Klikklið gegnsósa af vinstrimennsku

Nú? Og ég sem eitt augnablik hélt að þetta væru konur –sumar að vísu í karlafötum– að fagna því að Margrét Thatcher hefði getað orðið fyrsti kvenkynsforsætisráðherra Stóra Bretlands og þar að auki í nafni Breska Íhaldsflokksins, þéttpökkuðum ekta miðaldra körlum með skoðanir

Í alvöru talað. Hvers vegna fögnuðu heilagar kvenrembukerlingar vinstrisins ekki ákaft og innilega þegar Margrét varð fyrsta konan á stóli forsætisráðherra eins mesta ríkis mannkynssögunnar? Var það kannski vegna þess að hún hafði samkvæmt þeim rangar skoðanir og var ekki vinstrisinnuð, eða það sem sumir háskólamenntaðir fæðingarkjánar kalla "illiberalism" á ensku í dag?

Er það ekki frekar það sem þetta klikklið gegnsósa af vinstrimennsku þarna á myndunum snýst sem grænir bjánar um

Marxistar þ.e. vinstrimenn eru alltaf eins alls staðar, og þess vegna aka engir sjúkrabílar í Venesúela lengur. Biðraðir vegna marxískar eyðileggingar vinstrisins er það sem alls staðar blasir þar við. Og olían kemur meira að segja innflutt frá Íran núna, frá Klerkaveldinu. Allar hreinsunarstöðvar landsins eru niðurslitnar og óstarfhæfar. Þetta niðurrif vinstrimanna tók ekki langan tíma. Síðasti borpallur landsins lokaði niður um daginn. Venesúela vinstrimanna er þar með orðið rautt... afsakið grænt; sjá grein WSJ

Er þetta ekki yndislegt! Snérist auðvitað aldrei um kyn, heldur um skoðanir. Kynið er marxískur felulitur sem aðeins veiklundaðir vesalingar falla fyrir. Og nú er það orðið grænt, sem áður var rautt. Skoðanir vinstrisins eru svo lélegar að þeim þarf að pakka inn í kyn og umhverfisþvælu marxismans. Þær geta nefnilega ekki staðið undir sér sjálfar, vegna þess að þær eru þvæla

Kommar, kommar, kommar og kommar!

Fyrri færsla

"See Me Here"- lest Demókrata brunar áfram [u]

Mótmæltu meintum mistökum fjölmiðla

Athugasemdir

[Gunnar Rögnvaldsson, 7.9.2020 kl. 11:18]

mánudagur, 7. september 2020 kl. 11:10:12

Ég hef tekið eftir að þetta klikklið sem kastar sér niður og þykist vera dautt úr því sem það sjálft getur hvorki skapað né skaffað neitt nýtt í staðinn fyrir, kastar sér aðeins niður þar sem mallbikað er og göturnar hreinar. Eitt ráð við þessu gæti verið að taka malbikið af og innleiða skítinn og drulluna sem var í borgum og bæjum áður en siðmenningin, sem þetta fólk hatar, skaffaði því betra líf. Þá þurftu menn nefnilega að ganga um á stultum og upphækkuðum skóm til að þurfa ekki að vaða drulluna og mannaskítinn sem Iðnbyltingin losaði borgirnar og bæina við.

Nýtt verkefni fyrir þetta tómhöfðaða klikklið sem kastar sér í götuna og heimtar að fá að lifa sjálft sig af -sem ég efast um að það sé fært um- væri að standa upp og kasta sér enn og aftur niður sem blábjánadautt, en þá með hausinn fyrst (íklætt Oasis-auminjgatýpu-rifna-batikkinu á einnota strigaskóm og innlagt í símaöndunarvél), væri að beina sjónum sínum að Kína sem um þessar mundir er að opna skólana í Mongólíu-sjálfsstjórnar-(ha ha ha)-héraði landsins. Þar kom nefnilega í ljós á mánudaginn var að allar skólabækur Mongóla hafa að þeim forspurðum verið umskrifaðar yfir á mandarínsku og tungumáli þeirra sjálfra hent í ruslið. Trylltist allt. En án árangurs því lögreglulið Kommúnistaflokksins beið með heilaþvottabrettin (Made in Gulag Xinjiang) fyrir utan skólana. Þarna bættist þá fjórða stuðpúðasvæðið umhverfis Han-Kína við upp á kúgunarkippu kommúnistaflokksins sem Þórdís ferðamála og Bjarni AIIB Ben eru svo sólgin í að eiga endalaust náið "samstarf" við. Hvílíkir barnavaxnir aulahrollskjánar!! Þau eru auðvitað ekki fullorðið fólk enn.

Fyrst var það Tíbet, svo kom Xinjiang. Og nú í vor bættist Hong Kong við. Var kommúnistastjórnin þá komin með svo mikið blod-paa-tanden að hún bætti Mongólíu bara sí svona við. Umhverfis Han-Kína eru þá þrjú af fimm stuðpúðasvæðunum komin undir sama járnhæl og Austur-Evrópa var undir þegar ísöld kommúnismans lagðist yfir hana, og sem þetta geðbilaða lið sem hendir sér í götuna virðist bara alls ekki vita neitt um. Enda öll fædd með silfurskeiðarnar, sem forfeðurnir smíðuðu og sköffuðu, í munninum. En þær skeiðar eru hins vegar ekki fastari en svo í munni, að enga stund tekur að kýla þær niður í afturenda þessa fólks.

Eiríkur Bergmann fjallaði víst ekki um þjóðernispoppandi og hola isma Þýskalands í nýjum útvarpsþætti í Sjálfsfróunarútvarpi Vinstrimanna (DDRÚV). En Nord-Stream2 orkuleiðslan frá Rússlandi til Þýskalands er "Þýskaland fyrst" stefna þýskra stjórnvalda, og sem eru að farast enn á ný þessi árin, einu sinni enn. Allir í Evrópusambandinu voru og eru á móti þessari leiðslu en það gaf bæði skrjóðurinn Gerhard Schröder og tóma púðurdósin Angela Merkel frá DDR skít í. Allir í NATO eru á móti leiðslunni líka, en það gaf hún skít í líka. Það telst því varla neitt sérstaklega og allra síst yfirskilvitlega undarlegt, að aðeins nokkrum vikum eftir að hún hrósaði Litháen fyrir að aðstoða mómælendur í Hvítarússlandi við að koma sér afar illa fyrir Kreml, að helsti mögulegi pólitíski andstæðingur stjórnvalda á þeim bæ sem Merkel ætlar að kynda Þýskaland upp með, endi sem eitraður hraðsendingar-pakki á þjóðernispoppandi merkantílisma-borði hennar í Berlín.

Þetta er næstum sprenghlægilegt allt saman, ef ekki væri fyrir heimskuna, hræsnina og hráskinnaleikann við þessi mál öll.

Nánar hér hjá Wolfgang Munchau á Eurointelligence: Navalny notwithstanding, we are still buying Russian gas. [...] If you are not ready to take a hit in the pursuit of a strategic interest, you are not a foreign policy actor

[Benedikt Halldórsson, 7.9.2020 kl. 20:59]

Takk fyrir. 

[Gunnar Rögnvaldsson, 9.9.2020 kl. 10:02]

Takk fyrir innlitið Benedikt.

Kveðja