Varnar- og sóttvarnarmál eru stjórnmál. Klúður Merkels orðið krónískt. ESB stöðvar útflutning á Oxford/Spitfire til Ástralíu [u]

HEILBRIGÐISMÁLIN LÍKA

Spurt var um rússneska bóluefnið í síðustu færslu. Svar mitt er þetta:

Menn verða að venja og sætta sig við að líf og heilsa fólks á Vesturlöndum er og hefur ávallt verið pólitískt málefni. Allir í heiminum vilja njóta framfara Vesturlanda á sviði læknisfræði, sóttvarna og skurðlækninga. Ástæðan fyrir því er sjálf 27-alda forsaga Vesturlanda og stjórnmál á Vesturlöndum, og sú staðreynd að þau eru algjörlega einstakur staður á jörðinni, sem afar erfitt er að herma eftir nema með því að viðhafa vesturlenskt stjórnarfar og stjórnmál í þúsund ár

Þetta var ástæðan fyrir því að elítan í Kommúnistaflokki Rússlands á sovéttímanum leitaði sér lækninga í löndum á borð við Sviss, því flest heima fyrir var háborinn hryllingur í þeim efnum vegna stjórnarfarsins þar. Helbrigðiskerfi vinstrimanna eru ávallt þannig

Þetta hefur þó að vissu leyti batnað frá og með hruni Múrsins 1990, en staðan er samt slæm enn. Rússneska bóluefnið er fyrst og fremst þróað til heimabrúks og sem pólitískt vopn valdaapparatsins, eins og í Sovét, og er aðeins framleitt í smærri skömmtum enn sem komið er og mun ekki verða útbreitt sem marktækur kostur nema í ríkjum sem af pólitískum ástæðum vilja útiloka annað. Þess vegna nafnið Spútnik. Rússland sjálft mun ekki nota það nema að hluta til. En fyrir KGB-veldi Pútín-stjórnarinnar er gott að hafa bóluefni í skiptum fyrir ýmislegt pólitískt annað og sem kljúf. Til dæmis frá þeim ríkjum er læst hafa sig pólitískt úti í veröldinni. Kalla má þetta til dæmis fyrir pólitíska skiptimynt

Fjárlög Íslands eru pólitískt mál og þar inni í er rekstur heilbrigðiskerfisins. Hrunið í landsframleiðslunni á síðasta ári um 6,6 prósent þurrkaði út framleiðslumagn og verðmæti sem svarar til reksturs þess í heilt ár. Þetta eru pólitískar staðreyndir allra sem búa á jörðu niðri

Af þessum orsökum er mikilvægt að stjórnmálamenn okkar hagi sér ekki eins og vitsmunaskertir tungufossar og máltískudósir sem svíkja fumskyldur sínar við þjóðina þegar á reynir. En það hafa þeir gert í bóluefnismálinu. Þeir létu það í hendur hins nýja sovéts nútímans. Fyrir það eiga þeir miklar og harðar refsingar skilið

MEIRA KLÚÐUR ÞÝSKA RÓGBURÐAR-KANSLARANS

Hinn gamli austurþýski DDR-kommi Angela Merkel hefur aftur gert í buxur sínar. En það var hún sem ákvað að láta bóluefnainnkaup nýlenda sinna í hendur hins vanvita Evrópusambands í þeim málum, vel vitandi það að vitsmunaskertir tungufossar og máltískudósir í öðrum löndum á sporbraut um Stór-Þýskaland myndu bukta sig, segja amen og skríða eins og sannar Stasidúkkur, eins og sést svo vel hér heima

Þegar í ljós kom að hið vanvita Evrópusamband réði ekki við neitt annað en að eyðileggja bóluefnismálin, þá kom Merkel fram úr felum og sagði að leiðin út úr stofufangelsinu væri sjálfs- eða heima-veirusmita-próf (e. self-tests) sem leiða myndi Þýskaland úr úr hinu sjálfskapaða DDR sem hún persónulega hafði komið þarna í kring. En jafnvel líka innkaupin á tækninni til heima-skimana fórust fyrir og logar því forsíða Bild-Zeitung í dag. En á hverju strandaði innkaupamálið núna? Jú ríkisstjórn þýskra nurlara er enn að hagla og þrátta við framleiðendur um verðið!

Eins og lesendur kannski vita þá er Þýskaland stundum kallað kína Evrópu. Þess vegna bannaði það til dæmis útflutning á sóttvarnarbúnaði til Austurríkis af lager þess sem staðsettur var innan landamæra Þýskalands. Svona, mínar dömur og herrar, virkar hinn innri-markaður svarthols

Lok lok og læs mun því verða áfram í Þýskalandi og ekkert í kortunum nema smá slaki hér og þar í hverju ríki landsins fyrir sig, af og aftur á. Á meðan tryllist atvinulíf landsins og borgararnir líka. Heppnin er enn með Þýskalandi, en þó aðeins á yfirborðinu því mun meira er um smit en greint er. Enn sem komið er lætur DDR-ríkisstjórn Merkels því líta svo út að stökkbreytt afbrigði séu ekki að hrella Þjóðverja sjálfa, heldur séu það nágrannarnir, já nágrannarnir auðvitað, Tékkland, Ítalía og Frakkland sem liggja illa til þar. Fjöldi smita fellur samt ekki í Þýskalandi og háar dánartölur þráast við

Klukkan tifar, púðrið er þurrt, ríkisstjórn landsins er fullkomalega vanhæf og eftir tíu daga verður gengið til kosninga í Baden-Württemberg og Rínarland-Pfalz, og síðan í haust til sambandsþings. Meðvirkir fjölmiðlar landsins geta varla mikið lengur reynt að breiða yfir klúðrið án þess að skera sjálfa sig til blóðs, segir Eurointelligence í dag

Angela Merkel er í sömu sporum og Mikhaíl Gorbatsjev var. Dáð í útlöndum utan NSU, en fyrirlitin og ónothæf til heimabrúks

uppfært kl 20:41

ESB LOKAR Á ÚTFLUTNING BÓLUEFNIS TIL ÁSTRALÍU

Í dag gerðist það að Ítalía, sem öfundar-bannfært hefur notkun á breska Oxford/Spitfire bóluefninu frá AstraZeneca fyrir 65 ára og eldri og sem Merkel kanslari og Macron forseti öfundar-sögðu að virkaði ekki og liggur því öfundar-ónotað í milljónum skammta í löndum sambandsins, bannaði útflutning á 250 þúsund skömmtum af bóluefninu til Ástralíu, frá átöppunar- og pökkunarverksmiðju fyrir bóluefnið nálægt Róm, og sem er í eigu hins bandaríska fyrirtækis Catalent, Inc. (NYSE: CTLT)

En undir vanstillingar- og rógburðarherferð Evrópusambandsins og stormsveitarárás þess á verksmiðju AstraZeneca í Belgíu um daginn, til að koma höggi á Stóra-Bretland með því að reisa hörð landamæri á Írlandi upp að Norður-Írlandi til að koma í veg fyrir að umsamdir skammtar af bóluefninu kæmust til Bretlands, setti Evrópusambandið í hasti saman útflutningsbannsreglur um bóluefni út af lögsögu sambandsins

Hinn nýi og ókjörni forsætisráðherra Ítalíu, Mario Draghi, sem nýlega fékk það embætti vegna þess að hann þekkir fólk um borð í ECB-aukaseðlabanka Þýskalands ofan í önnur evrulönd vegna þess að hann var seðlabankastjóri þar, var sá sem talaði mest og harðast fyrir því að stöðva útflutninginn á bóluefninu, sem Merkel og Macron hafa talað niður, til Ástralíu. En vegna komandi ríkisgjaldþrots Ítalíu telur ESB-elítan í því landi að hún verði að hafa ókjörinn forsætisráðherra sem þekkir fólk um borð í ECB-seðlabankanum

Þetta á heldur betur eftir að vinda upp á sig því Trump-stjórnin lét 1,2 milljarða dala af hendi rakna til þróunar bóluefnisins frá AstraZeneca ofan í það sem Stóra-Bretland kom með, og greiða Bretar 45 prósent meira fyrir efnið en ESB, sem borgar aðeins kostnaðarverð, og hefur Bretland gert allt sem það gat fyrir þróun þess og dekrað við þróunarteymið og hvatt það áfram til dáða í heilt ár. Þetta á eftir að vinda upp á sig vegna þess að aðföngin í bóluefnið koma frá löndum utan Evrópusambandsins og þau gætu hæglega sett sambandið í hráefna-hafnbann til að hefna sín, plús það að flytja allt rannsóknar- og framleiðsluapparatið burt af lögsögu ESB, sem greinilega er ekki lögsaga réttarríkja þar sem staðið er við gerða samninga. Hin tröllvaxna og sovéska bóluefnis-klúðurslest Evrópusambandsins og taglhnýtinga þess brunar bara stjórnlaust áfram fram af bjargbrúninni. Bráðum kemur því þið vitið hvað

Nokkrar staðreyndir málsins:

1. Í Bretlandi myndaði ríkisstjórnin lítinn hóp athafnamanna úr atvinnulífinu í apríl 2020, með þekkingu á lyfjabransanum, sem látinn var sjá um bóluefnisinnkaupamál Bretlands

2. Í Bandaríkjunum var fjögurra stjörnu hershöfðingja og forstjóra úr lyfjabransanum falið að sjá um Ljóshraðaáætlun Trumps-stjórnar Bandaríkjanna í bóluefnismálum, með 18 milljarða dala sekk fullan af peningum sem byrjað var að greiða úr þegar í mars 2020

3. Í Evrópusambandinu var hins vegar fyrrum fríverslunarsamninga-tröllskessum, undir stjórn möppudýrsins Söndru Gallina, og sem eyða fjórum árum í að mjaka öðrum fæti af tveimur fram fyrir hinn, falið að sjá um að semja um bóluefnisinnkaup eins og ekkert lægi á og var ekki hafist handa á neinu fyrr en í lok júlí og nóvember. Það fólk hafði enga þekkingu á neinu öðru en að koma fram sem kartel við að pína framleiðendur og hámarka skaða þjóða og kúga þær til undirgefni

4. Hér heima átti ríkisstjórnin að láta Kára og félaga, sem þá þegar í tvígang höfðu bjargað ríkisstjórninni úr brennandi og gjaldþrota sovétsólkerfi Svandísar-sovéts, um málið þegar í mars 2020. Talísíma Katrín dugar heldur ekki til neins, enda er hún bara möppudýr eins og Svandís-Sovét

Ekkert lært: Og meira að segja núna í mars 2021 er ríkisstjórn Íslands með hugsanlegt eldgos á tröppum þéttbýlis, ekki með nema eitt sjóklárt varðskip hjá Landhelgisgæslunni, á meðan hún sjálf skóflar milljörðum út í atvinnuleysisbætur til innfluttra Schengen-láglaunaþræla ferðaþjónustunnar og svo kallaðra hælisleitenda frá sólkerfum utan Vetrarbrautar. Það þyrfti að helst stinga þessari útibús-ríkisstjórn vesalinga inn, því hún nálgast það að vera verri en engin. Hún er jafnvel þjóðhættuleg

Það er því ekki rétt sem íslenskir stjórnmálamen segja að "ekki hafi verið hægt að vita að ekki væri hægt að stóla á Evrópusambandið í bóluefnismálum". Það var nefnilega vel hægt að vita og það áttu þeir að vita, hefðu þeir haft fyrir því að kynna sér Evrópusambandið og læra um hvað það snýst og hvernig það virkar ekki. Það áttu þeir því að vita af fullkomnu öryggi. Það eru þeir sem eru ábyrgðarlausir bænaskjals-aumingjar í þeim hluta málsins sem að okkur snýr. Engir aðrir en einmitt þannig vitsmunaskert fólk Stóra-aumingjadóms lætur Evrópusambandið um neitt slíkt

Fyrri færsla

Mette brýst út úr öryrkjabandalagi ESB [u]

Tengt

Bóluefnismál þjóðar sett í hendur gangster-elementa stjórnmála

Kanslari og forseti rógburðar

Athugasemdir

[Símon Pétur frá Hákoti (IP-tala skráð) 4.3.2021 kl. 11:25]

Klúðrið er algjört.

Verri er þó forheimskun ríkisstjórnarinnar

og stjórnvalda hér á landi

hvað varðar blint hatur þeirra

á hinu breska Oxford bólusetningalyfi

framleiddu af AstraZeneca.

Það hefur verið átakanlegt að verða vitni 

að því hvernig RÚV ohf., opinbera heilaþvotta félagið, og aðrir undanrennu fjölmiðlar hérlendis, hafa stundað einhliða ESBíska rógsherferð gegn Oxford/AstraZeneca.

Þvílíkir vesalingar og fleðudúkkur 

sem fylla hér alla stjórnsýslu og raða í kringum sig ámóta vesalingum og fleðuglennum.

M.a.s. Björn Bjarnason þykist sjá það núna.

Kannski hann verði beðinn um að skrifa skýrslu 

fyrir 25 milljónir um sýn sína?

Idjótar!

[Gunnar Rögnvaldsson, 4.3.2021 kl. 11:45]

Já Símon Pétur.

Það verður að minnsta kosti að refsa stjórnmálamönnum okkar mun harðar en bankamönnum okkar. Þetta ábyrgðarlausa stjórnmálalið gæti ekki rekið banka í eina klukkustund án ótæmandi sogrörsaðstoðar ríkissjóðs og þar með skattgreiðenda landsins.

Þetta er forhert vanræksla og kæruleysi. Manni svimar við upphæðirnar og vermætasköpunina sem þetta lið er að sólunda með pólitískri tækifærismennsku og leyndri dagskrá.

Það er kominn tími til að ríkisstjórnin geri hreint fyrir sínum dyrum undir yfirheyrslum. Hún ber ábyrgð á þessu máli öllu.

Kveðjur

[Símon Pétur frá Hákoti (IP-tala skráð) 4.3.2021 kl. 14:16]

Rétt Gunnar.

Minni þó á að undanrennumiðlarnir eru nú allir komnir á opinbert framfæri, eins og opinbera heilaþvottafélagið á efstaleiti, eins og allir vesalingar og fleðudúkkur hins kratakomma rétttrúnaðar þýzka "tíðarandans". 

Þar líðst engum með sjálfstæða hugsun að tjá sig.  Þar ríkir tossagangurinn einn.

Mbkv.

[Gunnar Rögnvaldsson, 5.3.2021 kl. 09:10]

föstudagur, 5. mars 2021 kl. 09:09:03

Svo kölluð "heilbrigðisyfirvöld" í Danmörku hafa nú snúið sér 180 gráður á vísindabeðinu og segjast í dag föstudaginn 5. mars 2021 mæla með því að allir eldri en 18 ára séu bólusettir með Oxford/Spitfire bóluefninu frá AstraZeneca.

Þarna slær óheilbrigðið í embættismannahrúgum Danmerkur met á aðeins nokkrum vikum, því þá var annað apað upp eftir ESB-kuklveldinu í Þýskalandi og Frakklandi.

Og þessu bilaða apparati hins opinbera er ætlast til að skattgreiðendur trúi fyrir fé og treysti. Þetta er sprenghlægilegt og átakanlega sorglegt.

[Símon Pétur frá Hákoti (IP-tala skráð) 5.3.2021 kl. 12:11]

Nú þegar Danir hafa samþykkt notkun Oxford/AstraZeneca fyrir 18 ára og eldri (sem sagt einnig fyrir 65 ára og eldri),

hvaða grasasnaríki eru þá núna ein eftir sem fylgja gæsagangs stefnu BerlínarBrussel í þessu máli?  

Þýzkaland, Belgía,

Noregur, Svíþjóð - og Ísland?

Veistu Gunnar hver hin eru?

Maður hefur ekki undan að átta sig á fíflaganginum berlínarbrusselska.

[Gunnar Rögnvaldsson, 5.3.2021 kl. 12:36]

Nei Símon Pétur, þá stjörnuspá Evrópusambandsvísinda fyrir 5. mars 2021 hef ég ekki komist yfir. Sennilega þarftu að tala við spákonustofu heilbrigðisráðuneytanna til fá hana afhenta.

[Símon Pétur frá Hákoti (IP-tala skráð) 5.3.2021 kl. 15:11]

Sæll Gunnar

ég hef heldur ekki getað fundið nýjasta vúdú og kukl-kort Ursulu Von der Leyen. Ætli hún sé ekki komin í bönkerinn með Mario?  Og þau búin að læsa að sér í spákortagerðinni og kuklinu?

Þetta minnir æði mikið á sögu frá síðustu öld