Leita í fréttum mbl.is

Evra og ESB-lönd sækja um inngöngu í kreppu. Evra fellur

Stuttar ESB-fréttir á föstudegi 
  • Alþjóðlegi fjárfestingabankinn Morgan Stanely sendir út alvarlega aðvörun um heilsufar Spánskra banka. Aðvörunin segir að hættan sem steðji að Spænskum bönkum sé jafn alvarleg og sú kreppa sem kom upp í gjaldeyrissamstarfi ESB á árunum 1991-1993 þegar breska pundið, ítalska líran, finnska markið, norska og sænska krónan voru þvinguð til að gefa upp á bátinn bindingu við hina svokölluðu ERM-mynt-slöngu Evrópusambandins. En ERM þýðir í stuttu máli fastgengi gagnvart einum gjaldmiðli og sem þá hét ECU og sem var fyrirrennari EURO. Það er fyrst og fremst húsnæðismarkaður Spánar sem er að búa til nýja evrópska yfirmálslána-kreppu (prime loans)
  • Evra fellur núna eins og stór steinn gangvart bandaríska dalnum, eða sem svarar mesta falli á einum degi síðustu fimm ár (uppfært: 7 ár núna kl 16:09 DK tíma) (Uppfært aftur kl 16:34: nú 8 ár). Spá Jyske Bank um 15% fall evru gagnvart dollar fram að áramótum virðist vera byrjuð að ganga upp. Menn eru ósammála um hvort fallið haldi áfram án afláts, eða hvort það muni hægja á sér og koma í rykkjum.
  • Greiningafyrirtækið Standard & Poor's sendir út aðvörun um að húsnæðisverð í mörgum löndum ESB muni falla mikið á næstunni. Standard & Poor's segir að fasteignamarkaðirnir í Danmörku, Svíþjóð, Írlandi, Bretlandi, Spáni, og Frakklandi muni fara inn í frjálst fall sem muni líkjast fallinu á árunum frá 1988 til 2000, og að það gæti jafnvel orðið enn verra. En þá lækkaði húsnæði um allt að 40% í sumum löndum. Fleiri greinendur halda einnig fram að hin svokölluðu nýmarkaðslönd (emerging markets) muni ekki sleppa við svipuð  vandræði á húsnæðismörkuðum sínum
  • Evru-land stefnir nú harðbyri inn í kreppu segja hagfræðingar. Stóra spurningin sem beðið er eftir svörum við eru hagvaxtartölurnar frá Þýskalandi, en Þýskaland er um einn þriðji af heildarstærð evru-hagkerfis. Lönd eins og Danmörk, Portúgal eru nú þegar í kreppu, og í dag bættist Ítalía í hóp þeirra evru-landa sem eru að falla inn í kreppu.

Almennt þá er stemmingin á gjaldeyrismörkuðum lífleg. Ástralski dalurinn hefur fallið meira en 7% gagnvart stórabróður sínum á síðustu þrem vikum. Helstu hreyfingar dagsins eru þessar:

 

*EUR/USD 1.5028 -2.34 %
*AUD/USD
.8884 -2.17 %
*NZD/USD
.7007 -2.04 %
*EUR/JPY
165.33 -1.79 %
*AUD/JPY
97.75 -1.60 %
*GBP/USD
1.9168 -1.49 %
*CHF/JPY
101.78 -1.45 %
*CAD/JPY
102.99 -1.22 % 
*GBP/JPY
210.89 -.930 %

 

Þýskaland er þekkt fyrir að þola enga verðbólgu. Svo það er með angist að seðlabankastjóri ECB fylgist með verðbólgutölum frá Þýskalandi. En þar er innbyggt í launasamninga að það verði að bæta upp laun til starfsmanna hækki verðlag. Svoleiðis fengu starfsmenn Lufthansa 5% kauphækkun í þessari viku og um daginn hækkaði Angela Merkel bætur til bótaþega í Þýsklandi. Á Spáni gerist þetta alveg sjálfkrafa. Þar er nefnilega sjálfvirkni í greiðslum úr kassa ríkisins, miðað við verðlag. Nánast verðtryggðar skattahækkanir.

 

Morgan Stanley issues alert on Spanish banks

 

Eurolandene på vej mod recession

 

Standard & Poor's: Styrtdyk i EU's boligpriser


« Síðasta færsla | Næsta færsla »

Athugasemdir

1 Smámynd: kop

Þakka þér fyrir Gunnar, að segja frá kreppunni.

Hugsa sér, ef hún hefði nú komið og jafnvel farið, án þess að ég hefði tekið eftir því.

Ég held ég taki bara í notkun hið alkunna íslenska orðatiltæki "þetta reddast".

Bestu kveðjur.

kop, 8.8.2008 kl. 14:56

2 Smámynd: Kolbrún Stefánsdóttir

Takk Gunnar. Þetta er fínt að vita og góð rök þegar maður er að þenja sig í ESB -umræðunni.  Ágætt líka að vita þegar ný fjárfestingartækifæri skapast og ekki vill maður missir af þeim...fyndinn hann Vörður ...kveðja Kolla.

Kolbrún Stefánsdóttir, 8.8.2008 kl. 20:04

3 Smámynd: Helgi Jóhann Hauksson

Dalurinn var búinn að hrynja og er einfaldlega að styrkjast aftur um sinn gagnvart evru. Evran var lægri en dalur fyrir fáum árum og Davíð Oddson gerði grín að henni.

Ef hagvöxtur og styrkur efnhagslífs þessara svæða er líkur, þ.e. USA og ESB ætti gengi gjaldmiðla þeirra til lengri tíma að haldast í hendur yfir lengri tímabil.

Evran er nú miku sterkari en US-dalur sem merkir auðvitað aðeins að dalur á inni uppsveiflu gangvart Evru og öfugt, evran á inni dífu gagnvart dal, - nema bandrískt efnhagskerfi hafi í reynd raunverulega verið að dragast aftur úr Evrusvæðinu síðustu ár.

Helgi Jóhann Hauksson, 9.8.2008 kl. 03:30

4 Smámynd: Helgi Jóhann Hauksson

[Euro+Dollar+Exchange+Rate.png]

Hér má sjá þróun á verði Evra í dollurum talið. Hér vantar þó sl. ár en evran hefur verið í 1,5 dollar undanfarið. Evran var tekin upp 4. jan 1999 og sett þá lítið eitt yfir dollar, en seig fljótt niðurfyrir hann þar til hér er komið sögu á þessu línuriti hér.

Eðlilegt væri að þessir gjaldmiðlar væru álika sterkir en Evran er nú 50% sterkari en dollar. - Það hefur verið mikið áfall fyrir USA að horfa upp á það gerast.

Það hlýtur þó óhjákvæmileg að síga saman aftur þegar alvöru ríkisstjórn verður aftur farin að stjórna USA.

Helgi Jóhann Hauksson, 9.8.2008 kl. 04:19

5 identicon

Takk Helgi Jóhann fyrir að upplýsa fólk sem vill ameríkanavæða landið með öllum þeim fíflagang sem þar viðhefst. Ég held að fólk viti hreinlega ekki hvað það er að tala um þegar það vill að við færumst nær þessu landi fátæktar og virðingarleysi fyrir mannfólki. Ég nenni ekki að telja upp allar tölurnar varðandi ungbarnadauða, aldurslíkur, fátækt, tryggingaleysi, launastefnu, lestrarskilningur svo ekki sé minnst á ógeð eins og Wall-Mart sem treður á fólki og kemur í veg fyrir að það geti bundist samtakamætti í formi verkalýðsfélaga. Það er ekki skrýtið að nýtingin sé góð hjá atvinnurekendum ef hver blóðdropi er kraminn úr starfsfólki og því síðan hennt á öskuhaugana án sjúkratryggingar. Því málið er að fólki er oft sagt upp rétt áður en það öðlast eftirlaunarétt. Viljum við virkilega líkjast þessu landi svo kallaðra tækifæra?

Valsól (IP-tala skráð) 9.8.2008 kl. 07:53

6 Smámynd: Gunnar Rögnvaldsson

Sæll Helgi Jóhann og

Já ég þekki vel gengi evru gagnvart dollar. Evran féll strax um 30% gagnvart dollar, flestum íbúum evrusvæðis til mikillar gremju. En svo yfirvann evran það vantraust sem oft kemur í byrjun lífs nýrra gjaldmiðla. Þetta fall kom eingöngu vegna vantrausts og var ekki byggt á hagstærðum. Allir voru jafn hissa. Það er fyrst núna, þegar skóinn kreppir, að gjaldeyrismarkaðir og aðilar á markaði munu fara í það að skoða þær hagstæðir sem liggja á bak við evru, eins og greiningadeild gjaldeyrismarkaða hjá Jykse Bank bendir á hér. En þessa grein skrifaði ég fyrir aðeins 4 vikum, og viðrist spá Jyske Bank nú þegar vera farin að ganga eftir.

Það eru margir ólíkir hlutir sem stýra gengi gjaldmiðla. Vissulega spilar hagvöxtur þar inn, en samt ekki það mikið, því ef það væri eingöngu hagvöxtur sem hefði áhrif á gengisþróun gjaldmiðla, að já, þá væri gegni evru gagnvart flestum gjaldmiðlum utan evrusvæðis einungis hola í jörðinni. Hagvöxtur á evrusvæði hefur einmitt verið átakanlega lítill síðan evran var sjósett sem gjaldmiðill.

10araDEfrostmark 


Þetta er sem sagt mynd af samanlögðum hagvexti síðustu 10 ára. Myndin verður ekki fallegri ef við förum lengra aftur í tímann. Ef við förum aftur til ársins 1994 og leggjum saman hagvöxt evrusvæðis og berum saman við hagvöxt BNA þá eru tölurnar svona:

Ísland: 62,5%

Bandaríkin: 48,4%

Evrusvæði: 36,5%

Þýskaland: 27,8

Ítalía: 23,7%

En frá 1994 til 2007 eru Ítalía og Þýskaland með einn lélegasta hagvöxt í OECD, ásamt evrusvæði. (heimild: OECD Economic outlook 2007)

Það sem er að ske núna er að það er að koma mönnum alveg á óvart að efnahagur evru-lands er miklu miklu lélegri en svartsýnustu menn áttu von á. Þetta rann upp fyrir mörkuðunum í gær. Það er að myndast nýr "consensus".

En auðvitað ætti efnahagur evru-svæðis að vera miklu betri en efnahagur Bandaríkjanna síðan árið 2001, því ekki hafa evrulönd upplifað árásir á heimaland sitt. Embættistíð George W. Bush hefur ekki verið auðveld. Hann var búinn að sitja 3 mánuði í embætti þegar það var gerð alvarleg árás á heimaland hans, þ.e. í fyrsta skipti síðan árásin á Pearl Harbour var gerð. Þetta kallaði á endurskilgreiningu allra varnarmála BNA, og sú stefnubreyting krafðist millar vinnu. Þetta er ekkert smá mál. Sem afleiðing af þessari árás á BNA þá féll BNA inn í kreppu á örstuttum tíma. En Bandaríkjamenn voru einmitt að sleikja sárin eftir dot.com niðurtúrinn. En þetta slapp evruland við og hefði átt að geta sýnt frá á miklu betri og meiri hagvöxt fyrir þegna sína. Alveg eins og Svíþjóð hefði átta að gera, sem ekki hefur þurft að blæða í styrjöldum, og ætti því að vera eitt ríkasta land í heimi, en sem er það samt ekki, og eingöngu vegna eigin sósíalisma og klaufaskapar.

En samt er efnahagur þegna ESB og evrulands alltaf að dragast aftur úr efnahag þegna Bandaríkjanna með hverju árinu sem líður. Þetta er grafalvarlegt mál fyrir þegna ESB og markaðirnir munu núna fara í það að bora djúpt með vel slípuðum demantsborum í rafsuðuna á milli stálsins sem bindur evru saman sem gjaldmiðil. Myntbandalagið mun verða sett undir smásjáina.

Árangur Lissabon 2000 stefnu ESB - tafla:

Áþreifanleg vonbrigði fyrir þegna evrulands og allra þegna ESB

Bestu kveðjur

Gunnar Rögnvaldsson, 9.8.2008 kl. 08:07

7 Smámynd: Guðbjörn Jónsson

Sæll Gunnar og þakka þér fyrir þessa athyglisverðu samantekt.  Alveg frá stofnun Evrunnar hef ég verið með vantrú á að menn hafi gert sér fulla grein fyrir því jafnvægi sem þurfi að vera í tekjuöflun og þjónustu þeirra svæða sem innan svona bandalags eru. Upphaflega teikningin af Evrunni var með Þýskaland (þýska markið) mikið sterkara en raunin varð eftir sameiningu Þýskalands, sem varð mikið átakameiri og dýrari en gert var ráð fyrir. Þjóðverjar urðu því ekki sú kjölfesta sem í upphafi var ætlað.

Hins vegar hefur einnig sýnt sig að það er erfitt að viðhalda gengi fjölþjóðamyntar. Þar höfum við feril USA dollarinn yfir nokkra áratugi. Bandaríkjamenn hafa ekki ráðið við gengisjafnvægi dollarsins.  Ég hef ekki tölu yfir þær gífurlegu upphæðir sem iðnveldin 7 hafa keyt af USA dollar undanfarna 4 áratugi, til að viðhalda gengi hans; sem hefur verið heimsviðskiptum afar mikilvægt, þar sem flestir milliríkjasamningar eru annað hvort gerðir í USA dollar eða með tengingu við hann.

Hvað verður á næstunni, ef Evran nær fótfestu og gera sig gildandi sem heimsviðskiiptamynt, er ekki gott að vita. Enn er algjör óvissa um hvort takist að jafna gildi hinna ólíku þjóðfélaga sem skapa kjarna hennar.  Takist það, er ekki endilega víst að sama pressa liggi þá á iðnveldunum að tryggja gengi dollars; sem þá gæti orðið háður Kínverjum.

Ég býst við að margt muni breytast á næstu 5 árum. 

Guðbjörn Jónsson, 9.8.2008 kl. 10:42

8 Smámynd: Ketill Sigurjónsson

Bandaríkin eru ennþá það land sem stendur fremst í tækniframförum. Þó svo þeir Bandaríkjamenn kunni að eiga nokkur erfið ár framundan, vænti ég þess að þeir rísi upp á ný.

Ég geri ráð fyrir að mörg ríki innan EB muni taka talsverða dýfu. Sérstaklega þau, þar sem einstaklingar og fyrirtæki hafa skuldsett sig mest. En það eru samt ekki neinar stórar fréttir þó evran lækki aðeins gagnvart dollar núna. Eftir það sem dollarinn hefur mátt þola undanfarið.

Íransstjórn hefur reynt að skapa olíumarkað, þar sem verslað er í evrum. En ekki í dollurum. Ég efast að þeim takist að fá mörg ríki til fylgilags við slíkan markað. En þetta er eitt dæmi um það hvað þessir stóru gjaldmiðlar eru viðkvæmir fyrir breytri heimsmynd. Kinverjar hafa í raun haldið uppi eftirspurn eftir dollar. Með því bæði að byggja upp dollaraforða hjá sér og með því að auka olíukaup sin.

Hvað framtiðin leiðir í ljós veit enginn. Engin ástæða til að hallmæla evrunni um of.

Ketill Sigurjónsson, 9.8.2008 kl. 11:21

9 Smámynd: Gunnar Rögnvaldsson

Ég þakka ykkur fyrir innleggin, Guðbjörn og Ketill.


Það er ekki verið að amast út í Evru sem nafn eða vörumerki. Það er hinsvegar verið að setja stórt spurningameri við þá hagvaxtargildru sem efnahagsstjórn í myntbandalagi þvingar uppá þau lönd sem einmitt eru aðilar að þessu myntbandalagi. Aðild að myntbandalaginu kallar á hagstjórn sem grefur undan sjálfum þeim sökkli myntarinnar sem á að bera uppi þau verðgildi sem liggja að baki þessarar myntar. Það er þess vegna sem hagvöxtur er nánast enginn í evru-löndum og mun aldrei verða. Ég vil sérstaklega verkja athygli á tveim eftirfarandi atriðum sem Jyske Bank nefnir í greiningu sinni

1. Athyglin mun beinast meira og meira að þeirri togstreitu sem er á milli hagkerfanna á bak við evru. Menn munu fara að krefjast þess að þeir fái meiri áhættuþóknun þegar þeir kaupa gríska ríkispappíra en þegar þeir kaupa þýska ríkispappíra. Þessi spurning ætti yfirhöfuð ekki að koma upp í myntbandalögum segir Jyske Bank. Aðilar í markaði munu í auknum mæli beina athygli sinni að þessu misræmi.

2. Ofaní mikinn halla á greiðslujöfnuðum landanna í Suður Evrópu þá berst Norður-Evrópa í bökkum með efnahag og hagkerfi sem keyra á felgunum. Þetta eru hagkerfi sem áður fyrr voru álitin stöðug.

Og svo kemur aðildin að því Evrópusambandi sem núna er orðið allt annað Evrópusamband en það var þegar hornsteinar þess voru settur, og innsiglar enn frekar vanmátt þessa efnahagssvæðis í heild sinni.

Þetta er að veða ansi myglaður ostur sem er borinn á borð fyrir þegnana á þessu efnahagssvæði. ESB er í heild sinni orðið verk sem hætt er að þjóna tilgangi sínum og komið lang fram úr því sem upphaflega var tilgangurinn með ESB. Menn hefðu átt að stoppa með tilkomu hins innri markaðar og láta þá hugmynd fullkomnast. En það er því miður aldrei hægt að stoppa embættis- og áætlunargerðarmenn í svona áætlunarkerfum. Þeir ofmetnast alltaf fyrir hönd þegnana, og sjálft verkið fer að verða mikilvægara en þau markmið sem verefnið átti að greiða götu fyrir. Þetta endar alltaf svona.

Kveðjur

Gunnar Rögnvaldsson, 9.8.2008 kl. 12:19

10 Smámynd: Guðmundur Jónas Kristjánsson

Sæll Gunnar og takk fyrir mjög svo fræðandi pistil.

Alltaf að koma betur og betur í ljós hversu málflutningur ESB-sinna hér heima
er gjörsamla út úr kú. Framtíð Íslands UTAN  ESB og EVRU er afar björt fáum við
að EIGA og NÝTA okkur mikilvægu endurnýjanlegu orkulindir og fiskimið Í FRIÐI,
og skapa þannig traustan og sterkan framtíðar-hagvöxt, sbr sem við höfum haft á s.l árum. En fyrir allt þetta yrði lokað með inngöngu í ESB og upptöku EVRU sem
tæki EKKERT tillit til efnahagsaðstæðna á Íslandi. E K K E R T !

Spái því að EVRU-myntbandalagið spryngi í loft upp innan ekki svo lanags tíma.
Ríkin innan evrusvæðisins eru svo með ólíkan efnahag að  ein mynt, eitt gengi
og eitt vaxtastig fyrir svæðið allt gengur aldrei upp... Það  er svo AUGLJÓST MÁL!

Guðmundur Jónas Kristjánsson, 9.8.2008 kl. 13:32

11 Smámynd: Helgi Jóhann Hauksson

Mér finnst nú miklu merkilegra Gunnar að ESB svæðið sé næstum með sama hagvöxt og USA þrátt fyrir bakslagið í Þýskalandi eftir samruna þýsku ríkjanna en að Evru-svæðið sé með eitthvað minni hagvöxt. Reyndar er hagvöxtur lang mestur í Kína og í fjölmörgum þróunarlöndum - merkir það að þú viljir þeirra kerfi.

Bæði USA og ESB svæðið er langt undir meðal hagvexti heimsins, en það er einfaldlega vegna þess að því skemmra sem löndin eru komin á veg þróunar því hraðar geta þau vaxið efnahagslega þegar svo ber við.

Svo talar þú um ESB -svæðið og Þýskaland eins og það séu aðskildar einingar þegar auðvitað veikt Þýskaland dregur meðaltal alls evrusvæðisins  niður eftir að það innlimaði Austurþýskaland - þó það jafna sig auðvitað með tímanum.

Annars þess utan hefði ég engann áhuga á bandrískum hagvexti með þeirri meðferð launafólks, hráefnis og orku sem hann kostar, og skort á öryggi og velferð fólks og því frelsi sem aðeins öryggi og velferð veita.

Helgi Jóhann Hauksson, 9.8.2008 kl. 18:17

12 Smámynd: Gunnar Rögnvaldsson

Helgi


Aðeins fornaldar hagstjórn eins og hefur tíðkast í Þýsklandi undanfarna áratugi tekst að klúðra eins einstöku tækifæri til hagvaxtar og framfara eins og hefði getað orðið við sameiningu Þýskalands. Þar pissuðu Þjóðverjar undir leikstjórn steingervinganna í vaxmyndasafni Bundesbankans algerlega í buxurnar og glötuðu einstöku tækifæri gersamlega. Þjóðverjar haf aðeins tvisvar í sögunni þurft að hafa áhyggjur í af verðbólgu. Það var 1920 og svo 1974. Allt þar á eftir og þar á milli er og var histería verðbólgunazista Bundesbankans. Fornaldar hagstjórn sem er búni að vera að kæfa Evrópu áratugum saman og sem mun sennilega aldei deyja út.

Þessi munur á hagvexti, eitt prósent hér og eitt prósent þar, áratugum saman, hefur afgerandi þýðingu fyrir þjóðfélögin. Þau skilja á milli fátræktar og ríkidæmis í framtíðinni. Og sérstaklega þar sem Þýskaland er að breytast í elliheimili.

Þú nefnir réttilega að nýmarkaðslönd eigi auðveldara að sýna hagvöxt á meðan þau eru að vaxa frá núll og uppí fimm. Það er alveg hárrét, Þessvegna hefði ESB átt að sjá hagvaxtarkipp við sameiningu Þýskalands. En það kom einginn hagvöxtur, nei, það koma aðeins hola ofaní jörðina. Sama saga er með innlimun A-Evrópu, þau lönd eru svo lítil að þau hafa ekkert að segja fyrir heildarefnahag ESB. Enginn heildar-hagvaxtarkippur kom þaðan. Það er einmitt alveg sama hvort horft er á ESB15 eða ESB 27 löndin, niðurstaða þessara "eitt prósent hér og eitt prósent þar" sem vantar í hagvexti í áratugi skilar sér svona inn til þegnana:

Árangur ESB hagkerfanna frá árinu 2000 til núna er þessi:

Þjóðartekjur á mann í ESB 2004 voru 18 árum á eftir tekjum í BNA

Þjóðartekjur á mann í ESB 2006 voru 21 árum á eftir tekjum í BNA

Þjóðartekjur á mann í ESB 2007 voru 22 árum á eftir tekjum í BNA

Framleiðni í ESB 2004 var 14 árum á eftir framleiðni BNA

Framleiðni í ESB 2006 var 17 árum á eftir framleiðni BNA

Framleiðni í ESB 2007 var 19 árum á eftir framleiðni BNA

Rannsóknir og þróun í ESB 2004 var 23 árum á eftir BNA

Rannsóknir og þróun í ESB 2006 var 28 árum á eftir BNA

Rannsóknir og þróun í ESB 2007 var 30 árum á eftir BNA

Atvinnuþáttaka í ESB er núna 11 til 28 árum á eftir BNA

Kveðjur

PS: BNA þáttur þinn er ekki svara verður, og það vesti ofurvel sjálfur.

Gunnar Rögnvaldsson, 9.8.2008 kl. 19:25

13 Smámynd: Gunnar Rögnvaldsson

Já Guðmundur, ég get varla verið meira sammála þér, eins og svo oft áður.

Kveðja

Gunnar Rögnvaldsson, 9.8.2008 kl. 19:29

14 Smámynd: Helgi Jóhann Hauksson

Reyndar er ég sammál þér um það að margar stórar skyndiákvarðanir við sameiningu þýsku ríkjanna reyndust hreint klúður.

Helgi Jóhann Hauksson, 9.8.2008 kl. 19:41

15 Smámynd: Helgi Jóhann Hauksson

Hvaðan hefur þú heimildir þínar um frameliðni - ég sat fyrirlestur fyrir ekki löngu þar sem taldist sýnt fram á hið gagnstæða að fraleiðni á hverja unna vinnustund væri t.d. til muna meiri í Frakklandi en USA. Bandríkjamenn hafa hinsvegar lengri vinnuviku en ESB-lönd eins og við Íslendingar reyndar líka.

Helgi Jóhann Hauksson, 9.8.2008 kl. 19:44

16 Smámynd: Helgi Jóhann Hauksson

Svo loks þetta aftur Gunnar að ég er síður en svo einn sem ekki myndi þyggja bandarískan hagvöxt ef hann kostaði bandríska samhjálp, velferð og framkomu þeirra við réttindi verkafólks, jafnvel að slepptri umgengni þeirra og nýtingu á orku- og náttúruauðlindum heimsins.

Helgi Jóhann Hauksson, 9.8.2008 kl. 19:49

17 Smámynd: Gunnar Rögnvaldsson

Helgi

Það hjálpar Frökkum lítið ef þessi framleiðni þeirra gagnast ekkert þjóðarframleiðslu þeirra ef framleiðnin eykur framleiðslu á notuðum ljósaperum vegna þess að Frakkar hafa engu eytt í rannsóknir og þróun síðustu 40 árin vegna þess að franska ríkið eyðir 55% af peningum þegana í eintóma vitleysu, eins og flest ríki ESB einnig gera því hinn opiberi geiri í ESB er orðinn svo ofurstór að lítið er framleitt annað en brotnar rúður í samfélögunum. Og allir vita að það er vonlaust verk að auka framleiðni í opinberum rekstri. Þessvegna fóru Sovétríkin til dæmis á hausinn, og ESB mun einnig fara á hausinn er þeir setja ekki hinn ofurstóra opinbera geira sinn á strangan megrunarkúr, strax.

Ef að þið fylgdust með þá mynduð þið vita að það er til félagsskapur 19 milljón fyrirtækja í 45 löndum Evrópu sem heitir EuroChambers. Viðskiptaráð Íslands er til dæmis aðili að þessum samtökum. Þegar ESB setti upp Lissabon_2000 stefnu ESB árið 2000, og sem á að gera ESB að ríkasta og samkeppnishæfasta hagkerfi heimsins fyrir árið 2010, þá ákvað EuroChambers að fylgja þessu vel eftir og hengja blómaskreytingamenn ESB upp á árangrinum. Það hafa núna verið birtar 3 skýrslur um framvindu þessa markmiðs ESB. Upptalning mín hér að ofan er úrdráttur í þessum þrem skýrslum og súmmerar þann árangur, eða réttara sagt, skorti ár árangri hagkerfis ESB. Allir vita að Lissabon 2000 markmið ESB gegnur afturábak. Gapið til BNA stækkar einungis ár frá ári. Og allir einnig vita að vinnuafl Bandaríkjamanna hefur hæstu verðmætasköpun í heiminum.

EuroChambers: Benchmarking EU S-time-distance in years between the EU25 and the USA for 2006

Business Week frétt um 2006 skýrsluna: Study: EU Economy 22 Years Behind U.S

Kveðja

Gunnar Rögnvaldsson, 9.8.2008 kl. 21:47

18 Smámynd: Helgi Jóhann Hauksson

Hvað er „eintóm vitleysa“? sem þú segir að franska ríkið eyði þjóðartekjum í - er heilbrigðskerfið þeirra „eintóm vitleysa“? - Ég hef setið ráðstefnur um heilabilun þar sem marg oft hefur komið fram að frakkar hafa nú um nokkra hríð verið fremstir við rannsóknir og þróun úrræða á því sviði - eins og þeir reyndar hafa áður verið fremstir við rannsóknir á fjölmörgum öðrum sjúkdómum - er það „tóm vitleysa“, - eða eru stríð USA í Írak og Afganistan kannski svona gáfuleg og góð ráðstöfun á amerísku skattfé.

Helgi Jóhann Hauksson, 10.8.2008 kl. 01:27

19 Smámynd: Helgi Jóhann Hauksson

Í fljótu bragði segja heimildirnar sem þú vísar á segja alls ekki þá sögu sem þú segir þær segja. Megin plaggið er um hvernig ESB miðar við að ná Lissabonmarkmiðum sínum um að verða samkeppnishæfasta efnahagskerfi heims og komast fram úr USA og Japan, og að þeim markmiðum er ekki enn náð heldur helst nokkuð óbreytt bil á milli - því jú Japan og USA keppast líka við. Japan reyndar fremra USA - ef þetta á að segja okkur eitthvað á þínum nótum er það auðvitað það að Japan er betra en USA.

Helgi Jóhann Hauksson, 10.8.2008 kl. 01:38

20 Smámynd: Gunnar Rögnvaldsson

Helgi


Í fljótu bragði segja heimildirnar sem þú vísar á segja alls ekki þá sögu sem þú segir þær segja

Þú verðu þá að skoða þetta í löngu bragði Helgi. Og lesa allar þrjár skýrslurnar frá EuroChambers og www.gaptimer.eu/eu_-_usa/ og þá muntu skilja að þegnar ESB dragast alltaf lengra og lengra aftur úr efnahag þegna Bandaríkjanna, ár frá ári. ESB mun aldrei ná Lissabon 2000 markmiði sínu. Þeir munu einfaldlega aldrei ná efnahag þegna Bandaríkjanna og meðal annars vegna þessara "eitt prósent hér og eitt prósent þar" sem hagvöxtur ESB þarf að líða undir hagstjórn EMU og Evru og sem rænir stórum tækifærum frá þegnum ESB. Staðan núna er þessi: ef við frystum hagkerfi Bandaríkjanna eins og það var árið 2007 þá munu það taka þegna ESB á núverandi vaxtarhraða heil 22 ár að ná þeim þjóðartekjum á mann sem þegnar Bandaríkjanna nutu árið 2007. Þettabil var 21 ár árið 2006 og 18 ár árið 2004. Þegnar ESB eru því hlutfallslega alltaf að verða fátækari og fátækari miðað við þegna Bandaríkjanna. Sænska rannsóknin EU VERSUS USA er einnig átakanleg lesning um getuleysi ESB til að framleiða velmegun fyrir þegna sína.

Greinin "Evran hindrar atvinnusköpun" er því miður sönn og ummæli European Labour Network for Economic Policy eru alveg lýsandi dæmi um hversu illa stendur til með hagstjórn undir skilmálum ESB. En þar segir meðal annars:

Hin harða peningapólitík á EMS og evrusvæðinu hindrar ESB löndin í að ná þeim markmiðum sem sett voru í Lissabon 2000 samkomulaginu. En eitt af Lissabon 2000 markmiðunum var, og er enn (brosa hér), að ESB væri orðið samkeppnishæfasta hagkerfi heims árið 2010. Til að svo gæti orðið þá þyrftu meðal annars 70% af öllu fólki á aldrinum 15-64 ára að hafa atvinnu. 60% af konum þyrftu að hafa atvinnu og 50% af báðum kynjum á aldrinum 55-64 ára þyrftu að hafa atvinnu.

Í dag er ekkert útlit fyrir að þetta markmið náist, segir skýrslan. Það eru ekki einu sinni tveir af hverjum þremur, eða 66%, á aldrinum 15-64 ára sem eru í atvinnu núna og það eru innan við þrjú ár þangað til að árið 2010 rennur upp. Það er óbeint evrusamvinnan sem er orsökin fyrir að þetta er svona, segir Frederik I. Pedersen sem er hagfræðingur hjá Arbejderbevægelsens Erhvervsråd, sem er hinn danski meðlimur í ELNEP.

Aðalástæðan fyrir því að svona er komið, segir Frederik I. Pedersen, er að efnahagsskilyrði voru óhagstæð árin 2002 til 2005 og þá stoppaði alveg allur vöxtur í atvinnutækifærum og atvinnu almennt. En aðalástæðan fyrir að efnahagsskilyrði urðu óhagstæð var sú að peningapólitík ECB var of hörð. Löndin þorðu ekki að gera neitt til að auka atvinnu og hagvöxt vegna þess að þau voru hrædd við að lenda í vandræðum með að uppfylla ESB-kröfuna um að það megi ekki vera meiri halli á opinberum útgjöldum en sem nemur 3% af þjóðarframleiðslu. Þetta er skilyrði ESB. Löndin þorðu því ekki að hætta neinu til að örva hagvöxt og sköpun atvinnu.

Þetta mun einungis versna á komandi árum þegar sú kreppa sem nú er að hefast hér í ESB mun á næstu 7-10 árum ræna þegna ESB öllum möguleikum á að nálgast þá hagsæld sem þegnar Bandaríkjanna og Íslands munu geta skaffað sér sjálfir í krafti þess frelsis í efnahagsstjórn sem einungis er möguleg í löndum sem ekki hafa sent sjálfstæði sitt til geymslu inni í skáp hjá örðum ríkjum.

Spurning þín um Frakkland: þeir eiga einfaldlega bágt, því þeir, eins og flest önnur evru-ríki geta alls ekki ímyndað sér að hægt sé að leysa nokkur verkefni almenningi til heilla án þess að þau þurfi fyrst að leysast inni í hausnum á opinberum starfsmönnum og blástimplast af opinberum starfsmönnum. Að allt þurfi að fara í gengum hausa opinberra starfsmanna áður en það getur komið til þegnana. Þegnarnir eru því farnir að haga sér eins og fíklar. Þeir bíða bara eftir að mamma komi með skammtinn og eru hættir að reyna sjálfir. Þeir geta ekki lengur ímyndað sér að neitt sé hægt nema með hjálp frá hinu opinbera, alveg eins og var í Sovétríkjunum. Frakkar hafa einmitt einn stærsta opinbera geira í OECD sem hlutfall af þjóðartekjum.

Gunnar Rögnvaldsson, 10.8.2008 kl. 11:29

21 Smámynd: Helgi Jóhann Hauksson

Þessi grein þín sem þú vísar til frá 6.6. er þvílíkt arfarugl að ekki tekur því að byrja svara henni. - Þú hefur augljóslega ekki búið á Íslandi lengi. Hér eru sko alvöru háir stýrvextir undir stjórn Dabba og HHG og engar hömlur á eyðlsu ríkissjóðs umfram tekjur - og nú er líka árangurinn svo sannanlega að koma í ljós með algeru hruni.

Um frelsi gildir að það er ekkert frelsi án öryggistilfinningarinnar og réttlætis. Jafnvel þeir ríkustu eru ekki frjálsir þegar fjöldi fólks býr við örbyrgð og á engin önnur úrræði til að tryggja börnum sínum og/eða sjálfum næstu máltíð en að grípa til óyndisúrræða gagnvart þeim ríku. Þessvegna er fólk t.d. mikið öruggara og því frjálsara sem býr í borgum Kanada en í borgum USA.

Helgi Jóhann Hauksson, 10.8.2008 kl. 13:10

22 Smámynd: Gunnar Rögnvaldsson

elgi.

Stýrivextir koma eftir þörfum, eins og alltaf, þ.e. í opnum og skilvirkum hagkerfum. Þeir hækka og lækka miðað við verðbólgu og þenslu. Þegar Seðlabanki Íslands fer að lækka stýrivexti þá munu mörg önnur lönd ennþá vera að hækka þá hjá sér. Hitt sem þú skrifar er því miður ekki svara vert, og það veist þú ofurvel sjálfur. Þetta er einungis Ameríkuhatrið og Ameríkufordómarnir sem voru límdir fastir á hornhimnu vinstri manna af fylgisveinum kommúnisma og sósíalisma í Vestur-Evrópu frá stríðslokum sem er þarna að veki og sem alltaf sýna sig þegar rökin þrýtur.

Ég biðst afsökunar á að mér urðu á mistök í innslætti til vefslóðar á heimasíðu gaptimer.eu. Rétta slóðin er: Gaptimer EU

Kveðjur

Gunnar Rögnvaldsson, 10.8.2008 kl. 13:29

23 Smámynd: Helgi Jóhann Hauksson

OK svo þú telur að fyrrum Júgóslavíríkið Slóvenía og einskonar Hannes Hólmsteinn þeirra eigi að kenna vesturlöndum hagfræði og hvernig við blöndum markmiðum hennar og marmiðum velferðarsamfélagsins saman. Þetta hér að neðan eru upplýsingarnar um vefinn sem þú vísar á:

It is registered with the Ministry of Higher Education, Science and Technology in Slovenia. The principal researcher is Professor Pavle Sicherl, founder of SICENTER and Professor of Economics at the Faculty of Law, University of Ljubljana.

Helgi Jóhann Hauksson, 10.8.2008 kl. 13:52

24 Smámynd: Helgi Jóhann Hauksson

Ætli þeir sem ólust upp og numu við kommúnistmann sé nú orðnir bestir í að þekkja velferð og góða  hagstjórn að mati frjálshyggjuliðsins? - eða ætli þeir bera nokkuð einsta skynbragð á öryggi og velferð. - Að þekkja af eigin reynslu óöryggi, óstjórn, óferlsi og ofríki er ekki það sama og vita hvað hið gagnstæða er.

Helgi Jóhann Hauksson, 10.8.2008 kl. 13:58

25 Smámynd: Gunnar Rögnvaldsson

Helgi. Tölfræði er grein stærðfræðinnar.

CURRICULUM VITAE Prof. Dr. Pavle SICHERL

OECD: seminar about statistical indicators - Leading-Edge products will be showcased.

Já hann Hannes Hólmsteinn okkar gæti svo sannarlega kennt mörgum ESB ríkjum margt gott.

Kveðja

Gunnar Rögnvaldsson, 10.8.2008 kl. 14:25

26 Smámynd: Gunnar Rögnvaldsson

Helgi

Eins og ég hef sagt margsinnis: Sovétríkin áttu marga góða vísinda- og menntamenn, en það hjálpaði þeim ekki neitt. Þau önduðust úr fátækt, sósíalisma og kommúnisma. Frelsið er undirstaða ríkidæmis, og það mun aldrei þrífast í faðmi ESB, EMU og Evru. Aldrei.

Gunnar Rögnvaldsson, 10.8.2008 kl. 14:31

27 Smámynd: Helgi Jóhann Hauksson

Sérðu virkilega ekkert ríkidæmi í ESB-landinu Danmörku sem þú kýst að búa í?

Helgi Jóhann Hauksson, 11.8.2008 kl. 10:00

28 Smámynd: Gunnar Rögnvaldsson

Jú Helgi, það er svo vissulega. En við erum jú að ræða heilli alls almennings, ekki einhverra einstakra dæma, ekki satt? En þessi blogg minn er nú einusinni helgaður barátunni fyrir því að Ísaland feti ekki leiðina inní deyfðarfaðm Evrópusambandsins. Að Ísland haldi áfram að vera sjálfstætt, sjálfráða og fullvalda ríki - og ég kem því stundum með sumar þær upplýsingar sem sölumenn sjálfstæðisafsals Íslands láta hjá leiðast að nefna þegar þeir eru að selja svartsýnum Íslendingum vörur sínar einmitt núna. Jú - til dæmis þá er ríkiskassinn í Danmörku mjög ríkur. Hann situr á og ráðstafar næstum 55% af þjóðarframleiðslu Dana, og eyðir þeim peningum að mestu í algera vitleysu. Á meðan þessi brennuvargur er að störfum verður Danmörk alltaf minna og minna ríkt. Þessi brennuvargur er einnig að ná svipuðum völdum í ESB15 löndunum. Það er að myndast consesnus fyrir svona BIG GIANT government í ESB. Skattar hækka og frelsi minnkar. Völdin færast til embættimanna og ruslakistunnar í Brussel. Danmörk er því miður að hrapa niður á við á skala OECD yfir ríkustu lönd heimsins, og það verulega hratt.

Þessi blogg minn er nú einusinni helgaður barátunni fyrir því að Ísaland feti ekki þessa leið. Að Ísland haldi áfram að vera sjálfstætt, sjálfráða og fullvalda ríki. Ég mun halda áfram að koma með upplýsingar og blæbrigði sem ekki eru uppi í umræðunni á Íslandi. Og já, ég vil helst getað flutt heim til sjálfstæðs Íslands. Að þið seljið ekki landið fyrir tíkall á meðan ég brá fæti til umheimsins.

Ég man enn þann dag í dag, þegar ég sat inni í stofu hjá góðir danskri vinkonu okkar hjónanna og drakk kaffi, og þar sem þessi vinkona okkar var að lesa dagblöðin og kveður svo upp að Ísland sé að ná Danmörku í ríkidæmi. þ.e. þjóðartekjur á mann. Þetta var að mig minnir árið 1999-2001, eða þar um bil. Ég átti erfitt með að trúa þessu. En já, síðan vinkona mín, sem er hámenntaður 63% skattgreiðandi, kvað upp þenann skipbrotsdóm um efnahagslegan framgang Danmerkur, að þá hefur Ísland þotið framúr okkur hér. Og hún meira og meira skúffuð yfir framgangi mála í ESB

Kveðjur

Gunnar Rögnvaldsson, 11.8.2008 kl. 11:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband