Fullkominn ótti og öngþveiti evruyfirvalda

Yfirlýsing "forseta" evruhópsins:

Statement by the Eurogroup President on Cyprus

Cyprus is a specific case with exceptional challenges which required the bail-in measures we have agreed upon yesterday.

Macro-economic adjustment programmes are tailor-made to the situation of the country concerned and no models or templates are used.

_____________________

25 March 2013

Panic-PDF

 

Hvernig kemur maður einu landi á kaldan klaka? Og ofan í það; hvernig kemur maður svo mörgum sem 16-löndum á 16-sinnum kaldari klaka?

Jú, það gerir maður, fyrir það fyrsta, með því að koma embættismannatilbúnu myntbandalagi yfir höfuð allt að 16 ríkja, þar sem aðeins eitt land frá upphafi uppfyllti öll skilyrði hins risavaxna regluverks myntbandalagsins. Og sem ofan í sárt kaupleysi samvaxinnar embættismannaelítu Evrópusambandsins, stofnað var til á kulnuðum brunarústum Werneráætlunarinnar, sem kólnuð og kistulögð hafði legið í lygagöngum embættismannaelítunnar frá 1970. En það ár fóstureyddist gamla Werneráætlunin sem eins konar ótímabær þokusuddi ESB-þykkildisins yfir Evrópu. En hóf líkkistan þá afturgöngur miklar sem peningalegur Frankenstein eins Maastrichtsáttmála og sem að gjalli er orðinn á 21-árs afmæli sínu

Í öðru lagi, þá skrökvar og 10-ára-þvælir maður því að stjórnmálamönnum og ríkisstjórnum 16 landa, ásamt hinum stóra alþjóðlega fjármálaheimi veraldar, að með sjósetningu evrunnar sé varanlega skollin á allt önnur skipan mála í þessum 16-löndum undir einni mynt; e. the single currency. Og að þar með —hókus pókus— sé óumdeilanlega komið á annað skuldafyrirkomulag [e. debt-regime] undir hinu eina og sameiginlega peningafyrirkomulagi einnar myntar [e. monetary-regime]. Að evrusvæðið sé nú loksins! loksins! búið að ná Bandaríkjunum; hvað varðar peningafyrirkomulag [monetary-regime] sem sjálfkrafa og óhjákvæmilega elur af sér nýtt skuldafyrirkomulag [debt-regime]. Og að þetta gildi fyrir alla ríkissjóði viðkomandi 16 landa; allar fjármálastofnanir þeirra; og þar að auki einnig gagnvart hinum breiða- og stóra alþjóðlega fjármálamarkaði veraldar, sem heldur utanum hvorki meira né minna en sparifé þorra mannkyns

Löndunum undir þessu nýja monetary-regime er því þar með ýtt og att úr í nýtt debt-regime. Þeim er att út í nýtt skuldafyrirkomulag. Þeim er nú sagt að þau búi öll undir einni mynt sem felur í sér eitt og aðeins eitt skuldafyrirkomulag, fyrir öll ríkin; eins og í blessuðum Bandaríkjunum, sem tréhesturinn frá Lyon og arftakar hans hafa svo mikið yndi af að berja sig saman við í allt of mörgum ræðum og ritum sem frá þeim hafa komið. Fjall málflaums og fjöldi drita þeirra manna er engin smásmíði orðin nú

Ríkin stofna því til nýrra skulda —jafnvel ofboðslegra skammtímaskulda— í þeirri trú að þau búi öll undir þessu nýja skuldafyrirkomulagi, þar sem loforð embættismannaelítunnar eru þau, að hið nýja skuldafyrirkomulag undir hinu nýja peningafyrirkomulagi sé í heiminn fætt til að lækka vexti á lánsfé þeim til handa; þar sem þau búi nú öll við minni áhættu undir þessu nýja monetary- & debt-regime. Og að hinn alþjóðlegi fjármálaheimur veraldar sjái þetta allt saman strax og geti jafnframt lesið sér til um þetta í öllum sáttmálum og fræðidritum Evrópusambandsins. Að þetta þýði sjálfkrafa minni áhættutöku fyrir alla fjárfesta og þá velviljuðu aðila heimsins sem kaupa skuldir af ríkissjóðum evrulanda og sem þar með fjármagna yfirdrátt og lántökur stjórnmálamanna í nafni borgaranna. Þeir sem eiga peningana (lánveitendur) muni þar af leiðandi krefjast lægri áhættuþóknunar af ríkjunum [risk-premium] og af þeim fjármálastofnunum sem í þessum evruríkjum hafa starfsemi sína

En hvað gerist svo? Jú, loksins í þriðja lagi og undir kjarnaklofnum endalokum, þá kemur nú hinn rétt-áður en þó sami-gamli-sjúki maður Evrópu, sem er hið-eina-sanna sjálfa og því sem næst ráð-og-gjaldþrota Stór-Þýskaland upp úr kjallaraholu með kolsvartan kraga og fölnaðan fána. Kragi sá er í formi eins austur-þýsks kanslara; eins geðveils fjármálaráðherra sama ríkis; eins ljúgandi-Junckers frá Lúxemborg; og eins 30-daga túlípana úr dieseblómaræktarstöð krómtappastíflu hæsta fjalls yfir Hollandi; sem einn og sameiginlegur Monetary-Monty-Python og sem talar eftirfarandi tvö orð við þrútin þrettán lönd; FALLIN SPÝTA ! Þetta var bara allt í plati!

Þetta svo kallaða nýja monetary-regime og þetta glæsta nýja debt-regime var bara allt í plati. "Þið eruð asnar. Þið hafið stofnað til allra þessara skulda á fölskum forsendum." Við (Þýskalands-blokkin) nennum ekki að leika lengur. Við drögum því teppið undan ykkur og breytum leikreglunum í miðju vaði. Í miðjum leik. Nú er rautt orðið svart, gult er dautt og grænt er sovét. Við ætlum að vaða úr einu debt-regime yfir í annað debt-regime í miðjum leik. Við erum svo fullkomlega heimskir að við hugsum minna en ekkert; við vitum ekkert; við kunnum ekkert; og við getum ekkert. Þið eruð á fávitahæli. Þið eruð 16 lönd lokuð inni á geðveikrahæli. Fallin spýta! 

Það er ekki hægt að fara úr einu skuldafyrirkomulagi yfir í annað undir einu og sama frosna myntfyrirkomulaginu, sem þess utan sýnir sig sem verandi verra en ónýtt => pessimal. Og allra síst undir áföllum og aldrei undir sama peningafyrirkomulagi; án þess að rústa ríkjum í leiðinni. Þetta brjálsemisverk yfirvalda myntbandalags Evrópusambandsins sem þau kalla fram með aðgerðum sínum á Kýpur, jafngildir því að hella LSD út í kaffi flugumferðarstjóra á vakt yfir 16 ríkjum evrusvæðis

Næst síðasti einræðisherra í Evrópu sem reyndi að ræna bankainnistæðum, hét Nicolae Ceausescu. Hann var á jóladag árið 1989 leiddur fyrir aftökusveit og skotinn til dauða í heimalandi sínu, Rúmeníu. Frá þeim jólum í Evrópu eru aðeins liðin 24 ár

Um rétt og viðeigandi skuldafyrirkomulag undir réttu peningafyrirkomulagi fjallaði ég meðal annars um í grein minni í 4. hefti 7. tölublaðs Þjóðmála, veturinn 2011, undir titlinum; "Áhlaupið á íslensku krónuna". Þeir sem eru svo heppnir að eiga Þjóðmál, geta einnig þar og í sömu grein, lesið um svæsið og jafnframt lífshættulegt áhlaup stjórnmálamanna á fullveldispening okkar ástkæra íslenska lýðveldis

 

"A good plan, violently executed now, is better than a perfect plan next week."

- George S. Patton

 

Fyrri færsla

Bjarni Benediktsson að verða pólitískur síbrotamaður