Bannað að tala um íkveikjur Angelu Merkel

Mynd: Setið að snæðingi heima í sínu eigin landi.

Eitthvað sem þröngur hópur manna kallar "leiðtoga Evrópu", segist vera að "funda" í Bratislava í dag

Reyndar snýst fundurinn um það hvort fundarboðslýsingin megi einnig standa í lokaniðurstöðuleysu fundarins, sem samin er fyrirfram. En hún hljómar svona: "Evrópa í öngþveiti" (e. "Europe in Chaos")

Angela Yeltsin Merkel vill að orðið "öngþveiti" sé strokað út með hennar togleðri, því það sé stærst. En hún stóð samt fyrir öngþveitinu með því að stroka út togleður allra annarra ríkja

Aldrei hefur ein heimsálfa í veraldarsögunni strokað sjálfa sig eins kyrfilega út úr sögunni eins og Evrópa. Ekkert ríki álfunnar hefur nein völd í heiminum í dag - og það sama gildir um álfuna í heild

Og það sem meira er: ekkert ríki í Evrópusambandinu hefur vald yfir sjálfu sér lengur. Þessi svo kallaða Evrópa, sem liggur nú ósjálfbjarga í öngþveiti innrásar, sjálfskapaðs massífs atvinnuleysis og örbyrgðar á pari við aðstæðurnar sem kölluðu herr Hitler til valda, er svo helsjúk að hún er við það að springa í loft upp

Völd Evrópu eru svo gersamlega áhrifalaus að þau gætu ekki keypt eina gleðikonu handa álfunni í einn dag. Svona völd kalla pólitískir sérfræðingar "soft power". Þessi "mjúku völd" virka eins og velklæddur spjátrungssætur strákur sem fer á næturklúbb. Jú, stúlkunum líst vel á hann tilsýndar. En honum er svo hent út um leið og upp kemst um blankheit hans. Þetta er "soft power". Og Angela Merkel var því -íklædd strokleðurbuxum- kosin valdamesta kona heimsins, - af blaðamönnum!, vel að merkja

Mynd: Að heiman

Þessir varðveittu friðinn á meginlandi Evrópu eftir síðustu sameiningartilraun Evrópu. En þeir fóru til síns heima 1993, því heima er auðvitað best, og við tók sundrungar- og ófriðaraflið ESB. Álfan logar því aftur stafnanna á milli undir nýrri sameiningartilraun vitfirringaveldis ESB

Fyrri færsla

Hvað er eiginlega að Hillary Clinton?

Athugasemdir

[Húsari. (IP-tala skráð) 16.9.2016 kl. 20:10]

Icewitz kemur svo væntanlega í kjölfarið?

[Elle_, 16.9.2016 kl. 20:19]

Lýsingarnar í þessum pistli eru vel við hæfi.  Já Bandaríkjamenn fóru og við tók vitfirringaveldið.  En það má víst ekki segja neitt jákvætt um Bandaríkjamenn í friði nema eiga vona á kaldri vatnsgusu alltof víða, frá þeim sem ekkert eða lítið vita um Bandaríkin. 

[Gunnar Rögnvaldsson, 16.9.2016 kl. 21:30]

Þakka ykkur

Bretland þurfti sem betur fer ekki að taka þátt í strokleðrasamkomu jötunuxa Evrópu í dag í Bratislava, því það er farið úr þessum klúbb. Þetta kemur sér vel fyrir þá því aðild þeirra að Evrópusambandinu síðustu 15 ár hefur haft í för með sér lækkun rauntekna hjá hinum almenna miðstéttaborgara þess lands. Og einnig fyrir borgara Ítalíu og Grikklands. Þetta er geggjað. Rauntekjur hafa FALLIÐ! Þetta fer að nálagst heimsmet í efnahagslegri misþyrmingu. Öll önnur evrulönd hafa svipað að segja af veru sinni í Evrópusambandinu og sérstaklega af afplánun þeirra í pyntingaklefum evrunnar.

Bratislava-fundurinn er eins og aðrir þurrir brandarar elíta ESB. Þeir eru haldnir til að fullnægja athyglissýki þeirra sem hann halda. Tóms pressu-stunt.

Kveðjur

[Elle_, 17.9.2016 kl. 12:42]

Ætlaði nú að skrifa þarna nema eiga von á kaldri vatnsgusu.