Slæm vika fyrir Demókrataflokkinn

Upptaka: Lögfræðingur Trumps forseta bendir á tilraun Demókrata til að falsa sönnunargögn, með aðstoð meðvirkra fjölmiðla landsins

****

Síðasta vika var einn samfelldur hryllingur fyrir Demókrataflokkinn í Bandaríkjunum. En sá flokkur er nú þegar á nálum yfir því að upp komist um þau kerfislegu kosningavik sem skoluðu fjarframbjóðanda hans á valdastól Hvíta hússins. Þingmeirihluti flokksins varð hins vegar næstum að engu í þeim kosningum og er það í öskrandi mótsögn við hálfopinber úrslit kosninganna. Hefur flokkurinn sem sífellt tönnlast á vísindum neitað að taka til greina þau sönnunargögn og staðreyndir sem halda áfram að hrannast upp í því máli. Sönnunum er einfaldlega afneitað. En í síðustu viku keyrði þó um þverbak þegar í ljós kom að Demókrataflokkurinn hafði reynt að falsa sönnunargögnin sem leiða áttu til þess að þeim sem líklega vann kosningarnar yrði meinað að aðhafast neitt frekar í stjórnmálum landsins. En hann, þ.e. Donald J. Trump, óttast flokkurinn meira en allt annað

1. Tilraunin til að fá Trump forseta dæmdan af þeim dómstóli þingsins sem hæstiréttur landsins þvertók fyrir að koma nálægt –en það átti hann að gera samkvæmt stjórnarskrá landsins– rann algjörlega út í sandinn og gott betur en það. Gerði Demókrataflokkurinn sig þar að eins konar enn forhertari þorski á þurru landi, en nú á leið í hjallana

2. Tilraun þeirra manna innan Repúblikanaflokksins sem þola ekki Trump sprakk einnig í loft upp, með því að svo kallað Lincoln Project þeirra varð að ruslahrúgu undir ásökunum um valdníðslu og kynferðislega áreitni. Þar fór sú von Demókrata um vaxandi fjölda nytsamra kjána á borð við Mitt Romeny í röðum Repúblikana

3. Næst á matseðli vikunnar var svo ríkisstjóri Demókrata í Kaliforníu. Þar náðu kjósendur nægilegum fjölda undirskrifta sem þarf til að hægt sér að krefjast kosninga til að fjarlægja þann óhæfa mann úr embætti. En það segja of margir kjósendur Kaliforníu að demókratinn Gavin Newsom ríkisstjóri sé. Þúsundir fyrirtækja flýja nú frá ríkinu, stórfyrirtækin líka

4. Síðan sprakk lygaherferð Demókrata og sífalsandi fjölmiðlasamsteypu þeirra um óeirðirnar í Charlottesville 2017. En þar laug flokkurinn og fjölmiðlar hans því að Trump hefði sagt að óeirðarseggir og nýnasistar væru "fine people" þ.e. "gott fólk". En öll sú lygi þerra var jöfnuð við jörðu á Bandaríkjaþingi í síðustu viku, því þar voru ummæli Trumps ekki klipp í búta og gerð óþekkjanleg í meðförum lygapressu landsins (ber þar að nefna CNN sérstaklega og hæst). Sjá hér

5. Síðan er það ríkisstjóri New Yorkríkis, demókratinn Andrew Cuomo. En í vikunni brast þöggunarstíflan sem hann og stjórn hans hafði reynt að byggja utan um Wuhanveiru-dauða 15 þúsund eldri borgara ríkisins í þeim tilgangi að leyna mistökum sem gera hann ábyrgan fyrir dauða 11 þúsund þeirra. En allan tímann sem ríkisstjórn Demókrata þar vissi betur, hafði stjórn þeirra reynt að klína því máli á Trump forseta. Virðist nú sem samstaða sé nú að myndast í báðum flokkum ríkisins um að Andrew Cuomo beri ábyrgð á því máli. En hæg eru heimatökin hjá honum, því bróðir hans, Chris Cuomo, er einn helsti ofstækismaðurinn og skjátröllið á falsfréttastöðinni CNN

Þetta voru fimm virkir dagar í lífi vísindaflokksins mikla, og ekki voru þeir neitt betri í elítusamsæri Evrópusambandsins gegn fólkinu hinumegin Atlantsála, enda áttu Sovétríkin ofgnótt vísindamanna og dóu úr menntun

Fyrri færsla

23 stiga frost í Bretlandi í nótt

Athugasemdir

[Tómas Ibsen Halldórsson, 15.2.2021 kl. 11:49]

Demókratar, sumir Repúblikanar og fjölmiðlar hafa ekki misst af þeim tækifærum sem þeim hefur gefist að gera lítið úr sjálfum sér og verða sjálfum sér til háborinnar skammar.

Michael lögmaður á myndbandinu hér fyrir ofan stóð sig vel í að upplýsa almenning um getuleysi fjölmiðla og vonlausra þingmanna. Það er til háðungar hvernig sumir þingmenn stinga flokksbræður sína í bakið til að verja örfá atkvæði, en þeir mega vera vissir um að almenningur mun láta þá finna fyrir því í næstu kosningum þegar þeir vilja ná endurkjöri.

[Gunnar Rögnvaldsson, 15.2.2021 kl. 16:35]

Þakka þér fyrir Tómas.

Já það er þannig.

Þarna sjá menn hver er öflugasti og vinsælasti stjórnmálamaður Vesturlanda. Hann býr meira að segja ókeypis í höfðum andstæðinga sinna, með útsýni yfir allt, hvern einasta dag.

Ekki einu sinni þreföld afvötnun dugar til að ná Trump forseta út úr höfðum þeirra.

Donald J. Trump er greinilega öflugasti maðurinn í stjórnmálabransa Vesturlanda.

Kveðjur

[Ragnhildur Kolka, 15.2.2021 kl. 17:52]

Ég hef sjaldan skemmt mér betur en að fylgjast með varnarrædum Trump-teymisins. Þeir bókstaflega vøltuðu yfir demókratana. Krafan um vitnaleiðslur í restina, sem var tilraun til að klóra í bakkann, svørudu svo Trumpmenn með því að Nornin Pelosi yrði látin svara fyrir løggæslumál þingsins. Kóróna réttarhaldanna. Eftir það voru demókratarnir eins og útþvæld gólftuskan sem engin not eru fyrir lengur. 

[Haraldur Baldursson (IP-tala skráð) 15.2.2021 kl. 19:12]

Þetta eru merkilegir tímar og um margt líkir tímum galdrabrenna. Fjölmiðlar er ekki sammerking sannleikaans, eins og sannast svo berssýnilega í þessari pólitísku málssókn. Íslenskur almenningur er svo þrautþjálfaður í andúð á Trump, að meðölin réttlæta allaaaar aðgerðir. Viti borin umræða er álíka velkomin og trúarlegar vangaveltur á tímum Rannsóknarréttarins, enda er pólitíski réttrúnaðurinn iðkaður með sama trúarhita og á þeim sorglegu tímum. Það er skelfilega sorglegt að reyna að ræða við fólk um hvað er í húfi umfram þann mann ssem það hatar svo mikið að blindan fyrir lýðræðislegum nauðsynjum hamlar þeim sýn.

Það sorglega er að það er svo skýrt að þessari óöld heimskunnar er ekki lokið. Það verða fleiri sendir á bálköstin en Hr. Trump og óbremnað endar þetta í hreinsunum sem slá munu fyrri met.

Ég tek ofan fyrir því fólki sem hér ritar, óhrætt við eitrað aftangas góða fólksins

[Gunnar Rögnvaldsson, 15.2.2021 kl. 20:16]

Ég þakka þér Ragnhildur og þér Haraldur fyrir innlitið og athugasemdir.

Heyr heyr!

Það skemmtilega gerðist einnig á þessum nýliðnu dögum að annar helmigur allra vindmylla Texasríkis frusu fastar og eru því milljónir manna án rafmagns og helgrænir af kulda í framan. Slíkar hafa frosthörkurnar verið þar vestra. Er þetta ekki dásamlegt. Þetta kallar maður nú framfarir!

Úr gaukshreiðri Evrópusambandsins bárust síðan þær fréttir í dag að fyrrum forsætisráðherra Belgíu, Guy Verhofstadt, hafi stigið þar upp, og í pontu, og sagt að bóluefnismál Evrópusambandsins væru fullkomið "fíaskó".

En aftan á höfði hans sást hins vegar önnur og samhliða tunga sem kyssti vöndinn í takt við þá sem stakkst út að framan. Og hún var svört.

Í gamla sovétinu sögu menn í svona aðstæðum að ástandið krefðist einfaldlega meiri sósíalisma og þá myndi allt lagast, en sem það gerði náttúrlega ekki. Það varð bara enn verra. Þetta á því heldur betur eftir að versna allt saman.

Kveðjur

[Jón Steinar Ragnarsson, 16.2.2021 kl. 02:29]

Lögmanninum er augljóslega flökurt eftir það sem hann varð vitni að í ormagrifju demókrata og ároðursmeistara þeirra í fjölmiðlum. Það má ætla að flest heiðvirt fólk í bandaríkunum hafi orðið bumbult líka. Gríman er farin að síga hjá þessum fenjaskrímslum.

Nú vill Nasty Pelosi þingnefnd í anda 911 til að hjakka enn frekar á upphlaupinu við þinghúsið. Það skal koma á úthverfum Mcartyisma í hvelli svo ekki ráðist tími til að sjá svínariið hjá þeim. Smoke and mirrors.

Ég er gapandi yfir því hverslags hryggleysingjar skipa repúblíkanaflokkinn. Meðan demókratar standa saman sem einn í lygi svikum og prettum þá eru repúblíkanar sundraðir sem sáð um sannleikann. Það er eiginlega ekki í nein hús orðið að venda fyrir meirihluta kjósenda í landinu.

[Jónatan Karlsson, 16.2.2021 kl. 07:14]

Ég þakka fyrir þessa hressandi og jafnvel hvetjandi færslu, myndskeið og samantekt þína, sem er til þess falin að blása manni þá von í brjóst, að mælir allra þessara öfga-og ofsókna-isma sé loks fullur og almennir borgarar þarna vestanhafs snúi við þessari óþolandi þróun sem borist hefur hingað margefld til Evrópu á síðustu árum.

Ég óttast því miður að Trump sé svo mikil ógn við andstæðinga hans að líf hans sé í meiri hættu nú, en nokkurn tíma áður

[Birgir Loftsson, 16.2.2021 kl. 09:56]

Þeir Repúblikanar sem kusu á móti Trump í atkvæðagreiðslum vegna meintra embættisglapa, bæði í Fulltrúardeildinni og Öldungadeildinni, hafa allir þurft að mæta svo kallað ,,censure" (áminning) frá Repúblikanaflokknum heima við.  Eini sem hefur ekki fengð skammir er Mitt Romney frá Utah. Hvers vegna veit ég ekki. Þannig að þetta er enn Trump-flokkur. 

Mikið áhyggjuefni hvernig komið er fyrir lýðræðið í Bandaríkjunum (utan þetta mál).  Victor Davis Hansen, hinn frægi sagnfræðingur og samfélagsrýnir segir að klofnurinn sé orðinn svo mikill að það gæti leitt á endanum til borgarastyrjaldar.

[Gunnar Rögnvaldsson, 16.2.2021 kl. 11:17]

Þakka ykkur Jón Steinar og Jónatan og Birgir fyrir innlitið og skrif.

Já, þessi þróun er vissulega áhyggjuefni. En ég bendi samt á að ástandið er alls ekki einsdæmi í sögu Bandaríkjanna. Um er sennilega að ræða Fjórðu stofnanakreppu alríkisins í því landi:

1. Sú fyrsta snérist um að uppsetning ríkjasambandsins (e. Articles of Confederation) virkaði ekki. Lausnin var stofnun alríkisins með sjálfstæðisyfirlýsingu og stjórnarskrá (e. The Federal Government).

2. Önnur stofnanakreppa Bandaríkjanna kom í kjölfar borgarastyrjaldarinnar. Hvort var æðra og réði: ríkin eða stofnanir alríkisstjórnarinnar? Hún var leyst með því að slá því föstu að alríkið var ríkjunum æðra.

3. Þriðja stofnanakreppan snérist um að endurskilgreina hlut og hlutverk alríkisstjórnarinnar í hagkerfinu og í stríðsrekstri á erlendri grund, og þá þýðingu sem slíkt aukið hlutverk hafði á allt hagkerfi þjóðarinnar og líf borgaranna.

4. Þessi fjórða stofnanakreppa sem nú ríður húsum í Bandaríkjunum, snýst um að endurskilgreina þarf tengsl alríkisstjórnarinnar við sjálfa sig. Í dag erum við því sennilega að upplifa endalok þriðja stofnanatímabils Bandaríkjanna. Við tekur áratugur þar sem alríkisstjórnin mun þurfa að endurskilgreina samband sitt við sjálfa sig. Hún er farin að snúast of mikið um sjálfa sig og farin að lifa sínu eigin lífi (til dæmis með því að hýsa og ala við brjóst sér "djúpríkið").

En það er ekki bara í Bandaríkjunum að ástandið er válegt. Hafi menn lesið nýjustu grein Arnars Þórs Jónssonar dómara í Morgunblaðinu nú um síðustu helgi, þá sjá þeir að einnig hér heima og í Evrópu er við álíka vanda að etja. Við sjálf erum stödd í miðri og að því er virðist krónískri stofnanakreppu sökum fjötra-samnings við nýtt og imperíal heimsveldi (EES-samningurinn) og hún er að mestu leyti tilkomin vegna hins ofþrútna glóbalisma eða alþjóðavæðingar sem nú ríður húsum á Vesturlöndum almennt. 

Heimurinn hefur aldrei þolað svona mikinn glóbalisma. Hann endar alltaf eins; eða sem fæðingarhríðir hinna ýmsu imperíal-ríkja eða heimsvelda sem riðið hafa húsum sem heimveldi og hús fjörtanna undir hinum ýmsu nöfnum, allt frá Egyptalandi hinu forna, Assýríuheimsveldinu, Rómverska heimsveldinu, Napóleonska imperíalinu sem átti að innrétta Evrópu upp á nýtt, þar sem umbylt Frakkland ól af sér mörgum sinnum valdameiri fyrirbæri en konungsríkið hafði verið. Síðan kom imperíal heimsveldi nasista og kommúnista í Evrópu og víðar áður en hið síþrútnandi imperíal heimsveldi Evrópusambandsins leit dagsins ljós og sem er að leggja Evrópu í rúst þjóðríkja núna.

Já rétt Birgir, Victor Davis Hanson bóndi og sagnfræðingur hefur minnst á "borgarastyrjöld" í Bandaríkjunum, en samtímis bent á að hún snérist á sínum tíma um valdaöxul Norðurs og Suðurs. Í dag snýst málið um annað. Það snýst um rauð ríki (R) versus blá ríki (D) og flótta fólks úr bláum ríkjum og yfir í þau rauðu. Málið er því ekki landfræðilegt og víglínur því ekki enn til staðar. Fólk og fyrirtæki kjósa enn með fótunum og forða sér út hinum vesæla glóbalista-heimi Demókrata við sjávarsíðuna og yfir í ríki Repúblikana.

Þess vegna segja margir að framtíð Bandaríkjanna sé að mestu í ríkjum á borð við Texas og Flórída og þar um kring.

Svo lengi sem fólk getur forðað sér með fótunum yfir í ríki Repúblikana þá er ekki þörf á vopnaskaki.

Kveðjur

[Birgir Loftsson, 16.2.2021 kl. 12:05]

Fróðleg lesning Gunnar um stofnanvanda BNA.  Nú snýst baráttan um Texas. Fólk flýr demókratíska velsæld (lesist vesöld) í Kaliforníu (bæði fólk og fyrirtæki) yfir til Texas. Sumir hafa áhyggjur af þessu og halda að það verði þar með að demókrataríki.

En rannsóknir hafa sýnt að einmitt þeir sem eru til hægri, gefast upp á vinstri ofríkinu og leita burt.

Svo segja menn að Biden sé að opna landamæri Texas með því að hleypa rómönsku fólk inn fyrir og breyta lýðfræði rikisins (rétt eins og gerðist í Kaliforníu). Stefna á að gera Texas að demókratabæli fyrir fullt og allt. Svo munu demókratar veita þeim ríkisborgararétt á endanum eins og til stendur með 11-20 milljónir ólöglegra innflytjenda sem eru í landinu. 

[Theódór Norðkvist, 16.2.2021 kl. 16:25]

Ekki miklu að bæta við prýðisgóða grein og athugasemdir, en þó vil ég bæta við aðeins.

Áhorf á myndband af heiðursgöngu fyrir Trump í Flórída, er að nálgast 1,2 milljónir. Þrátt fyrir að vera á YouTube-rás sjónvarpsstöðvar sem fáir vita um, eða a.m.k. færri en ruslstöðvar eins og CNN. Næstum allir sem ýta á álitsþumalinn, segja að þeim líki við myndbandið.

Á sama tíma hefur YouTube-rás Hvíta hússins ekki náð 90 þúsund áhorfum á ávarp hins svokallaða forseta Bandaríkjanna. Tvö þúsund manns líkar við myndbandið. Næstum 20 þúsund mislíkar myndbandið, samkvæmt YouTube-þumlatölfræðinni (sem gæti jafnvel verið fölsuð Biden í hag, þeir gerðu það við vígslumyndbandið.)

Þetta gerist þrátt fyrir að allir helstu fjölmiðlarisarnir hafi gert allt til að kasta Trump út í horn, hvað varðar umfjöllun.

Við eigum síðan að trúa að Joe Beijing hafi fengið fleiri atkvæði en Trump. Halló, er einhver heima! Þeir sem halda því fram ættu að vera bannaðir á öllum fjölmiðlum, frekar en þeir sem benda á yfirgnæfandi líkur á stórfelldu kosningasvindli Demókrata.

A.m.k. ef einhver á að vera bannaður, en auðvitað á ekki að banna rannsóknarblaðamennsku, þó flestir af meginstraumsfjölmiðlunum virðist halda það.

[Gunnar Rögnvaldsson, 16.2.2021 kl. 18:53]

Þakka þér fyrir Theódór.

Já ég sá þessa aka_hjá athöfn Trumps forseta á Right Side Broadcasting í gær - og að það er rétt sem þú segir að sama dag horfðu meira en milljón manns á hana.

En þar sýndi Trump stuðningsmönnum sínum þá virðingu á Degi forsetans að taka rúnt út frá Hvíta Vatíkaninu Hinu Syðra, sem hugsanlega getur þróast í eins konar Avignon-virki frá og með nú. 

En ég gef lítið fyrir tölfræði sundurfélagsmiðla. Þeir ráða sínum tölum sjálfir og fara með þær eins og þeim einum hentar. Til dæmis ákvað Facebook að niðurdrosla "stjórnmálum" á hinu klúðraða innraneti sínu, frá og með í síðustu viku. Þess vegna fær næstum enginn hér á blog.is nema eitt like (1) um þessar mundir - og mikið er það nú gott, segi ég bara.

Kveðjur til þín á gömlu Skáni

[Theódór Norðkvist, 16.2.2021 kl. 19:07]

Þakka þér sömuleiðis, góðar kveðjur til þín norður í land. Það þarf ekki að spyrja að Sovét-Facebook, málgagni Demókrataflokksins. Sömu einræðistilburðirnir í aðstoðarmönnum kosningasvindlsins og hjá yfirmönnum þeirra í Hvíta húsinu.

[Símon Pétur frá Hákoti (IP-tala skráð) 17.2.2021 kl. 01:19]

Nú er hafin enn verri vika

fyrir Mitch McConnell.

Trump er mættur aftur, og segir hann leiðinlegan vesaling sem hafi ekkert til að bera og haldi fylgi Repúblikana niðri.

Trump ætlar greinilega að losa flokkinn við leiðinlegu fenjamýra vesalingana innan flokksins og verða óskoraður foringi flokksins.

Ææ, hvað skyldi Björn Bjarnason skrifa marga vælupistla í tilefni af því að nú er Trump mættur aftur, kraftmeiri en nokkru sinni fyrr?

[Gunnar Rögnvaldsson, 17.2.2021 kl. 10:45]

Þakka þér fyrir Símon Pétur.

Bendi þér og öllum á að lesa leiðara Morgunblaðsins um EES-samninginn í dag, miðvikudaginn 17. febrúar: Þjóðarkreppa.

Þar er komið inn á það sem Arnar Þór Jónsson dómari segir í grein sinni og sem ég vísa á hér fyrir ofan.

Kveðjur