Leita í fréttum mbl.is

Í dag ætla ég að kjósa Davíð í fyrsta skiptið

Hann ætla ég að kjósa fyrir forseta í dag

Það er mér sannur heiður að fá að kjósa Davíð fyrir forseta Íslands. Ég fyrir mína parta ætla algerlega að kjósa þennan mann því að Davíð Oddsson er einn mesti Íslendingur sem uppi hefur verið

Ég er þakklátur fyrir að fá þetta tækifæri til að kjósa Davíð að minnsta kosti einu sinni á æfi minni. Illu heilli var ég fjarverandi frá landi mínu í samfleytt 25 ár. En ég horfði ávallt með öfundaraugum upp til fósturjarðarinnar á meðan Evrópa hélt áfram að hrynja allt í kringum mig öll árin eftir að Evrópusambandið tók völdin af þjóðríkjunum frá og með 1986, með aðstoð nytsamra vesalinga. En hér heima fól þjóðin Davíð umboðið hvað eftir annað. Hann fór afskaplega vel með það umboð. Enda sást það langt að, um víða veröld, svo leitun var að öðru eins og hér vannst á þeim tíma

En Davíð kom aldrei til að kollvarpa neinu. Hann kom til að uppfylla. Og hann uppfyllti og sveik ekki. Enda kosinn aftur og aftur. Vinstri vængur stjórnmála í leit að málstað þoldi þetta náttúrlega ekki og þolir ekki enn, því að sá vængur virðist einungis hafa áhuga á því að kollvarpa, ef til vill eðli sínu samkvæmt

Það er alveg sama hverjir eru "ráðandi" þessa stundina, alltaf skal klisja vinstrimanna kollvarpsvængsins vera sú að kollvarpa verði "ráðandi öflum". Séu þeir sjálfir "ráðandi aflið", þá kollvarpa þeir sjálfum sér. Sé jafnvel Lenín þeirra við stjórn, þá þarf að kollvarpa honum til að kollvarpi þeirra verði ekki kollvarpað af honum, og fari á hausinn, því án kollvarps þessa geta þeir ekki verið

Kröfugöngur þessara kollvarpara eru gengnar á gullskóm með rauða fána við gylltan hún í Dior-drögtum í dag. Ný krafa sem ekki er hægt að uppfylla er sett fram, til að kollvarpa því sem enn stendur uppi. Öll framboð DDRÚV hafa gengið út á að kollvarpa. Og ég hef horft upp á heil tvö framboð DDRÚV til forseta á örskömmum tíma. Það er alveg hreint ótrúlegt að þetta kollvarp DDRÚV skuli vera svona. Og að það skuli yfirhöfuð vera til, sem kollvarp

Ég get ekki annað séð en að talsmenn hins mölbrotna vinstri vængs þjóðarinnar séu algerlega án málstaðar í dag, og grilli kollvörpur bæði í vinnunni og á kvöldin. Og þetta þarf maður að borga fyrir þó svo að ég nánast neiti að láta pynta mig með kollvarpi þeirra lengur

Ég ætla auðvitað ekki að kjósa þetta kollvarps-framboð DDRÚV. Ég ætla að kjósa Davíð Oddsson, ektamanninn hennar Ástríðar hjúkku. Það ætla ég, því ég veit hvað hann stendur fyrir. Hann stendur fyrir þann væng sem enn flýgur

Takk Davíð fyrir að gefa kost á þér. Hattur ofan

Fyrri færsla

Bretland sparkaði Evrópusambandinu út - og úr landhelginni


« Síðasta færsla | Næsta færsla »

Athugasemdir

1 Smámynd: Hrólfur Þ Hraundal

Takk Gunnar, ég ætla að gera eins, en óttast greindarskort landaminna og finnst hörmulegt til þess að hugsa að þessi leiðinlegi Guðni þvaðri okkur til minnkunar  næstu tvö kjörtímabil.  

Hrólfur Þ Hraundal, 25.6.2016 kl. 10:44

2 identicon

Sammála ykkur báðum. Davíð er maðurinn, sem við þurfum mest á að halda núna, en ég er mjög óttaslegin varðandi niðurstöðurnar í kvöld eða nótt, þegar Rúv er svona sterkur áróðursmiðill, 365 miðlar sömuleiðis. Í fréttunum áðan var sagt, að í dag kysu Íslendingar sér forseta. Ég gat ekki orða bundist og sagði: Af hverju segiði bara ekki - Í dag verður Guðni Th. Jóhannesson kjörinn forseti - því að það eruð þið búnir að hamra á síðan um áramót nánast? Það er alveg með ólíkindum, hvernig þessi Sovétfréttastofa hefur hagað sér. Maður er fegnastur að vera laus við áróðursruglið, sem frá henni kemur, en svo byrjar það aftur um næstu kosningar. Fyrir hverja skyldu þeir búa til áróður þá, þegar hvorki Samfó, BF eða VG eru í náðinni hjá kjósendum. Það verður fróðlegt að sjá. Ég vona bara, að fólk hafi vit á að kjósa Davíð. Guðni verður aldrei minn forseti, og það verða ábyggilega margir, sem segja það sama. Ég vona það alla vega, því að hann hefur ekkert til að bera til að verða forseti. Davíð er landsfaðirinn.

Guðbjörg Snót Jónsdóttir (IP-tala skráð) 25.6.2016 kl. 10:55

3 Smámynd: Hrólfur Þ Hraundal

Davíð reyndist okkur alltaf vel og er á stunum stór skemmtilegur, en svoleiðis nokkuð fór verulega í trýnið á hirð Jóhönnu vitlausu.  En svo brútal er hennar hjörð að ekki er nokkur leið til að eiga við það fyrirbæri  vitrænar viðræður.

   

 

 

Hrólfur Þ Hraundal, 25.6.2016 kl. 13:40

4 Smámynd: Gunnar Rögnvaldsson

Þakka ykkur kærlega.

Hah! Það snjalla við þetta allt saman er að eftir aðeins 4 ár, er kosið aftur. Það er það góða við að vera Íslendingur. Þetta er tær snilld, þetta lýðræði og sjálfstæði lýðveldis okkar í eigin málum. Tær snilld.

Óska ég hér með Guðna Th. til hamingju með sigurinn og bið hann að fara vel með valdið. Heill forseta vorum. Húrra húrra húrra húrra húrra!

Kærar kveðjur

Gunnar Rögnvaldsson, 26.6.2016 kl. 00:03

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband