Leita í fréttum mbl.is

"Going Full Yellow Jacket . ." - gulu vestin

Einu sinni féll stóri biti úr höndum imperíalista vegna einnar setningar sem sögð var á ensku: "no taxation without representation" -eða- ekki skal skattleggja neinn án umboðs. Ríkisfangslaus hreyfing esb- og glóbalista og lofthitasinna hefur ekkert umboð. Ekkert. Þeir munu aldrei fá að komast upp með að skattleggja okkur og senda peningana til annarra ríkja. Er það skilið?

Frá aldamótum hefur "Ile de France" svæðið í Frakklandi, það er að segja Parísarsvæðið, með sína 12 milljónir íbúa, haft 20 prósent hagvöxt, samanlagt, á meðan restin af landinu hefur haft minna en 5 prósent samanlagðan hagvöxt á sama tímabili. Það er að segja 55 milljónir Frakka hafa varla séð hagvöxt í 18 ár

Í fyrri umferð frönsku forsetakosninganna í fyrra náðu Macron og hinir tveir hefðbundnu flokkar þeirra sem ornað hafa sér á niðurrifi þjóðríkisins með esb- og hnattvæðingu (glóbalistar) á kostnað þeirra sem töpuðu á þessu, ekki nema samtals 50,4 prósentum af atkvæðunum. Þessir þrír eru: flokkur Repúblikana (20 prósent) og flokkur Sósíaldemókrata (6,3 prósent = algert hrun!) og flokkur Macrons 24 prósent. Þetta eru þeir sem eru inni í varmanum

Andspyrnuflokkar þeirra sem esb- og hnattvæðingin hefur bitnað á, það er að segja þeirra sem eru úti í kuldanum, ef svo má að orði komast, fengu samtals 45,6 prósent atkvæðanna. Þetta eru: flokkur Le Pen (21,3 prósent) og LI-flokkur Mélenchon (19,6 prósent) og DLF-flokkur Gaullista (4,7 prósent)

Þeir sem líklega tilheyra einnig andspyrnuhreyfingunni er stór hluti þeirra sem mættu ekki á kjörstað, sem voru óvenjulega margir eða 22,23 prósent kjósenda, því margir vinstrimenn gátu ekki hugsað sér að kjósa frú Le Pen. En þeir voru samt enn fleiri í seinni umferðinni eða 25,5 prósent

Gulu vestin eru þeir sem kusu andspyrnuflokkana plús meira en helmingur þeirra sem valdi að kjósa ekki í fyrri umferðinni. Næstum meiri hluti kjósenda. Þess vegna njóta gulu vestin svona mikils stuðnings meðal þjóðarinnar. Stór hluti 55 milljón Frakka hafa fengið nóg og vilja fá landið sitt til baka. Meira um þetta mál í Frakklandi í grein Henry Olsen á American Greatness sem ber yfirskriftina Les Macronables?. Og hér er önnur grein á sama stað um sama efni og hún heitir Going Full Yellow Jacket...and Saving the West og er eftir Robert Miller

Fólk er ekki heimskt þó svo að Hillary Clinton hafi sagt það um pólitíska andstæðinga sína og þó svo að það sé sagt um þá sem voru ekki sannfræðir um að allt væri í góðu lagi í landi þeirra ef bara bankanrnir hefðu það gott og það tækist að halda þeim opnum, og kusu því Brexit. Því þar sem London endar, þar hefst England

Ekkert mál þótti að rífa allt að helming atvinnufyrirtækja framleiðslu-greinanna upp með rótum og skipa þeim út til fjarlægra landa. En svo þegar flytja á framleiðsluna heim og nútímavæða hana, þá er allt í einu ekkert hægt. Þá sitja fyrirtækin allt í einu svo föst í útlöndum að ekkert er hægt að gera án þess að heimurinn farist, eins og lofthitasinnar segja líka, sé pólitísku þvaðri þeirra ekki trúað eins og nýju ponzy-neti nytsamra bjána af síðustu (sovét) sort. Þá koma allt í einu fram virðulegur menn og segja háðungalsega að forsetinn (Trump) er svo vitlaus að hann skilur ekki "glóbal afhendingarkeðjur". Hafið þið heyrt svona þvaður áður? Já oft og mörgum sinnum

Enginn skildi heldur hvernig fara átti til tunglsins. En það var gert og alveg án þess að leita til ódýrari landa með allt sem til þurfti. Eigi þessi röksemdafærsla virðulegra manna með tóma hausa að standa, þá styttist heldur betur í næstu steinöldina fyrir Vesturlönd, með gluggatjöld hins nýja marxisma dregin fyrir, í öllum hellum hins nýfrelsaða heims nytsamra bjána (já, til dæmis í xD líka)

Í finnska þinginu í evru-grafreit Finnlands í ESB, rataðist þó sumum réttu orðin á munn: Evrópusambandið verður eins og Sovétríkin eða Þýskaland nasista, þróun þess er þannig, var þar sagt

Fyrri færsla

Utanríkisráðherra Trumps: Frelsishlutverk þjóðríkja sé endurreist


« Síðasta færsla | Næsta færsla »

Athugasemdir

1 Smámynd: Benedikt Halldórsson

Takk, góð grein.

Benedikt Halldórsson, 14.12.2018 kl. 18:52

2 Smámynd: Sigurður Antonsson

Hér kemur þú að athyglisverðum punkti. Hvers vegna er hagvöxtur meiri í París en utan? Er það eyðsla ferðamanna sem skapa auð og vöxt eða hugkvæmni í vísindum og listum?

Íbúar Vestmanneyja vildu hafa eigið hagkerfi á tímabili? Þar er útflutningur meiri en á flestum öðrum stöðum á hvern íbúa. Þá er spurningin um hvort miðin umhverfis Vestmannaeyja séu ekki sameiginlegt framtak og eign allra landsmanna. Stórborgir eru fyrir mitt leyti áhugaverðar í eitt skipti, en fölna fljótt þegar landsbyggðarblóm blómstrar.

Samanber áhuga fréttamanna Landans á landsbyggðinni. Er það viðmót fólksins eða náttúran. Krafturinn sem býr utan borgarinnar sem þeir sækja í?

Ef hér hefði verið um eitt prósent hagvöxtur frá aldamótum, værum okkur að fækka. Það er ekki gefið að hér komi útlendingar frá fyrrum kommúnistaríkjum til að vinna nema ávinningurinn sé talsverður. Þeir sem koma hingað til að vinna eru vanir álíka meðalhita og vindstrekkingi. Fara svo utan á sumrin til Mið-Evrópu.

Sigurður Antonsson, 14.12.2018 kl. 21:34

3 Smámynd: Gunnar Rögnvaldsson

Þakka þér Benedikt.

Kveðja

Gunnar Rögnvaldsson, 14.12.2018 kl. 22:54

4 Smámynd: Gunnar Rögnvaldsson

Þakka þér Sigurður.

Landsframleiðslan á mann á Parísarsvæðinu er hærri vegna þess að París er höfuðborg Frakklands. Alls Frakklands. Það er að segja; París er ekki höfuðborg Parísar. Án Frakklands væri París ekki eins og hún er. Ef það sama hefði gengið yfir París eins og hefur gengið yfir restina af Frakklandi, þá væri búið að flytja háskólana og bankana og opinberar stofnanir til Kína eða Rúmeníu. Rúmenía gæti til dæmis séð París fyrir mun ódýrari bankaþjónustu, rekstri á vogunarsjóðum og háskólum, ef út í það færi. Hún gæti líka séð Parísarbúum fyrir opinberum stofnunum sem væru miklu ódýrari í rekstri en í París. Væri þetta gert þá myndi hlutfall Parísar-heimilanna í neyslu landsframleiðslunnar minnka eins og hún hefur horfið alls staðar annars staðar í Frakklandi. En þar sem völdin eru í París og þar sem ákvarðanir um þessi mál eru teknar í París, þá var ákveðið að skilja alla aðra í landinu en þá sem búa í París, tómhenta eftir á fjóshaug alþjóðavæðingarinnar.

Sem annað dæmi hér um má nefna Bandaríkin; Það svæði (þorri innlands Bandaríkjanna) sem stóð fyrir framleiðslunni á helming alls þess sem framleiddur var í heiminum 1929 og sem framleiddi allt það sem gerði það að verkum að Bandaríkin gátu orðið sigurvegarar í Fyrri og Síðari heimsstyrjöldunum og í Kalda stríðinu, já það risavaxna landflæmi missti 60 þúsund verksmiðjur til útlanda á tímabilinu 1990 til 2016. Þeir sem græddu á þessu búa ekki á þeim stöðum sem töpuðu. Þeir búa í tvennum lokuðum glóbalistabólum Bandaríkjanna við austur- og vesturströndina og tala frekar við fólk og kollega í París og Shanghai, en við þá sem sátu tómhentir og einir eftir á fjóshaug alþjóðavæðingarinnar í Bandaríkjunum.

Þessi heimur er að byrja að enda núna. Þetta gekk ekki upp og hefur að mjög miklu leyti eyðilagt Vesturlönd.

Kveðja

Gunnar Rögnvaldsson, 14.12.2018 kl. 23:06

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband