Leita í fréttum mbl.is

Fjármálageirinn of stór í ESB ?

Dresdner Kleinwort bankinn segir í dag að þó svo að hin alþjóðlega fjármálakreppa hafi byrjað feril sinn í Bandaríkjunum að þá sé það fyrst og fremst ESB sem muni fara verst út úr kreppunni. Ástæðan er að í Bandaríkjunum er fjármálageirinn einungis 7% af öllum atvinnurekstri þjóðarinnar en í ESB er þetta hlutfall 17%.

Bloomberg segir að eins staðan sé núna að þá hefur hagnaður fyrirtækja í BNA aðeins dregist saman um 13,4%, en í ESB er þessi tala 23,4%. Einnig gerir hið háa gegni evru vörur frá evrópskum fyrirtækjum minna áhugaverðar en vörur frá fyrirtækjum í BNA. Einnig vita flestir aðilar á markaði að atvinnulíf BNA er þekkt fyrir að jafna sig mun hraðar eftir áföll en efnahagur ESB.

Skoðun mín:

Auðvitað mun ESB fara núna í það "góðverk" að ganga á milli bols og höfuðs á fjármálageira ESB. Fullvopnaður embættismannaher pennaveldis ESB stendur núna reiðubúinn til að skera undan markaðsöflunum því trúin á að markaðurinn muni leysa sín eigin vandamál er ekki til staðar í sósíal-demo-kratísku ESB. (athugið: þetta er eini herafli ESB sem alltaf virkar, alltaf á high alert, alltaf í viðbragðstöðu)

Þetta benti Jón Daníelsson hagfræðingur hjá London School of Econmics einnig á í þessari grein hér: Viðbrögð við kreppu hættulegust Sjálfur skrifaði ég einnig pistil um þetta hérna: Mun ESB hefja herför gegn fjármálageiranum ?

 Í blindri bitru afturljósa hagkerfisins má segja þetta um bólur:

Dot.com bólan var merkileg að því leyti að hún var fyrsta stóra bólan frá því að bílar og rafmagnstæki komu til markaðar í byrjun 20. aldar. Þetta var eiginlega fyrsta skeið brautryðjandi framfara síðan 1929 þar sem allir voru ósammála um hvað væri hægt að gera úr þessu. Enginn vissi hvað þetta myndi hafa í för með sér. En hugaðir fjárfestar stukku samt í kaldann sjóinn, oft án björgunarvestis, og fjármögnuðu uppfinningar og tiltök brautryðjenda og frumkvöðla. Margir fjárfestar urðu illa úti. En það er einmitt kosturinn við að hafa virka vöðva frelsisins - að þora að taka áhættu og þora að tapa peningum. Allir fjárfestar vita að það er aldrei hægt að græða á öllu sem þeir taka sér fyrir hendur. Það var vegna þessara virku vöðva frelsisins í Dot.Com bólunni að Bandaríkjamenn fengu fyrirtækin, atvinnutækifærin, afleiðurnar og hagvöxtinn sem við fengum ekki hérna í ESB. Þessi tækifæri sigldu að mestu fram hjá Evrópu og við drógumst enn frekar aftur úr Bandaríkjunum. Frumkvöðlarnir fóru til Bandaríkjanna því þar gátu þeir fengið hugmyndir sínar fjármagnaðar.

Þegar stóra hrunið kom á Wall Street árið 1929. Þá skeði svipað og er að ske í dag. Menn misstu trú sína á framtíðina og hlupu heim til mömmu. Fjárfestingar flæddu úr framtíðartækifærum og yfir í vörur gamla tímans. Núna eru það hráefni, matvæli, málmar og olía sem eru "öruggu fjárfestingarnar". Þarna í fátinu árið 1929 þá veltu sumir fyrir sér hvort þeir ætti ekki að halda áfram fjárfestingum í hestvagna- og hestasvipuverksmiðjum, því bílar voru allt í einu orðnir eitthvað svo áhættusamir sem fjárfesting. Menn urðu hræddir. Mamma kom svo fram á sviðið í formi hins opinbera, og þá fyrst fór kreppan fyrir alvöru af stað. Keynes tókst að selja stjórnmálamönnum þá hugmynd að markaðsöflin gætu ekki ráðið við ástandið. En þeir höfðu rangt fyrir sér. Þeir höfðu gleymt að fylgjast með peningamagni í umferð. Fjárþurrðin kom. Arfleið hins opinbera kassa Keynes boraði svo stór göt í vöðva frelsisins í Bandaríkjunum allt fram að tímum Reagans. Núna mun þetta endurtaka sig í ESB. Kenyes mun koma aftur og bora göt. Mamma mun fara á kreik í ESB.

 Athyglisverð grein um bólur: Bólutilraunastofa Ben Bernanke


« Síðasta færsla | Næsta færsla »

Athugasemdir

1 Smámynd: Bjarni Kjartansson

Það sem er nú na öðruvísi er, að orkuverðið er í algeru rakettuflugi upp á við og matarverð einnig.

Mér er ekki rótt eftir að Obama hefur sett sín lóð á vogarskálar umræðunnar um ÍRAN.

Hugnast ekki sá tónn og tel hann hættulegan velferð hér á Vesturlöndum.  Ekki svo að skilja, að ég sé á móti því, að tekið sé í tauma þegar nauðsyn liggur við.  Þá hefðu menn auðvitað tekið hraustlega í tauma, þegar Ísraelmenn komu sér upp kjarnorkuvopnum.

Dot Com bólan hjaðnaði hratt og eftirleikurinn varð ekki eins örððugur og n´, þar sem fleirri peningakerfi voru þa´í fullri virkni (Líran, Markið o.fl.)

Nú nota olíuframleiðsluríkin Evru sem svoipu á $ og Jenið er að síga útaf sviðinu sem hreyfiafl í Wall Street dílingum.

 Kaninn er í verulegum vandræðum með sinn iðnað og ,,unrest" amongst the naitives er nokkup meiri enáður hefur þekkst og jafnvel í Höfuðstað þeirra verður að beita herlögum til að fólk fái ferðast um svæðið nokkuð óhult.

Óheftur markaður er nánast óhugsandi kerfi til að koma í veg fyrir *BNA ástand, þar eru menn löngu löngu komnir á endapunkt og ,,frelsi " á sviði peningamála eru bara orðin tóm, það vita þeir sem eru ða díla þarna.  Þú VERÐUR að díla eftir PC línu, annars ert þú tekinn í skoðun og það tekur LANGANN tíma.

Baugsmál ha hvað?

IRS er ekkert barnaleikfang og ef því er beitt lætur ALLT undan.

Miðbæjaríhaldið

hræðist frekar stríð en áður þar sem Obama hefur svarið hollustueiða við Gyðinga-yfirstéttina í BNA.

Bjarni Kjartansson, 9.6.2008 kl. 15:26

2 Smámynd: Gunnar Rögnvaldsson

Nei Bjarni. Orkuverð er ekki á rakettuflugi. Það er hugur neytenda sem er á rakettuflugi. Sumarið 1981 var launþegi tvisvar sinnum lengur að vinna sér inn peninga fyrir einum lítra af bensíni. Kaupmáttaraukningin hefur verið svona mikil.

Það sama gildir um matarverð. Menn eru orðnir svo vanir því að matur kosti nánast ekki neitt. Það góða við hækkandi matarverð mun sennilega verða það að fjárfestingar í landbúnaði munu aukast, en þessi geiri hefur þjáðst mikið undanfarna áratugi af fjárskorti og skorti á fjárfestingum. Svo mun framboð vonandi aukast enn frekar. En þetta tekur smá tíma.

Já ég vona svo sannarlega að Bandaríkjamenn sleppi aldrei sinni verndarhönd af Gyðingum. Þá væri voðinn vís. Ef þér finnst margir Gyðingar vinna við fjármál þá er það vegna þess að þeim var svo lengi bannað að vinna við flest annað. Sumir urðu ríkir og tókst að flytja út úr gettóunum.

Gunnar Rögnvaldsson, 9.6.2008 kl. 18:50

3 Smámynd: Baldur Fjölnisson

Fjármálageirinn bandaríski er langstærsti geiri S&P 500 hlutabréfavísitölunnar og kemur um 20% heildarverðmætis vísitölunnar frá honum. Í Russel 5000 er fjármálageirinn líka langstærstur (21.8%).

http://www.streetauthority.com/terms/index/sp500.asp 



Baldur Fjölnisson, 9.6.2008 kl. 19:13

4 Smámynd: Baldur Fjölnisson

Afsakið, Wilshire 5000 á það nú að vera.

En sama blasir við í Russell 2000, fjármálageirinn stendur undir 21.4% verðmætis vísitölunnar. 

Baldur Fjölnisson, 9.6.2008 kl. 19:18

5 Smámynd: Gunnar Rögnvaldsson

Takk Baldur

Já þetta er örugglega rétt hjá þér, en það er aðeins hluti af hagkerfi BNA sem fer fram í public companies - þ.e. fyrirtækjum skráðum á hlutabréfamaraði.

Gunnar Rögnvaldsson, 9.6.2008 kl. 19:30

6 Smámynd: Gunnar Rögnvaldsson

Og þess fyrir utan Baldur, að þá er framleiðni í BNA 16 árum á undan framleiðni í ESB svo hægt er að fitla við þá hugsun að fjármálageirinn í ESB sé ekki eins vel rekinn og í BNA.

Gunnar Rögnvaldsson, 9.6.2008 kl. 19:33

7 Smámynd: Bjarni Kjartansson

Ef það er vilji manna, að stuðla að WW3 er það svosem þannig.

Ef einhliða aðgerðir BNA við vernd á framferði yfirvalda í Jerusalem og að fara í blindni eftir nánast óskhyggjulegum plönum þeirra, er það sem menn vilja, er allt svosem gott með það, það er skoðun útaf fyrir sig.

Kínverjar geta lagt BNA í peningalega auðn, þegar þeim hentar.  Það vita þeir sem fylgst hafa með síaukinni eign þeirra í US-bonds og fl teg bréfa með stjórn BNA sem gjaldanda.

Svo er það svo, að Kaninn er í basli við að halda í við Evrópu (sérstaklega SViss og Þýskaland) í tækni og gæðaframleiðslu.

Framleiðni þeirra er haldið uppi af verulega meiri mismunun í textakaupi en líðst annarstaðar í Vesturlöndum.

Svo er þetta með the unrest, það er rétt að byrja.

Tel BNA vera afar sjúkt og maðksmogið kerfi.

Við sem vorum hrifnir af þeim hér í gamla daga (1965 til 1985) erum nú að sjá betur og betur, að skoplítð er að marka það sem frá upplýsingaveitum þeirra hefur komið, því miður.

Miðbæjaríhaldið

frústrerað vegna þess, að það sem talið var ,,satt" er að mestu lygi.

Bjarni Kjartansson, 10.6.2008 kl. 13:31

8 Smámynd: Gunnar Rögnvaldsson

Takk fyrir Bjarni

Dollarasjóðir Kínverja eru tilkomnir vegna þess að þeir hafa ekki frjálsa verðmyndun á gengi síns eigin gjaldmiðils. Til að einhver trúi á gengi gjaldmiðils þeirra þurfa þeir at nota dollara sem tryggingu fyrir verðgildi hans. Kínverjar hafa enga hagsmuni í því að koma sjálfum sér á hausinn. Kínverjar munu aldrei skera undan sínum efnahag með því að dumpa dollar. Þar að auki myndu þeir einungis eyðileggja sinn besta útflutningsmarkað í leiðinni.

Bandaríkin eru ennþá stærsti útflytjandi í heim og stærsti markaður í heimi. Þetta mun kanski breytast einhverntíma. En eins og er þá eru litlar horfur á að svo verði. Það er enginn sem veit hvernig Kína mun líta út eftir bara nokkur ár. Þegnarnir munu ekki endlaust una við að búa í kommúnistaríki með tilheyrandi ófrelsi. Kína gæti hæglega brotnað upp sem ein heild þegar karfan um frelsi og lýðræði veður sett fram og þegar einn milljaður manna mun stilla stjórvöldum upp við vegg. Það er ekki langt síðan ástandið var svona

Frelsið er alltaf besti gjaldmiðillinn

Gunnar Rögnvaldsson, 10.6.2008 kl. 14:29

9 Smámynd: Baldur Fjölnisson

Gunnar, ég hef ekki tölur um það handbærar en fullyrði þó að félög á hlutabréfamarkaði í BNA standi fyrir 90-95% af GDP. En ég skal reyna að fá það staðfest.

Bandaríkjamenn eru miklir tæknisnillingar og jafnframt afar góðir sölumenn og hafa langa hefð í þessu. Þeir hafa fundið upp ótrúlega snjöll fjármálainstrúment og mjög lengi getað rekið kerfi sitt fyrst og fremst á skuldapappíraframleiðslu á meðan mestöll raunveruleg framleiðsla hefur flust til Mexíkó og Kína. Að vísu er fínn gangur í hergagnaframleiðslu og verktakastarfsemi í sambandi við hernað enda hafa þeir verið duglegir við að koma af stað stríðum á misjafnlega mikið upplognum forsendum. En þetta er nú allt saman í þágu frelsis og lýðræðis og viðskipta.

Ég veit nú ekki gjörla hversu vel þessi fjármálageiri þeirra er rekinn, kannski hefur veruleikahönnunin á ágæti hans klikkað en verð hluta í mörgum undrafélögum hans hefur gjörsamlega hrunið. Bear Stearns, eitt helsta kraftaverkafélag á Wall Street, gufaði nýlega upp og núna er Lehman Brothers lóðbeint á leiðinni á hausinn. Og fleira riðar líka til falls. Þessi maskína hefur logið handónýta pappíra inn á fjárfesta í Evrópu og víðar og með því eyðilegat eigin trúverðugleika. Bílasali sem enginn tekur lengur mark á selur varla mikið af bílum.

Baldur Fjölnisson, 10.6.2008 kl. 14:42

10 Smámynd: Baldur Fjölnisson

Þetta voru vissulega snilldarskím og fjármálakerfið hreinlega tryggði sjálft sig gegn hruni. Hljómar það ekki sannfærandi? En nú hafa hlutir skuldatryggingafélaga hrunið um 95% (ABK MBI) og eru einskis virði ásamt að sjálfsögðu tryggingum þeirra. Þannig að grilljónir í einhverjum pappírum sem gjaldþrota tryggingafélög ábyrgðust hanga núna í lausu lofti. John Galbraith vildi meina að markaðir byggðust ekki fyrst og fremst á trausti og tiltrú heldur frekar skorti á tortryggni og það var brilljant hugsun hjá honum. Nútíma bankastarfsemi byggist geysi mikið á viðskiptum banka á milli og allir þessir bankar vita að næsti bankakúnni er með haug af ónýtu drasli á bókunum (rétt eins og þeir sjálfir) og enginn heilvita maður lánar jú ónýtum lántakendum og svo er þetta bara snjóbolti sem vefur upp á sig. Góðar stundir.

Baldur Fjölnisson, 10.6.2008 kl. 15:22

11 Smámynd: Gunnar Rögnvaldsson

Sæll Baldur

Ég geri ekki ráð fyrir að Dresdner Kleinwort fari með rangt mál. Ég efast um að hlutur skráðra hlutafélaga í BNA sé svona stór því sum stærstu fyrirtæki Bandaríkjanna eru í sjálfseign eða í einka- og fjölskyldueigu (Private equity). Ég held að hlutur almennra hlutafélaga sé langtum minni en þú heldur. Einungis US Postal Service er 800.00 starfsmenn - Cargill 160.000 manns - Bechtel 160.000 manns - Pricewaterhouse Coopers 150.000 manns o.s.f.v.

Ef Ameríkanar eru svona góðir sölumenn og Evrópumenn svona vitlausir að kaupa það sem þú kallar "handónýta pappíra" þá er ekki gott í vændum fyrir okkur, er það Baldur?

Já það er alveg rétt að Bandaríkjamenn eru komnir út úr iðnbyltingunni eins og Bretar - FIFO (first-in first-out)

Það er oft gott að elta Bensinn og Komatsu vélarnar á áfangastað því þar sem kaupendur eru þar hlýtur eitthvað að vera að gerast - t.d. hagvöxtur!

Gunnar Rögnvaldsson, 10.6.2008 kl. 15:47

12 Smámynd: Gunnar Rögnvaldsson

Svo ber ekki að gleyma hinum opinbera geira sem er þó mjög lítill í BNA miðað við báknið í ESB

Gunnar Rögnvaldsson, 10.6.2008 kl. 16:48

13 Smámynd: Gunnar Rögnvaldsson

En nú hafa hlutir skuldatryggingafélaga hrunið um 95% (ABK MBI)

Já - sem þýðir að bréfin voru fyrst og fremst á höndum linsoðinna kjána á margin calls og skuldsetningu. Nú eru það hinir harðsoðnu sem kaupa þau á slikk, því bréf geta ekki fallið í verði nema að það fari fram sala. Ef einhver bréf falla í verði þá þýðir það að einhver annar hefur keypt þau á þessu fallandi verði. Þetta er gullöld fyrir menn með reiðufé og staðfasta stefnu sem vita hvað þeir eru að gera. Best að kaupa þegar blóðið flýtur í Strætinu og þegar óttinn ræður ríkjum.

Gunnar Rögnvaldsson, 10.6.2008 kl. 17:16

14 Smámynd: Baldur Fjölnisson

Já, en hvað ef það sem hefur fallið úr 90 dollurum í tvo fer síðan í 10 sent?

Hvar er botninn? Gangi þér bara allt í haginn við að finna hann. 

Baldur Fjölnisson, 10.6.2008 kl. 17:48

15 Smámynd: Gunnar Rögnvaldsson

Takk Baldur

Hlutabréf eru per. definition langtímafjárfesting. Þessvegna er erfitt að lifa af ef maður er neyddur til að hugsa of skammt. Raunverulegir alvöru fjárfestar og alvöru speculators eru maraþonhlauparar hlutabréfamarkaðarins. Þeir lifa oftar af en aðrir því þeir geta setið endalaust á bréfunum, hafa fasta stefnu og er alveg sama um sveiflur. Þeir þurfa ekki að selja þó svo að markaðurinn hrynji og þeir hafa oft mjög sterkar taugar. Stærsta einstaka fall allra tíma, þ.e. markaðshrun á einum degi, var "Black Monday" þann 19. október árið 1987. Þá féll DJI 22,6% á einum degi. Þetta var blóðbað fyrir tölvu-trading og fyrir þá sem voru á margin. En örstuttu seinna var allt komið í ljúfa löð aftur. Sama var þegar Eisenhower fékk hjartaáfall rétt fyrir endurkosningu árið 1956. Markaðurinn fékk áfall en batnaði svo á örstuttum tíma aftur.

Ég hef eðlilega mikla samúð með þeim sem hafa farið illa út úr fjármálum síðustu missera, þetta er ekki skemmtilegt. En þetta mun allt jafna sig. Sannaðu til. Það munu koma betri tímar og ný tækifæri. Tækifærin eru kanski einmitt núna!

Ég er ekki svo alvitur að ég geti hitt hvorki botninn né toppinn. Það eru fáir sem geta það. En mín persónulega tilfinning er sú að BNA sé að ná botninum núna. Euro-Zone mun fara mikli lengra niður ásamt Asíu. En PS: ég get svo mjög auðveldlega haft algerlega rangt fyrir mér.

Gunnar Rögnvaldsson, 10.6.2008 kl. 18:31

16 Smámynd: Baldur Fjölnisson

Heyrðu Gunnar, ég er með alveg rosalega gott dæmi á Melrakkasléttu. Þar er brú sem ég var að kaupa fyrir slikk af ríkinu og ég er tilbúinn til að selja þér 2,5% af henni fyrir 250 þús. dollara. Þetta er tækifæri lífs þíns endilega hafðu samband galdur@myway.com. LOL.

Baldur Fjölnisson, 10.6.2008 kl. 19:06

17 Smámynd: Gunnar Rögnvaldsson

Þetta er kanski ekki svo vitlaus hugmynd Baldur. Stórabeltisbrúin hérna veltir 160 miljörðum ISK á ári. Við getum svo selt myrkur, norðurljós og þögn til borgarþreyttra og taugaveiklaðra Wall Streetians í leiðinni :)

Gunnar Rögnvaldsson, 10.6.2008 kl. 19:24

18 Smámynd: Baldur Fjölnisson

Gunnar, ég er reyndar afskaplega mikill aðdáandi ameríkana vegna þess að þeir hafa gjörbreytt og bylt minni heimssýn. Þarna er að finna mestu heimsins snillinga en jafnframt hryllilega rugludalla. Þetta er ótrúlegur suðupottur hugmynda og stefna, heimsku og snilli og erfitt að henda reiður á honum. Þeir ættu að vera forystuafl í heiminum og hafa sjálfsagt burði í það og þeir höfðu það fyrir 60 árum en einhvern veginn hefur leiðin legið niður á veginn málefnalega en þeir þeir hafa þó djöflað fram sínum skoðunum og heimssýn með hervaldi. Og nú erum við hér og þessi maskína hefur útrýmt sínum trúverðugleika algjörlega skipulega. Það er magnaður andskoti. Það er ekkert eftir af áliti Bandaríkjanna. Og það hefur gerst bara á nokkrum árum. Hvað er í gangi? Er þetta einhvers konar good cop-bad cop dæmi? Með kveðju, Baldur F. 

Baldur Fjölnisson, 10.6.2008 kl. 20:20

19 Smámynd: Baldur Fjölnisson

Til að skýra þetta frekar þá byrjaði ég að nota internetið fyrir 17 árum það er áður en 99.9997 núverandi notenda datt það snjallræði í hug. Þar af leiðandi aflaði ég mér öruggra heimilda fyrir 12-15 árum og það er ekki ruslpóstur á borð við New York Times og Washington Post.

Baldur Fjölnisson, 10.6.2008 kl. 20:33

20 Smámynd: Gunnar Rögnvaldsson

Það er ekkert eftir af áliti Bandaríkjanna. Og það hefur gerst bara á nokkrum árum. Hvað er í gangi? Er þetta einhvers konar good cop-bad cop dæmi?


Já það er ekkert eftir af álitinu Baldur. Það er vegna þess að stoppistöð vanþakklátra er svo stór.

Fyrir 60 árum Baldur voru það Bandaríkin sem héldu lífi í Evrópubúum því þá var árið 1949. Styrjöldin hafði þá verið unnin með hráum vöðvastyrk iðnaðarframleiðslu Bandaríkjanna og sem var ekki knúin áfram af þrælsótta og hræðslu við fangabúðir, heldur af frelsilöngun manna í frjálsu samfélagi alveg eins og einnig var í Bretlandi.

Það sem er að gerast núna Baldur er það sama sem gerðist þegar Evrópubúar hentu Ronald Reagan á ruslahaugana hér í áttavilltri Evrópu. Hentu honum sem geðbiluðum og óhæfum manni. En núna er heimurinn betri staður þökk sé Ronald Reagan, - Gorbathov, Walesa, Thatcher og Karol Józef Wojtyła páfa. Fimm góðir menn sem þorðu saman. Það er alls ekki hægt að þakka almenningsálitinu eða pressunni í Evrópu fyrir þennan sigur sem vannst í kalda stríðinu. Reagan var sá eini sem datt sú þá opinberlega fáránlega hugmynd í hug að það væri yfirhöfuð hægt að vinna kalda stríðið. En hann gerði það samt.

Þegar Evrópu líkar illa við sitjandi forseta í BNA og við gang mála í BNA, þá veit ég að hann er sennilega stafi sínu vaxinn og að það er ennþá einhver á vaktinni. Ég nenni ekki að hlusta á væl Evrópubúa um fávita sem getur ekki talað eða sem kemur illa fram, en sem var samt kosinn tvisvar af þjóðinni. Illa talandi menn hafa flutt stór fjöll. Einnig sveitamenn. Stoppistöð vanþakklátra er og verður alltaf allt of stór. Útópía er ekki til verður það aldrei, og það verða alltaf holur í veginum.

Gunnar Rögnvaldsson, 10.6.2008 kl. 22:44

21 Smámynd: Guðmundur Jónas Kristjánsson

Tak fyrir mjög athyglisverða og stórgóða grein Gunnar.

Guðmundur Jónas Kristjánsson, 12.6.2008 kl. 13:28

22 Smámynd: Baldur Fjölnisson

Þetta er einmitt good cop-bad cop dæmi (díalektík) og það sem á að koma út úr því er einhvers konar alheimsstjórn og aukin miðstýring og það höfum við séð vera að gerast. Þetta er langvarandi leiksýning. Fjármálaöflin eru miklu sterkari en nokkrar ríkisstjórnir og þau hafa stillt upp einræðisherrum og svok. lýðræðislega kosnum leiðtogum eftir eigin behag og gera enn. Fasismi er fyrirtækjaismi og hvort ríkisvaldið tekur yfir atvinnureksturinn eða atvinnureksturinn tekur yfir ríkið kemur eiginlega út á nokkurn veginn eitt á endanum. 

Fyrir 60 árum voru menn hengdir fyrir að svíkja af stað stríð á upplognum forsendum og stunda pyndingar, hryðjuverk og stríðsglæpi en núna er búið að gera flesta samdauna slíku og gera það einhvern veginn pólitískt korrekt og því undir Bush sér núna í góðu yfirlæti í Evrópu með öðrum síkópötum. 

Baldur Fjölnisson, 12.6.2008 kl. 21:37

23 Smámynd: Gunnar Rögnvaldsson

Já Baldur. Þetta er ekki ósvipað því sem sagt var um Reagan í Evrópu alla hans embættistíð. Svipað var einnig sagt um Winston Churchill á sínum tíma. Danska dagblaðið Politiken missti á einu bretti 15.000 áskrifendur fyrir að kalla Winston Churchill fyrir stríðsmángara og "hættulegan mann". Þetta var rétt fyrir innrás Þjóðverja inn í Danmörku. Upplagið hefur sem betur fer aldrei jafnað sig síðan.

Gunnar Rögnvaldsson, 12.6.2008 kl. 23:34

24 Smámynd: Baldur Fjölnisson

Vestræn fjármálaöfl mokuðu peningum í bæði Stalín og Hitler og þénuðu síðan feitt á því að láta pólitískar eignir sínar berjast við þá í köldum stríðum og heitum. Núna bítur þessi hlægilega terrorgrýla CIA ekki lengur og þá er rússagrýlan endurvakin. Þetta er í rauninni alltaf sama sagan. Á meðan fólki er haldið uppi á þessum ævintýrum rúllar alþjóðlegt bankakerfi smám saman á hausinn eins og hver maður sér. Við þurfum að hugsa þessa hluti í löngum bylgjum en skólakerfi og ruslveitur (sem eitt sinn kölluðust fjölmiðlar) innræta fólki eins konar eilífan nútíma. Þetta er ein risavaxin smjörklípa.

Baldur Fjölnisson, 13.6.2008 kl. 00:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband