Leita í fréttum mbl.is

Hér væri hagvöxtur ef hreppspólitík Reykjavíkur nyti ekki við

NEI TAKK: SVEIT Í SVEITARFÉLAGI ÁN SVEITA

Ef samrunamenn fara ekki að taka sig saman innan í sjálfum sér, þá munu þeir halda áfram að renna saman og verða að engu innan í svarholi sjálfs sín. Samrunamenn eru eins og svartur hundur sem byrjaði á skottinu á sjálfum sér og át sig þar til að hann hvarf

Það er vægast um geimveruleka að ræða þegar þannig hundar halda því fram að sameina eigi til dæmis hátt í heilan landsfjórðung í einu sveitafélagi; þannig að algjörlega sé yppt öxlum yfir tilvistarlegum hornsteinum íslenskrar búsetu og byggða; þ.e. að horft sé algerlega fram hjá sveitinni sjálfri og sveitunum eins og þær hafa lagt sig í landinu í þúsund ár. Sveit er sveitarfélag Íslendinga frá upphafi og Íslendingar eru frá upphafi ekki samrunamenn. Þess vegna erum við hér, en ekki þar. Sveit án sveitarfélags er ekki lengur sveit, frekar en sveitarfélag er sveitarfélag án sveita. Þá er allt frá sveitinni tekið sem gerir hana að sveit og hún breytist í ekkert, og fólk flosnar upp og flýr þangað sem félag sveitunga er að finna. Hvernig dettur manni eins og Sigurði Inga í Framsókn svona algjör brusselsk þvæla í hug. Hvernig í ósköpunum getur svona mikil og súr óborgarabikkja komið frá þeim flokki. Hefur hann étið sjálfan sig?

Það er ekki að ástæðulausu að Miðflokkurinn er Miðflokkurinn því hann er sjálf miðin, bæði til sjávar og sveita. Hann er sjávarmiðin og landsmiðin, á meðan Framsókn og Sjálfstæðisflokkur eru orðin flokksviðrini sem svikið hafa sig báða og bía hvorn annan í sameiginlegt hel. Miðflokkurinn hefur því tekið mið af þeim tveimur og miðar þeim því niður, en honum ekki. Honum miðar upp. Hann er ekki miðaflokkur eins og Framsóknar- og Ósjálfstæðisflokkur eru orðnir happdrættismiðaflokkar; þar sem vinningur kjósenda er aldrei greiddur út, heldur bara endursameinaður þeim flokkum báðum. Trunt trunt og trunt; þannig hljóma þeir tveir flokkar á för sinni, og miðar ekki upp, heldur bara niður

UM BIKKJUZTAN

Bikkjuztan Reykjavíkurhrepps er hins vegar orðin það tröllvaxið og stórt, að örfáir kjánar þar eru komnir með völd til að taka heilt land niður. Til að taka Ísland niður. Þetta verður að stöðva og splitta Reykjavíkurborg upp í minni sveitarfélög. Þetta gengur ekki lengur. Væru þessir örfáir posh-kjánar sem þar eru með öll völd, ekki með þau völd, þá væri hagvöxtur sterkur á Íslandi í dag, því að mikill massi fólks í landinu gæti þá komist til vinnu, passað sitt fé og ræktað túnin í fyrirtækjum landsins og hagnast vel. Þetta fólk í svo kölluðum "úthverfum" sem posh-kjánarnir í miðbæ Reykjavíkurhrepps þola ekki, gæti þá annað hvort rekið sín eigin sveitarfélög eða sameinast þeim sem hugsa eins. Til dæmis Mosfellsbær og flest fyrir ofan Ártúnsbrekkualpana, sem miðbæjar posh-kommarnir komast ekki yfir, því þeir ganga um heiminn á gorgonsólum

Þessi gætu sameinast í nýju sveitarfélagi ef þau vilja, og lagt harðbraut sín á milli, og til Kef, og til Árborgar. Hraðbraut með ótakmörkuðum hámarkshraða í stað hins ótakmarkaða lágmarshraða sem kvarnirnar snúast á í hreppsstjórnhöfðum hins úr sér vaxna Reykjavíkurhrepps. Þá þyrfti enginn í þeim sveitum að koma til Reykjavíkurhrepps, nema af þeim fúsa og frjálsa óvilja sem sjálfspyntingar snúast ætið um

Það er ekki nógu gott að eitt vanskapað sveitarfélag á borð við Reykjavík geti haldið heilu landi í gíslingu, nú þegar hurðaskellatímar þess hrepps eru liðnir. Þetta hljóta menn að sjá. Þeir hljóta að sjá að setja verður hámark á stærð sveitafélaga. Að þau verði aldrei það stór að þau hætti að vera sveit. Að þjóðaröryggi í hreppamálum verði tryggt, þannig að allt landið og fólkið í því verði ekki sveitarlaust, eins og gerðist síðast um daginn á landsvísu, og á heimsvísu 2008. Sveitin mín góða er það sem allt snýst um, hefur alltaf gert og mun alltaf gera

Það er gott að lesa grein Guðmundar Oddssonar kennara og skólastjóra úr mínum gamla Víghólaskóla í Morgunblaðinu í dag. Hún er um PÍSA-þvælu hins vonlausa og skattfrjálsa OPEC-kartels OECD, og svo um það að flestir foreldrar skuli halda að þeir geti stjórnað skóla, einungis vegna þess að þeir sjálfir voru nemendur þar. Meira af svona vígum Guðmundur. Gott hjá þér; þú kannt enn

Ég bið og vona að Ísland verði aldrei í fremstu röð kjána

Fyrri færsla

NS2 og Þýskaland-fyrst-stefna þýskra stjórnvalda í ESB


« Síðasta færsla | Næsta færsla »

Athugasemdir

1 Smámynd: Helga Kristjánsdóttir

Sæll Gunnar,Guðmundur kann veit og skilur rétt eins og mömmur,ég þykist vita allt um það. Hann valdi að stjórna skólastarfi Þinghólsskóla nokkur skref frá heimilu minu.

Helga Kristjánsdóttir, 27.12.2019 kl. 10:12

2 identicon

Hugsaðu þér Gunnar, að m.a.s. Styrmir Gunnarsson er svo skyni skroppinn að hann hefur viðrað þá hugmynd að breyta Íslandi í eitt sveitarfélag, Höfuðborgarsvæðið.  Reyndar orðaði hann þetta þannig að sveitarfélögin á höfuðborgarsvæðinu öllu sameinuðust.  Borgríkið réði þar með öllu, en það nefndi hann ekki.

Ég gjörsamlega skil ekki þessa andskota okkar sveita og hreppamanna.  Þeir vilja eyða öllu sem áður einkenndi Ísland, blómlegar byggðir sjávar og verslunarbæja sveita og sýslna.  Markvisst vilja þeir eyða því öllu.  Ég átta mig æ betur á því að Styrmir er t.d. ekki, alls ekki þjóðlegur íhaldsmaður.  Og mér þykir það leitt að hafa uppgötvað það af lestri bloggpistla hans.

Símon Pétur frá Hákoti (IP-tala skráð) 27.12.2019 kl. 10:21

3 Smámynd: Gunnar Rögnvaldsson

Þakka þér fyrir Helga.

Gaman að heyra. Við þekkjum þá bæði til í sömu sveit.

Nú ætti Kópavogur að reisa nýja Perlu efst á Rjúpnahæðum svo hún geti vísað blindum veginn.

Kveðjur.

Gunnar Rögnvaldsson, 27.12.2019 kl. 11:07

4 Smámynd: Gunnar Rögnvaldsson

Þakka þér fyrir Símon Pétur.

Neyðist til að taka undir með þér. Því miður. Og ég undrast sífellt meira  og meira.

Hvar endar þessi kratakompa, spyr maður sig. En það er víst að verða nokkuð ljóst, er það ekki.

Kveðjur

Gunnar Rögnvaldsson, 27.12.2019 kl. 11:08

5 Smámynd: Helga Kristjánsdóttir

Einkennilegur kækur að apa allt eftir öðrum bæjum/borgum Evrópu. Það verður svo klúðurslegt og óaðlandi,ekki síst í augum "alvöru" ferðamanna.En kannski laðar þetta gamlar hetjur eins og Roy Kean sem skrapp á Írska barinn fyrir jól með vinkonu sinni. 

Helga Kristjánsdóttir, 27.12.2019 kl. 11:30

6 Smámynd: Helga Kristjánsdóttir

Já drengur minn,en ég var með þessa færslu í smíðum meðan síminn hringdi,þess vegna kom hún svona seint. - Mb Kv.

Helga Kristjánsdóttir, 27.12.2019 kl. 11:36

7 identicon

Já, við undrumst stórlega.

Ekki að furða að Björn Bjarnason gleðjist nú mjög

svo sem ESB orkupakkapistill hans ber vitni. 

Ættarvitinn ræður nú alveg yfir Markaði

Moggans og Styrmi.  Kannski ritstjóranum einnig?

Ritstjórinn þegir alla vega núna

og Björn hæðist að honum og Styrmi.

Er það þannig sem Davíð sættir sig við

meðan sjálfstæði byggða Íslands er nítt niður?

Já, við undrumst stórlega Gunnar.

Símon Pétur frá Hákoti (IP-tala skráð) 27.12.2019 kl. 11:47

8 identicon

Ég hef verið með þá hugmynd að Reykjavík væri bara 101 rest myndi sameinast moso eða jafnvel kópavogi sem gæti svo aftur sameinast.

Það þarf amk. 2 sveitafélög á höfuðborgarsvæðinu, bara til að fá smá samkeppni, fyrir utan að ég vil ekki búa í Reykjavík.

emil (IP-tala skráð) 27.12.2019 kl. 12:17

9 Smámynd: Jón Steinar Ragnarsson

Svona utan efnis og þó ekki, þá verð ég að deila með þér að ég hló upphátt í fyrsta sinn síðan apaugstofan var og hét, þegar ég kíkti á ddruv. Heimóttaskapurinn og hallærislegheitin þar undirstrika fásinnið og búraskapinn í þessu litla landi. Þar var dreginn til álits maður sem fenginn er til að hafa opinbera skoðun á öllu milli himins og jarðar. Frá svínaflensu til gjaldeyrismála í úsbekistan. Hann er aldrei nefndur nema að nafn hans kemur stundum fyrir í tedta í horni skjásins. Sagt er: " Stjórnmálafræðingur segir..." eða "Að sögn stjórnmálafræðings..." og svo er viðtal við mann með skoðun, sem vill til að er sami maðurinn í flestum tilfellum. Allir vita nafn hans þótt hann sé ekki nefndur. Gráðan hans veitir privatskoðunum hans meiri dýpt. Maðurinn er jú Eiríkur Bergmann.

Hvers vegna þeir hóa í hann frá Bifröst nánast daglega til að hafa skoðun á öllu svo ddruv þurfi ekki að brjóta hlutleysið með að útlista nákvæmlega þá skoðun, er mér  hulið. Hvers vegna er hann ekki fastráðinn til stofnunarinnar til að viðra skoðun sína á öllu? Jafnvel veðrinu. Skoðanir sem spanna völl útyfir gufuhvolf jarðar og þaðan fjær.

Vona að fleiri séu komnir á það stig að bresta einlæglega í hlátur yfir þessu.

Jón Steinar Ragnarsson, 27.12.2019 kl. 17:20

10 Smámynd: Jón Steinar Ragnarsson

Ég legg til að stjórnmálafræðingurinn fái sér þátt í lok frétta þar sem hann tekur viðtal við sjálfan sig eins og Ómar Ragnarsson gerði á skemmtunum þegar trúðssól hans skein sem skærast. Þannig gæti þjóðin jafvel sloppið við að burðast með eigin skoðaninir á öllum sköpuðum hlutum.

Jón Steinar Ragnarsson, 27.12.2019 kl. 17:25

11 Smámynd: Gunnar Rögnvaldsson

Þakka þér aftur Símon Pétur

Já Björn er á sömu slóðum og þeir í Bretlandi sem gengu í lið ESB-setuliðsins undir hinu og þessa yfirskininu um að viðskipti X eða Y séu í hættu ef sagt er nei við Imperíal-Evrópusambandið; einn keisari, eitt fólk, eitt ríki, einn markaður. Þetta er mjög svo slæmt merki fyrir Sjálfstæðisflokkinn að fá saumað fast á sig. Enda ekki undarlegt að Miðflokkurinn sé að nálgast hann í fylgi meðal kjósenda.

Kveðjur

Gunnar Rögnvaldsson, 27.12.2019 kl. 18:58

12 Smámynd: Gunnar Rögnvaldsson

Þakka þér Emil.

Já það er einmitt samkeppni sem þarf að ýta undir með því að löggefa um að sveitarfélag sem kemst ekki lengur yfir sveitina sína, sé minnkað með lögum. Þessi gíslataka þarf að hætta. Og sjáið einnig peningaausturinn í þessu bremsuklossabákni.

Kveðja

Gunnar Rögnvaldsson, 27.12.2019 kl. 19:00

13 Smámynd: Gunnar Rögnvaldsson

Þakka þér fyrir Jón Steinar.

Í stað altaris SKULDATRYGGINGAÁLAGSINS hefur DDRÚV staflað saman nýju altari sem tilbeiðið er hvern einasta ríkisrekna helvítisdag þess bákns. Páfinn þar núna heitir STJÓRNMÁLAFRÆÐINGUR. Eins og það fólk viti eitthvað meira um neitt sérstakt en stjórnmálamenn.

Svona stofnun verður aðeins til í Austur-Berlínum Reykjavíkurborga. Hún er sjálfdauð, því borgararnir styðja ekki lengur við tilvist svona sértrúarsafnaðar með sogrörið steypt fast ofan í ríkissjóð landsmanna.

Kveðjur 

Gunnar Rögnvaldsson, 27.12.2019 kl. 19:01

14 identicon

Litlir bæir, kaupstaðir sem og kauptún, hreppar og sveitir, réðu við öll þau verkefni sem hvert um sig þurfti að sinna fyrir íbúa sína.  Rafvæddu að auki hvert um sig landið allt.

Einungis ESB sinnar - ásamt laumu ESB sinnum - vilja múlbinda sjálfstæði smærri byggða með kratískum og brusselskum reglugerðum og pökkum.  Allt í nafni hagræðingar andskotans, en ekki þess sem byggðum og sveitum landsins dugðu best af sjálfstæði og heilbrigðri skynsemi þeirra einni saman.  Allt var byggt upp og það var land sjálfstæðisstefnu hins þjóðlega íhalds kristinna gilda og þjóðarvitundar.  Með einn sið og ein lög og stjórnarskrá íslenska lýðveldisins sem haldin var í heiðri og ekki vanvirt og nídd niður af leppum ESB sinna og laumu-ESB sinna.

Mæli svo með pistli Ómars Geirssonar um það hvernig hið frjálsa flæði leggur byggðirnar í rúst ... og það fyrir tilstyrk núverandi ríkisstjórnarflokka.

Ég er þakklátur ykkur báðum Gunnar, þér og Ómari, fyrir dug ykkar að benda á nekt og svik núverandi ríkisstjórnarflokka, brusselsku krata nómenklatúrnnar, hirðar tossabandalagsins vanhelga. 

Símon Pétur frá Hákoti (IP-tala skráð) 27.12.2019 kl. 20:57

15 identicon

Meðfylgjandi er vefslóðin á þann pistil Ómars

sem ég vísaði til hér í fyrri athugasemd: 

https://omargeirsson.blog.is/blog/omargeirsson/entry/2243951/

Símon Pétur frá Hákoti (IP-tala skráð) 27.12.2019 kl. 22:01

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband