Fyrirbærið Jóhanna; svo gott sem ónýt

Brennið þið hálfvitar.

 

 

Úr skjóli fullveldis íslenska lýðveldisins í peningamálum eys forsætisráðherra ESB-sértrúarsafnaðar Samfylkingarinnar úr sér yfir gjaldmiðil þjóðarinnar. Væri hún forsætisráðherra í evruríki þá væri hún þegar á leið í ESB-gúlag með Zíl. En þar þegja forsætisráðherrar þykkt á meðan miðstýrð mynt Evrópusambandsins rúllar yfir og þurrkar út lífskjör og lýðræði þjóða þess. 

Væri hér engin fullvalda króna þá hefði þessi manneskja mjög hægt um sig. Þannig virka vöðvar frelsisins. Þeir visna hratt þegar þeir eru ekki notaðir. Ekkert slíkt vöðvaafl á Jóhanna Sigurðardóttir til í sér. Hún er talandi tákn uppgjafar. Sjaldan launar kálfur ofeldið

Úti í Evrópu og víðar finnst mörgum að Ísland eigi ekki rétt á og geti ekki verið sjálfstætt fullvalda ríki. Að það sé of lítið til þess. Talsmaður þessa fólks á Íslandi er Jóhanna forsætisráðherra Samfylkingar.

 

Skiptimiðill þessi þarf að fara. Átjánda stærsta eyja heimsins getur ekki búið við minnsta fljótandi forsætisráðherra heimsins í peningamálum.

 

 

Fyrri færsla 

Frakklandsforseti bjóst við upplausn evru sem gjaldmiðils

 

Tengt - sjá myndskeið hér fyrir ofan

The Irish Begin to Wake Up to the Fact That They are Repaying Money That is Then Burned

 

 

Vill þjóðarsátt um gjaldmiðil

Athugasemdir

[Hjördís Vilhjálmsdóttir, 15.3.2012 kl. 21:00]

Slæmt að eigin ráðamenn tali krónuna niður. Það eykur ekki trú annarra á henni blessaðri ,sem kennt er um hagstjórnarklúður fyrr og síðar.

[Magnús Helgi Björgvinsson, 15.3.2012 kl. 21:53]

Er ekki rétt að lesa ræðunna henar Jóhönnu sem ég minni á að var á flokkstjórnarfundi Samfylkingarinnar áður en fólk fer að fabulera um hvað hún sagði.  Svona líka í ljósi þess að hér á landi býr fólk sem hefur lifað það nokkrum sinnum að krónan hefur hrunið. Minni fólk á að 1979 tókum við 2 núll af henni. Nú stefnir allt hraðbir í að innan 10 ára þyrftum við að endurtaka þann leik. Og við skuldum ekkert tala um gjaldeyrishöft, verðtryggingu, vexti og sveiflur sem fólk þarf að að búa við með krónunni.  En í ræður Jóhönnu segir hún um krónunna:

Okkar harðasta glíma verður hinsvegar að ná tökum á gjaldmiðlamálum þjóðarinnar. Til skamms tíma þurfum við að tryggja stöðugleika krónunnar samhliða afléttingu gjaldeyrishafta, enda mun áframhaldandi veiking krónunnar fara beint út í verðlagið og draga úr kaupmætti almennings.

Síðar segir hún

Það sem helst ógnar hér stöðugleika og hagfeldri þróun efnahagsmála um þessar mundir er íslenska krónan og sú erfiða staða sem hún og efnahagsstjórn áranna fyrir hrun hefur komið okkur í.
Með gjaldeyrishöftunum hefur okkur til skammst tíma tekist að bregðast við og koma í veg fyrir að vel á annað þúsund milljarðar í króunueignum erlendra aðlia yfirgefi landið, en fyrr eða síðar mun stór hluti þessa fjármagns leita úr landi ef eigendur þess sjá ekki fram á nauðsynlegt öryggi gjaldmiðilsins og trygga ávöxtun hér á landi.
Afleiðingar þessa eru meðal annars veiking króunnar og hækkandi verðlag. Allt hefur þetta því bein áhrfi á kjör almennings, hvort sem litið er til kaupmáttar launa, vaxta af lánum eða fjölda atvinnutækifæra.
Hvort sem mönnum líkar betur eða verr, þá er framtíðarskipan gjaldmiðlamála Íslands risavaxinn þáttur í þessari mynd.
Ekki síður skiptir þetta máli fyrir þau stórfyrirtæki sem standa í alþjóðlegum rekstri og hafa kosið að hafa höfuðstöðvar sínar á Íslandi.
Skýr stefnumótun varðandi framtíðarskipan í gjaldmiðilsmálum landins er því eitt af brýnustu verkefnum stjórnmálanna á næstu misserum.
Enn sem komið er er Samfylkingin eini flokkurinn sem hefur talað skýrt í þessum efnum og hvatt til aðildar að Evrópusambandinu og upptöku evru, en fleiri og fleiri stjórnmálamenn úr öðrum flokkum stíga nú fram og viðurkenna í raun mikilvægi þess að tekin verði upp ný mynt á Íslandi í stað krónunnar.

Sé ekki hvar stjórnarandstæðingar sjá að hún hafi talað krónuna sérstaklega niður. Hún hinsvega segir frá því að það sé stefna samfylkingarinnar að það sé enn skynsamlegast að ganga í ESB og taka síðan upp EVRU enda verður þá væntanlega búið að leysa úr þeim vandamálum sem nú ríkja varðandi EVRU því annars verða þjóðir Evrópu væntanlega búnar að afskrifa þann gjaldmiðil sem ég stór efast um. Ætli það séu ekki um 300 milljónir manna í dag sem nota Evru sem sinn gjaldmiðil. Svona svipaður fjöldi og notar dollar.  

En aðallega vildi ég benda á að Jóhanna sagði aldrei að krónan væri ónýt. Svo leyfi ég mér enn á ný að benda á að ég hef ekki enn séð þá þjóð í ESB sem er minna fullvalda en við. Sorry. Þó að þær framselji hluta af því sem kallað er fullveldi til ESB þá höfum við gert það líka með aðild okkar að EES að á flestum þeim sviðum líka.  Get ekki skilið að nokkur Íslendingur vilji búa í Danmörku t.d. eins og Gunnar talar.Það hlýtur að vera kvöl öllum þeim 550 milljónum sem búa í ESB og því skritið að Íslendingar skuli flytja þangað og setjast að.

[Gunnar Rögnvaldsson, 15.3.2012 kl. 22:36]

Þakka ykkur innlitið

Icesave-Jóhanna fær útborgað í íslenskum krónum Magnús. Ég sé ekki að hún sé að detta í sundur eða verða fátæklingur krónunnar vegna. Sýnist þér það Magnús? Hún lifir í vellystingum. Eitthvað annað hlýtur að ama að henni. 

Hér býr ein ríkasta þjóð heimsins. Þökk sé meðal annars sjálfstæðum gjaldmiðli okkar. Hingað vildu flestir flytja ef þeir gætu.

Þessi forstætisráðherra hefur margoft talað gjadlmiðil íslenksu þjóðarinnar niður á hinn grófasta og ömurlegasta hátt. Við þolum ekki aulahátt Jóhönnu né sértrúar- og klofningsstjórnmál Samfylkingarinnar lengur. Fólk flýr landið ríkisstjórnarinnar vegna. 

Kveðjur

[Hjördís Vilhjálmsdóttir, 15.3.2012 kl. 23:32]

Gunnar, þekkir þú einhver önnur dæmi þess að forsætisráðherra eða forseti annarar þjóðar tali niður eigin gjaldmiðil ?

[Bragi, 16.3.2012 kl. 12:17]

Magnús:

„Það sem helst ógnar hér stöðugleika og hagfeldri þróun efnahagsmála um þessar mundir er íslenska krónan“ Hér talar hún t.d. krónuna niður. Hún segir beinlínis að það sem ógni stöðugleika og hagfelldri þróun efnahagsmála sé íslenska krónan. Það kalla ég að tala gjaldmiðilinn niður. Mjög einfalt.

„...en fyrr eða síðar mun stór hluti þessa fjármagns leita úr landi ef eigendur þess sjá ekki fram á nauðsynlegt öryggi gjaldmiðilsins og trygga ávöxtun hér á landi.“ Það sem helst ætti að koma í veg fyrir trygga ávöxtun hér á landi er einmitt hvernig stjórnmálamenn tala, þ.e. gera varla annað en að vera með svartsýnisraus þegar ljóst er að við erum stigin upp úr einhverju versta áfalli sem dunið hefur yfir land og þjóð. Það sem við þurfum akkúrat núna er fjárfesting. Svo lengi sem æðstu ráðamenn þjóðar gera ekkert annað en að tala illa um gjaldmiðilinn okkar verður ekki mikil fjárfesting. Og fjárfestingarleysi kemur sér illa fyrir alla landsmenn. Sem er kannski markmiðið með þessu rausi, til að auðveldara sé að snúa almúganum við þegar kemur að því að kjósa um evruna?

„Afleiðingar þessa eru meðal annars veiking króunnar og hækkandi verðlag.“ Afleiðingar tals stjórnmálamanna hefur ef til vill áhrif á veikingu krónu. Slök gjaldeyrishöft til að byrja með var hinn þátturinn. Þau voru þó eins mikil nauðsyn á sínum tíma eins og það er nauðsynlegt að losna við þau hægt og rólega á komandi misserum. Við þurfum að borga niður erlendar skuldir, sem nauðsynlegt var að fá á sínum tíma vegna endurreisnar bankakerfisins. Slíkt kallar á lækkun krónu, að öðru óbreyttu. Krónan lækkar ekki bara "bara út af því". Ef til vill þarf krónan að veikjast meira í átt að aflandsgenginu. Verðbólgan er mikil, satt er það. Hins vegar megum við ekki vanmeta afganginn af viðskiptum við útlönd þegar kemur að veikingu krónunnar, en það er þátturinn sem hefur haldið okkur á floti síðan hrunið varð.

Það er ekki sjálfgefið að þurfa að búa við óþarfa sveiflur í gjaldmiðlinum okkar, sem ef til vill eru drifnar áfram af fáum en stórum útflutningsatvinnuvegum. Það þarf bara að hugsa út fyrir kassann og finna lausnir á þeim vandamálum sem eru til staðar. Ef að einhver ætlar að halda því fram að stöðugleiki ríki á evrusvæðinu, þrátt fyrir tiltölulega stöðugan gjaldmiðil, er sá hinn sami ekki alveg nógu vel með á nótunum.

[Halldór Jónsson, 16.3.2012 kl. 15:19]

Gunnar,

Magnús Helgi er vandamálið í hnotskurn. Svona strangtrúar krati sem trúir ekki á land sitt og þjóð. Við verðum að hugga okkur við það að þeim fer fækkandi sem ekki nenna að horfa hlutlægt á málin en fara blint eftir boðorðum kratismans og ví sem flokksráðið segir þeim.

[Ægir Óskar Hallgrímsson, 16.3.2012 kl. 15:57]

Gunnar, svo líka..þá er til fólk sem mun verja Jóhönnu fram í rauðan dauðann...hún er hinn eini sanni leiðtogi kommúnista í dag...og það sem hún segir..alveg sama hvé vitlaust það er..þá er það rétt hjá þessu pakki!!

[Gunnar Rögnvaldsson, 16.3.2012 kl. 19:00]

Kvitta fyrir með þökkum fyrir innlit og hugsanir ykkar. Þær eru mér dýrmætar. 

Góðar kveðjur