Kosningasigur Sjálfstæðisflokksins

Sjálfstæðisflokkurinn er að ganga fast og öruggt í sjálfan sig. Það hefur verið þungur baggi fyrir flokkinn að hafa Benedikt Jóhannesson, Þorgerði Katrínu Gunnarsdóttur og Þorstein Pálsson innanborðs. Þessi þrenna var ósamrýmanleg sjálfstæðisstefnunni. Var það því sem mælt við manninn að um leið og það fólk og fylgismenn þess fór úr flokknum, þá gátu þeir sem aðhyllast grunnstefnu flokksins um sjálfstætt og fullvalda Ísland, gengið til liðs við hann, kosið hann, og komið pólitískum vilja sínum til áhrifa á sönnu og réttu pólitísku raunverði. Kosningasigur Sjálfstæðisflokksins er því tvöfaldur sigur. Þetta er ákaflega ánægjuleg staðreynd

Sjálfstæðisflokkurinn þarf ekki að kvíða neinum komandi kosningum því hann er endurnýjaður í trú sinni á gömlu grunngildin og mun staðfastur ganga þrepin upp í sitt gamla 40 prósent fylgi af miklu öryggi. Honum verður ekki settur stóll fyrir neinar dyr í neinum kosningum hvenær sem þær mættu koma og hvenær sem efna þarf til þeirra, sé þörf á að hreinsa andrúmsloftið

Bæjarfélagið Reykjavík er að verða sérstakt tilfelli í íslenskum stjórnmálum. Bæjarfélagið gengur ekki lengur í viðunandi takt við Ísland og er að verða meiri og meiri sérútgáfa af því. Hlýtur því að vakna sú spurning hvort eðlilegt sé að bæjarfélagið verði áfram höfuðstaður Íslands. Sem þingstaður Alþingis, ætti bæjarfélagið Reykjavík heldur ekki að vera sjálfgefin staðsetning. Þetta tvennt hlýtur að þurfa að skoða áður en þessi núverandi höfuðstaður þjóðarinnar verður of meðtekinn. Öll kjördæmi landsins, ekki bara tvö samanlögð 34 prósentu kjördæmi Reykjavíkur, eiga heimtingu á að höfuðstaður þjóðarinnar sé ekki tákn sértrúarríkis í þjóðríki okkar Íslendinga

Ég óska Sjálfstæðismönnum og forystu okkar, um allt land, innilega til hamingju með þann merka glæsilega áfanga og árangur við landsstjórnina sem náðist á kjörtímabilinu, og í þessum kosningum til þess næsta

Fyrri færsla

Erlendir fréttamenn berja forsætisráðherrabifreið Birgittu

Erlendir fréttamenn berja forsætisráðherrabifreið Birgittu

- og heimta endurgreiðslu og blóta DDR-Ríkisútvarpi Austurberlínar Reykjavíkurborgar, þar sem borgarstjórnin er nagladekk

Þar hrundi fjór-fokk DDRÚV-Ríkisútvarpsins. Fátið er svo mikið að kosningatölur komast ekki á skjáinn fyrir handapati og öfugsnúnu blaðri fræðimanna DDRÚV í áfalli

Geimveruleikinn blasir við. Þvílíkt stappa. Þvílík stappa af DDRÚV í rusli