

Í næstum heilt ár höfum við heyrt hið úrkynjaða fjölmiðlarusl vesturlanda –yfirgnæfandi mannað fársjúkum og glóbal-grænum nývinstrimönnum með rauðgrænan heilaútblástur– heildsölufræða vestrænan almenning um að Rússland hafi hvern einasta dag síðustu 330 dagana verið að tapa stríði í Úkraínu og alveg við það að verða búið með skotfærin og noti jafnframt örgjörva úr þvottavélum til að stýra skotbraut þeirra. Allt rússneskt hefur af þeim verið matreitt sem ónothæft og þýðingarlaust rusl og sjálft Rússland sem dvergríki

Hitti gamla þýska Göbbelssmiðjan loksins arftaka sína þarna, því þegar Rússar óku inn í Berlín 1945 þá stóð þýskur almenningur bókstaflega á öndinni og spurði örvæntingarfullur "hvar er sigurinn okkar"? Sigrinum hafði Göbbelssmiðjan logið svo kyrfilega að þýskum almenningi fram á síðasta dag stríðsins að almenningur trúði því að heimsveldi Nasista væri að vinna stríðið. Það var því átakanlegt áfall fyrir þýskan almenning að höggberja rússnesku skriðdrekana eigin augum, beint fyrir framan nef sitt. Þessi staða fékk í mörgum tilfellum þýskan almenning til að grípa til örþrifaráða, því áfallið var svo mikið og passaði engan veginn við það sem Göbbelssmiðja þýsku sósíalistanna hafði logið svo kyrfilega að Þjóðverjum fram á síðasta dag

Allt síðasta ár og jafnvel allar götur frá 2014, og sennilega enn lengur, hafa fjölmiðlar vesturlanda verið eins. Algjörar og huglausar lygaveitur, þar sem varla hefur verið hægt að trúa blaðsíðutölum, kommum og punktum

Um fjölmiðla vesturlanda er hægt að spyrja sig þess hvor að þeir séu nokkuð lengur samrýmanlegir áframhaldandi tilvist hins meinta lýðræðislega stjórnarfars vestrænna lýðvelda - og sem breytt hafa sér í hálfgerðan imperíal drekkingarhyl þjóðríkjanna, þökk sé meðal annars hinum óþjóðlegu nalla-fjölmiðlum þeirra. Hið meinta hlutleysi vestrænna fjölmiðla er að minnsta kosti lygar frá upphafi til enda, þar sem þeir ríkisreknu eru verstir og mun verri en ekki neitt. Þeir eru orðnir hreint og beint skaðræði. Jafnvel rússneska Tass er orðið miklu betra en þeir eru til samans

Og ekki nóg með það þá fer það stóð ábyrgðarlausra imbahala sem þessi árin situr undir titlum æðstu yfirstjórnar Bandaríska hersins og NATO-landanna nú fram á að Úkraínuher verði "kennt" að berjast þannig á vígvöllunum að "ekki þurfi að koma til mikillar notkunar á skotfærum". Þetta segir liðið sem stóð fyrir því að stríðið við Rússa hófst, og það sem meira er, þetta sama liðið stendur enn fyrir því að senda og henda Úkraínumönnum á spjótin. Það stendur dag hvern fyrir upplausn landsins og mannfalli þess á meðan það sjálft, langt langt í burtu, heldur á sér hita með rússnesku gasi, olíu, úrani og endurvinnslu þess. Og heima hjá þessu liði sjálfu er allt í steik, lekandi niður sem græn mygla úr þessum helgrænu örvitum út um öll gólf, - þar sem verið er að smíða heilt nýtt helvíti vinstrimanna á jörð. Þeir voru rauðir, en eru grænir að utan núna og nytsöm xD-kratafífl eru handlangarar þeirra í þetta skipti mannkynssögunnar

NIÐURLAG ESB-RÚSTANNA

Hér má líta mynd af forsíðu þýska vikublaðsins Junge Freiheit. Þar segir að árás hafi verið gerð á Þýskaland með árásinni á orkuinnviði þess, þar sem Norðurstraums-orkuleiðslur Þýskalands til Rússlands hafi verið sprengdar í tætlur. Junge Freiheit telst vera málgagn þýskra þjóðaríhaldsmanna og þeir vita sem er að hvorki Þjóðverjar sjálfir né Rússar sprengdu leiðsluna því það væri eins og að varpa sprengjum á sjálfan sig

****

Þeir í Evrópu sem í 77 ár hafa haldið því fram að aukin viðskipti milli landa komi í veg fyrir ófrið og styrjaldir milli ríkja og sem lifað hafa hátt á þeirri lygi á skattfrjálsum launum hjá Evrópusambandinu í 66 ár, neyðast nú að hugsa sinn gamla gæsagang uppgjafarþjóðarsósíalista upp á nýtt. Rússland var nefnilega stærsta viðskiptaland Þýskalands í febrúar 2022 og það var líka stærsta viðskiptaland Þýskalands í júní 1941. Evrópusambandið hefur misnotað NATO til hins ýtrasta til að kynda undir ófriði í álfunni frá fyrsta degi stofnunar þess 1992, með tilkomu Marðarspelkusáttmálans kenndum við hollensku borgina Maastricht. Evrópusambandinu hefur nú með einungis sjálfri tilvist þess loksins tekist að rústa firði í álfunni til langframa

Evrópusambandið hefur gengið hve harðast fram í ófriðarmálum og kynnt undir stríðshættum með bæði stjórnmálum og tilvist þess. Þessi nakta staðreynd kemur hins vegar ofan í það að Evrópusambandinu hefur einnig tekist að rústa efnahag aðildarlandanna svo hrikalega, að þau munu varla nokkru sinni bíða þess bætur áður en þau líða undir þau lok sem sambandið ávallt og alltaf hefur ætlað þeim. Sem sagt: til hamingju ESB! Til hamingju með að hafa rústað heimsálfunni Evrópu, og nú svo kyrfilega að afiðnvæðing hennar fer fram einmitt núna. Hvað gerist næst í Þýskalandi er orðið algjörlega óútreiknanlegt dæmi og er það því af sem áður var í þeim efnum

Hin þýska ríkisstjórn sósíaldemókrata, græningja og frjálsra demókrata riðar til falls, því fjármál þýsku þjóðarinnar, peningar hennar og atvinnulíf megna ekki lengur að mynda sameiginlegan og samstarfshæfan grundvöll hennar. Ágreiningurinn er orðinn svo djúpstæður, illur og mikill. Og í könnunum mælist þýski AFD-flokkurinn nú jafnstór eða stærri en flokkur græningja. Það verður fróðlegt að fylgjast með síðustu andartökum Evrópusambandsins á næstu árum. Því annaðhvort fáum við þau, andartökin, eða þá að nýr Luftwaffe verður gerður að innheimtustofnun Evrópu

HVAÐ VERÐUR UM ÞÝSKALAND?

Falleg, endalaust öflug og breið rödd Angelu Wiedl. Hvað mun gerast með Þýskaland úr þessu? Mun Bæjaraland á ný lýsa því yfir að það sé sovétlýðveldi í einn mánuð eða svo, þegar lætin byrja á ný? Hlusta hér

****

Ég hef alltaf haldið upp á þýska þjóðlagatónlist og slagara. Það var svo gott að hafa þá þegar maður ók á 230 km hraða á þýsku hraðbrautunum fyrir síðustu aldamót, því þá voru netsamgöngur engar og bílinn því stiginn í botn til að ná réttu hlutunum á réttum tíma. En nú eru flestar þær brautir svo gott sem niðurslitnar og stíflaðar, brýr þeirra að hrynja og hestar orðnir fljótri í förum en netsambandið er í landinu, sé það yfir höfuð til staðar. Hvernig skyldi Þýskaland þá líta út eftir afiðnvæðinguna núna? Ég hélt einkum upp á Angelu Wiedl því hún hafði svo breiða og fallega bæverska rödd, og sum lög hennar eins og þetta hér minntu mig á íslensku sjómannalögin, sem ég saknaði sárt þegar ég bjó allt of lengi á meginlandi Evrópu. Það var einnig kraftur og töluverður ökuhraði í hjónakornunum Stefaníu Hertel og Stefáni Mross frá Efrabæjaralandi, en hún hóf feril sinn sem barnasöngstjarna

Fyrri færsla

II: Belglofti dælt í Bandaríkjamenn árum saman

Athugasemdir

[Grímur Kjartansson, 18.2.2023 kl. 12:32]

Norsarar ætla að veita úr yfirfullum olíusjóðnum ómælda $ til Úkraínu sem verða samkvæmt viðtali við ráðherra þar í landi notaðir til vopnakaupa.
Vopn leynast á ólíklegustu stöðum ef nægt fé er í boði
Í Belgíu er vopnasali með mörg hundruð skriðdreka á lager.
Í Afganistan er mikið af ónotuðum hernaðartækjum sem Talibanar eru meir en til í að selja svo ekki sé minnst á allt sem er til sölu í Afríku.

[Gunnar Rögnvaldsson, 18.2.2023 kl. 23:20]

Þakka þér fyrir Grímur.

Það eru ekki vopnin sem mestu máli skipta, fyrir nú utan það að séu skotfærin ekki til í þau að þá skipta þau ekki máli.

Það sem skiptir máli í þessu tilviki er að ekkert annað land en Rússland getur háð samþætt meginlandsstríð á landmassa Evrasíu með þeim hætti að um allsherjar stríðsplatform sé að ræða. Allt er samtengt hjá Rússum og þeir láta hermenn sína ekki fara eitt fet án þess að öll himinhvelfingin ásamt gervihnöttum verndi þá við hvert fótmál. Þess vegna eru þær tölur sem BBC kom með um aðeins 18 þúsund manna mannfall Rússa eins og þær eru. Rússar fórna ekki mönnum sínum heldur gæta þeir lífs hvers einasta manns sem þeirrar gersemi sem það er.

Belgísku drekarnir voru framleiddir frá 1956-1961 og eru alveg örugglega ekki í bardagahæfu standi frekar en flest það sem dót sem Þjóðverjar eiga. Þess utan getur Úkraínuher ekki stundað viðhald á 5-7 tegundum af skriðdrekum frá hinum ýmsu löndum. Bara til dæmis öflugustu drekar Nasista í Síðari heimsstyrjöldinni þurftu 9 tíma viðhald fyrir hverja eina klukkustund í notkun.

Rúmenía er rétt að ljúka við að skipta orrustuflugflota sínum frá rússneskri gerð yfir bandarískar vélar. Það ferli hefur tekið 10 ár og er því enn ólokið.

Þeir sem trúa t.d. því að Saddam Hussein hefði unnið stríð hefði hann haft bandaríska eða þýska skriðdreka eru sjálfsagt álíka vitrir og þeir sem halda að Bandaríkin myndu tapa stríði við mexíkanska herinn í Mexíkó.

Nýlega hæddust fjölmiðlar vesturlanda yfir því að Rússar tóku nýuppgerða T-62 dreka til að nota þá sem varðturna fyrir bakverði langt að baki víglínunnar. En þeir eru þó nýlegri en Leopard-1 drekarnir í Belgíu og nýuppgerðir. Sjá frétt frá 2021.

Bestu kveðjur

[Gunnar Rögnvaldsson, 19.2.2023 kl. 01:15]

Meira:

Það sem er hættulegast fyrir okkur hér heima við þessa deilu er hernaðarlegur veikleiki Bandaríkjanna þegar að hefðbundnu stríði kemur og ótti þeirra við að tapa andliti. Bandaríski herinn veit vel að hann er ekki í neinu standi til að heyja hefðbundið stríð við Rússland á meginlandi Evrasíu og þess vegna er aðalhættan sú að Bandaríkin grípi til kjarnorkuvopna blandi þau sér beint með eigin hermönnum í deiluna milli Úkraínu og Rússa.

Bandaríkin hafa alltaf verið kjarnorkuvopnaháð (e. nuclear biased) sem herveldi allar götur frá 1946. Þau geta ekki barist þar sem mannfall verður mikið, því það þola Bandaríkin ekki innvortis sem lýðveldi, nema þegar að um beina árás á Bandaríkin sjálf í Norður-Ameríku er að ræða.

Að því leytinu eru Bandaríkin stórhættuleg því þau eru þykjustuherveldi utan landsteina þeirra, og sem blandar sér þar í næstum allt, en sem aldrei nokkru sinni hefði til dæmis ráðið við það sem Rússar réðu við í Síðari heimsstyrjöldinni.

En þá voru það Rússar sem gengu frá herveldi Nasista í Evrópu og afvopnuðu það. Bandaríkin nörtuðu aðeins í kantana á því stríði í Evrópu.

Kyrrahafsstríðið var hins vegar ekki meginlandsstríð heldur flotastríð og þar standa Bandaríkin vel að vígi gegn andstæðingi sem á engan eða aðeins veikburða kafbátaflota.

Rússar munu aldrei verða fyrstir til að grípa til kjarnorkuvopna.

Bandaríkin hafa engra þjóðarhagsmuna að gæta í Úkraínu.

[Gunnar Rögnvaldsson, 19.2.2023 kl. 01:38]

Spurningin um að Bandaríkin blandi sér beint með eigin hermönnum í deiluna milli Rússlands og Úkraínu er absúrd að því leytinu til að Bandaríkin horfðu bara á þegar Nasistar sprengdu Bretland sundur og saman og kveiktu í því.

En maður skyldi þó aldrei segja aldrei núna, því hálfgert pólitískt gangsterveldi afglapa virðist ráða ferðinni innanhúss í Bandaríkjunum núna.

[Ingólfur Sigurðsson, 19.2.2023 kl. 08:07]

Góður pistill sem lagfærir fréttaflutninginn í RÚV og víðar. 

 

Sú skoðun er ekki mjög vinsæl í dag að maður dáist að Rússum, en stríð eru alltaf sorgleg og ekki fréttir um manngæzku, skil ekki að þau á RÚV haldi það, og hef ég því aldrei trúað á einhliða áróðurinn í fjölmiðlum hérlendis, fyrir utan Útvarp Sögu, Fréttina og Morgunblaðið stundum.

Að Rússar skuli standa með hefðbundnu fjölskyldulífi en ekki Woke-fræðum sem hafa rústað Vestrinu, það eitt og sér er merkilegt. Að Rússar skuli á grundvelli þess að hafna hruni Vesturlanda og vestrænnar menningar reynast öflugri bardagaþjóð en talið var, það er einnig merkilegt. 

Almenningur rís ekki upp á Vesturlöndum aðeins vegna einnar ástæðu, eða aðallega: Ránsfengurinn er nægur í Vestrinu, og kerfin hanga enn gangandi, höktandi að vísu. Bandaríkjamenn björguðu Þýzkalandi með amerísku gasi núna í vetur, og enn er því engin risabylting í Evrópu að eiga sér stað.

En þetta stríð er eins og að sprengja dínamíttúbur í tugatali á bjargbrún, hlýtur að enda með hruni, menningarhruni og efnahagshruni, að minnsta kosti.

 

Ég er eiginlega kominn á þá skoðun að stríð sé næstum alltaf háð til að verja vonlausa, óverjanlega hagsmuni eða villukenningar. Öfgavinstrisamfélögin í okkar heimshluta leggja ofuráherzlu á að reyna að hjálpa Úkraínu og sigra Rússa, til að fela hið augljósa, að vestræn stjórnmál eru komin útí skurð, og þurfa að breyta um stefnu, enn frekar en Rússar. 

 

Það eru öll vandamálin í vestrinu sem gera það að tízkumálefni að tala um lýðræðisástina í Vestri og einræðið hjá Pútín. 

 

Mér finnst þetta stríð óendanlega sorglegt. Það ættu að vera stjórnmálamenn með viti í Evrópu og Bandaríkjunum sem ættu að sjá að stuðningur við Rússa er stuðningur við heilbrigða skynsemi og heilbrigðar skoðanir. Jafnvel þótt stríð séu ómannúðleg og innrásin vart eða ekki verjanleg.

 

Jafnvel þótt mér finnist ógeðslegt af Pútín að ráðast á Úkraínu. Hann var að vísu espaður til þess með strengjabrúðunni Selenskí.

 

Vonandi að sem flestir læri af þessum pistli.

[Gunnar Rögnvaldsson, 19.2.2023 kl. 08:52]

Takk fyrir innlitið Ingólfur.

Athugasemd þín er fyrirtak og segir margt.

Bestu kveðjur

[Kristinn Bjarnason, 19.2.2023 kl. 13:47]

Nato eru búnir með vopnin og framleiðslugetan mörgum sinnum minni en hjá Rússum en þeir eru til í að semja við Rússa ef Úkraína fær allt sitt land til baka þ.m.t. krímskagann og að þeir greiði líka skaðabætur. Ég held að vesturveldunum sé stýrt af grínistum.

[Gunnar Rögnvaldsson, 19.2.2023 kl. 14:51]

Þakka þér fyrir Kristinn.

Já þeir tala. En svo birtist skyndilega þyrlupallur á þaki sendiráðs og þá er pakkað saman og haldið heim og ekki talað meira um það, fyrr en næsti Gorgeir tekst á loft frá stuttri flugbraut í t.d. Afganistan.

Kveðjur

[Gunnar Rögnvaldsson, 19.2.2023 kl. 15:04]

Bandaríkin hafa pínt Stoltenberg til að segja þetta þarna til þess að þurfa ekki að segja það sjálf. Hann er þeirra verkfæri.

Úr vestri kom hins vegar ný Mark-Milley-belghviða og okkur var sagt eina ferðina enn að Rússar væru að tapa öllu og Bandaríkin að vinna stríð við loftbelgi.

Lofbelgirnir hafa hins vegar gert sinn usla vestanhafs, því þeir minntu Bandaríkin og Kanada á að ýmislegt óvænt getur komið til þeirra frá öðrum löndum úr lofti, einkum eftir að NORAD brást, Pentagon brást og Hvíta húsið sást allsnakið.

[Ragnhildur Kolka, 19.2.2023 kl. 17:51]

Alltaf góður Gunnar.