Verstu ríkisskuldir heimsins; evuskuldir gríska lýðveldisins [u]

 

Brusseldagar 1996

 

Hinar efnahagslegu afleiðingar evruaðildar Grikklands hafa nú breyst í samfélagslega martröð. Grikkir kíktu í pakkann. Þeir eru í pakkanum. 

Nú eru flest góð ráð & rán farin á taugum. Nú eru góð ráð uppurinn og ekkert fyrir neðan grískar ríkisskuldir nema ríkisgjaldþrotið. Lánshæðnismat ríkisjóðs evruríkis Grikklands er nú aðeins einu þrepi fyrir ofan D, sem þýðir ríkisgjaldþrot; D=DEFAULT. Það versta í heiminum samkvæmt Financial Times í dag. Þetta er verra en lánshæfnismat hins dollaravædda Ekvador er, og verra en matið er á Jamaica, Pakistan og Grenada.

Ástæðan fyrir því að lánshæfnismat Grikklands var um helgina lækkað niður í næsta þrep ofan við D er ekki sú að Grikkland sé Grikkland. Nei, ástæðan er sú að Grikkland er evruland. Það notar gjaldmiðil sem er ónýtanlegur. Notar gjaldmiðil sem landið á ekki og sem það hefur enga stjórn á og getur ekki notað til neins nema eins; til að fremja efnahagslegt sjálfsmorð í. Grikkland er í sömu aðstöðu og dópistinn á sprautunni; það bíður eftir næsta fixi frá hinum þremur stóru dópsölum; ECB, Brussel og Þýskalandi. The Big Three. Og svo AGS.  

Það gleðilega er svo það að ríkisskuldir Írlands í norðri eru beintengdar við ástandið í grískum ríkisskuldum. Þær svitna og bíða eftir að þeim komi. Svona er þetta pakkasamband. Það virkar.

Svona væri þetta hér heima hjá okkur ef við værum í myntbrandaralalgi Evrópusambandsins. Við værum vissulega á leiðinni í ríkisgjaldþrot, þ.e.a.s ef við værum ekki þegar orðin ríkisgjaldþrota. Atvinnuleysi hjá okkur væri 25 prósent, vaxtakjör ríkissjóðs væru 26 prósent VISA-vextir eins og hjá Grikklandi, útlánsvextir í evrubankakerfi okkar væru plús 25 prósent og allir fjármundir landsins væru flúnir úr landi. Landið væri á brunaútsölu. Landhelgin farin.

En verðbólgan í hausamótum 101 væri farin og væri nú mínus 25 prósent verðhjöðnun. Þetta væri þá allt svo voðalega gott. Eignir almenning væru fallnar um 50 prósent i verði, en skuldirnar stæðu í plús 25 prósent miðað laun fyrir kreppu, því launin væru 25 prósent lægri miðað við skuldir. Þetta getum við verið alveg handviss um því hér á landi situr ríkisstjórn Evrópusambands Jóhönnu Sigurðardóttur og Steingríms J. Sigfússonar. Ríkisstjórn einkasambandsins.  

Bæði ríkisstjórnin og Kolbrún Weimarpennadúllari hafa jú sagt þetta margoft; að krónan okkar sé ónýt. Þeir sem tala svona í ríkisstjórn og á þingi eru pakk. Hinir bara fávísir.

Í vikunni sem leið fjármagnaði ríkissjóður krónuhagkerfis Íslands sig á 5 prósent vöxtum til fimm ára á meðan evruríkin Grikkland, Írland og Portúgal þurftu að greiða 19, 12 og 12,3 prósent vexti fyrir að taka sömu peninga hjá sömu fjárfestum að láni á alþjóðlegum peningamörkuðum. Þetta var og er krónunni okkar að þakka. Takið hana því upp, berið hana að vanga, og kyssið. Það á hún skilið.

Krækjur

 

• Financial Times; Greek rating now worst in the world
• Paul Krugman; The Economic Consequences of Mr. Trichet
• Kontra News; the Underground Tunnel
• Financial Times; Sign of the times, Greek MP evacuation edition 

 

Fyrri færsla

Ríkisstjórn Íslands hefur sótt um inngöngu í þjóðfélags- og efnahagslegt svarthol 

Athugasemdir

[Tómas Ibsen Halldórsson, 14.6.2011 kl. 14:43]

Grikkir flýja EUR og taka einhliða upp ISK

[Júlíus Björnsson, 14.6.2011 kl. 19:39]

Vertyggingar fjárfestingar til hagræðingar [skerðininga á eiginfé] í verðandi skuldunauta ríkjum er ekki ný af nálininn.  Hæðni einkennir bæði Franska og Þýska og Enska yfirsétt. Hætta með eru gefur Þjóðverjum og Frökkum kost á að vera einir með evru í framtiðinn, eða jafnvel Þjóðverjum að taka aftur upp markið.  Fjárfestinga lán voru mjög hagstæð í hagvaxta uppgangi í hagræðingar í þessum ríkjum. Raunvaxta laus í samanburði og skiluðu mörgum ráðherrastólum. Hinvegar er núna hægt að hóta veðköluum bak við tjöldin eftir þörfum, og minna á [eins og kemur fram í viðauka Lissbon samningsins]  hvað eldri ríkin voru elskulega á sínum tíma.  Evra er líka fjáfesting úthugsuð af höfundum. Þjóðverjar geta aldrei tapað hvort sem evran hættir að seljast í hinum Meðlima ríkjun eða ekki. Þeirra verðtyggingar veðskuldir tengjast hlutfalli af þjóðartekjum þessara ríkja í meðalári.   Sé farið á túrista staðinna í S-EU, kemur á óvart að bæði þjónarnir og eigendur á bestu stöðum eru ekki innfæddir. Í upphafi skildi endi skoða. Sá sem lánar í 30 ár gerir ráð fyrir öllu á næstum 30 árum, það gera allir þjóðverjar t.d. Einnig þeir sem taka veltulán til 30 ára.