Leita í fréttum mbl.is

Utanríkisráðherra Trumps: Frelsishlutverk þjóðríkja sé endurreist

Myndskeið: Michael R. Pompeo utanríkisráðherra Bandaríkjanna flytur 22-mínútna ræðu í þýsku Marshall-stofnun Bandaríkjanna í Brussel 4. desember 2018 | beinar krækjur: GMF | YouTube

****

ENDURREISN Á FRELSIS-HLUTVERKI ÞJÓÐRÍKJA

Það er afar fróðlegt fyrir alla, en þó sérstaklega fyrir óvildarmenn Bandaríkjanna og hins nýlega kjörna forseta þeirra, að hlýða á ræðu Michael R. Pompeo utanríkisráðherra Bandaríkjanna í þýsku Marshall-stofnuninni í Brussel þann 4. desember 2018. En sú stofnun er bandarísk hugveita sem bandarískt verndað Vestur-Þýskaland færði Bandaríkjunum að gjöf árið 1972, til að fremja samvinnu og skilning milli Bandaríkjanna og Evrópu - á 25 ára afmæli Marshall-aðstoðarinnar. Sú aðstoð reisti þann hluta Vesturlanda sem lenti ekki undir alþjóðahyggju kommúnismans, sem byggði á vísindum sósíalista -eins og til dæmis þeirra sem eru forsætis-, umhverfis- og heilbrigðismálaráðherrar Íslands núna- úr rústum síðustu vopnuðu tilraunar veruleikafirrtra glóbalista til að sameina Evrópu og gera heiminn flatan fyrir fótum þeirra sem þóttust vita allt best fyrir alla aðra. Öfl sem hötuðu sjálfstæð og fullvalda þjóðríki og þjóðfrelsi þeirra

Hér fer lausleg og á köflum efnisleg þýðing á sumu af því sem bandaríski utanríkisráðherrann sagði og hér er hægt ná í ræðu hans, orð fyrir orð. Einnig er hér krækja á þýsku Marshall-stofnun Bandaríkjanna í Brussel

ÞÝÐING

Þýðing hefst: Sjálfstæð og fullvalda þjóðríki eru hornsteinar hins frjálsa heims, sagði Pompeo. Og án forystu Bandaríkjanna sem fremsta varðstöðumanns heimsins um að þjóðríkin verði áfram sjálfstæðir og fullvalda hornsteinar hins frjálsa heims, þá fellur hinn frjálsi heimur saman. Frá lokum Kalda stríðsins höfum við látið viðgangast að þetta skipulag sé komið með eyðni og hafi orðið fyrir eyðni. Okkar stefna og markmið er að staðfesta og endurheimta fullveldi Bandaríkjanna, endurbæta fyrirkomulag hins frjálsa heims og við viljum hjálp vina okkar og að þeir staðfesti og endurbæti fullveldi ríkja sinna líka. Við viljum sýna fordæmi í umbótavinnu fyrir því að alþjóðlegar stofnanir þjóni en stjórni ekki borgurum landa okkar. Hér ætla Bandaríkin að vera í leiðtogahlutverki, núna og alltaf

Brexit var pólitísk verkjaraklukka sem hringdi í þessum efnum. Er Evrópusambandið að tryggja það að hagsmunir landanna og borgara þeirra séu settir ofar hagsmunum skriffinna þess, spyr Pompeo. Slæmar einingar og gerendur í heiminum hafa nýtt sér skort á bandarískri forystu í þessum efnum. Donald J. Trump Bandaríkjaforseti er staðráðinn í að snúna þessari eyðni-þróun við. Efnahagsleg þróun Kína hefur leitt til þess að það ríki aðhyllist ekki að sjálfstæð og fullvalda þjóðríki séu áfram hornsteinar hins frjálsa heims. Við buðum Kína velkomið, en ekkert var gert til að hafa eftirlit með því að það virti hinn frjálsa heim ríkja. Trump forseti er því byrjaður að lögga Kína. Svo er það Íran og Rússland, heldur Pompeo utanríkisráðherra áfram. Hvorug ríkin urðu bara sæmilega húsum frjálsra ríkja hæf. Svo kom SWIFT-peningayfirfærslukerfis-sneið til Þýskalands og Frakklands vegna Írans. Þá henti hann NATO-skuldbindingasvikum flestra ESB-landa á borðið og bað þau um að borga og standa við sáttmálaskuldbindingar sínar við kassa númer eitt, strax, því NATO væri mikilvægasta stofnun hins frjálsa heims. Borgið! sagði hann, en fór frekar fínt í það

Listinn er langur sagði Pompeo. Við verðum að horfa á heiminn eins og hann er, en ekki eins og við viljum að hann sé - og taka mið af því. Hin nýja þjóðaröryggisstefna Bandaríkjanna byggir því á stefnu sem heitir prinsippfast raunsæi (e. principled realism) og Pompeo segist hugsa um hana sem heilbrigða skynsemi

Hann heldur áfram: Í dag hefur "friðargæsla" Sameinuðu þjóðanna verið að störfum áratugum saman án þess að árangurinn friður sé neitt nándar nálægari. Loftslagssáttmálar Sameinuðu þjóðanna eru af mörgum álitnir sem aðeins enn ein leiðin til að taka þjóðarauð ríkja og skipa honum út til annarra landa. Ísraels-andúð hefur verið stofnanavædd (vel á minnst: Angela Merkel frá Austur-Þýskalandi gaf í vikunni út diktat um að ekkert ESB-ríki flytji sendiráð sitt í Ísrael til Jerúsalem, gr). Heimshlutaöfl sameinast um að kjósa ríki eins og Venesúela og Kúbu inn í Mannréttindaráð Sameinuðu þjóðanna. Er stofnunin enn trú stofnmarkmiðum sínum? Stofnanir Alþjóðabankans og Alþjóða gjaldeyrissjóðsins voru settar á laggirnar til að endurreisa stríðshrjáð lönd og til að stuðla að fjárfestingum einstaklingsframtaks og hagvexti. Í dag leiðbeina þessar stofnanir oft löndum sem mishöndlað hafa hagkerfi sín, við að innleiða þvinganir, niðurskurð og sultarólar (e. austerity) sem hindra vöxt og þrýstidæla einkaframtaki í landinu út

Svo segir Pompeo; Stundum er ekki vinsælt að vera sá sem ruggar bátnum og rýfur kyrrstöðu-þöggunina með því að segja það sem allir sjá en enginn þorir að segja. Í hreinskilni sagt þá er of mikið hér í húfi fyrir okkur öll til að gera það ekki. Þetta er sú staða sem Donald J. Trump forseti Bandaríkjanna skilur til fulls og skynjar ákaflega vel

En fyrst byrjaði Pompeo að sjálfsögðu ræðu sína á því að minnast George Bush eldri - og svo George Marshall sem sagði er verið var að stofna og forma stofnun Sameinuðu þjóðanna sem vettvang sjálfstæðra og fullvalda þjóðríkja árið 1948: Marshall sagði þá, "Alþjóðlegar stofnanir geta ekki komið í stað viðleitni þjóða né persónulegrar viðleitni fólks á hverjum stað og hugkvæmni þess; Alþjóðlegar aðgerðir geta aldrei komið í stað sjálfshjálpar" (íslenskir ráðamenn vakni: hvar er framlag Íslands til NATO?, við erum ekki fátæk þjóð lengur. Hvar eru orrustuþotur Íslands til loftrýmisgæslu?)

Að lokum sagði utanríkisráðherrann þetta: Trump forseti hefur djúpan skilning á því að þegar Bandaríkin eru í leiðtogi, þá fylgir friður og hagsæld næstum allaf í kjölfarið. Hann veit að þegar Bandaríkin og bandamenn þeirra sinna ekki leiðtogahlutverkinu, þá eru það aðrir sem ákveða að gera það. Þýðing endar. (WSJ: Trump Defends the International Order)

RÚSSA-RANNSÓKNARSKÝRSLA UM DONALD J. TRUMP

Ástandið er slæmt meðal Trump-atvinnuhatara í Bandaríkjunum og í fjölmiðlum þeirra núna. Nú er komið í ljós að ekkert var hæft í því að Trump og Rússland væru að brugga eitthvað saman í sambandi við kjör Trumps, kosningabaráttu hans og þar af síður sem sitjandi forseti Bandaríkjanna. Vonbrigðin hjá vinstri Trump-atvinnuhöturum Demókrataflokksins eru svo mikil, að þau er einungis hægt að bera saman við þau vonbrigði sem þeir urðu fyrir þegar Stalín nýja-vinstriglýju-hetjan þeirra gerði griðasamningana við Adolf Hitler í ágúst 1939. Þvílík vonbrigði. Ólýsanleg vonbrigði. Svik! Meira um þetta mál síðar - og um það hvernig allt varð svart fyrir samsærishóp Barack Obama og Hillary Clintons gegn Donald Trump, sem frambjóðenda og þegar hann vann kosningarnar og líka eftir að hann vann þær. Frá og með því augnabliki sáu mörg þeirra hurðina að framtíðarheimili sínu í fangaklefa opnast. Engin umbun kom til hinna nytsömu kjána sem unnu fyrir þau, því leiðtogi þeirra tapaði, þrátt fyrir svæsnar og áhættusamar samsærisaðgerðir þeirra henni til handa. Ekkert klapp kom á öxlina frá Hillary Clinton forseta. Bara steinninn að opnast

Fyrri færsla

Evrópusamband í lokuðu öngstræti


« Síðasta færsla | Næsta færsla »

Athugasemdir

1 Smámynd: Ragnhildur Kolka

Það hafa það hafa margir farið súrir í háttinn þetta kvöld.

Ragnhildur Kolka, 13.12.2018 kl. 14:04

2 Smámynd: Borgþór Jónsson

Þú misskilur Pompeo fullkomlega.

Það sem Pompeo er að segja að hann er hlynntur sjálfstæði ríkja ,SVO LENGI SEM BANDARÍKIN GETI ÁKVEÐIÐ HVERNIG ÞAU HAGA SÍNUM MÁLUM. Hann er því ekki að tsla fyrir frelsi réttlæti og bræðarlagi, heldur drottnun Bandaríkjanna á heimsvísu

Til dæmi svilja Trump og Pompeo sundra Evrópusambandinu,ekki til að auka frelsi aðildarþjóðanna heldur til að gera Bandaríkjamönnum auðveldara með að ráðskast með þessi ríki. Eins og staðan er í dag er þetta frekar erfitt.

Pompeo ber því alls ekki hag þessara ríkja fyrir brjósti heldur er að reyna að halda lífinu í hnignandi heimsveldi Bandaríkjanna með því að sundra bandalögum annarra þjóða.

Nú er ég ekki ESB aðdándi og tel að sambandið sé komið langt út fyrir eðlilegt valdsvið sitt í mörgum málum og sé orðið skaðlegt fyrir Evrópu. Á hinn bóginn er það gott af því það setur vissar hömlur á yfirgang Bandaríkjanna á alþjóðavettvangi. Það hefur marg sýnt sig á síðustu áratugum að ríki sem hafa ekki slíka vörn,eða eru nógu öflug til að verja sig sjálf, hafa orðið fyrir óheyrilegu tjóni af völdum yfirgangs Bandaríkjanna. Líklega,og vonandi, munum við sjá þetta stríðsóða og glæpsamlega heimsveldi líða undir lok á næsta áratug. Og vonandi gerist það án frekari blóðsúthellinga en orðið er. 

Borgþór Jónsson, 13.12.2018 kl. 15:18

3 Smámynd: Gunnar Rögnvaldsson

Þakka þér Ragnhildur. Já það er illa séð að rugga stórskipi með málaliðahreyfingum fjölþjóðaismans á ofurlaunum innanborðs -úr öllu sambandi og samhengi við þá sem halda þeim uppi- og sem útrýma vilja þjóðríkjum jaðrar og stofna í þeirra stað ný universal sovétríkjaheimsveldi sem þykjast vita allt best og enda því ávallt sem heimsveldi fangabúðakerfa sem hefja feril sinn sem vitsmunaleg-gúlag-kerfi, undir vísindalegu yfirskini eins og síðast og alltaf þar á undan, en stökkbreytast svo í stóriðnaðarútrýmingarkerfi og setja ávallt sig sjálf í stað Guðs og verða guðlaus helvíti.

Fyrir aðeins 25 árum hefði það til dæmis þótt óhugsandi að á forsíðum allra dagblaða Vesturlanda væru helstu sölusetningarnar annan hvern dag þessar: Kanslari Þýskalands neitar... kanslari Þýskalands hafnar.. kanslari Þýskalands hefur ákveðið.. fyrir hönd 25 ríkja!

Það hefði líka þótt óhugsandi að frá þeim tíma sem liðinn er frá því að síðasta Musteri mannvonskunnar, þ. e. Sovétríki Rússlands féll saman sem eitt samfellt blóðhaf, skuli ekki hafa liðið nema 17 ár þar til að það ríki hóf innrásir á ný inn í nágrannalönd sín og væri þá þegar byrjað að herpast saman í nýjan grunn undir nýtt musteri mannvonskunnar.

Og hér er bara minnst á hina steingeldu og kölnu kartöflugarða í okkar nánasta umhverfi. Svo er allt hitt.

Kveðjur

Gunnar Rögnvaldsson, 13.12.2018 kl. 19:01

4 Smámynd: Borgþór Jónsson

Vel mælt Gunnar.

En það sem Pompeo vill,er að stjórna Gulaginu.

Nordsteram gasleiðslan er ágætt dæmi um hvernig þessi mafía hugsar.

Það sem Trump er í raun að segja. 

Þið eruð undirmálsfólk og þið eigið að kaupa Bandarískt gas á 40% hætta verði,af því við erum herraþjóðin. Evrópusambandið er smá vörn gegn þessu. Pompeo vill stjórna Gulaginu,ekkii til hagsbóta fyrir fangana heldur fyrir hann sjálfan. Þetta er svona einfalt.

Það er þetta sem Pompeo er að tala um þegar hann er að tala um sjálfstæði þjóða. Hann vill þjóðir án sambanda sem geta ekki veitt viðnám

Sama gegnir um handtöku Kíversku bisnisskonunnar. Hún er gerð til að reyna að stoppa fyrirtæki hennar sem er búið að taka forystuna á farsímamarkaðnum. Bandaríkjamenn eru líka búnir að kúga nokkrar þjóðir til að banna fimmtu kynslóð farsíma frá þessu fyrirtæki Pompeo vill stjórna Gulaginu,með ofbeldi og mannráni,ef ekki gengur annað. Pompeao er ekki skemmt þegar Huawei skilur Apple eftir í rykmekki í samkeppninni.

Kanadamenn eru þegar farnir að finna fyrir þessu og þó tregir séu eru að læra þá lexíu að það sé ekki heppilegt að ræna Kínverskumm ríkisborgara. Kanadamenn eru svolítið seinir svo þeir eru núna fyrst að fatta að það er ekki lengur hægt að ræna erlendum ríkisborgurum fyrir hönd Bandaríkjanna eins og tíðkast hefur á undanförnum árum

En þetta mun allt springa í fésið á Pompeo af því að þjóðir heims eru farnar að sjá í gegnum þetta og veita mótspyrnu. Gætilega í fyrstu til að reyna að koma í veg fyrir að vanvitarnir í fyrstu til að vanvitarnir í Washington sprengi upp veröldina.        Síðan verðurþunginn meiri.Það er farin áf stað skriða sem verður ekki stoppuð.

Kamarinn er að hruni kominn. 

Borgþór Jónsson, 13.12.2018 kl. 21:18

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband