Leita í fréttum mbl.is

Yfirvofandi fréttir af vinstra veðri DDRÚV

Nú hefur grænpólís DDRÚV-vinstrisins náð þeim merka fréttaáfanga að skeggið á Marx hefur stökkbreyst í herra Mosaskegg Marx. Skeggþræðir hinna yfirvofandi MarxDDRÚV-frétta ná nú um alla plánetuna (ekki "í kring"), nema þann hluta hennar sem hlýðir ekki kalli Katrínar komma í veðurtunglinu. Bylgjur af skegghita hins rauðgræna Marx eru sagðar geisa um Evrópu núna -samkvæmt DDRÚV- sem nýlega birti marxíska hreyfimynd af ísjaka, hinum komandi heimsendi kapítalismans til sönnunar. Og þess vegna verður auðvitað að samþykkja að orkupakkið ræni þjóðir fullveldinu yfir orkuauðlindum sínum. Sumir reyna að minnsta kosti að halda þannig geðklofinni firru fram þegar þeir halda ekki vatninu af hreinni skömm, sem er að breyta þeim sjálfum í þjóðarskömm

Þetta minnir mig pínulítið á hitabylgjuna í Evrópu árið 1982. Þá vann ég útivinnu á Skáni allt sumarið í steikjandi hita og við hjónin ókum í sumarfrí, með nýfædda dóttur okkar og foreldra mína góðu niður til Mósel í Vestur-Þýskalandi. Á meðan sagði Alexander Haig af sér hjá Reagan, og Bad Godesberg stundi þungt af þeim sökum og ekki neinum öðrum. Þá var hitinn á daginn oft 45 gráður og fór niður í 39 á nótunni. Allt sumarið fram að þessu hafði verið heitt víða um Evrópu. Hitamælirinn inni í bílnum gat sýnt max 60-70 gráður og var í botni þegar maður kom að honum. Og allar filmur sem í honum voru geymdar urðu hitanum að bráð og komu svartar úr framköllun. Hinn gestrisni Herbert kráareigandi í Zell fræddi mig um að Berlínarmúrinn myndi aldrei falla. Aldrei á okkar tímum, sagði hann

Þæfingur Ó. Þverrason frá Heyrðukeldum hefur hins vegar hér heima gegnt stöðu Veðurstofustjóra, það sem af er þessu sumri. Með hans vísindum hefur mér hér í Borgarfirði verið spáð rigningu af og til í sex vikur en hún hefur bara aldrei sést. Alltaf þegar að því kemur að spáin með regninu í eigi að rætast, þá flytur Þæfingur mublur Veðurstofunnar aftar í spánna, og sú stund sem rigningin á að koma á, rennur því aldrei upp. Þannig virka loftslagsvísindin, bæði stór og smá. Lítið er að marka þetta finnst mér. Kauphöllin er mun skárri því þar er að minnsta kosti hægt að shorta hreina þvælu og vísindaskáldsögur

Fyrri færsla

Hvað ætti svo sem að ræða?


« Síðasta færsla | Næsta færsla »

Athugasemdir

1 Smámynd: Gunnar Rögnvaldsson

Jæja!

Loksins kom regn. Fyrsta úrkoman í hátt í tvo mánuði sem kallast getur rigning en ekki tómar "spilliskúrir" (skrásett vörumerki T.J.), þar sem hægt er að telja dropana. Sennilega komnir 3-4 mm á síðustu 90 mínútunum.

Það virkaði að kvarta.

Tralla la la..

Endilega meira af þessu!

Gunnar Rögnvaldsson, 27.6.2019 kl. 20:31

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband