Vindverkur og sólstunga sendir Texas á kné

Pólitísk vopnvæðing veðurfars

Mynd; sem segir sennilega meira en þúsund orð. Sumir segja hana sænska og frá 2014. En ekki batnar hún við það, því nú flytja Svíar inn kolaorku frá Þýskalandi - og bannað er að ryksuga

****

Þetta átti að vera svo ofboðslega gott, þetta með vind- og sólarorku í Texas. En það varð það bara ekki

Eins og líka gildir um sóttvarnir og aðgerðir gegn kínversku Wuhanveirunni, þá þurfti ekki, og þarf enn ekki, annað en mann með Iðnskólapróf til að segja svokölluðum yfirvöldum hvað ætti að gera og hvað ætti ekki að gera til að komast hjá vandræðum vegna orkuskorts og heimsfaraldurs

Vind- og sólarorkuver Texas afrekuðu það að detta niður um 98 prósent í raforkuframleiðslugetu er Kári Kuldi skall þar á. Sólfangarar virka ekki við svo lágt hitastig og alls ekki undir snjó. Og fastfrosnar eða illa virkandi vindmyllur gera það ekki heldur. Þess vegna eru milljónir manna án rafmagns í Texas

Á meðan er næg og hrein orka þar í iðrum jarðar. Svínaríið við að framleiða eina illa virkandi og einnota vindmyllu sér fyrir því að sú orka er og verður alltaf hreinni en þessi hreina þvæla þarna, sem síðan kostar milljarða að losna við - fyrir utan það að virka ekki

Gjörið svo vel skattgreiðendur. Hér er reikningurinn úr Heiðnikirkjuveldi háskólanna. Hvorugt þessa reyndist vera vísindi. Þetta var og er bara hjátrú

Veiran, hins vegar, virðir landamæri séu þau viðhöfð og þeirra gætt. Annað var einungis þvæla sem hvaða maður sem er með Iðnskólapróf vissi allan þann tíma sem "sérfræðingarnir" voru að leika sér. Þannig virka menntabólur. Þær skila næstum engu, nema vonsviknum menntamönnum

Hér mótmæla 500 þeirra því að Evrópusambandið haldi því fram að brennsla trjáa í stað kola til framleiðslu á raforku sé hið besta og "CO2-hlutlausa" mál

Reyndar gera vonsviknir menntamenn beggja megin Atlantsála í sívaxandi mæli lítið annað en að stunda mótmæli. En það gera þeir vegna þess að það sem þeim var kennt, reyndist vera þvæla og þvættingur án eftirspurnar og framfærslugetu

Og enn bólar ekki á bóluefnum úr bænaskjalasafni ESB-taglhnýtinga við Lækjartorg

Fyrri færsla

Slæm vika fyrir Demókrataflokkinn

21 látinn vegna vetrarveðurs í Bandaríkjunum

Athugasemdir

[Halldór Jónsson, 17.2.2021 kl. 23:10]

Þetta er mynd sem á erindi við okkur öll. Einhliða fanatík leiðir ekki til annars en vitleysu. Þarna hefur gleymst að koma fyrir rafknúnum  hiturum á spöðunum við ræturnar eins og var á gamla Skymasternum mínum C337

[Gunnar Rögnvaldsson, 18.2.2021 kl. 00:10]

Þakka þér fyrir Halldór.

Já, rétt hjá þér með fanatíkina.

Já, en það þarf rafmagn í hitarana minn kæri. Hver á að skaffa það. Olíumenn?

En kannski væri hægt að leysa það mál eins og Kelly Johnson leysti málið með startið á Lockheed SR-71 Blackbird. Hann lét tvær 400-hestafla Chevy-V8 bílvélar framleiða rafmangið í það.

En best væri bara að sleppa þessari vindmylluþvælu og nota betri, öruggari og ódýrari raforkuframleiðsluaðferðir.

Það eina sem reyndar vantar á myndina þarna er að það standi Stjórnarráðið við Lækjartorg á imbakassanum sem þyrlan er að úða afísingarvökvanum á.

Annars eru vélamenn í Texas búnir að finna upp gastúrbínu sem skilar engu co2. Það er endurnotað þar til það verður að engu.

Kveðja

[Gunnar Rögnvaldsson, 18.2.2021 kl. 01:05]

fimmtudagur, 18. febrúar 2021 kl. 01:04:57

Þýsk þjóðfélags- og efnahagsmál eru á afar viðkvæmu stigi núna. Svo djúpt er tekið í árinni hjá sumum að þeir lýsa ástandinu sem opinni byltingu gegn Angelu Merkel kanslara, frá þremur hliðum: (1) Kjósendum, (2) pólitískum samherjum og andstæðingum og (3) frá fyrirtækjum landsins. Það sýður og kraumar í Þýskalandi vegna veirumálanna og skorts á bóluefnum.

Landamæralokanir skoppa og hoppa á og af og á eins og í poppkornspotti með tilheyrandi pirringi. Og erfiðlega gengur að ná fjölda látinna dag hvern niður. Útgöngubanni var lýst yfir í Flensborg í dag og óttast er að nýtt afbirgði af kínversku Wuhanveirunni sé að ná sér á strik í landinu.

Evrusvæðið er statt í tvöfaldri kreppu núna og mun ekki ná sér út úr henni fyrri en í fyrsta lagi á öðrum eða þriðja fjórðungi ársins. Ástæðan er skortur á bóluefnum gegn Wuhanveirunni - í boði Evrópusambandsins, og sem hundruð þúsunda manna munu missa lífið vegna, ofan í efnahagsleg áföll þeirra eftirlifandi sem halda lífi á þessu versta efnahagssvæði veraldar, miðað við forsendur.

Af stærri löndum munu aðeins Bretland og Bandaríkin verða kominn í efnahagslega sókn á öðrum fjórðungi ársins, af þeim þróaða hluta heimsins sem miðað er við.

[Gunnar Rögnvaldsson, 18.2.2021 kl. 01:31]

fimmtudagur, 18. febrúar 2021 kl. 01:30:41

Og ekki mun rafmagnsleysið í Texas hjálpa neinum hvað varðar framleiðslu á örgjörvum. Má segja að þar hafi menn heldur betur skotið af sér báða fætur fyrir ekki neitt í öllum skilningi málsins, því orkuskorturinn mun gera viðkvæmda stöðu á sviði örgjörvaframleiðslu í veröldinni enn verri en hún er. Það þykir ljóst núna.

Einn af þeim fáu geirum sem notið hafa góðs af heimsfaraldrinum er tækni- og tölvunarbransinn. Sú staða gæti hér með breyst, því Texas er að verða höfuðsæti tæknigeirans, eftir Kalifornía varð sósíalisma Demókrata að bráð. Minnir það mál á úrkynjunar- og vansköpunarstjórn Reykjavíkurborgar.

Um daginn tilkynnti Oracle að það myndi flytja frá Kaliforníu til Texas. Um þúsund fyrirtæki hafa nú flutt burt frá Kaliforníu Demókrata.

[Theódór Norðkvist, 18.2.2021 kl. 01:44]

Ég hef skroppið einstaka sinnum til Flensborgar, hef ekki getað gert það í næstum heilt ár. Hrikalegt ástand.

Hvað varðar kuldann í Texas, var ekki Biden að slátra Keystone leiðslunni og þar með einhverjum 80 þúsund störfum, ásamt möguleika BNA á sjálfbærni í orkumálum?

Hvenær mun þetta lið verða leitt fyrir dómstóla? Verða þeir búnir að troða þægum strengjabrúðum í hvert einasta dómaraembætti, áður en það verður svo mikið sem reynt?

[Gunnar Rögnvaldsson, 18.2.2021 kl. 11:12]

Þakka þér fyrir Theódór.

Aldrei að vanmeta getu stjórnmála- og embættismanna til eyðileggja líf þjóða og leggja jafnvel lönd þeirra í rúst og gera fólki lífið leitt almennt. Sjáðu til dæmis vanrækslu ríkisstjórnar Íslands í bóluefnismálum, bara vegna þess að hún nennti þessu ekki og hengdi sig aftan í gangster-element stjórnmála, þ.e. Evrópusambandið. Þessi vanræksla mun kosta þjóðina og efnahagslíf hennar foss fjár.

Texas hefur valdið slíkum usla í trúarsöfnuði vindmyllukirkjunnar að þar er að líða yfir söfnuðinn núna. Leiðari Wall Street Journal fjallaði um fíaskóið í Texas í leiðara blaðsins á mánudag og í dag og jarðar burtskýringar vindmyllukirkjunnar og segir að miljónir manna séu án rafmangs í kuldum sem engum ætti að koma á óvar, og að það sé mest heppni að tugir þúsunda manna séu ekki látnir nú þegar.

Blaðið spyr hvers vegna raforkukerfið í Texas hafi ekki ráðið við kuldana eins og í öðrum ríkjum norðar.

Svarið er það að Texas fór að gera tímabundnar og niðurgreiddar tilraunir með vind- og sólarorku frá og með 1992 og að ekkert verði eins fast í sessi og tímabundnar ákvarðanir stjórnmálamanna. Þetta hafði þær afleiðingar að 100 gígawatta raforkuframleiðslugeta hefðbundinna orkuvera var lögð af og sem dugað hefði til að kynda upp 60 milljón heimili.

En nú hefur það sýnst sig og sannað að vind- og sólarorkan hrundi saman undan veruleika sem engum ætti að koma á óvart og liggur nú sem ein samfelld rjúkandi rúst á freðinni jörð.

Framleiðsla með þessum aðferðum hrundi núna eins og allir áttu að vita að myndi gerast, en hryggsúla jarðefnaorkuvera sem átti ávallt að vera til staðar hafði verið fjarlægð langt umfram það sem mátti gerast.

Nú munu höfuð fjúka og stórkostleg rannsókn mun fara fram, því þarna munaði engu að hrikalegur mannfellir yrði.

Þetta eina mál er að valda usla og vandræðum út um allan heim.

Kveðjur

[Rúnar Már Bragason, 18.2.2021 kl. 11:58]

Mógúlinn Bill Gates vill endilega sem mest af sólar- og vindorku en til að jafn út orkutapið þá á að nota kjarnorku.

Nú get ég ekki annað en klórað mér í hausnum og spurt hvað er í gangi? Kjarnorkunni, sem er öflug leið til raforkuframleiðslu, var hafnað af því hún sé svo hættuleg. Allt í einu á að koma henni aftur á koppinn.

Held þetta fólk hugsi ekki lengra en eitt skref í einu. Svo þegar það virkar ekki þá er gripið í næstu gæs. Jafnvel þó búið sé að hafna henni áður.

Glatað lið!

Vonandi sjá þessir heilalausu glópar að vindmyllur eiga enga von á Íslandi til raforkuframleiðslu.

[Gunnar Rögnvaldsson, 18.2.2021 kl. 12:08]

Þakka þér fyrir Rúnar.

Þeir sem muna eftir Bill Gates við yfirheyrslurnar á honum fyrir þingnefnd Bandaríkjaþings vegna IE og Win, vita að þar er ekki um vistmunalega auðugan garð að gresja.

Og þeir sem þekkja vörurnar hans frá fyrri tíð vita vel hvað þar var á ferð, en þó einkum hvað þar var ekki á ferð. Peningar skapa ekki vitið í kolli manna.

Þannig að ég tek undir með þér.

Kveðja

[Gunnar Rögnvaldsson, 18.2.2021 kl. 12:09]

Theódór:

Hvað varðar Keystone-leiðsluna þá þekki ég það mál ekki nógu vel enn sem komið er. En Kanada tekur því máli ekki fagnandi hendi, þannig að vinaklúbbur Bidens stækkar ekki þar, og sérstaklega ekki í Alberta.

[Gunnar Rögnvaldsson, 18.2.2021 kl. 12:59]

fimmtudagur, 18. febrúar 2021 kl. 12:57:48

Ekki nóg með það að rafmagnsleysið í Texas hafi einnig valdið usla í dreifikerfinu fyrir neysluvatn og jarðgas, þá lokaðist líka fyrir fjórðung gasútflutnings til Mexíkó, þannig að Sinaloa, Sonora, Durango, Chihuahua, Coahuila og Nuevo Leon ríkin í Mexíkó lögðust á hliðina í raforkuframleiðslu.

Og á sviði örgjörvaframleiðslu tilkynnti Austin Energy á þriðjudag að það hefði lokað á rafmagn til hinna orkufreku örgjörvaframleiðsluvera Samsung, NXP og Infineon í umdæminu. Sjá frétt Austin American Statesman.

[Gunnar Rögnvaldsson, 18.2.2021 kl. 14:04]

fimmtudagur, 18. febrúar 2021 kl. 14:03:08

Þýskir fjölmiðlar segja í dag að sennilega séu aðeins helmingur Wuhanveiru-smita að greinast í höfuðborg landsins og víðar í Þýskalandi. Virðast danskir fjölmiðlar taka undir þetta og segja óbeint að flest sé fornfálegt og sveitalegt í smitrakningum í Þýskalandi.

Já segi ég, Þýskaland er aftarlega á merinni að svo mörgu leyti, einkum og sér í lagi á sviði stafrænna mála og fjarskipta.

Eurointelligence segir í dag að nú sé fjórðungur allra smita sem greinast í landinu hið breska afbrigði af veirunni og að það sé að breiða hratt út í Þýskalandi.

Það er einnig einkennilegt hversu massífur og viðvarandi hár fjöldi dauðsfalla er í Þýskalandi dag hvern miðað við fjölda greindra smita.

[Halldór Jónsson, 18.2.2021 kl. 15:49]

Ég var að lesa afburða vandaða grein þína úr Þjóðmálum frá 2008 um hlutverk seðlabanka þjóðríkja.

Hvernig er ástandið í Danmörku núna að þínu mati?

Hvernig er samspil dönsku krónunnar, verðbólgu og fjármagnsfrelsis, þessa ómögulega þríeykis, um þessar mundir? Hvernig hefur Dönum reitt af síðasta áratuginn? 

Það eru alltaf notuð þau rök af af mönnum í fullveldisframsalsflokkunum í stöðugum  árásum á krónuna að danska krónan hafi staðið sig svo miklu betur en okkar.

Er staðalDaninn þá hamingjusamari núna en þá?

Hvernig líður hönum miðað við okkur?

[Halldór Jónsson, 18.2.2021 kl. 15:56]

Hvernig gengur ESB með Lissbon markmiðin?

[Gunnar Rögnvaldsson, 18.2.2021 kl. 16:59]

Þakka þér Halldór.

Kerran sem ekur stundum um á bloggsíðu þinni sagði að ég hefði átt að þakka fyrir ESB af því að ég bjó í Danmörku í tæp 30 ár. Vanþekking knýr greinilega þann Vagn, því þegar við hjónin tókum okkur upp og hófum búsetu þar var það vegna þess að Danmörk var eitt Norðurlandanna. Sem betur fer var ESB ekki til þá. En frá því að það varð til eftir að Schluter laug því upp á dönsku þjóðina, versnaði tilvera Dana svo um munar og það byrjaði að hrapa niður stiga ríkustu þjóða veraldar, á meðan Ísland þaut upp.

Enginn hefur áhuga á seðlabönkum og myntbandalögum núna Halldór minn kæri. Allir sjá að þar er ekkert að hafa nema einhverskonar eftersmag eftir þann fjámálafetisma sem réði ríkum í tæpan áratug eftir að evran komst á koppinn sem síðan sökk með alla innanborðs og einnig þá sem fasttengdir eru við það stórslys þjóða. ECB stóð fyrir einni verstu bólu sem riðið hefur húsum frá því að píramídarnir miklu voru byggðir í hinu gamla húsi fjörtanna sem Ísrael gekk síðan út af. 

Danir bíða nú eftir því að Bretar leysi þá úr haldi. Það sagði Kristian Thulesen Dahl á landsfundi flokksins fyrir stuttu. Danir bíða aðeins þess að fordæmi sé skapað fyrir útgöngu þeirra út af lögsögu ESB.

Tími ofgreiningardeilda peningamála er liðinn og nú er það fullveldi ríkja sem tekur við og þar vita allir að sjálfstæð mynt fullvalda ríkis er framkvæmdaarmur fullveldis þeirra. Enda er breska sterlingspundið að sækja í sig veðrið eftir að hafa verið talað niður að óvinum þess ríkis áratugum saman. 

Hins vegar hefur Þjóðmál versnað að því leytinu að líberalismi (glóbalismi) mun taka það af lífi, sé ekki breytt um kúrs.

Danir vita vel að í DDR-Ligth er ekki hægt að hafa það betra en í DDR-Light. Nema náttúrlega með því að flýja til Grænlands og gerast þar fullvalda þjóð á ný.

Lissabonmarkmið ESB hafa farið eins og fór fyrir öllum fimm-ára áætlunum Sovétríkjanna. Lengra nær sú tálsýn ekki nema að því leytinu að í ESB eru þær hafðar til 10-ára til að fá fólkið til að gleyma þeim.

Þarna liggur allt í rúst og mikið er ég feginn að vera ekki einmitt þar heldur hér, og hið sama segja fullorðin börnin okkar, en Ísland sótti og tók einnig þau heim.

Það besta við Danmörku er Danir. Þeim er ég ævinlega þakklátur.

En þeir eru bara ekki fullvalda lengur. Því miður. Það er ekki auðvelt að búa við Þýskaland í túnfæti sínum. Og verður það aldrei, frá og með 1871.

Góðar kveðjur til þín, minn kæri

[Gunnar Rögnvaldsson, 18.2.2021 kl. 18:45]

USNI 18. feb. 2021

Þér að segja Halldór, af því að ég veit að þú hefur áhuga, þá er USS Theodore Roosevelt (CVN-71) statt í filippínska hafinu einmitt núna. Rétt við Taíwan, innra megin.

Sjá: USNI News Fleet and Marine Tracker: Feb. 18, 2021.

Kv.

Örgjörvi Móðurborðssson

[Halldór Jónsson, 18.2.2021 kl. 20:28]

Takk fyrir þetta Gunnar : Ekki er það síðasta síður áhugavert, þetta er rosalegur liðsafnaður. Þar kom fram þetta vataðandi bólusetningar:

 "The sailors of the Dwight D. Eisenhower Carrier Strike Group received their initial COVID-19 vaccines this past weekend, just days ahead of pulling out of Norfolk, Va., for a second deployment in the past year. About 80 percent of the strike group, or about 5,000 sailors, have accepted an offer to be vaccinated." 

Eru Danir enn íví að angefa nágranna sína til Skattsins ef þeir kaupa sér nýjar garfínur osfrv. gegn dusöre.

Finnst þér Danir virkilega vera búna að fá nóg af  ESB og dóminans Þjóðverja og Frakka?Vilja frekar vingast við gömlu fjandmennina swem brenndu Kaupmannahöfn um 1815?

[Halldór Jónsson, 18.2.2021 kl. 20:33]

enda reyndist liðveisla Frakka þeim létt í vasa þá.Síðan éta Bretar mest danskt beikon og egg ekki satt, keyra á þýskum vörubþilúm en drekka heimgerðan bitter og kaupa tóbak í Þyskalandi?

[Gunnar Rögnvaldsson, 18.2.2021 kl. 20:43]

Ekki nóg með gamla angiveríið Halldór, þá njósnar nú ónálganalegur Skatturinn í Mikla turni sjálfur um fólkið og lyftir dýnum til að gá hver sefur hjá hverjum og hvar.

Enginn í Danmörku bað um ESB á sínum tíma. Enginn nema elítan.

Þú veist eins og ég að Danmörk er minnst tvö lönd og þau ganga ekki í takt. Já þetta er erfitt líf hjá konungsdæminu gamla. Tvö forn höfuðsetur landsins eru nú utan landamæra þess.

Danir verða ekki spurðir að því hvor þeir séu "búnir að fá nóg" af stærð Þýskalands. Þannig virka ekki geópólitískar stærðir, þær eru óhagganlegar. Þær eru.

Já Danmörk gæti hugsað sér til hreyfings út úr ESB. "Það eina sem við þurum er staðfestur valkostur", sagði Kristian Thulesen Dahl. "Þá tökum við þann slag" sagði hann.

Og nú er sá valkostur kominn.

[Gunnar Rögnvaldsson, 18.2.2021 kl. 20:54]

Thulesen Dahl er Austurjóti, og ekki fjarri mínum gömlu dönsku slóðum nálægt Blátannarbökkum.