Loftárás klerkaveldis Írans á orku - Hong Kong

ÍRAN OG ORKAN

Evrópa sem á mikið undir olíu frá Miðausturlöndum komið, er að sjálfsögðu að undirbúa svar við loftárásum Írans á olíuverk Sádi-Arabíu. Eða heldur kannski einhver strákústkjaftandi esb-kratinn það? Nei, Evrópa er háð velvilja Bandaríkjanna í þeim efnum

Rússneski Pútín-kommizarinn sem rétt í þessu kominn er með sitt eigið litla Tjernóbyl á sínar eigin hendur, nuddar nú lófunum saman vegna tilvonandi verðhækkana á olíu, en sem hins vegar munu ekki koma. Bandaríkin, sem orðin eru yfirþyrmandi stærsti olíuframleiðandi heimsins, hafa fyllt allar allar þær holur sem OPEC-ríkin og Rússland hafa reynt að mynda með kartel-samráði sínu til að halda verðinu uppi. Og það sem meira er; það fall í framleiðslu sem verður vegna árásarinnar um helgina, kemur einungis í stað þeirrar takmörkunar sem OPEC-ríkin með Rússland í bandi höfðu á prjónunum

Vestur-Texas Premian-menn höfðu rétt í þessu sökkt fjögur þúsund brunnum ofan í sökkul svæðisins þar vestra. Aðeins var beðið eftir startskotinu og það kom um helgina. Og nú þarf ekki lengur að bíða og markaðsbúa við flöskuhálsa á leið þeirrar olíu á markað, því þeir innviðir eru nú þegar komnir í gagnið. WTI og Brent verðin munu því fylgjast að. Flöskuhálsaverðmunurinn kemur ekki aftur. Þessi staðreynd hefur nú þegar rifið tennurnar úr þeirri 20 prósent árásar-verðhækkun sem varð um helgina og á mánudag. Hún er komin niður í 4-5 dali. Og olíuverð núna er því að nálgast það lægsta sem verið hefur í sögu mannkyns, miðað við kaupmátt. Aðeins árið 1998, þar sem norski forsætisráðherrann var lagður-inn með taugaáfall, er á svipuðu róli, eða um það bil 1,6 til 1,8 prósent af ráðstöfunartekjum bandarískra heimila, sem eru ekki skattpínd til helvítis af hinu opinbera sogröri sósíalismans ofan í næstum hvað sem er, eins og hér heima hjá EES-krataflokki xD og komma. Það þarf 110 dala verð á tunnuna til éta upp þrjú prósent af ráðstöfunartekjum bandarískra heimila. Verið á skrifandi stund er 58,9 dalir fatið, miðað við 54,8 fyrir helgi

Land hinna frjálsu í vestri mun aldrei ganga í EvrAsíu-knúið verð-kartel. Heimilin ættu því að hneigja sig í vestur og fara með MAGA-bæn fyrir þjóðfrelsinu. Mín skoðun er sú að lítið verði aðhafst, eins og er, til að svara árás klerkaveldis Írans, sem er sú þriðja í röðinni síðan í maí, nema þá kannski í Líbanon, þar sem hægt væri að þurrka Hezbollah þeirra út núna. Hafnbann á Íran er of flókið á þessum stað og huga verður að því eldfima ástandi sem nú ríkir milli tveggja helstu hreyfinga hins íslamíska heims, þar sem tvö bandalög hafa myndast gegn hvort öðru. Þar sem Sunnimúslímar óttast Íran meira en allt annað og eru í óformlegu bandalagi með Ísraelsmönnum og Bandaríkjunum, gegn Íran og gervihnöttum þess í Miðausturlöndum. Lengra en á síður fölnandi fjölmiðla nær meint andúð meðal múslíma á Ísraelsríki ekki. Loftárásin sýnir glöggt örvæntingu klerkaveldis Írans, og að efnahagsaðgerðir Bandaríkjanna bíta vel

Skyldi eitthvert viðskiptaútópískt viðrini í forystu og þingflokki Sjálfstæðisflokksins halda að einhvern tíma í sögu mannkyns muni ríkja frjáls verðmyndun í lífsnauðsynlegum orkugeira jarðar, þá get ég upplýst viðkomandi um að hann standi uppréttur í dag vegna þess að svo er ekki. Þar eru það aðrir kraftar en klofsjúkir markaðs-kratar á borð við þá sjálfa sem ráða ferðinni. Kraftar sem þú annað hvort stendur með eða á móti. Sért þú með, en ekki á móti, þeim kröftum sem tryggja þér frelsi í þeim efnum, þá kýst þú ekki orkusjálfstæðið undan þjóð þinni. Svo einfalt er það. Sama lögmál gildir núna og á 700 ára tímabili nýlendukúgunar erlends valds yfir Íslendingum, með aðstoð innlendra þjóðsvikara. Annað hvort stendur þú með Íslandi eða ekki. Allir þingmenn Sjálfstæðisflokksins, nema einn, kusu að standa ekki með nýstofnuðu lýðveldi okkar Íslendinga. Þeir eiga hina mestu fyrirlitningu þjóðarinnar verðskuldaða. Þriðja hönd alræðisaflanna hefur á þeim hreðjatak

HONG KONG

Kínverski Kommúnistaflokkurinn sem Heiðar Már tengdasonur Björns Bjarnasonar treystir svo vel, hefur skipað fyrirtækjum sínum að auka við sig hlutdeild og koma sér valdasterkara fyrir í fyrirtækjum Hong Kong til þess þannig að ná alræðisvöldum yfir sjálfsstjórnarhéraðinu. Fara á þriðju-handar fyrirtækjaleiðina til að stúta freslinu. Það sama gildir kannski um fyrirtæki Heiðars sem starfar út frá Sviss. Hefðu Bandaríkin ekki bannað sölu fyrirtækja Bandamanna til Sovétríkjanna, þá hefðu þau sennilega ekki fallið. Forhertur skógur af gervikapítalistum á Vesturlöndum hefði haldið þeim á lífi og í söðlinum sem allsherjar kúgara af mafíusort. En það er það sem Kína er: illkynja mafíusort valdaklíku í öllu sínu versta veldi

Og ég sem hélt að fábjánaskapur Heiðars olíuleitarmanns úti í 130 dala break-even ballarhafi með beint útsýni yfir komandi hrun olíuverðs, væri næg sönnun þess að ekkert, ekki einu sinni eitt orð, er að marka sem þessi maður segir, þegar hann eins og aðrir íslenskir óligarkar lendir hér heima til að mjólka landann. Það leiðinlega við marga íslenska auðmenn er að þeir, einhverra hluta vegna, breytast of oft í stórkallalega hrossabresti af oligarkakyni, landi sínu til ógagns og óþurftar

Hið opinbera stendur nú í því að leggja mjaltakerfi í formi ljósleiðara um landið til handa þessum ósjálfbjarga ólígörkum, svo að getulausir þeir geti án eigin áhættutöku mjólkað landann. Pilsfaldakapítalismi af óligarakyni er hér á ferðinni, einu sinni enn

Fyrri færsla

Hringurinn þrengist um Valhöll 

Athugasemdir

[Lárus Ingi Guðmundsson, 18.9.2019 kl. 13:20]

Usa voru grunsaml fljotir að kenna ironum um .

Þeir hafa v aður grunsaml fljotir að kenna oðrum um.

USA einræðisriki og lyðræðið er ekki neitt anbað en BLEKKINGAR BULL.

Pafin i Rom sem stjornar usa og er æðsta yvitv þar i landi.

Næat æðsti m vatikansins er Ksrinalin af Fordham sem er i Washington dc.

Eg segi nu bara afram IRAN !!!

[Gunnar Rögnvaldsson, 18.9.2019 kl. 15:27]

Bandaríkin voru að minnsta kosti fljótust til að viðurkenna sjálfstæði hins Íslenska lýðveldis, sumarið 1944.

Þú nýtur góðs af því Lárus minn, þó svo að upprétt staða þín sem manns hafi koðnað niður í þínum höndum.

Kveðja

[Halldór Jónsson, 19.9.2019 kl. 10:37]

Ég dáist að yfirsýn þinni Gunnar Borgfirðingur. Olíumál eru mitt sérstaka áhugamál en þú kemur me´r oftá óvart með að vita meira og skyggnast dýpra en ég sem er í olíubraski.

Takk fyrir skarpa greiningu.

[Gunnar Rögnvaldsson, 19.9.2019 kl. 13:36]

Þakka þér enn og aftur væn orð Halldór.

Ég er ljósárum frá því að vera sérfróður um olíumarkaðina. Enda eru þeir næstum ólesanlegir og of mikilvægir til að  lúta markaðslögumálum. Það er fyrst og fremst hin geopólitíska hlið þeirra sem ég hef áhuga á, fyrir utan auðvitað það að búa fastur í veruleikanum sem orkuverð hefur mikli áhrif á. Ég bý sem sagt enn á hér jörðinni, en sem margir aðrir -já þú veist- virðast ekki þurfa að gera lengur.

En olíumarkaðirnir eru þó skárri en raforkumarkaðir heimsins, því eins og Warren Buffet gamli sagði: "Ég hefði getað þénað tonn á raforkumarkaðinum en gerði það ekki, því enginn maður með viti mun vilja koma nálægt þeim markaði, því hann er alfarið á höndum óútreiknanlegra stjórnmálamanna".

Það sást fimmfalt vel á orkupakkamálinum sem kamar-sleikjudeild hins handónýta Sjálfstæðisflokks húmbúkks og froðu lét troða ofan í sig eins og ómálaga bleyjubarn. Til fjandans með þá Plebbahöll alla! Algerlega til fjandans með það vesalingaheimili fyrir vangefna ESB-krata. Manni langar mest til að... best að segja ekki meira, því ég er svo reiður. Hið sama gildir um marga aðra sem léð hafa því viðrini stuðning sinn. Þeim líður eins. 

Flest sem hefur með raforku að gera, annað er byggingu vatnsaflsvirkjana, er markaður sem enginn heiðvirður kapítalisti mun vilja koma nálægt. Sá markaður er sérsvið ömurlegra óligarka með togvírana fasta beint inn í stjórnmálaflokka, sem dingla eins og prúðuleikarar í höndum þeirra - eins og sést = ÓMARKAÐIR.

George Friedman var með nokkuð skemmtilegan fyrirlestur um olíu- og gasmarkaðina, sem horfa má á hér. Hugsa að þú hafir gaman að honum. 

Bestu kveðjur

[Gunnar Rögnvaldsson, 19.9.2019 kl. 14:12]

Biðst velvirðingar Halldór.

Fyrirlesturinn sem ég benti á hér að ofan, er afar góður og sannur, en hann er ekki sá um olíumarkaðina sem ég talaði um. Hann er um endalok tímabilsins frá 1945 til 2008 og um það hversu dýrmætt og vinnukrefjandi það er fyrir lönd að halda og viðhalda fullveldi sínu. Það er svo auðvelt að gefast upp eins og Sjálfstæðisflokkurinn gerði. George Friedman bendir þar á hversu hroðaleg útópía Evrópusambandið og hið svo kallaða "alþjóðasamfélag" er.

Hér er hinsvegar fyrirlesturinn um olíumarkaðina: horfa hér.

Aftur kveðjur

[Halldór Jónsson, 20.9.2019 kl. 12:45]

Hlustaði á báða fyrirlestrana. Takk, þeta er athyglisverður kall