Ríkisstjórnin að smíða fallöxi á restina af ferðaþjónustunni?

VANVITAR?

- Halda mætti að afglapahátturinn innan ríkisstjórnarinnar sé vegna hagsmunatengsla ráðherra sjálfra og embættismanna inn í ferðaþjónustuna

Manni ofbýður heimska ráðamanna í sambandi við ferðaþjónustuna sem atvinnugrein. Þeir hafa gert hana að eins konar útgerðarfélagi í ætt við nektardansmeyjarekstur rússnesku ólígarkanna upp úr 1995

Íslensk ferðaþjónusta –samkvæmt eðli málsins um Ísland– á að vera alger aukabrúgrein og sem hagkerfið vel getur lifað án, já, en hún er fyrir vikið orðin lággildis fyrirbæri sem kostar orðið þjóðina meira en hún nokkru sinni mátti. Ekki nóg með það að greinin sé efnahagslega ein hættulegasta grein í heiminum í dag, þá hefur hún skrumskælt og vanskapað hagkerfið okkar á hinn versta veg

Allur bransinn sem heild er á hausnum eins og hann leggur sig, og það sem verra er, hann hefur alltaf verið því sem næst á hausnum og frekar tapað fé en að græðast það. Eiginfjárstaðan er núll og engir peningar eru til til að mæta áföllum og allra síst til fjárfestinga í niðurslitnu bambuskofadrasli sem lán voru tekin fyrir svo velta mætti fé en ekki græða það, þ.e. ferðaþjónustan er að mestu veltugrein með enga arðsemi

Öll lönd sem eiga eitthvað undir þessari atvinnugrein komið í dag, munu fara verst úr úr hamförunum núna og búa við hæsta atvinnuleysi um mörg ókomin ár (sjá nýja rannsókn BIS). Þessi lönd voru flest á hausnum fyrir og er ferðaþjónusta samnefnari fyrir þau. Hún er í senn bæði orsök og afleiðing fátæktar og fellibylja gjaldþrota næstum hvert einasta "normal" ár, fyrir utan hryllingsstöðuna núna og næstu árin

Mynd WSJ 8. maí 2020: Hrun í bókunum veitingageirans í nokkrum löndum í aðdraganda lokunar-aðgerða stjórnvalda. Það voru því ekki stjórnvöld sem lokuðu þessum bransa. Það voru kúnnarnir. Um engar náttúruhamfarir er að ræða, ekki frekar en þegar tilkoma internetsins og glóballarseríngin tók milljónir fyrirtækja af lífi um alla jörð

****

Staðreyndin er sú að í aðdraganda aðgerða stjórnvalda vegna Wuhanveiru-faraldursins í mars 2020, höfðu pantanir og sala á til dæmis veitingahúsum í mörgum löndum þegar hrunið um 50-90 prósent. Það þurfti ekki aðgerðir stjórnvalda til. Fólk kunni alveg að hugsa sjálft og það hætti því sjálft að koma

Mynd: WSJ-DS 18. maí 2020. Hvers hlakka Bandaríkjamenn mest til að geta gert þegar landið opnar

****

Það sem Bandaríkjamenn hafa saknað allra minnst og hlakka minnst til að gera þegar hagkerfið opnar á ný, eru utanlandsferðir. Aðeins 17 prósent landsmanna hlakka til þess að slíkar ferðir verði mögulegar. Á sama tíma hlakkar 40 prósent þjóðarinnar til að geta ferðast innanlands í sínu eigin landi. Svona er staðan líklega í flestum löndum. Fólk kann enn að hugsa sjálft

Meira að segja tapararnir Demókratar með Trump á heilanum trúa á landamæri og lokun þeirra núna, en það gerðu þeir ekki áður en kínverska Wuhanveiran skall á landi þeirra. Þá hötuðust þeir út í alla og allt sem hafði með landamæri þjóðríkja að gera og fólk að sunnan flæddi stjórnlaust inn í landið og ekkert mátti gera í því. Nú heimta þeir hins vegar að öllu sé haldið læstu og lokuðu til helst eilífðarnóns

En landamæri virka og það hafa þau alltaf gert, sé þeirra gætt. Þeirra vegna erum við þjóðin komin með næstum 100 prósent Wuhanveiru-öruggt umhverfi hér í okkar ríki og þjóðin er að endurheimta þjóðfrelsið til athafna í sínu eigin landi, eftir að hafa fært miklar fórnir. Þeim fórnum á ekki að kasta fyrir róða eins og að þær hafi ekkert kostað og séu einskis virði. Schengen virkar hins vegar ekki, og mun aldrei gera, eins og sást og sést enn

Ef að íslensk stjórnvöld ætla að opna fyrir erlenda ferðamenn til Íslands í sumar þá mun það þýða að Íslendingar halda sig heima við og kaupa ekki þessa þjónustu, því einnig þeir kunna að hugsa. Erlendir ferðamenn útiloka Íslendinga

Með því að opna fyrir erlenda ferðamenn sem næstum allir koma frá löndum sem ekkert hafa skimað fyrir veirunni miðað við Ísland, þá eru ráðamenn að hætta því sem Ísland getur ekki verið án, þ.e. flestum öðrum atvinnuvegum landsins, fyrir það sem þegar í ljós er komið að missa má sig og við getum vel verið án – og verðum þar að auki að geta verið án í framtíðinni miðað við furðutímana fyrir faraldur

Og fyrst við erum að þessu, þá var það fáránleg heimska að skattleggja ekki erlendu gæsirnar inn í helvíti á meðan þær voru hér. Nú sitja ráðamenn hins vegar tómhentir með burtflognar gæsir í loftsósu, gapandi upp í gnauðandi vindinn – plús atvinnubransa sem í heild aldrei græddi krónu

Hið strategíska efnahagslega þrotabú einkum ráðherra Sjálfstæðisflokksins í þessum efnum, getur varla verra orðið. Hið sama virðist gilda um geopólitíska staurblindu þess forystulausa flokks. Hún fer að jafnast á við staurblindu Samfylkingarflokkanna, þ.e. krataplágur

Fyrri færsla

NATO-afneitunardæmi Vinstri grænna nálgast landráð

Athugasemdir

[Jóhann Elíasson, 19.5.2020 kl. 06:32]

Margir hafa verið að hugsa þetta en þú ert sá fyrsti sem hefur kjark til að færa hugsanirnar fram á prenti.......

[Símon Pétur frá Hákoti (IP-tala skráð) 19.5.2020 kl. 07:57]

Takk fyrir pistilinn Gunnar.

Tek undir orð þín og Jóhanns.

Því miður er þessi ríkisstjórn ekki beysin.

Eiginlega alveg hryllilegt samansafn

fégráðugra fífla. 

Bóludrifinn massatúrismi með tilheyrandi böli

og hruni er vel þekkt og hann var

aleina hugmynd fíflanna um atvinnuuppbyggingu.

Jú, og gefa Nojurum íslensku fjöllin fyrir vindmyllur og fylla íslenska firði með norskum seiðum.  Stefna Sjálfstæðisflokksins?

Undarlegt hversu margir kjósa fégráðugu fíflin.

Hvað veldur?  Það þyrfti að greina.

[Gunnar Rögnvaldsson, 19.5.2020 kl. 08:44]

Þakka ykkur fyrir.

Manni er eiginlega farið að sárna að Sambandið gamla skyldi hafa verið látið rúlla á hausinn, nú þegar stjórnmálamenn gera næstum ekki annað en að synda björgunarsund með ferðaþjónustuna til að koma henni yfir á herðaþjónustu skattgreiðenda.

Sambandið var veltufyrirtæki eins og ferðaþjónustan. Það velti fé, en arðsemin var hins vegar næstum engin. 

En flest var þó betra við Sambandið en við ferðaþjónustuna. Sambandið var þjóðhollt á meðan ferðaþjónustan er óþjóðholl og lifir á innfluttum þrælum, sem nú hanga sem steypuklossar um hálsa skattgreiðenda.

Ég kýs því gamla Sambandið alla daga fram yfir tapsgefandi og láglauna ferðaþjónustuna.

PS: Ég vona að þið hafið lesið pistil Styrmis Gunnarssonar í dag, um helferð Sjálfstæðisflokksins með fullveldi okkar í orkumálum á öskuhaugana. Enn ein helferðaþjónusta xD-forystunnar og VaffGé kommanna.

Kveðjur

[Símon Pétur frá Hákoti (IP-tala skráð) 19.5.2020 kl. 09:10]

Það er vert að hafa í huga við lestur pistils Styrmis að aðeins einn flokkur barðist

af afli gegn innleiðingu 3. orkupakka EES/ESB.

Það var Miðflokkurinn.

Hann hefði því mátt nefna Miðflokkinn.

Nú sjáum við æ betur hvílíkir skíthælar þingmenn Sjálfstæðisflokksins eru.  Nú þegar þeir makka með Nojurum um fullveldisafsal Íslands, sjálfum sér til gróða.

Við munum enn þegar Gulli og Bjarni fengu norsku utanríkiskéllinguna til að koma hingað og setja pressu á þingið að samþykkja 3. Orkupakkann. 

[Gunnar Rögnvaldsson, 19.5.2020 kl. 09:18]

Sambandið (SÍS) var að mörgu leyti framtíðarlítandi og öflugt fyrirtæki. Ég hugsa að því hefði til dæmis getað dottið í hug að stofna hér "Pure-Play" örflögu- og örgjörva fabrikku eins og þeim á Taívan datt í hug til dæmis með stofnun TSMC 1987 sem finnur ekkert upp og hannar ekki, heldur bara framleiðir örflögur og örgjörva samkvæmt pöntunum. Er kompónent framleiðandi og sá stærsti slíkur í heiminum.

Trump var á föstudaginn að banna non-US framleiðendum sem nota bandaríska tækni og chip-hönnun við framleiðslu örflaga og örgjörva að selja framleiðsluna áfram til fyrirtækja á borð við Húkavé í Kína, nema að sótt hafi verið um leyfi og það fengist hjá bandarískum stjórnvöldum.

Taívan (TSMC) hefur því hætt við allar pantanir frá Húkavéum og valið Bandaríkin í staðinn. Hafa þar með valið Kína frá. 

Af hverju tökum við ekki upp stjórnmálasambandi við Taívan og lokum stjórnmálasambandinu við Kína og lokum sendiráði þeirra hér niður?

Taívan er lýðræðisríki. Kína er hins vegar einræðisríki sem rekur gúlag-fangabúðakerfi og fangelsar þá sem reyna að hafa aðrar stjórnmálaskoðanir en Kommúnistaflokkurinn leyfir, og það lætur það fólk hverfa eða stingur því fólki inn sem varar við hættulegum smitsjúkdómum.

Ég skil ekki af hverju við erum í stjórnmálasambandi við svona ríki, þegar annað og betra býðst eins og til dæmis Taívan, sem reyndar er eina ekta Kínverska lýðveldið.

[Símon Pétur frá Hákoti (IP-tala skráð) 19.5.2020 kl. 09:37]

Glöggur ertu Gunnar.

Þetta er hárrétt athugað hjá þér.

Stórmerkilegt að þingið vilji fremur stjórnmálasamband við alræðisríki en lýðræðisríki.

Hvað veldur?  Er það Belti og braut kommanna í Valhöll sem ræður því að þeir velja sér alræðisríki kommanna?  Fjárfesting Bjarna?

Hvað útskýrir það að Sjálfstæðisflokkurinn notar VG sem skjöld fyrir eigin, að því gleggst verður séð, andúð á Bandaríkjunum og NATO?

[Símon Pétur frá Hákoti (IP-tala skráð) 19.5.2020 kl. 10:26]

Björn Bjarnason, náfrændi Bjarna bankamanns í Kína, mærir núna VG Kola-Kötu fyrir "skýr svör" varðandi ósk NATO og Bandaríkjanna um uppbyggingu í Helguvík.

Pistil Björns, skýrslugerðarmanns Gulla og Bjarna um EES/ESB, er öllu þokkalega vel gefnu fólki að öllu leyti algjörlega óskiljanlegur, nema að tilgangurinn virðist helst vera að mæra VG Kola-Kötu og hreyta ónotum í Miðflokkinn.

Björn minnist hins vegar ekkert á afstöðu eigin flokks. Skrýtið? 

Nei, varla þegar hafður er í huga refsháttur og flækjufótarháttur ValhallarVGkommanna.

[Gunnar Rögnvaldsson, 19.5.2020 kl. 10:47]

Verð að játa að ég get varla lesið furðuheim Björns Bjarna lengur. Því miður.

Kína

Kínverska Wuhan-veiran hefur nú stungið sér á ný niður í Kína (hún fór náttúrlega ekki neitt nema í svokölluðum "fjölmiðlum" Kommúnistaflokksins).

Í þetta sinn leka út fréttir um nýjan faraldur í norðaustur landamærahéruðum Kínverska kommúnistaríkisins og að meira en hundrað milljónir manna séu læstar þar inni núna.

Enginn í WHO-sakmundunni þorði að spyrja Xi formanninn um neitt í sambandi við þetta þegar hann ávarpaði leiguliða sína í WHO-samsteypunni í gær.

WHO

Donald Trump sagði rétt í þessu að Bandaríkin myndu fyrir fullt og allt hætta fjármögnun WHO (Alþjóða-heilbrigðisstofnunarinnar) nema að breytingar á henni verði gerðar innan næstu 30 daga. Krafan um breytingar er sú að WHO hætti að vera í vösum einræðisherra-Kína og áhangenda þess.

[Gunnar Rögnvaldsson, 19.5.2020 kl. 21:17]

Kannski að tölvunartækni-tiltök Bandaríkjastjórnar (sjá hér fyrir ofan) leysi vandamálið með innreið Húkavéafyrirtækis Kínverska kommúnistaflokksins inn í 5G-innviði annarra landa.

Nú fer þessi staða að líkjast því sem var gagnvart Sovétríkjunum. Það er, þegar að Robotron í Dresden í Austur-Þýskalandi undir stjórn Vladímírs Pútíns stöðvarstjóra KGB, vann við að smygla vestrænni tölvunartækni inn fyrir járntjaldið til að rífa hana svo þar í sundur til að reyna að herma eftir með e. "reverse engineering".

En þegar bandaríska tölvunartæknin fór að taka hástökk á milli hvers einasta árs í þróun og hraða þá datt Robotorn af vagninum og Sovétblokkin lenti fljótlega öll eins og hún lagði sig aftur úr á tölvunarsteinöld.

Kommúnistaríki geta aldrei keppt við vöðvabúnt frelsisins.