Boris: "Hart Brexit" tryggt með nýjum lögum

Þeir sem reyndu að eyðileggja breska þjóðaratkvæðið um útgöngu Bretlands af lögsögu Evrópusambandsins, fá útborgað á næstu dögum. Útborgunin til þeirra verður svo kallað "hart Brexit"

Bretland mun yfirgefa Evrópusambandið þann 31. janúar næst komandi og þar með hefja eins árs úrsagnar- og aðlögunarferli

EN, ríkisstjórn Borisar Johnsons ætlar á næstu dögum að setja það í lög að óheimilt sé að aðlögunartímabilinu sem þarna verður málsaðilanna á milli sé framlengt [ það er að segja að þessu aðlögunartímabili milli Stóra-Bretlands og nú 27 landa Evrópusambandsins og sem varir fram til 31. desember 2020, með "fyrirvara" um að fram til 1. júlí á sama ári sé mögulegt að semja um "framlengingu aðlögunartímabilsins", náist samkomulag ekki um öll útgöngumál fyrir þann tíma, eða að (og hér kemur það) að útlit sé fyrir að samkomulag náist ekki í tæka tíð ]

Ný löggjöf ríkisstjórnar Johnsons og þar með mikils meirihluta þingsins, mun banna slíka framlengingu, enda var hún upphugsuð af svikahröppum í hans eigin flokki og stjórnarandstöðunni sem vildu koma í veg fyrir útgönguna, með því að eyðileggja samningsaðstöðu lands síns og þar með halda því sem einskonar gísl þar til rétta tækifærið byðist til að kjósa aftur um sama hlutinn með aðstoð þjóðfjandsamlegra fjölmiðla á borð við BBC og annarra gáfumennafyrirbæra á sviði vitsmunaglæfra

Þarna tryggir Johnson það að Bretland yfirgefi loksins Evrópusambandið og komi ekki aftur nálægt því svo lengi sem það er á lífi, og sérstaklega, taki ekki þátt í hrundansi þess

Að ári liðnu mun Bretland því ekki vera bundið af neinum lögum og reglum Evrópusambandsins. Svo gott sem engir tollar eru á flestum vörum milli landa, nema á sumum matvælum og ökutækjum. Í heildina litið er meðaltal tolla svo lágt að þeir skipta ekki máli og algjört afnám þeirra myndi heldur ekki skipta máli fyrir Bretland. Hins vegar eru það óbeinir tollar (gjöld) og reglugerðir (fargan) sem skipta máli og þeim EES-hryllingi ætlar Bretland sér ekki að vera bundið af eins og Ísland. Þess vegna mun Bretland fara hreint og allsgáð út úr Evrópusambandinu og ekki koma nálægt neinni ESB-löggjöf á borð við til dæmis vinnumarkað, vinnuafl, laun og umhverfismál. Bless

Það eina sem samið verður um fram til 1. júlí 2020 er smápakki um tollgæslu aðilanna á milli. Og fari ESB ekki að vilja Bretlands í þeim efnum þá er það verst fyrir það sjálft, en ekki fyrir Bretland, því heimurinn er stór. Engin ástæða er fyrir Bretland að lúta neinum þeim reglum á sviði vinnulöggjafar og umhverfismála sem Brusselveldinu hentar. Enda var því óveldi aldrei ætlað að breiða sig yfir þau málefni þjóðanna

Áttatíu þingmanna meiri hluti er áttatíu þingmanna meirihluti. Þeir sem sviku landið sitt fá hér með loksins útborgað. Þeir fá ekkert, nema stóra skömm á stærstu spjöldum sögunnar

Sem sagt: "hart Brexit" í síðasta lagi eftir eitt ár. Það verður auðvitað mjög hart fyrir ESB-lönd og svo einnig EES-lönd á borð við Ísland, að horfa upp á það. Einmitt þess vegna er brexit Breta kallað hart. Það verður ákaflega hart fyrir þau lönd sem eftir sitja, að þurfa að dúsa áfram í meginlandsmusteri ESB-helvítis

En það er refsing sem líkja má við það að dúsa árum saman í fangaklefa sem gerður er úr rafhlöðum eins og þeim sem eru í rafbílum. Fyrst fer heilinn, svo hverfur frjósemin og á endanum blæðir manni út, því hjarta og æðakerfi falla í sundur. Þannig virkar of náin snerting við vitsmunaglæfra góða fólksins. Þegar á reynir er það fólk nefnilega ekki gott. Það er vont, eins og þeir sem bjuggu fangavistvænt sovétríkið til

Fyrri færsla

Að minnsta kosti næstu 10 ár Stóra-Bretlands verða í nafni Borisar Johnsons

Athugasemdir

[Símon Pétur frá Hákoti (IP-tala skráð) 17.12.2019 kl. 14:20]

Það er mun meiri pungur undir Boris en ég hugði.

Það er vel.

En þeim mun meira verður áberandi drusluháttur

dræsanna í Valhöll.

Og reyndar er algjör flatneskja undir þeim pútum

og það svo sem pútna er.

[Gunnar Rögnvaldsson, 17.12.2019 kl. 19:33]

Þakka þér Símon Pétur.

Já, mjög margir vanmátu og vanmeta enn Boris Johnson. Það gilti raunar einnig um Winston á sínum tíma.

Og það sama gildir um Trump. Þar er vanmatið svo krónískt að það er orðið stofnanavæddur bjánaskapur.

Tek heilshugar undir bókun þína um Bjarna bókara og Metoo kóið hans. Það fólk trúir hverju sem er hvenær sem er. 

Kveðjur

[Valdimar Samúelsson, 17.12.2019 kl. 20:26]

Góð Grein Gunnar. Í dag hefir komið greinilega í ljós hverjir hinir illu eru í hinum vestræna  heimi. Við verðum að losa okkur undan bæði ESB og SÞ en þar er spillingin svo gífurleg hvað þá stefnan. Stefna sem þeir kalla umhverfisvernd er algjör helstefna en takir þú CO2 þá er eins gott að grafa sig í fönn bíða síns tíma. Í dag geta róbótarnir murkað mannkyninu svo gjörsamlega. Þeir orðið framleiða sig sjálfir.

Litlu vélrænu móskatófurnar og allt eitrið. Maður þarf ekki einusinni að lesa vísindaskáldsögu til að sjá þetta en ekki allir skilja svona segja bara gaman gaman og sniðugt. Það verður dómsdagur er Trump og Boris ná ekki að snúa þessu við. :-) Svart sýnn naaa..     

[Gunnar Rögnvaldsson, 17.12.2019 kl. 20:40]

Jeff Van Drew þingmaður Demókrataflokksins í New Jersey tilkynnti í gær að hann ætli að flytja sig yfir til Repúblikanaflokksins sem þingmaður í fulltrúadeildinni. Segist ekki taka þátt í ofsóknarsirkus Demókrata gegn Trump forseta.

Brynjar Níelsson ætti að gera það sama. Koma sér yfir í Miðflokk íslenskra þjóðaríhaldsmana. Hann er að verða eins og kramið krækiber í miðstjórnarhelvíti Grétu-ríkisstjórnar Lennonbergs kommúnista og glóbalista Plebbahallar.

Hmpf! 

[Gunnar Rögnvaldsson, 17.12.2019 kl. 20:41]

Þakka þér fyrir Valdimar.

Amen!

Kveðjur

[Eggert Guðmundsson, 18.12.2019 kl. 19:34]

Það er einungis tímaspursmál hvenær Brynjar yfirgefur flokksforustuna í Sjálfstæðisflokknum. Ég held að fleiri séu að kafna í flokknum vegna CO2 mengunartals, enda hafa þeir smá skilsemi í farteskinu.

[Símon Pétur frá Hákoti (IP-tala skráð) 18.12.2019 kl. 22:11]

Ég fagna því að lesa þau skrif blaðamannsins og sagnfræðingsins Guðmundar Magnússonar á fésbók að fyrrum ritstjóri og skáldið Matthías Johannessen hafi nú sagt sig úr Sjálfstæðisflokknum.

Mannsbragur væri af Styrmi og Davíð að gjöra nú slíkt hið sama,

eða óttast þeir svo mjög ættarvitana að þeir þori því ekki?

[Símon Pétur frá Hákoti (IP-tala skráð) 18.12.2019 kl. 22:34]

Guðmundur segir svo á fésbókinni, orðrétt:

"Mér er sagt að Matthías Johannessen, skáld og fyrrverandi ritstjóri, hafi á dögunum gert sér ferð í Valhöll og sagt sig  úr Sjálfstæðisflokknum. Hvað sem mönnum kann að finnast um flokkinn held ég að þetta sé slæmur missir fyrir hann. Í mínum huga hefur Matthías alltaf verið fulltrúi fyrir borgaralega víðsýni og menningarlegan metnað. Flokkurinn er fátækari að þessu leyti án Matthíasar svo ekki sé nú minnst á hinn sögulega þráð; höfundur ævisögu Ólafs Thors, náinn vinur og ráðgjafi Bjarna Benediktssonar eldri og Jóhanns Hafsteins, samstarfsmaður Geirs Hallgrímssonar og lærifaðir sumra arftaka þeirra."