Pólitísk áhætta ræður ríkjum á Evru-Víetnamsvæðinu

Evrusvæðið nötrar og skelfur vegna þeirra skelfinga sem myntbandalag Evrópusambandsins hefur fært Evrópu og heiminum öllum. Norður-Evru-Víetnam á móti Suður-Evru-Víetnam er landslag sem öllum er að verða kunnugt. Flest er orðið mun verra í Evrópu eftir að pólitískum áhrifamönnum úr elítu ESB í Brussel og aðildarlöndunum tókst að troða geðklofinni pólitískri mynt Evrópusambandsins eins og handjárnum upp á 17 þjóðir Evrópu. Neyðarástand ríkir nú í Evrópu af völdum myntarinnar. Fjármálamarkaðir heimsins finna 1931 lyktina frá 2011 Kreditgaleanstaltinu í Evrópu.

• Evran fallin um 5 prósent á nokkrum sólarhringum
• Þýski Deutsche Bank‎ fallinn sem spýta um 9 prósent bara í dag
• Franski Societe Generale um rúmlega 17 prósent í dag
• Franski BNP Paribas (PAR)‎ um tæp 13,5 prósent í dag

Bandaríkin, þó ljót séu, eru öruggasti staður í heiminum.

Atvinnumálaráðherra Ítalíu, Maurizio Sacconi, aðvarar land sitt vegna þeirra fyrirskipana sem Silvio Berlusconi bárust í bréfi frá seðlabankaríkisstjórn Brussels um að umbylta í hvelli atvinnumarkaði Ítalíu. Sacconi segir að þetta geti sett bylgju hryðjuverka af stað í landinu á ný. Einhver hér sem man eftir rauðu herdeildinni (the red brigade)? Hún gæti kannski tekið sér nýtt nafn: blágula herdeildin.

Setulið Evrópusambandsins í Aþenu sá rautt þegar neista af lýðræði sló niður í Grikklandi með því að imprað var á hugsanlegu þjóðaratkvæði um eitthvað sem enginn veit enn sem komið er hvað er eða hvort verður. 

Nýjustu spekúlasjónir í evrurústum Evrópusambandselítunnar ganga út á það að Silvio Berlusconi geti fundið upp á því að hoppa út úr evrunni og endurnefna skuldir landsins í lírum þegar bankakerfið er undir áhlaupi. Að Ítalía sé eina landið sem gæti þetta vegna þess að megnið af eigendum ríkisskulda landsins eru hvort sem er búsettir í ítalska hagkerfinu.

 

Svarti pétur færist nær og nær Þýskalandi - og Austurríki líka sem skreið yfir 10 prósent líkum á ríkisgjaldþroti á skuldatryggingamörkuðum í dag. Næsta skref fyrir Austurríki, nú þegar með nokkra þjóðnýtta evru-banka í maganum, eru 25 prósent líkurnar á ríkisgjaldþroti.

 

Ný Marshall áætlun þyrfti að fara í smíði handa Evrópu eftir ESB 

Athugasemdir

[Jón Steinar Ragnarsson, 1.11.2011 kl. 19:03]

Nú eru Írar skyndilega farnir að finna peninga líka.

Ég get ekki gert af því, en ég er ekki alveg að kaupa þetta.

[Gunnar Rögnvaldsson, 1.11.2011 kl. 19:11]

Já.

Þetta er líklega óvæntur hagnaður af afleiðuviðskiptabraski írsku ríkisstjórnarinnar, eins og þeirrar þýsku í gengum beinagrindasafn hennar í marggjaldþrota Hypo Real Estate. Getur gufað eins hratt upp aftur og þetta gufaði niður. 

[Gunnar Rögnvaldsson, 1.11.2011 kl. 19:33]

Þetta minnir mann á góðu gömlu dagana þegar 12 af 13 ríkisstjórnum Evrópu svindluðu sér í gegnum Maasticht girðinguna með álíka braksi, fupp og fídusum til að geta tekið upp evru;

Sjá WSJ; Europe's Original Sin 

og The Economist; Those wicked speculators again

og New York Times; 1996: Bonn Accuses Paris of 'Window Dressing' : Germany Assails France Over Budget Maneuvers

og CEPS; CEPS Policy Brief

[Haraldur Hansson, 1.11.2011 kl. 21:03]

Hvað ætli Össur segi við þessu? Ekkert, eins og í gær?

Synd, það hefði verið svo spennandi að heyra hann tala af öllu sínu "ekki hundsviti" um málin.

[Jón Steinar Ragnarsson, 1.11.2011 kl. 23:28]

Athyglisverðir hlekkir og upplýsandi.

Í framhaldi af þeim, þá spyr maður sig hvaða fegrunaraðgerðir Jóhanna ætlar að ráðast í til að uppfylla Maastricht skilyrðin.  Ekki hefur hún hernaðarútgjöld, sem hún getur gleymt að færa til bókar t.d.

Ég held að við uppfyllum eitt skilyrði í þessum samningi ef nokkuð í dag.

Er sú staðreynd ekki nægileg til að bíða að minnsta kosti í einhver ár með umsókn. Þetta er gersamlega vonlaust dæmi hjá þeim.