Ofur-firring Sjálfstæðisflokksins í O3-málinu

Upptaka Alþingis:

Firrtur? Snýst 15 gráður á mánuði, að meðaltali?

****

Ljóst er að Sjálfstæðisflokkurinn er í afar hættulegum félagsskap með forystu flokksins í ríkisstjórn

Haustið 2008 skrifaði Óli Björn Kárason greinina Flokkur í ólgusjó. Hún fjallaði um að Sjálfstæðisflokkurinn ætti við "innri og ytri vandamál" að etja

"Sjálfstæðisflokkurinn á við innri og ytri vanda að glíma. Takist flokknum ekki að leysa vandann er líklegt að hann verði ekki lengur stærsta og áhrifamesta stjórnmálaafl landsins. Staða flokksins hefur aldrei, á síðari tímum, verið viðkvæmari og erfiðari. [...] Ef sjálfstæðismönnum (?) auðnast ekki að leysa þau vandamál sem blasa við getur flokkurinn átt á hættu að verða dæmdur í pólitíska útlegð með svipuðum hætti og breski Íhaldsflokkurinn. Vandi Sjálfstæðisflokksins er hins vegar í nokkru meiri en breskra íhaldsmanna, þar sem forystumenn hans hafa alið við brjóst sér pólitíska nöðru í mynd Samfylkingarinnar." (spurningarmerki GR)

Þetta er ekki úr bókinni Þeirra eigin orð, eftir Óla Björn Kárason 2009. Nei þetta er úr grein Óla Björns Kárasonar í Þjóðmálum árið áður. Og upptakan af Bjarna Benediktssyni formanni Sjálfstæðisflokksins á Alþingi Íslendinga, hér fyrir ofan, er frá því í mars í fyrra. Hér er kannski komið efni í nýja bók, Þeirra eigin orð II, framhald af fyrri orðum eins og til dæmis þessum:

"raforkumál Íslands eru ekki innri-markaðsmál ESB"

- Bjarni Benediktsson á Alþingi Íslendinga, 22. mars 2018

Í dag er hins vegar árið 2019. Ellefu ár eru liðin. Og Óli Björn er orðinn "innri vandi" og þingmaður Sjálfstæðisflokksins, sem elur nú við brjóst sér pólitískt perverta nöðru í mynd Vinstri grænna. Í gær sagði formaður Vinstri grænna - og forsætisráðherra - á Alþingi Íslendinga, að hún í Kremlar- og Pekingstíl sovétlýðvelda, vildi leyfa konum að ráða því sjálfar hvenær á meðgöngu þær eyddu fóstrum beggja foreldra fram að fæðingu. Sá flokkur hefur að minnsta kosti aðskilið sig algjörlega frá Kirkju, það má hann eiga. En þó ekki enn frá ríkinu sjálfu, því allur flokkurinn lifir á því og mergsýgur. Og það var einmitt það sem flokkar á meginlandi Evrópu gerðu á fyrrihluta 20. aldar. Þeir aðskildu sig og ríki sitt frá Kirkju. Því fór sem fór og 70 milljón manns létu lífið, plús hundrað milljónir manna í viðbót, í fyrrum dásemdarríkjum vinstri heiðni á borð við þá sem forsætisráðherra Íslands boðar í ríkisstjórn, saman með hinum innri vanda Sjálfstæðisflokksins

Já. Ég vissi þetta með "innri og ytri vanda Sjálfstæðisflokksins". En ég vissi hins vegar ekki að hann fælist í því að flokkurinn væri enn á lífi

Og ekki nóg með það. Formaður Sjálfstæðisflokksins snýst eins og skopparakringla um þau grundvallarmál sem skipta íslensku þjóðina ofboðslega miklu máli - og Óli Björn og allur þingflokkurinn snúast með. ESB-orkupakka þrjú ætlar allur sá þingflokkur hins innri vanda Sjálfstæðisflokksins, og með offorsi, að troða niður um kok þjóðarinnar. Já, íslenskrar þjóðar sem á allt raforkukerfi landsins eins og það leggur sig, byggði það upp líka og oft með berum höndum

Nú þegar Björn Bjarnason á Andrómedu skrifar um firru, þá segi ég, að ljóst er orðið að firran í þing- og forystuliði Sjálfstæðisflokksins er orðin fullvaxin pólitísk risanaðra, sem hefur kyrkingartak um háls, hendur og fætur bæði forystu og klappliðs þriðja orkupakkaflokks xD. Nema að þarna séu hálstök óligarka á ferðinni, sem þó væri enn verra, en samt skiljanlegra fyrir órofið fólk úr frumuklasa hins ytri vanda Sjálfstæðisflokksins, sem kallast kjósendur

Hver er með slíkt yfirþyrmandi firringarvald yfir flokksforystu Sjálfstæðisflokksins? Og hvor firrt flokksforysta flokkanna tveggja skyldi örendast fyrr í baráttu þeirra gegn þjóðum sínum: Sjálfstæðisflokkurinn eða Breski Íhaldsflokkurinn? Sá danski er nefnilega sannarlega dauður nú þegar, því ég horfði á hann deyja. Ég er meira að segja með sjálft dánarvottorðið í mínum fórum

Óli Björn Kárason - nú hinn innri - endaði síðan pólitíska greiningu sína á Sjálfstæðisflokknum á þessum orðum, árið 2008 (e.Kr):

"Sjálfstæðisflokkurinn stendur á krossgötum og glímir við innri og ytri vanda. Hvernig forystumönnum og liðsmönnum flokksins tekst að leysa vandann getur haft gríðarleg áhrif á þróun íslenskra stjórnmála og þjóðfélagsins alls. Hagsmunirnir sem eru í húfi eru miklir og þar skipta hagsmunir Sjálfstæðisflokksins minnstu. Sjálfstæðisflokkurinn hefur á síðustu áratugum verið kjölfesta í íslenskum stjórnmálum og ef sú kjölfesta brestur getur þjóðfélagið allt skaðast."

Naðra var það lagsmaður. Naðra

- Gunnar er Þjóðaríhaldsmaður í Sjálfstæðisflokknum 

Fyrri færsla

Finnland: Mikil mistök að taka upp evru

Athugasemdir

[Símon Pétur frá Hákoti (IP-tala skráð) 14.5.2019 kl. 11:50]

Hagsmunirnir sem eru í húfi, eru þingmönnum Sjálfstæðisflokksins svo mikils virði, að þeim finnst allt í lagi að fórna Sjálfstæðisflokknum.

Þetta er bara þannig Gunnar minn.

Því hef ég sagt og boðað að allir sjálfstæðissinnar verði að bera gæfu til að eyða ekki kröftunum innan vistarbanda flokka, heldur stofna nýjan flokk sjálfstæðissinna, að veita þeim fljótum sjálfstæðra manna í einn farveg nýs flokks líkt og Brexit flokkur Farage gefur okkur fyrirmyndina.  

Vituð ér enn, eða hvað?

[Símon Pétur frá Hákoti (IP-tala skráð) 14.5.2019 kl. 12:26]

Öll forysta flokksins, þingmenn og ráðherrar 

eru vargar í véum

og ala við brjóst sér sínar eigin nöðrur 

sem þeir fóðra á pökkum frá Brussel.

Sjálfstæðisflokkurinn er fyrir löngu orðinn

helsti flokkur ESB sinna.

Þannig er það og sjálfstæðissinnar verða núna,

í síðasta lagi núna

að glenna upp augun og viðurkenna þær staðreyndir

og yfirgefa dragúldna nöðrugryfjuna.

Og stofna nýjan og breiðan flokk sjálfstæðissinna.

[Símon Pétur frá Hákoti (IP-tala skráð) 14.5.2019 kl. 13:17]

Nú er það svo, að okkur ber alls engin skylda til að samþykkja þennan pakka.  Við erum ekki tengd orkukerfi ESB, hvorki landfræðilega né með sæstreng.

Hvað veldur þá því, að þingmenn Sjálfstæðisflokksins vilji samt samþykkja þennan pakka frá ESB?  Getur verið að nöðrurnar sem Óli Björn ræði um, séu samflokksþingmenn hans sjálfir?  Sagt er að líkur sæki líkan heim.  Og þannig séð, að nöðrur sæki nöðrur heim.

[Gunnar Rögnvaldsson, 14.5.2019 kl. 13:58]

Þakka þér Símon Pétur.

Forysta Sjálfstæðisflokksins er að leggja kapal sinn (en ekki okkar flokksmanna sem kallast sjálfstæðismenn) þannig að samþykki hún orkupakka3, munu ný stjórnmálaöfl hefja baráttuna fyrir því að EES-samningnum sé sagt upp og eytt, því þá er orðið ljóst stjórnmálaafli á borð við Sjálfstæðisflokkinn, er ekki treystandi til að umgangast hann. Það er það sem forystan er að kalla yfir sig og flokkinn okkar með þessari herferð sinni gegn Íslandi.

Hvað er að í xD spyrð þú.

Svar: það sama og í Framsóknarflokknum; ÚRKYNJUN

Kveðja

[Símon Pétur frá Hákoti (IP-tala skráð) 14.5.2019 kl. 14:15]

Takk fyrir gott svar Gunnar.

Við munum berjast saman í einum breiðum flokki sjálfstæðismanna, og það strax fyrir næstu kosningar.  Það liggur í loftinu og er skrifað nú þegar í skýin.

Dragúldin Brussel vottuð hræ Sjálfstæðisflokksins og Framsóknarflokksins eru engum sjálfstæðismönnum bjóðandi.  Og ályktun þín er hárrétt:  Úrkynjunin er þar orðin algjör. 

[Gunnar Rögnvaldsson, 14.5.2019 kl. 15:04]

Já Símon Pétur, að minnsta kosti svo lengi sem kosningar verða haldnar. En það gæti farið að styttast í endalok þeirra, ef marka má pólitískt perverta forystu Vinstri grænna, og sem forysta xD liggur á bráðnandi ísjaka hjá. Hún vill nefnilega ganga enn lengra, en gengið var inn um dyr Helvítis í gær.

Nú er uppsetning eftirstríðs-heimsins að líða undir lok, og miklar breytingar eru nú þegar að eiga sér stað, - og enn meiri eru jafnframt í vændum. Aldir Íhaldsmanna eru líklega að renna upp á ný og leiðir Líberalista og Íhaldsmanna eru skilja. Þeir voru aldrei eitt og sama stjórnmálaaflið, þó svo að þeir snéru bökum saman í baráttunni við alræðisöfl tuttugustu aldar.

Forysta Sjálfstæðisflokksins er orðin bæði glóbalistar og líberalistar. Fæðingaruppsetning Sjálfstæðisflokksins hefur verið boruð út að innan, og borin út. Þetta er skilnaðurinn sem við sjáum núna.

Svo margt á Vesturlöndum er að renna inn í enduruppsetningarfasa, eins og gerist svo oft og óhjákvæmilega eftir meiriháttar áföll (re-configuration phase).

Sérfræðingastéttin sem sett var á laggirnar í kjölfar 1945, brást algerlega árið 2009. Hún bjargaði ekki heiminum, heldur hafði hún unnið hve harðast að því að eyðileggja hann, allt frá brottför Reagans og Thatchers. Sú stétt reyndist nefnilega ekki vera sérfræðingar. Og hún varð glóbalt gjaldþrota árið 2009.

[Gunnar Rögnvaldsson, 14.5.2019 kl. 15:33]

Athyglisvert er að fylgjast með skilnaðinum, dag hvern.

Í dag hóta Bandaríkin að skilgreina nýlegt (en þegar gjaldþrota SPV) INSTEX greiðslukerfi Evrópusambandsins vegna Íranmálsins, sem hryðjuverkasamtök.

Sem sagt: til greina kemur að nýr og gerspilltur líkamshluti Evrópusambandsins sé skilgreindur sem hryðjuverkasamtök.

Bandaríkin hafa gengist í ábyrgð fyrir þjóðaröryggi næstum allra landa ESB. En þau geta hins vegar ekki varið Evrópu gegn sjálfri sér, svona eins og Sjálfstæðisflokkurinn getur ekki varið sig gegn flokksforystunni.

[Símon Pétur frá Hákoti (IP-tala skráð) 14.5.2019 kl. 15:56]

Rétt Gunnar, tími okkar hinna þjóðlegu og sjálfstæðu íhaldsmanna er að renna upp á nýjan leik.  

Við þurfum ekki og höfnum yfirgangi og pakkastimplandi glóbalískum búrkrötum liberalistanna sem allir liggja á spenum gyltunnar í Brussel og mergsjúga allt og alla og hafa aldrei gert annað með sköttum og gjöldum allra pakkanna sem þeir stimpla í gríð og erg, sjálfum sér einum til gróða.  Þeir eru fyrirlitlegir, frelsishugmynd þeirra byggir á því einu að nýta sér ríkisvaldið til að ræna heiðvirt fólk og meira og meira skv. innfluttu laga og reglugerðarverki ESB.  

Tími okkar er upprunninn, að hrinda þeim frá svínastó gyltunnar, sem algjör meirihluti þjóðarinnar fyrirlítur.

Já, við hinir einu sönnu sjálfstæðismenn höfum nú vitund þjóðarinnar með okkur.  Það eina sem vantar er að bjóða fram breiðan flokk sannra sjálfstæðismanna og þá munum við setja landi og þjóð lögin sem siður okkar og friður byggist á, hinum hefðbundnu gildum þess að vera Íslendingur sem elskar land sitt og hugsar einungis um að verja og efla hagsmuni þjóðarinnar og láta hana njóta alls þess sem auðlindir hennar hafa upp á að bjóða, landi og þjóð til heilla.

Burt með stimpilóðu búrkrata glóbalísku liberalistanna sem eru við það að steypa landi og þjóð í glötun.

[Gunnar Rögnvaldsson, 14.5.2019 kl. 16:07]

Amen!

[Símon Pétur frá Hákoti (IP-tala skráð) 14.5.2019 kl. 17:13]

Í leiðara Morgunblaðsins segir Davíð Oddsson að

leiðarlok Sjálfstæðisflokksins séu ekki endilega harmsefni.

Ég er sammála þeim orðum Davíð Oddssonar

Amen!

[Gunnar Rögnvaldsson, 14.5.2019 kl. 19:25]

Já Símon Pétur. Og ef það er einhver sem eitthvað veit í þessu blessaða landi okkar, þá er það Davíð Oddsson. Að sjálfsögðu ekki óskeikull frekar en nokkur annar, en með toppstykkið á réttum stað í réttum gír og hjartað sömuleiðis. Án hans værum við öll í djúpum skít núna, því hann bjargaði miklu og stóð fast í báðar fætur, á meðan aðrir hrukku í brauðið og misstu algerlega móðinn. Það hefur nefnilega aldrei þurft kjark til að guggna og gefast upp.

Já, Davíð Oddsson veit örugglega sem er að árið 1931 bauð Sjálfstæðisflokkurinn sig í fyrsta skiptið fram sem flokkur og byrjaði strax á því að draga dálítið úr því flugi sem íslenski Íhaldsflokkurinn hafði í kosningunum á undan, árið 1927, sem var 44 prósenta flughæð allra atkvæða.

Líberalistar (6%) og Íhaldsmenn (44%) höfðu nefnilega lagt sig saman, eins og ég gat um hér fyrir ofan, í einn og sama flokk sem fékk nafnið Sjálfstæðisflokkur. Og nú hafa fúlu 6 prósentin alveg greinilega unnið sitt vonda verk, eins og öllum er til sýnis í dag.

Já ég er sammála Davíð líka. Vonandi kemur eitthvað gott út úr þessu fyrir land okkar og þjóð.

[Sigþór Hrafnsson (IP-tala skráð) 14.5.2019 kl. 21:28]

Sælir

Miðað við umræðurnar þá hljómar þetta eins og stofnun Íhaldsflokksins sé mögulega handan við hornið?

[Símon Pétur frá Hákoti (IP-tala skráð) 14.5.2019 kl. 21:33]

Ég er sannfærður Gunnar um að það mun koma eitthvað gott út úr þessu fyrir land okkar og þjóð.

Þegar glóbalísku búrkrata liberalistarnir hafa yfirtekið Sjálfstæðisflokkinn og þeir lagst í eina sorasæng með Góða fólkinu í Samfylkingu og VG og Pírötum og það með titrandi blessun Framsóknarflokksins, þá, já þá er öllum þjóðlegum íhaldsmönnum nóg boðið og meginþorra allrar þjóðarinnar einnig.

Komandi kosningar munu valda algjörum straumhvörfum í íslenskum stjórnmálum.

Almenningur er ekki fífl.

Að lokum, mæli með góðri lesningu sem ég setti inn hjá Ómari Geirssyni, pistil eftir Þórarinn Hjartarson.  Heiðarlega þjóðlega vinstrið er einnig að vakna, rétt eins og við heiðarlegu íhaldsmennirnir.

[Gunnar Rögnvaldsson, 14.5.2019 kl. 22:53]

Sæll Sigþór og þakka þér innlitið. 

Tja. 

Eðli horna er það, að enginn veit hvað er handan þeirra. Þess vegna eru þau horn. Já, og það þýðir að handan þessa horns núna geti einmitt slíkt afl verið í smíðum, eða þá þegar komið á flot, sem nú þegar starfandi pólitísk hugmynd.

Stjórnmálaflokkur er óáþreifanlegt fyrirbæri og aðeins til uppi í höfðum manna, sem hugsun um pólitíska hugmynd. Svipað og gildir um tilvist ríkja. Bæði eru "bara" pólitískar hugmyndir.

Enginn stjórnmálaflokkur sem styður ekki af alefli við hina pólitísku hugmynd um Ísland, mun lifa áfram.

Ef fólk hættir að styðja við þá hugmynd að Sjálfstæðisflokkurinn sé Sjálfstæðisflokkur sem af alefli styðji við hina pólitísku hugmynd um Ísland, þá hættir hann að vera til.

En sjálft fólkið hættir hins vegar ekki að vera til. Það leitar að nýjum staðarstað fyrir pólitíska hugmynd sína um Ísland.

Íhaldsstefnan þarf ekki heilan flokk. Hún getur verið til staðar í öllum flokkum. Það eina sem hún krefst af þeim sem hana færa, er þetta:

1. Að ríkisvaldið lúti stjórnarskrárbundið sönnuðum staðreyndum mannkynssögunnar og viðurkenni hefðir þjóða

2. Þjóðarhyggju

3. Trú (Kristni vesturlanda og siðferði)

4. Takmarkað ríkisvald

5. Einstaklingsfrelsi innan lögsögu þjóðríkisins (við ætlum ekki að frelsa heiminn), sem á íslensku heitir þjóðfrelsi. Hver sjái fyrst og fremst vel um sitt fólk og geri þannig heiminn betri. Verji líf þess, limi og eignir.

6. Hagvöxt

Já hugsanir og orð eru fyrst til alls. Að tapa hugarhlutdeildinni (e. mind share) er oft dauðadómurinn fyrir bæði fyrirtæki, vörumerki og stjórnmálaflokka.

Og það þarf ekki að vera slæmt, eins og Davíð bendir á. Já Símon Pétur. Vonandi kemur eitthvað gott út úr þessum flokks-eldsumbrotum fyrir land okkar og þjóð. Vonandi.

Gott að heyra fréttir þínar af heiðarlegu vinstra fólki.

Kveðjur

[Valdimar Samúelsson, 14.5.2019 kl. 23:37]

Góð lesning og fróðleg Gunnar og ekki síður hjá Simon Pétri. Ég er viss um að ný öfl rísi vegna EES/ESB en við getum ekki treyst neinum. Ef þetta skeður þá verður það hratt og ákveðið vel ávið Gulstakkana. Við verðum að virkja bændur og búalið líka því það mikið í húfi fyrir þá líka.   

[Gunnar Rögnvaldsson, 14.5.2019 kl. 23:42]

Þakka þér Valdimar.

Já virkja þarf alla í öllum flokkum í þjóðarátak.

Orkan okkar afhenti í kvöld lista með 14 þúsund undirskriftum Íslendinga sem mótmæla innleiðingu þriðja orkupakka Evrópusambandsins á Íslandi: Sjá hér

Kveðja

[Símon Pétur frá Hákoti (IP-tala skráð) 14.5.2019 kl. 23:57]

Algjörlega sammála ykkur, Gunnar og Valdimar.

Mín bjargfasta trú er að svo muni verða;

þjóðin er skynsöm: 

Einungis 18% hennar treysta þinginu í dag.

[Valdimar Samúelsson, 15.5.2019 kl. 08:41]

Þakka Gunnar það eru gleðitíðindi þegar maður heyrir að 14.Þ undirskriftir hafa safnast og líka fréttin að Scummer sé að klappa Trump á bakið. Kannski verður góður styrkur fyrir anti ESB flokk en þá verður að passa að þessi lygarar komist ekki nálægt stjórn þar á bæ en þá myndu þeir gefa freistandi loforð sem þeir svíkja eins og venjulega,Grrr ég verð reiður þegar ég hugsa um þessa svikara á Alþingi yfir árið.   

[Sigfús Ómar Höskuldsson, 15.5.2019 kl. 10:55]

Þetta er athyglisverð greining á téðum "Sjálfsstæðisflokki". Þeir sem ekki hafa verið aldnir upp í ást sinni á sama flokki og eða hafa dug, þor og kjark til að vera FLokksmönnum ósammála í grundvallaratriðum hafa vitað þetta, Sjálfsstæðisflokkurinn er hagsmunaapparat. Ef það hentar helstu bakhjörlunum bezt, þá er það einfaldlega flokkslínan það skiptið. 

Hver hefði séð það fyrir, fyrir ca 5 árum að ein byssuglaðasti björninn í FLokknum kæmi EES og samstarfi Íslands við ESB til varnar. 

Ég hefði allavega ekki veðjað á það, öðruvísi mér áður brá.

Það sjá allir, hér gnæfir einn aðili fram yfir aðra hér landi sem hefur mestan hag af því að ei verði hróflað við EES samningi en það eru þeir sem fyrstir gátu nýtt sér þann [mis]góða samning með tollfrjálsum útflutningi.

Sami aðili hefur einatt náð að tryggja það að "þeirra" auðlínd verði ekki í ævarandi þjóðareign.

Auðvitað er Sjálfsstæðisflokkur poppúlískur flokkur, þá bara á sína garða. Gera sem mest fyrir þá fáu, oftar en ekki kostnað þeirra mörgu.

Það er Sjálfsstæðsflokkurinn í hnotskurn, að mínu mati.

[Símon Pétur frá Hákoti (IP-tala skráð) 15.5.2019 kl. 10:55]

Pistill Styrmis Gunnarssonar í dag, fjallar um orsakir alls þess sem við höfum rætt hér um.

Hans pistill gengur út á varúðarorð til forystu flokka sem svíkja grasrót flokka.  Hann nefnir þar sem við, að menn skyldu horfa til þess sem er að gerast í Bretlandi.

Og það er það sem ég er að hamra á, við höfum fordæmið beint fyrir framan nefið á okkur og ekki verra að vita að Davíð myndi ekki harma það að dauður flokkur fengi dánarvottorðið og hann jarðaður í kyrrþey.

En þá er það að bera gæfu til að dreifa ekki kröftum, heldur virkja þann mikla kraft sem býr m.a. í hinum þverpólitísku samtökum Orkan okkar tl að stofna þverpólitískan og breiðan flokk fyrir næstu kosningar.

Það er leiðin til sigurs að fylla þingið af þingmönnum þess breiða hóps sjálfstæðissinna sem vilja ekki erlend yfirráð yfir auðlindum lands okkar og lífi þjóðarinnar.