Kína talar í hljóðnema, hátalarinn er Rússland

Kína birtist hér einungis á sviðinu til að kynna nýja tíma. Það sjálft er ekki í standi til að breyta miklu, eitt og sér, þannig að framkoma þess á leiksviðinu núna er sem kynnir aðeins; þ.e. Kína talar í hljóðnema og boðar nýja tíma

Í hernaðarlegu samhengi er Kína aðeins "junior partner" eða litli ungliða-þátttakandinn, miðað við Rússland. Breytingaraflið hér er Rússland

Tómið sem grænsovésk vesturlönd hafa myndað hér heima og víða um heim er heimasmíðað sjálfskaparvíti; heimaskítsmát. Sextán kynja kínversk menningarbylting vestrænna grænkommakrata

Ómálga vöggubarn barið til óbóta 1999

****

Að ráðast inn í Írak með bandaríska hernum á sínum tíma svaraði til að berja barn í hjólastól. Ekki beint glæsilegt og ekkert til að státa sig af, hvorki pólitískt séð né hernaðarlega. Átakasvæðið í Úkraínu núna er sex sinnum stærra en það var "Desert Storm" í Írak. Víglína rússneska hersins núna er lengri en loftlínan frá Reykjavík til Ósló, eða rúmlega 1.600 km. Í Síðari heimsstyrjöldinni var hún 3.200 kílómetrar, sem er fimm tíma þotuflug

Þeim borgurum Sovétríkjanna sem flúðu til Bandaríkjanna er sumum hverjum farið að líða þar eins þeim leið heima í Sovétríkjunum sálugu. Svo lítið má þar segja án refsinga eða atvinnumissis. Þú mátt varla hugsa frjálst þar lengur. Bandaríkin eru ekki lengur "land hinna frjálsu". Því miður. Þannig er það bara. Bandaríkin rugla núna og Evrópa er sokkin. Allt vestrænum krötum, glóbalistum og grænkommum að þakka

Og vissuð þið ekki að það gat þýtt allt að 20 ára fangelsisdóm að fordæma þátttöku Bandaríkjanna í Fyrri heimsstyrjöldinni í sjálfum Bandaríkjunum. Og að fólk getur og er enn dæmt í fangelsi fyrir að gagnrýna stríðsfærslur Bandaríkjanna í Bandaríkjunum

Allir leiðtogar Rússlands í þúsund ár eru, hafa alltaf verið og verða alltaf öryggiskratar. Landfræðileg lega Rússlands sér alveg sjálfkrafa fyrir því, ein og sér. Það er eðlilegt. Það er allt að því náttúrulögmál

Þess vegna eru öryggisstofnanir Rússlands stórar. Þar er landamæravarslan í höndum FSB og bara ein og sér telur hún 170.000 manns fyrir 20 þúsund kílómetra löng landamæri Rússlands. Vissuð þið ekki að bandaríska landhelgisgæslan er hluti af samsvarandi öryggisapparati þeim megin og telur 80 þúsund manns. Landhelgisgæsla Rússlands fellur einnig undir FSB

Takið ykkur vinsamlegast á þið vestrænir grænkommar. Það er árið 2023 og Rússland er ekki Sovétríkin frekar en Þýskaland er einræðisherraríki nasista. Þýskaland er hins vegar orðið hálft einræðisherraríki Evrópusambands núna þar sem stjórnmálin hafa verið þjóðnýtt í þágu samruna og útþenslu nýrrar nýlendustefnu. Öll önnur stjórnmál en samruna- og útþenslustjórnmál eru bönnuð og bannfærð, þar sem evrusvæðið er stuðpúðasvæði Þýskalands og ekkert annað, með allt að 22 prósent verðbólgu núna

Hinn pródúktívi eða raunvirðisframleiðandi hluti hagkerfa vesturlanda er orðinn svo lítill að hann megnar ekki lengur að framleiða hergögn hvorki til sjálfsvarna, sókna né getnaðarvarna. Bandarískar streymisveitur hjálpa lítið núna. Stafrænt vestrænt suð þeirra og smáfélagsmiðlanna bítur ekki á Rússneska herinn, þar sem Rússland er líklega mesta landherveldi mannkynssögunnar

Grænkommakratar hafa rústað vesturlöndum, þau geta hvorki meikað stríð né frið

Fyrri færsla

Forseti Bandaríkjanna yfirgefur Pólland [u]

Macron mun heimsækja Kína í apríl

Athugasemdir

[Jónas Gunnlaugsson, 26.2.2023 kl. 12:18]

Gaman að einhverjir reyna að koma einhverjum sannleika til okkar. 

Við þurfum að geta opnað fyrir innsæið, intuition þeirra Einstein, Nikola Tesla og Jesú. 

Allir lesi um tveggja raufa tilraunina, the two-slot experiment, til að athuga hvort við erum þar farin að sjá að við búum i heilmyndar, hologram heimi. 

Egilsstaðir, 26.02.2023   Jónas Gunnlaugsson

[Símon Pétur frá Hákoti (IP-tala skráð) 26.2.2023 kl. 13:07]

Sæll Gunnar

Les ætíð pistla þína, mér til glöggvunar og fróðleiks.  En hef lítt tjáð mig um þá, að undanförnu.  Í meginatriðum er ég sammála þér, enda rífst maður ekki um staðreyndir, hversu nöturlegar sem mörgum þykja þær vera.

Jónas skrifar um innsæið.  Þegar ekki þarf lengur vitnanna við, þá mun sannleikurinn hafa afhjúpast öllum.

[Ragnhildur Kolka, 26.2.2023 kl. 13:10]

Hvað veistu um Sarah Wagenknecht? Hun virðist vera að ná til sín miklu fylgi í Þýskalandi. Ekki bara frá vinstri vængnum heldur líka frá þeim hægri.

[Gunnar Rögnvaldsson, 26.2.2023 kl. 13:48]

Þakka þér fyrir Jónas.

- og kveðja austur til þín, úr vestri

[Gunnar Rögnvaldsson, 26.2.2023 kl. 13:49]

Þakka þér fyrir Símon Pétur.

Kveðja

[Gunnar Rögnvaldsson, 26.2.2023 kl. 13:49]

Þekki ekki Söru Wagenknecht, Ragnhildur.

En ég þarf greinilega að kynna mér hana, fyrst að þú nefnir hana hér.

Kveðjur

[Óskar Helgi Helgason (IP-tala skráð) 26.2.2023 kl. 15:51]

Sæll Gunnar; sem og aðrir gestir þínir !

Gunnar !

Óþægilega dapurlegt; þykir mjer þessi meðvitaða/ ómeðvitaða hrifning sumra samlanda okkar, á Rússneska böðuls hættinum í Úkraínu undanfarið árið, og misserin.

Getur verið Gunnar; að þú, sem og Rgnhildur Kolka t.d., viljið hjúpa Djöfulsskap Pútín´s og morðingja sveita hans austur í Georgíu 2008, t.d. einhverri Baðmullarmottu ?

Og; Suður- Ossetía, rótgróin hluti gamla Georgízka Konungdæmisins, er ENNÞÁ hersetin af Rússneska plágu liðinu.

Þá er rjett, að minna á framgöngu Rússa í Tcehstjeníu á 10. áratug síðustu aldar / sem og eftir aldamótin síðustu, þar sem ótryggur friðurinn vannst (um sinn: a.m.k.) með setu Ramzan´s Kadyrovs, auðsveips lepps V.V. Pútín, eins og kunnugt er.

Jú; jú - margt má upp á Jóa Bæti (Joe Biden) klaga, sem og aðra NATÓ fyrirliða en, . . . . ættuð þið Ragnhildur Kolka, sem og ýmsir annarra Rússa vina ekki að skoða málin, í hinu víðara samhengi ?

Hryðjuverkin; gagnvart Úkraínumönnum eru / og verða ÓFYRIRGEFANLEG, næstu áratugi sem aldir, hvað svo sem fólki kann að finnast um stjórn Zelensky´s, stærstu mistök Zelensky´s og annarra fyrirennara hans liggja í því, að hafa ekki rekið Rússneska þjóðarbrotið frá Lúhansk og Donetsk, fyrir löngu síðan.

Moldóvar; næstu nágrannar Rúmena og Úkraínumenna standa núna frammi fyrir því, að reka þá Rússa, sem fyrir eru í hinni mjóu landræmu Transnistríu, hver liggur næst Úkraínsku landamærunum, eigi ekki verr að fara, fyrir Moldóvum.

1/2 kúnstug er; trúgirni ykkar Rgnhildar Kolka á, að Kommúnista klíkan í Peking sje einhver líklegur friðar boðberi: glæpahyskið þar:: svarnir fjendur vina minna á Taíwan (arftaka Chiang´s heitins kai Shek) eru í óða önn að undirbúa árás á það friðsama samfjelag þessi misserin:: hið eina, sem aftrar Peking stjórninni þar er órofa samstaða : Japana - Suður- Kóreumanna - Filippseyinga - Víetnama, með bakstuðningi Ástrala og;; reyndar, Bandaríkjamanna.

Gunnar; og þið hin !

Það er hreinn BRANDARI; að Kínverjar (Peking stjórnin) sje að ganga til stuðnings við Úkraínumenn um frið og það - á sama tíma og þeir (Peking stjórnin) er á makki við Moskvu, um frekari útveganir Kínverskra vopna til Rússa, ásamt Norður- Kóreumönnum og klerka skröttunum í Íran.

Rganhildur Kolka; er einkar dugleg að samsinna Páli Vilhjálmssyni (hjer: á blog.is Mbl.) , og má þá einu gilda, hvort Páll sje að mæra V.V. Pútín og dráps maskínu hans, eða þá Samherja glæpaliðið hjerlenda, sem ætti reyndar, að vera búið að framselja suður til Namibíu, fyrir löngu síðan.

Kannski; Ragnhildur geti útskýrt fyrir okkur hinum, yfirmáta hrifningu sína, á ónáttúrulegri fylgispekt Páls Vilhjálmssonar við áður nefnda skemmdarverka menn:: innlenda / sem og útlenda ? ? ?

Jafnvel hjer; á þinni síðu, Gunnar ?

Með beztu kveðjum; engu að síður, af Suðurlandi /       

[Óskar Helgi Helgason (IP-tala skráð) 26.2.2023 kl. 16:10]

. . . . afsakið; stöku stafsetningarvillur - hjer og þar.

ÓHH

[Jónatan Karlsson, 26.2.2023 kl. 16:42]

Ég tek líka undir með greiningu þinni Gunnar, líkt og mér heyrist þau Jónas, Símon Pétur og Ragnhildur sömuleiðis gera, annað en sagt verður um heiðurskarlinn Óskar Helga, sem vill líklega ekki enn trúa því að RÚV, Katrín og Þórdís fari með fleipur.

[Gunnar Rögnvaldsson, 26.2.2023 kl. 16:47]

Takk fyrir innlitið Óskar.

Ég mæli með raunsæisstefnunni í geopólitískum málum. Hún krefst ekki svo mikillar persónulegrar hrifningar.

Annað gildir um pappírspólitískar hugmyndir sem ferðast auðveldlega með bréfpósti eða í höfðum fólks um borð í flugvélum. Slíkar hugmyndir þurfa ekki að lenda og geta búið í heilabúum manna öldum saman. Um þær hugmyndir gilda ekki sömu lögmál og um óhagganlegar geopólitískar staðreyndir.

Kveðjur

[Gunnar Rögnvaldsson, 26.2.2023 kl. 16:48]

Þakka þér fyrir Jónatan.

Bestu kveðjur

[Óskar Helgi Helgason (IP-tala skráð) 26.2.2023 kl. 17:04]

Gunnar !

Þakka þjer sömuleiðis; að umbera mínar ályktanir, sem og frásögu:: hver byggð er á yztu mörkum okkar, sem allra lengst teljumst til hægri, að vera - allt frá því, að jeg fór að fylgjast með stjórnmálunum 8 ára, að aldri.

Jónatan !

Mikið víðs fjarri fer því; að jeg telji innanbúðarfólk slen stjórnarinnar (svo- kallaðra Sjálfstæðismanna / Vinstri grænna hvað þá kviksyndis Framsóknar samsteypunnar) vera einhverja mæniása minna viðhorfa - hvað þá Ríkisútvarpsins þjenara.

Hrifning þín; á glæpahyski Pútín´s Jónatan minn, minnir okkur mörg hver á, að Austurríski hortitturinn Adolf Hitler átti sjer líka misvel- gefna stuðningsmenn hjerlendis (1933 - 1945). hverjir snýta máttu rauðu (hugmyndafræðilega) þá III. ríkið fjell líkt:: og þið velunnarar Rússneska yfirgangsins þurfið að sæta, þegar upp verður staðið.

Einungis; spurning um tíma þar um, Jónatan.

Ekki siðri kveðjur - þeim fyrri /

[Símon Pétur frá Hákoti (IP-tala skráð) 26.2.2023 kl. 17:35]

Svo því sé til haga haldið:

Það sem mér finnst ömurlegast við þetta allt er að verða vitni að því hversu illa er komið fyrir vestrinu, sem við erum hluti af.

Hverju kjaftæðinu af öðru er haldið að okkur eins og við séum öll taldar höfuðlausar hænur.  Dælt yfir okkur plasti í haugum en okkur bannað að nota innkaupa plastpoka.  Annað eftir því.  Nánast eins og verið sé að storka gjörsamlega almennri skynsemi, sundurtraðka hana, með boðum og bönnum.  Og þeim fylgja sektarboðanir eins og flatskjárkjaftæðið eftir hrunið, þið orsökuðu hrunið, æptu Heródes og Pílatus (Jóhanna og Steingrímur) og nú er tásumyndum og innkaupa pladtpokum kennt um.  Þetta er bilun, algjör geggjun í stýrikerfi vestursins. 

Og svo bara þetta:  Maður afneitar hvoki sögulegum né landfræðilegum staðreyndum, hinum geópólitísku staðreyndum.  Þar get ég ekki annað en samsinnt Gunnari.

[Óskar Helgi Helgason (IP-tala skráð) 26.2.2023 kl. 17:58]

Komið þið sæl; á ný !

Símon Pétur frá Hákoti !

Örvæntu ekki; þó ekki blási neitt byrlega fyrir vestrinu - sem stendur.

Hitt er annað; hræsnin sem gengur nú um garða, vegna innkaupa plastpokanna gömlu góðu er einmitt lýsandi dæmi fyrir fíflsku ofurtrúar liðsins, gagnvart hinni meintu hnattrænu hlýnun - á sama tíma og kvarnazt af austurhluta Suðurskautsins, þá bætir í vestari hlutann, t.d.

Okið íslenzka; á Vesturlandi, kemur og fer með ýmsum millibilum líkt og aðrir jöklar minnka og stækka, eins og verið hefur í gegnum tíðina.

Loftslags- og kolefnis bábilju liðið mætti spyrja / hvar verksmiðjur - skip og bílar voru, þegar ísaldirnar komu og fóru t.d., Símon minn.

Vonum alla vegana Símon Pétur; að Vesturlönd eigi sjer einhverjar frekari bjargir, áður en fyrir þeim færi, eins og Vestur- Rómverska ríkinu, árið 476.

Hinar sömu kveðjur; sem öðrum og fyrri /

[Símon Pétur frá Hákoti (IP-tala skráð) 26.2.2023 kl. 18:45]

@ Óskar Helgi

Vel mælir þú og góð eru varúðarorðin um það hvernig Vest-Rómverska keisaradæmið úrkynjaðist á sínum tíma.  Það fall, og ástæður þess, ætti að vera síðari tíma heimsveldum til nokkurar varúðar, vestan sem austan.

Bestu kveðjur

[Jónas Gunnlaugsson, 26.2.2023 kl. 21:07]

Muna að Kínverjar eru orðnir, spurning, eða að verða stærsti Kristni söfnuður heims.  Það eru ekki gömlu stöðnuðu söfnuðirnir ég þar með talinn. 

Þar blómstrar náttúruleg frum  Kristni, blindir fá sýn og lamaðir ganga, allt hjá fólkinu sjálfu. 

https://jonasg-egi.blog.is/blog/jonasg-egi/entry/2275517/ 

Töfra lausnir 

https://jonasg-egi.blog.is/blog/jonasg-egi/entry/2286541/ 

Kínverjar voru beðnir um að bera fram tillögurnar sem aðilar voru þegar búnir að ákveða. Ef deiluaðilar hefðu ekki verið búnir að leggja línurnar þá var vonlaust að bera þær fram. 

Gott er að Vestur - veldin sjá að ekki er gott að styggja Rússneska björninn og reyndar betra að vinna með honum. 

Hver var það sem sprengdi samvinnu Rússlands og Þýskalands? Hefðu þeir saman orðið stórveldi.

Þó að sumir kjósi frekar "Rússland sem stríðið hefur gert getulaust" er Kissinger ósammála og heldur því fram að ekki eigi að brjóta niður "sögulegt hlutverk Moskvu".     

(Að vera stuð púði á milli Asíu og Evrópu. jg) 

Niðurrif Rússlands gæti breytt víðfeðmu landsvæði þess í "umdeilt tómarúm" þar sem "samkeppnissamfélög gætu ákveðið að leysa deilumál sín með ofbeldi" og nágrannar gætu reynt að gera tilkall til landsvæðis með valdi, allt í viðurvist "þúsunda kjarnorkuvopna".

Síðar nefnir Kissinger eitthvað sem Rússland gat ekki samþykkt og þá ónothæft.

Egilsstaðir, 26.02.2023   Jónas Gunnlaugsson

[Theódór Norðkvist, 26.2.2023 kl. 23:27]

Ég ætla ekki að tjá mig efnislega að þessu sinni, flestir sem hér skrifa (og sennilega líka þeir sem lesa þetta blogg) vita mína afstöðu í þessu máli.

Er ánægður með skeleggan málflutning Óskars Helga, þá ég hafi ekki alltaf verið sammála þeim ágæta manni, sýnist mér við tveir vera nokkurn veginn á sömu línu í þessari deilu.

Mér fannst þó athygliverðast það sem Jónas segir hér um framgang kristni í Kína. Takk Jónas fyrir tenglana, verð að kíkja á þetta.

[Ingólfur Sigurðsson, 27.2.2023 kl. 00:12]

Það er ýmislegt augljóst sem óþarfi er að fjölyrða um en er í andstöðu við yfirlýsta mannkynssögu eða atburði á 20. öldinni, eða atburðina í þessu Úkraínustríði. 

Það eru Vesturlönd sem eru taparar mannkynssögunnar. Það er líf í Rússlandi og Úkraínu. Kína og Indland stefna í að verða raunveruleg stórveldi á næstunni. 

Vesturlönd misstu af því tækifæri að leyfa Rússlandi að hjálpa sér uppúr þeirri lægð og kreppu sem er verst allra, lág fæðingatíðni sem útrýmir þjóðunum innanfrá. 

Þetta Úkraínustríð innsiglar endanlega, ef það stöðvast ekki með friðsamlegum hætti, að Vesturlönd eru að verða eftirbátur Indlands, Kína og jafnvel Rússlands, þegar það þarf ekki á Vesturlöndum lengur að halda. 

Eins og margir hafa bent á þá er hernaðarmáttur Evrópuþjóðanna fátæklegur þótt gefið sé í núna aðeins, og stöðnun og kreppa hefur verið viðvarandi lengi í Evrópu, þótt opinberlega hafi það ekki verið viðurkennt.  

Meginreglan gildir að sameinaðar sofna þjóðirnar og veiklast en stælast og styrkjast í stríði um leið og þær verða fyrir miklum skakkaföllum. Evrópusambandið er samband veiklaðra eininga og Bandaríkin sömuleiðis.

Ekki er hægt að neita því sem sagt er um grimmdarverk sem eru augljós. En eins og Jónas Gunnlaugsson segir hér sem fyrsti í athugasemdum þá  sýnir tveggja raufa tilraunin að við mennirnir erum tilraunadýr guðanna, að mínu áliti, eða mýs í búri, og með okkur er fylgzt. Þeir sem stjórna okkur og fylgjast með aðhyllast ekki allir siðfræðina sem Óskar Helgi Helgason og Theódór Norðkvist veðja ennþá á að gildi. Það virðist sem siðfræðin sé aukaatriði og að við mennirnir séum látnir berjast til að sýna styrk okkar og kænsku öllu heldur. 

En hingað sækja fjölmargir til að taka þátt í þessum umræðum, því hér eru umræður nálægt miðjunni og efanum, og það er lýðræðið í hnotskurn, frelsið og það sem flestir eru sammála um að eigi að gilda.

Alltaf áhugavert að lesa pistla Gunnars. Þeir eru afbragð eins og áður.

[Gunnar Rögnvaldsson, 27.2.2023 kl. 07:40]

Þakka þér fyrir Theódór.

Kveðja

[Gunnar Rögnvaldsson, 27.2.2023 kl. 07:40]

Þakka þér fyrir innlit þitt og skrif þín Ingólfur.

Kveðja

[Jónas Gunnlaugsson, 27.2.2023 kl. 17:09]

Ef heimurinn er heilmynd , hvað kveikir eða slekkur á henni. Er það upplýsandinn, sá sem beinir athygli að, skoðar, virðir fyrir sér, horfir á, er þátt takandi, leikari í heilmyndinni sem verður til við gerðir og viðbrögð, þátttakenda. jg

27.2.2023 | 14:35

1.1.1970 | 00:00 Þú verður að lesa niður að 000000, ca 20 línur

Hér lýsa þeir myndpunkti í heilmyndinni, er hann hulinn? jg

Here they describe an image point in the hologram, is it hidden? jg  

Sú staðreynd að skammtakerfi, svo sem rafeindir og róteindir, hafa óákveðna þætti þýðir að þau eru til sem möguleikar frekar en rauneiginleikar. (Slökktir mynd punktar í heilmyndinni. jg)

Þetta gefur þeim þann eiginleika að vera hlutir sem gætu verið eða gætu gerst,  frekar en hlutir sem eru. (Slökktir mynd punktar í heilmyndinni. jg)

Þetta er í skarpri mótsögn við eðlisfræði Newtons þar sem hlutirnir eru eða ekki, það er engin óvissa nema þau sem sett eru vegna lélegra gagna eða takmarkana á gagnaöflunarbúnaðinum.

Frekari tilraunir sýndu að raunveruleikinn á skammtafræðilegu (smásjá) stigi samanstendur af tvenns konar veruleika, raunverulegum (kveikt jg) og möguleikum (slökkt jg).

Raunverulegt er það sem við fáum þegar við sjáum eða mælum skammtaeiningu, (heilmyndin kveikt, Maja eins og Indverjar segja, blekking. jg)

(Þegar við horfum á geislaskjáinn hans Nikola Tesla þá kveikir hann og við sjáum myndpunktinn sem birtir hinar og þessar myndir sem eru, við setjum, leikum í heilmyndinni jg)

möguleikinn er ástandið þar sem hluturinn (myndpunkturinn (er slökktur jg) áður en kveikt var á honum með áhorfi jg) var til áður en hann var mældur.

(Niðurstaðan er sú að skammtaeining (ljóseind, rafeind, nifteind o.s.frv.) er til í mörgum möguleikum raunveruleika sem kallast superpositions.

(Eins og myndpunkturinn í nútíma sjónvarpi er til en þá ekki með myndtjáninguna, slökktur jg)

Hægt er að sýna fram á yfirbyggingu mögulegra staðsetninga rafeindar með athuguðu fyrirbæri sem kallast skammtagöng.

000000

Ef heimurinn er heilmynd , hvað kveikir eða slekkur á henni. Er það upplýsandinn, sá sem beinir athygli að, skoðar, virðir fyrir sér, horfir á, er þátt takandi, leikari í heilmyndinni sem verður til við gerðir og viðbrögð, þátttakenda. jg

If the world is a hologram, what turns it on or off. Is it the informant, the one who pays attention to, examines, observes, watches, is a participant, an actor in the hologram created by the actions and reactions of the participants. jg

Slóð

Kemur Meira,?

Egilsstaðir, 20.02.2023   Jónas Gunnlaugsson

 

[Óskar Helgi Helgason (IP-tala skráð) 27.2.2023 kl. 18:08]

Komið þið sæl; sem fyrr !

Theódór !

Þakka þjer liðveizluna; sem oftsinnis áður, gamli góði fjelagi.

Ingólfur !

Þjer að segja; snúazt málefni Austur- Evrópu ekkert um tiltekna siðfræði, hvað þá veðmál.

Jeg hygg Ingólfur minn; að tiltölulega skýrar og ófalsaðar frjettamyndir af vettvangi styrjaldarinnar tali alveg sínu máli, sem og frásagnir Úkraínskra borgara, af Djöfulsskap Rússneska innrásarliðsins gagnvart mannfólkinu, svo ekki sje nú minnst á þjáningar ómálga dýranna, ekki síður.

Það telst nú vart stórmannlegt; að breiða yfir ómennzku hrottanna, ágæti drengur.

Og munum; Úkraínumenn gátu ekki annað, en svarað viðbjóði Pútín´s / og hefðu reyndar fullan rjett á, að kasta nokkrum velvöldum sprengjum á Kremlarmúra, aðsetur skoffínsins V.V. Pútín / og reyndar:: óskiljanleg sú kurteisi, sem Úkraínumenn hafa sýnt Rússum, fram að þessu.

Hinar sömu kveðjur; sem áður, vitaskuld /

[Ingólfur Sigurðsson, 28.2.2023 kl. 04:04]

Jónas, þú ert eins og sumir hér, kemur fólki á óvart með vísindalegum fróðleik sem er mjög þarfur og áhugaverður. Ég hef kynnt mér sumt af þessu. Ég hef lesið margt eftir þig af athygli og oft verið sammála þínum skrifum.

Óskar Helgi, sömuleiðis oft verið sammála þér í mörgum veigamiklum málum. Verð þó að vera ósammála um Pútín áfram. Það eru fáir eftir sem hann, kappar af gamla skólanum sem kannski eru frelsishetjur og lýðræðishetjur en ekki skúrkar.

Gleymum því ekki að Biden og aðrir á Vesturlöndum eru ekki síður sekir um mannfallið í Úkraínu. Ekki er hægt að líta framhjá hvernig Bandaríkjamenn hafa haft áhrif á Úkraínumenn lengi. 1997 var undirritaður sáttmáli Nató og Úkraínu um sérstakt samstarf. Leyniþjónusta Bandaríkjanna hefur komið inn flugumönnum í Úkraínu frá þeim tíma. Þróunin frá 2014 er þessvegna ekki tilviljun.

Pútín og hans fólk hefur fylgzt með þessu allan tímann með vaxandi óánægju. Rússar líta á sig sem stórveldi, og miklu fleiri en Pútín eru þeirrar skoðunar. Einföldun er að segja hann einan ábyrgan fyrir innrásinni.Minnir á fornkappana í Íslendingasögunum. Maður tekur stundum á sig þann kross að styðja óbótamenn ef málstaðurinn finnst manni verðugur. Pútín stendur fyrir gömul gildi sem Vesturlönd eru að yfirgefa.

Gunnar Rögnvaldsson sjálfur skrifaði nýlega pistil um fordæmalausar árásir 22. febrúar 2022 þess Úkraínuhers sem Nató og ESB höfðu byggt upp, á rússneskumælandi Úkraínumenn, áður en innrás Rússa kom í fréttirnar, þannig að hver byrjaði stríðið í raun, Nató eða Rússar?

Dráp á rússneskumælandi Úkraínumönnum er ekki vitleysa Pútíns frá 2014 til 2022.

Þar er talað um dráp á yfir 50.000 manns af hendi herja sem Nató og Vesturlönd hjálpuðu til að byggja upp, áður en til stríðsins kom, innrásarinnar sem Pútín einn er sagður bera ábyrgð á.

 

En þér vil ég hrósa Óskar Helgi fyrir að varðveita góða stafsetningu og vera til fyrirmyndar í gömlum og góðum kveðjum.

 

Sendi ykkur beztu kveðjur sömuleiðis; það er þroskandi að taka þátt í samræðum sem slíkum.

[Theódór Norðkvist, 28.2.2023 kl. 21:40]

Verð þó að vera ósammála um Pútín áfram. Það eru fáir eftir sem hann, kappar af gamla skólanum sem kannski eru frelsishetjur og lýðræðishetjur en ekki skúrkar.

Trúirðu þessu virkilega sjálfur? Ég hef verið að íhuga að taka skjámynd af sumum ummælum þínum á blogginu og varðveita þær, til að nota komandi kynslóðum til viðvörunar, þegar búið verður að dæma Pútín hjá stríðsglæpadómstólnum í Haag, líkt og nasistaforingjana. Til viðvörunar um hvað hægt er að sökkva djúpt, rétt eins og margir létu glepjast af Hitler og eru fyrirlitnir í dag.

Mér er ekkert illa við þig Ingólfur, þó ég tali svona, tel þvert á móti að þú sért mjög gáfaður og vel lesinn miðað við það sem ég hef lesið frá þér. Held bara að þú hafir villst út af spori skynseminnar á ákveðnum sviðum.

Síðan skjóta þessar tölur um mannfall af völdum Úkraínuhers, ýmist er það 14 þúsund, stundum 50 þúsund, þegar menn gleyma sér í trúarhitanum og fara að yfirbjóða hver annan við að fordæma Vesturlönd, sinn eigin túnfót. Eina túnfótinn á þessari jarðkúlu þar sem menn fá enn að tjá sig (a.m.k. nokkurn veginn) eins og þeir vilja.

Hinsvegar hef ég ekki séð neinar heimildir um að það sé fótur fyrir þessum tölum. Reyndar hef ég séð 14 þúsundin nefnd margoft, en þá er það heildarfjöldi látinna, hermanna og óbreyttra borgara úr báðum liðum þessarar deilu. Það kæmi mér ekki á óvart ef það kæmi í ljós að rússnesku uppreisnarseggirnir hefðu sjálfir drepið flesta af þeim.