Leita í fréttum mbl.is

Getur ekki passað

PASSAR EKKI (sjá frétt)

Eruð þið blaðamenn vesturlanda ekki að villast á flugeldum og skotflaugum? Þið eruð í níu mánuði búnir að segja okkur öllum, reyndar þylja það, að Rússland sé alveg við það að vera algjörlega búið með öll skotfæri og að Rússneski herinn geti ekki neitt og ráfi nánast stjórnlaus um slétturnar og að Úkraína sé búin að vera að vinna þetta stríð hennar við Rússneska herinn með aðstoð sameinaðs NATO, og sem búið er að sturta sem svarar öllum varnarmálaútgjöldum Frakklands ofan í leppstjórnina í Kænugarði (tekur sig ekki að minnast á þau þýsku)

Já, þið hafið þulið að Úkraína sé að vinna stríð við herinn sem gekk frá heimsveldi Nasista. Að Úkraína sé í níu mánuði búin að vera vinna stríð sem Rússar kalla enn hernaðaraðgerð, en ekki eiginlegt stríð

Þið hljótið að vera villast á flugeldasýningunni sem efnt verður til vegna sigurs leppstjórnar NATO í Kænugarði í dag. Sigurgangan verður síðan gengin strax á eftir, ekki satt, við undirleik þokulúðrasveitar Evrópusambandsins

En hvað skyldi nú Brusselbeljan ESB gera ef þetta reynist ekki vera flugeldasýning? Sturta sjálfri sér niður með evrunni - eða tísta áfram við hitann frá rússnesku gasi?

Þar af leiðandi mun Mexíkó auðvitað vinna stríð við Bandaríska herinn í Mexíkó þegar landið gengur í kínverskt "varnarbandalag" sem opnar þá herstöðvar í túnfæti Bandaríkjanna - svona eins og NATO í Úkraínu. Þið hljótið að skilja að fyrir því myndi ríkisstjórnin í Washington skála í kampavíni og hrópa hundraðfalt húrra, ekki satt, - og bjóða Kínverjana margfalt velkomna

Eða þá að eftir ósætti við ríkisstjórnina í Ottawa, sem engum þyrfti að koma á óvart, að Nýfundnaland segði sig úr Kanada og yrði fullvalda á ný og byði Rússum herstöðvaraðstöðu. Þá yrðu nú Washingtonmenn hrifir, eða hitt þó heldur, því loftlínan frá Nýfundnalandi til Washingtonborgar er ekki nema 1600 kílómetrar. Það er 300 km. lengra en skotflaugar NATO á sterum þurfa að þeysast frá Rúmeníu beint á Moskvu og sem geta með smá breytingum borið kjarnorkuvopn

Fífl

Fyrri færsla

Kæri Pútín


mbl.is Búa sig undir stórfellda árás Rússa í dag
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Guðjón E. Hreinberg

Kommúnistar vesturlanda játa eigin glæpi og framkomu með yfirfærslum.

Guðjón E. Hreinberg, 29.11.2022 kl. 12:51

2 Smámynd: Gunnar Rögnvaldsson

Þakka þér fyrir Guðjón.

Ég skil ekki af hverju Þórdís þotuhreyfill var að fljúga til Kænugarðs til að láta mynda sig með leppstjórnarforsetanum þar, eftir að hafa steytt Íslandi framan í Íran, því allar daglegar ákvarðanir eru teknar af valdamönnum vestanhafs og í Skrípalfabrikkunni í Lundúnum, og sem ákveðið hafa að láta Kænugarð um að berjast til síðasta Úkraínumanns, til einskis. Kænugarðsleppstjórnin hefur ekki einu sinni haft fyrir því að draga upptökur Úkraínuhers á internetinu af morðum hans á rússnesku hermönnunum til baka, né hvað þá fordæma þau, og bendir það eindregið til að fyrirfram ákveðið sé að fara að fordæmi herra A.H. Untergangs um að farið hafi fé betra en Úkraína. Um er að ræða fjar-stjórn sem virðist hugsa þannig að fyrst að ekkert stóðst af því sem áætlað hafi verið, að þá skal Úkraína öll brenna á meðan þeir hugga sig í andríki þess bunkers sem þeir hafa hafst við í að staðaldri síðan 2014. Við hina hlið Úkraínuforseta standa síðan ofstækismennirnir sem hóta að taka hann af lífi makki hann ekki rétt. Þannig að sá maður er ekki samningahæfur lengur og var það sennilega alltaf meiningin.

Kveðjur

Gunnar Rögnvaldsson, 29.11.2022 kl. 18:04

3 Smámynd: Ingólfur Sigurðsson

Alltaf gott að fá greinar frá þér, Gunnar.

 

Í frjálslynda og brezka tímaritinu The Economist sem er 179 ára gamalt og rótgróið og ekki æsifréttablað eða sorprit er því spáð að um 185.000 Evrópubúar geti týnt lífi í vetur fyrir aldur fram vegna efnahagsstríðsins við Rússa og skortinum á gasi og orku almennt. 

Talað er um kalda veðurspá ofaná allt annað, og það þvert á loftslagsumræður um hamfarahlýnun. 

Skuldinni er að sjálfsögðu skellt á Pútín eins og venjulega, hvað annað, eins og engir kostir séu í stöðunni nema að senda hergögn til Úkraínu og láta sem flesta týna lífi í þessu stríði.

Það er alveg með ólíkindum hversu mikil harkan er að berjast við Rússa og að líkja honum við Hitler, og kalla hann til dæmis Pútler. Sá samanburður finnst mér ekki nákvæmur. 

Áætlun Pútíns um að ná aftur þeim svæðum sem töpuðust með hruni Sovétríkjanna er býsna gömul og segja má algert baráttumál fjölmargra Rússa og hluti af þeirra heimsmynd, hvorki meira né minna, sem urðu fyrir miklu áfalli með hruni Sovétríkjanna um 1990. Í þeim fræðum er ekki talað um að ráðast á Svíþjóð eða Finnland, eða ná heimsyfirráðum. 

Úkraína er leiksoppur Bandaríkjanna og Rússa, heimsbyggðin leikur sér að því að þarna sé mannslífum fórnað miskunnarlaust, og sökin er ekki síður þeirra sem komu leppstjórn þarna á, með grínleikaranum Selenský, og svo koma leikbrúður til Íslands í áróðursleik til að afla málstaðnum fylgis.

Almenningur á Vesturlöndum verður að vakna til skilnings um að þetta er ekki einfalt eða svarthvít mynd. Almenningur ætti að krefjast friðar og að hætta að senda Selenský vopn, sem dregur þetta á langinn og eykur hættuna á notkun gereyðingarvopna.

Hvar eru núna æstu unglingarnir sem mótmæla því að hælisleitendur séu sendir úr landi? Eiga þeir ekki uppruna sinn í friðarhreyfingunni, sem spratt uppúr kommúnismanum? Þetta fólk ætti að mótmæla vopnasendingum vesturlanda til Úkraínu og óbeinni þátttöku í blóðsúthellingunum.

Það þarf að mótmæla því að Evrópumenn fremji þetta fjöldasjálfsmorð og séu ekki hlutlausir. Þegar allt kemur til alls er varla verra að vera undir kúgun Rússa en ESB og annarra femínista.

 

Ingólfur Sigurðsson, 30.11.2022 kl. 02:31

4 Smámynd: Gunnar Rögnvaldsson

Þakka þér fyrir þínar hugsanir Ingólfur. Þær eru ávallt áhugaverðar og vel settar fram.

Bara örstutt:

Úkraína hefur aldrei í sögunni verið til sem ríkiseining nema þá sem hluti af Rússlandi. Nema frá og með 1991. En þá voru aðstæður heimshlutans eins og þær voru.

Það hefur aldrei verið á dagskrá Rússlands að endurheimta þau lönd sem lentu undir Sovétríkjunum. Þau eru því ekki hersetin í dag eins og Þýskaland er enn hersetið af Bandaríkjunum.

Úkraína er því sérstakt mál fyrir Rússland og verður hún aldrei eins og hvert annað útland fyrir bæði Rússlandi og þorra núverandi íbúa Úkraínu sem eru og líta á sig sem Rússa. En menn verða að muna að vesturhlutar landsins eru þó sér á parti.

Rússland mun aldrei líða að Úkraína verði NATO-ríki né á áhrifasvæði NATO-landa. Úkraínuhornið uppi í vestri sem áður tilheyrði Pólandi og sá vestari hluti hennar sem tilheyrði Ungverjalandi og Rúmeníu eru annað mál. En ekki stærstur hluti Úkraínu.

Ég býst fastlega við að Rússland muni þvinga NATO aftur til þeirrar landfræðilegu stöðu sem NATO var í 1999 þó svo að NATO-ríkin lofuðu Rússlandi að þenja sig ekki eina tommu austur miðað við stöðuna 1990.

Furðulegt að NATO-skyldi ekki hafa verið gert að draga sig út úr Vestur-Þýskalandi þegar Varsjárbandalagið dró sig út úr Austur-Þýskalandi.

Kveðjur

Gunnar Rögnvaldsson, 30.11.2022 kl. 04:16

5 Smámynd: Ragnhildur Kolka

Samkvæmt óhrekjanlegum heimildum (Mark Milley og Þórdísi Kolbrúnu Reykfjörð Gylfadóttir) munum við á Vesturlöndum halda áfram stríðsrekstri í Úkraínu "svo lengi sem þörf er á." Gamalmennin sem falla vegna viðskiptaþvingana okkar verða þá bara eins og hver annar fórnarkostnaður í þessu heilaga stríði.

Þetta virðist vera ríkjandi hugsunarháttur þeirra sem nú fara með völdin. 

Ragnhildur Kolka, 30.11.2022 kl. 17:23

6 Smámynd: Gunnar Rögnvaldsson

Þakka þér fyrir Ragnhildur.

Trump vildi ræsa út mýrina.

Er farinn að velta því fyrir mér hvort að það verði þrátt fyrir allt Rússar sem ræsa út vesturlönd.

Lagerstaða vesturlanda á flesta kanta er hreint ekki góð.

Kveðja

Gunnar Rögnvaldsson, 30.11.2022 kl. 18:56

7 Smámynd: Ragnhildur Kolka

Hann virðist altént sá eini sem hefur bolmagn til þess, þótt það hafi ekki verið upphaflegt markmið.

Ragnhildur Kolka, 30.11.2022 kl. 21:04

8 Smámynd: Gunnar Rögnvaldsson

Margar ríkisstjórnir vesturlanda eiga eftir að falla vegna þessa máls. Og farið hefur fé betra segi ég þá.

Gunnar Rögnvaldsson, 30.11.2022 kl. 21:31

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband