Leita í fréttum mbl.is

Vatnaskil í alþjóðavæðingu tölvunargeirans. Pólland grípur til sinna netráða

Ross Perot og Steve Jobs

"Think different" [og þú verður tekinn úr sambandi] - var ekki það sem Steve Jobs meinti með þessu slagorði. Þarna sést hann á mynd með repúblikananum og um tíma óháðum Ross Perot, sem hjálpaði honum á fætur eftir eftir að Steve var rekinn frá Apple og byggði þá með aðstoð Perot upp Next, sem síðar varð kjarninn í Apple er Steve snéri aftur til að bjarga sökkvandi skútu sykurvatnsmanns, með einu stórkostlegasta "turnaround" fyrirtækjasögunnar. Steve hefði kosið Trump því hann trúði á framfarir og vissi vel að þeim fylgdu næstum ófrávíkjanlega umbrot. Í dag hefði hann sennilega rekið Tim Cook forstjóra Apple fyrir IBM-heimsku. Risa-EDS tölvunarmaðurinn Ross Perot er sá óháði forsetaframbjóðandi sem náð hefur mestum árangri í sögu Bandaríkjanna, fyrir utan Teddy Roosevelt. Hann felldi George Bush eldri í forsetakosningunum 1992. Einnig hann þekkti IBM-heimsku manna best, enda átti hann ávallt bara eitt par af skóm

****

ÁRÁS HEIMS-TÖLVUNARKLÍKU

Alþjóðavæddur gagna- og upplýsingageiri veraldar varð fyrir ofurfyrirsjáanlegri tölvuárás undanfarna daga. En í þetta sinn kom árásin innan frá. Var henni beint að eina landskjörna fulltúra bandarísku þjóðarinnar; forseta hennar. Hann skyldi tekinn úr sambandi við kjósendur, og þeim í staðinn stungið í einokunarsamband við þessa (NGO) klíku ókjörinna og fossríkra manna. Hvað gerist næst? er því ófrávíkjanlegt og augljóst mál. Sú alþjóðavæðing sem kom gagna- og upplýsingageirum þjóðríkja í einokunarsamband við þessa fámennu klíku plebba með háskólagráður, mun snúast við og taka enda eins og gerst hefur á öðrum sviðum veraldar, frá og með 2008; Tölvunar-Brexit-Trump mun eiga sér stað. Enginn er óhultur lengur með gögn sín og tölvunargetu í höndum umræddra gagna-baróna. Það er hér með bæði sannað og staðfest. Og engar ríkisstjórnir né stofnanir þjóðríkja geta lengur verið þekktar fyrir úthýsingu til annarra landa í þeim efnum. Heldur ekki fyrirtæki veraldar. Umrædd úthýsing reyndist verk plebba - eins og í bóluefnismálum. Eina ástæðan fyrir því að bóluefni við kínversku Wuhanveirunni er komið á tröppur þjóða núna, er grjóthörð samkeppni milli landa og fyrirtækja þeirra. Lesið varir mínar: úthýsing er óafsakanleg á flestum sviðum. Hún festir afturfarir í sessi

PÓLLAND GRÍPUR TIL SINNA RÁÐA

Pólska ríkisstjórnin, sem rétt svo nýlega sloppin er undan síðasta þöggunar-skriðjökli kommúnista á borð við þá sem nú eru að reyna og hafa að hluta til gert bandaríska demókrataflokkinn að flokki hinna fossríku ríkisbubba aðeins, er hoppandi reið yfir því sem fram fer á veraldarvefnum núna. Hún er því að smíða ný lög sem veita framkvæmdavaldinu heimildir til að sekta til dæmis "félagsmiðla" um 1,5 milljón evra fyrir hvern þann tilburð netfyrirtækjanna til ritskoðunar á tjáningu Pólverja á netinu sem stenst pólsk lög. Hart verður látið mæta hörðu

TVÍÁLA ÁSTAND BEGGJA MEGIN ATLANTSHAFS

Aðgerðarsinnar stormuðu þýska þingið í ágúst í fyrra. Ástæðan var sögð aðgerðir stjórnvalda þýsku ríkjanna sem mynda sambandsríki Þýskalands í sóttvarnarmálum. Þar eins og í Ameríku eru það ríkin en ekki forsetinn eða kanslarinn sem ráða framkvæmd sóttvarna. Í Hollandi réðust bændur með dráttarvélum sínum á ríkisstjórnarbyggingar vegna samsæriskenningasmiðju stjórnmálamanna um "losanir" vegna áburðar. Ekki er þó átt við að heilabú ríkisstjórnarmanna hafi losnað og þau farin að skrölta sbr. losun, en það er þó ekki fjarri lagi

Samningar Angelu Merkel við kínversku alræðisstjórnina um 135 milljarða evru "fjárfestingar" mun ekki fara vel í landsmenn hennar og heldur engan annan í Evrópu og NATO, því það inniheldur engar varnir fyrir gögn borgaranna, og hún neitaði ennfremur að skilyrða þær því að þvingað þrælavinnuafl ríkisstjórnar Kína væri ekki hluti þess. Donald J. Trump forseti hefur til dæmis bannað kínversku Alipay greiðsluþjónustuna því gögn hennar eru nú á leið í vasa Kínverska kommúnistaflokksins, sem tekið hefur hana til meðferðar vegna valdaógnar hennar við alræðisveldi Kommúnistaflokksins

Í tannhjólandi Þýskalandi halda menn hins vegar bara áfram að stæra sig af því að vita sem minnst um tölvunar- og gagnamál, sem bera má saman við að monta sig af því að hafa ekki kunnað tal-í-síma-brölt er talsíminn komst í almenna notkun í þróaðri löndum veraldar fyrir 120 árum síðan

GOTT OFBELDI OG SLÆMT OFBELDI

Bandaríski demókrataflokkurinn virðist nú aðhyllast ofbeldi með því að flokka það í slæmt og gott ofbeldi. Þegar flokkurinn með aðstoð "félagsmiðla" –og peningagjafa frá forstjórum þeirra– hvetur til óeirða í landinu, þá er það samkvæmt þessu látið ganga óáreitt fyrir sig og alls ekki fordæmt þó svo að 700 bandarískir lögregluþjónar þjóðarinnar liggi í valnum, flestir meiddir og slasaðir, en sumir látnir. Byggingar og hverfi borgaranna hafa verið bæði hertekin og brennd niður, og einkafyrirtæki lögð í rúst og þar með ævistarf þeirra sem þau stofnuðu og ráku. Ástandið var orðið svo slæmt að versalnir og íbúar negldu krossvið fyrir gluggana rétt fyrir forsetakosningarnar í nóvember, vegna þess að þeir voru orðnir næstum vissir um að Trump myndi vinna þær. Takið eftir að fólk var ekki hrætt við stuðningsmenn Trumps, heldur þann skríl sem rasar á götum landsins með óformlegum stuðningi Demókrataflokksins, sem neitar að fordæma ofbeldi þeirra þegar þeir tapa, eins og þeir gerðu 2016 og sennilega 2020 líka, en það á þó enn eftir að koma í ljós því Trump hefur enn ekki játað sig sigraðan og þar með ekki viðurkennt úrlistin sem flokkur Joe Bidens ætlar að byggja forsetatíð hans á

NIÐURLAG (sólarósamkomulagið)

Alþjóðavæðingin, þ.e. tilraunir elíta til heimsstjórnunar, berst um á sama dánarbeðinu og Evrópusambandið hefur verið fast á síðastliðin 35 ár. Pendúllinn hefur nú flutt á þann stað í sveiflunni að hann getur ekkert annað farið en til hægri, segir Pat. Kannt þú hægri stjórnmálamaður góður? Eða ertu kannski bara að bíða eftir að þér sé skammtað bóluefni frá Evrópusambandinu samkvæmt bænaskjali  – og "mátt því ekki vera að þessu"

Fyrri færsla

Gagnaveitur í Bandaríkjunum loka fyrir Facebook og Twitter [u]


mbl.is Hvíta húsið birtir ávarp frá Trump
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Gunnar Rögnvaldsson

fimmtudagur, 14. janúar 2021 kl. 16:33:37

Samkvæmt fréttum Washington Times ætlar Marjorie Taylor Greene nýkjörinn þingmaður Repúblikana frá Georgíu að leggja fram ákærur á hendur Joe Biden í fulltrúadeild bandaríska þingsins þann 21. janúar, eða á fyrsta degi Bidens sem forseta. Snúast ákærurnar um valdamisnotkun Joe Bidens sem varaforseta og fjölskyldu hans í málum sem tengjast Kína og Úkraínu.

Gunnar Rögnvaldsson, 14.1.2021 kl. 16:33

2 Smámynd: Gunnar Rögnvaldsson

fimmtudagur, 14. janúar 2021 kl. 17:17:20

Þetta gæti orðið athyglisvert mál, því engin sönnunargögn lágu til grundvallar svo kallaðri "Rússarannsókn" Demókrata á Donald J. Trump forseta. Aðeins sögusagnir og njósnir spilltra embættismanna Obama forseta, sem með rannsókninni voru að reyna að breiða yfir lögleysu Hillary Clinton í tölvupóstþjónsmáli hennar sem utanríkisráðherra, lágu þar til grundvallar. Tók þessi sirkus "Rússarannsóknarinnar" tvö ár og kostaði 40 milljón dali og ekkert fannst.

En í máli Joe Bidens er hinsvegar um áþreifanleg sönnunargögn að ræða í formi fartölvu sonar hans með samskiptum við kínverska aðila sem nú þegar hafa staðfest og gorta sig af því að vera þeir sem tóku á móti og sendu þá tölvupósta sem um er að ræða, þar sem til greina kemur að Biden hafði árum saman tekið prósentur af því sem sonur hans á að hafa verið að aðhafast í Kína og Úkraínu, og sem hann átti að hafa komið í kring með því að vera sonur Bidens sem varaforseta.

Þ.e. raunverulegir hlutir og raunverulegir málsaðilar hafa því þegar verið staðfestir. Fjölmiðlar og félagsmiðlar þeir sem bannað hafa Trump, reyndu að þagga Biden-málið niður í aðdraganda kosninganna.

Gunnar Rögnvaldsson, 14.1.2021 kl. 17:18

3 Smámynd: Gunnar Rögnvaldsson

fimmtudagur, 14. janúar 2021 kl. 17:57:15

Og nú þegar Demókratar hafa lækkað slánna, skilyrðin eða aðstæðurnar fyrir því að Bandaríkjaþing fjarlægi forseta þjóðarinnar úr embætti, með því reyna að nota 25. grein stjórnarskrárinnar til að fjarlægja Trump núna, en sem aldrei var hugsuð til að fjarlæga forseta sem kjósendur hefðu þegar fjarlægt úr embætti (þ.e. séu þær sannar og réttar), þá er aldrei að vita hvað gerist næst þar vestra.

Demókratar hafa lækkað alla þá staðla og varnagla sem koma áttu í veg fyrir að bandaríska þjóðin væri ekki við völd í landinu og hefði stjórn og hemil á þeim stjórnmálaelítum sem orðið hafa til í landinu, og sem greinilega þoldu ekki að réttkjörinn utanbæjarmaður settist á forsetastól, tæki til hendinni og sem dró tjöldin frá og opinberaði þá og fjölmiðla landsins sem þá litlu menn sem þeir hafa sannað sig að vera.

Við skulum öll muna hvernig aðförin að Geir H. Haarde spilaði sig út sem pólitískur misnotkunarfarsi og hefndarherför vinstrimanna hér á landi.

Gunnar Rögnvaldsson, 14.1.2021 kl. 17:57

4 identicon

Takk fyrir góðan pistil og þarfar athugasemdir.

Símon Pétur frá Hákoti (IP-tala skráð) 14.1.2021 kl. 19:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband