Leita í fréttum mbl.is

Gervigreind að floppa eins og vefur Veðurstofunnar [u]

Veður-http-flopp

Mynd: Frá "já, nei, omg, æði, geggjað" orðaforðabúri veraldarvefsins um rafeindasuð

****

AI eða "artificial intelligence" á ensku og "gervigreind" á íslensku, er að floppa á mörgum sviðum og vonbrigðin eru mikil. IBM er því sennilega að selja Watson heilbrigðis-gagna-greiningar-kerfið núna og PWRDWNSYS (IMMED). En kona Ginni Rometti er loksins hætt sem forstjóri IBM, eftir að hafa næstum helmingað hlutabréfaverðið á IBM á síðustu tíu árum (já kona)

"It is hard to build AI technology that tells somebody what cancer treatment they should get, "because if you’re wrong, they’re going to die"." - skrifar WSJ um söluna á Watson og floppið í AI. (Ísleifur Sérhólm vissi auðvitað betur)

Það er reyndar ekki skrítið að gervigreind í tölvun floppi, þegar menn vita ekki einu sinni hvað greind er. Hvernig ættu þeir þá að vita hvað gervigreind er?

Næsta "still running" eða enn keyrandi flopp eru heiladauðar "rafmyntir" plús "fjártækni" - en einkum "loftslagslíkön" sem sýna sig að vera bara ný pólitísk líkön vinstrimanna. Flestir tölvunördar á vísindasviðinu eru krónískir vinstrimenn

Ekki þarf gervigreind til að sjá að húsin á Íslandi eru mun betur byggð en það sem Veðurstofan notar til að upplýsingaverja þjóðina gegn jarðhræringum: þ.e. vefsvæði Veðurstofunnar. Enda eru byggingariðnaðarmenn sú stétt sem sannarlega og með réttu getur kallað sig sérfræðinga. Slíkt er ekki hægt að segja um hinn pólitíska trúarsöfnuð lofthitakirkjunnar

Það er því mjög gott að hús á Íslandi eru ekki byggð eins og hrun-vefur Veðurstofunnar

Á næstu fáum árum mun 50-ára hagsveifla örgjörvans taka enda. Það eina sem enn er í gangi þar, er markaðsfærsla og litaval, þ.e. að leggja rafmagn í fjárhúsin líka. Síðan er það klessukeyrslan á múrinn og kolanámurekstur geirans inn í framtíðina, sem enginn mun vilja vinna við, sé komist hjá því

Uppfært kl. 20:00

Dow Jones Industrial Average - sögulegar tölur áranna 1965 til 1986

Sögulegar tölur bandarísku Dow Jones hlutabréfavísitölunnar næstu 20 árin eftir að 50-ára hagsveiflu bílaiðnaðarins lauk. Sé verðbólga tekin með í reikninginn er þróun vísitölunnar mjög svo neikvæð allt tímabilið. En frá og með árinu 1984 fer 50-ára hagsveifla örgjörvans að bæra á sér á hlutabréfamörkuðum. Fjárfestingar hefjast þá fyrir alvöru. Á undan 50-ára hagsveiflu bílaiðnaðarins réði hins vegar 50-ára hagsveifla rafvæðingar ríkjum á mörkuðum. En einnig sú sveifla nýrrar tækni entist ekki nema í 50 ár

Detroit 1967 Morgunblaðið

Mynd: Morgunblaðið 26. júlí 1967. Fjárfestingar, atvinna og tekjur hríðfalla í bílakísildalnum og víðar, frá og með 1959

****

Í dag eru vextir lágir vegna þess að það er ekki hægt að fjárfesta í neinu nýju, því ekkert nýtt er til. Þegar slíkt gerðist síðast, þá þurfti að kalla fallhlífarherdeildir Bandaríkjahers á vettvang í Detroit árið 1967. En raunverulegu ástæðurnar fyrir því skildu menn ekki fyrr en löngu síðar. Í dag er high-tech örgjörvasveiflunnar orðið að old-tech - og jafnvel að low-tech. Rafhlaða á hjólum er ekki ný tækni. Hún er gömul tækni. Það heyrist smá fruss í henni á mörkuðum eins og þegar lofti er hleypt úr gömlum hjólbarða

Fyrri færsla

Aðskilnað ríkis og þjóðar í raforkumálum þarf að afnema líka


« Síðasta færsla | Næsta færsla »

Athugasemdir

1 Smámynd: Ingólfur Sigurðsson

Það er margt spaklega mælt í þessari færslu. Mannlegum þroska hefur farið aftur en gervigreindin hefur náð sér á strik. Eftir standa grey sem varla eru mælandi eða skrifandi en kunna kóðamál. Upp eru vaxnar margar kynslóðir sem líta á veröldina sem einn stóran tölvuleik. Hvar er þá samviskan?

Allskonar skráðum og óskráðum siðareglum fyrri alda hefur verið sópað til hliðar, og viljandi í sumum tilfellum með reglugerðum eða flækjufrumskógi af Evrópusamþykktum. 

Þetta hlýtur að leiða til allsherjarhruns í menningu og listum, eða á flestum sviðum, en vel má búast við því að einhver elíta nái að halda sér á floti og drottna yfir fáráðum skrælingjunum sem sífellt missa meira af völdum og möguleikum.

Það er þetta sem mér finnst mesta áhyggjuefnið, ekki bara munur á ríkum og fátækum, sem er eðlilegur upp að vissu marki, heldur munur á þeim sem kunna með þekkinguna að fara og hinum sem hlýða og þiggja lúmskar kjaraskerðingar, og skerðingu á þjónustu, bönkum lokað, og svo framvegis. Andvaraleysið vex, og er mikið fyrir.

Það fólst gríðarlegur þekkingarauður í þessum vefsíðum sem var lokað af Bidenistunum, þar hefur mikið af mennsku og viti farið forgörðum, og gjáin breikkað á milli fólks. Ekki sniðugt.

Hugtakið upplýsingaóreiða hefur alltaf verið notað af gerræðisöflum, það er ekkert nýtt.

Til að gervigreindin komi að gagni þarf einmitt greind mannsins að vera til staðar. Vel athugað. Takk fyrir góðan pistil.

Ingólfur Sigurðsson, 26.2.2021 kl. 00:03

2 Smámynd: Gunnar Rögnvaldsson

Kærar þakkir fyrir þetta Ingólfur.

Vel að orði komist og er ég sammála þér þarna í mörgu. Því miður of mörgu.

Kveðja

Gunnar Rögnvaldsson, 26.2.2021 kl. 00:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband