Leita í fréttum mbl.is

Sigmundur Davíð greinilega besti maðurinn í bransanum

ÍSLAND

Myndin af besta manninum í bransanum er nú að verða flestum ljós. Fyrst að svo margir vilja fyrir alla muni koma Sigmundi Davíð Gunnlaugssyni og flokki hans fyrir pólitískt kattarnef, þá er varla hægt að komast hjá því að álykta sem svo að þar fari mesti stjórnmálamaður Íslands þessi árin. Framskriðin móðursýkin vegna glasaglaums er nú svo of-stæk, að boðað er nunnu- og munkaklausturhald á staðnum þar sem landráðaleg svikin fóru fram af hálfu vinstristjórnarinnar síðast. Bara að Vinstri nýgrænahreyfingin og Samfylkingin hefðu verið fullar þá, en það voru þær ekki - og heldur ekki forysta Sjálfstæðisflokksins þegar hún gerði í Icesave metrópólítan-buxurnar í já-já jó-jó kannski-klúbbunum þá

FRAKKLAND

Franski bankaforsetinn Emmanuel Macron er að missa hanastélstökin sem hann hafði aldrei nema að embættisnafninu til á frönsku þjóðinni sem býr til Frakklandið sem hann á að taka sig af, en sem hann hefur bara ekki gert. Macron lendir stundum í Frakklandi ofan úr græna lofthjúpnum ógurlega sem er að reynast eitt stærsta áróðurs- og lygaáhlaupið í sögu mannkyns. Sá hjúpur er nú á barmi svo mikillar örvæntingar að eitt barn sem fannst í barnlausri og steingeldri Evrópu var látið vitna þar - og líka í DDRÚV hér. Næst verður líklega eyddum fóstrum veifað á hinu græna altari nýmarxismans, því nóg er af þeim. Fyrst rak franska og þýska ESB-elítan áróður fyrir dísil með aðstoð framkvæmdastjórnar Evrópusambandsins, sem er útibú þýska iðnaðarins í Brussel. Svo hrundi Evrópusambandið við fyrsta vindhanagal haustið 2008 og bönkunum í formi ESB var sigað á þjóðir þess til að bjarga sambandinu og þeim umboðslausu sem þéna stórt á því skattfrjálst. Atvinnuleysi í Frakklandi hefur verið krónískt þetta tíu prósentin eða svo, frá því að elítur landsins hófu fullveldisfórnirnar í efnahagsmálum Frakklands með stofnun Evrópusambandsins. Nýjasta firran til að flýja tóm glösin heima, er að stofna her hér og þar. Hafa námsmenn og hjúkrunarfólk nú boðað þátttöku sína í gulum vestum um næstu helgi. Þetta mál snýst ekki bara um skattaokur á dísli eða bensíni í miðjum lofthjúp grænna veruleikafirrtra elíta. Það snýst um hið fullkomna sambandsleysi imperíal glóbalista við þær þjóðir sem halda þeim uppi

RÚSSLAND

Rússland gæti nú verið að búa sig undir að taka allt Svartahafið yfir. Það hefur lagt hald á herskip Úkraínu og neitar að skila þeim aftur. Olíuverð er hrunið og Pútín er óvinsæll heima og efnahagur landsins er afar slæmur. Bandaríkin eru að koma sér fyrir í Rúmeníu með herstöð fyrir flugherinn og árásargrúppa USS Harry S. Truman er komin úr norðri inn í Miðjarðarhaf. Nálægt botni þess er áttavillt Tyrkland rambeltandi með lykilinn inn og út úr Svartahafi og fyrir botni þess er Ísrael að undirbúa fyrirbyggjandi aðgerðir á þá sem sitja um landið á tvennum eða jafnvel fleiri vígstöðvum. Það gæti farið að draga til tíðinda. Það var jú á jóladag sem Rússland réðst inn í Afganistan. Verða þetta friðarjól eða ekki. Það veit ég ekki

VOPNAHLÉ

Markaðsmenn létu blekkjast í einn dag vegna þriggja mánaða vopnahlés í viðskiptahallastríði Bandaríkjanna og Kína. Gosið í þeirri flösku var ekki meira en svo. Og ESB er ekki skemmt þessa dagana, því Íranmálið er að vefjast um háls þess eins og snara

Fyrri færsla

Til hamingju með fullveldið íslenska þjóð


« Síðasta færsla | Næsta færsla »

Athugasemdir

1 Smámynd: Hrólfur Þ Hraundal

Á þeirri tíð sem Sigmundur Davíð var forsætis ráðherra og Bjarni Ben fjármálaráðherra þá var virk stjórn í landinu. Sigmundi var ljóslega í mun að standa við orð sín og Bjarni var góður fjármálaráðherra.  Þessi stjórn kom ýmsum ágætis málum í framkvæmd en eftir að Sigmundi var gerð fyrirsát af óþurftar Mafíu sem hefur ræktast upp hér og er enn í gangi samanber Klaustur, þá hefur eingin ærleg dugandi stjórn orðið til í landinu væntanleg til mikillar hamingju fyrir þessa Mafíu sem nærist væntanlega á ESB og ríkisstyrktum rökkum sínum.

Það var þó einn hængur á ríkisstjórn Davíðs Sigmundssonar og það var að takast ekki að draga ESB umsókn Jóhönnu vitlausu og hennar kumpán formlega til baka.  Um það mál átti Gunnar Bragi að sjá en tókst svo óhönduglega að það varð ríkisstjórninni til skammar.  Það var ljóst að það voru of margir ESB sinnaðir innan stjórnarinnar. Umtöluð Mafía hafði líka þau áhrif í icesave að BB fékk kaldan haus.

              

Hrólfur Þ Hraundal, 5.12.2018 kl. 10:50

2 Smámynd: Tómas Ibsen Halldórsson

Hrólfur, það var skömm Bjarna Ben. og Sigurðar Inga að standa ekki með SDG, það er eins og það hafi hlakkað í þeim, þeir vildu SDG burt. Áttu þeir kannski hlut að máli?

Ég er þér hjartanlega sammála að meðan SDG var forsætisráðherra var tekið á málum og eigum við honum margt að þakka, þó svo Gunnar Bragi hafi klúðrar sínu máli gagnvart ESB, en hann var og er flokksbróðir SDG. Merkilegt að sú vinátta hefur ekki komið sér vel fyrir SDG. Fróðlegt væri að vita hvað orsakaði klúður Gunnars Braga.

Tómas Ibsen Halldórsson, 5.12.2018 kl. 13:56

3 Smámynd: Hrólfur Þ Hraundal

Rétt athugað Tómas,  Það var furðulegt hvernig þeir snéru við samherja sínum baki og svo virtist sem hann væri þeim óvinurinn en ekki Mafían sem gerði honum fyrirsát. 

Hann stóð eftir þetta lúgalega bragð  allt í einu aleinn og gerði smávægileg mistök, en það er bara ekkert undarlegt eins og málum var háttað. 

Hann er ekki ESB sinni en þeir virðast undarlega margir í stjórnsýslunni og það væri gaman að vita  hvar þeir geima silfur peningana sína, annars eru þetta nú líklega bara evrur.   

Hrólfur Þ Hraundal, 5.12.2018 kl. 16:38

4 Smámynd: Hrólfur Þ Hraundal

Velá mynnst Tómas, það klúður var svo útúr korti að ekki var einu sinni hægt að kenna um barnaskap. 

Málið var útvatnað og útvatnað þar til ESB var tilbúð að taka við því. 

Þannig verk voru þeir einir færir um að skipuleggja sem voru tryggir ESB og með ítök innan stjórnarinnar. Auðvita sleppa kvislingar ekki skattfrjálsum Evrum.

Hrólfur Þ Hraundal, 5.12.2018 kl. 17:36

5 Smámynd: Tómas Ibsen Halldórsson

Sammála þér Hrólfur

Tómas Ibsen Halldórsson, 5.12.2018 kl. 20:36

6 Smámynd: Borgþór Jónsson

Undarlegt eins oog þú skrifar mikið um Rússland ,þá veistu ekkert um landið.

59% fylgi Putins geta tæpast talist óvinsældir. Ég veit ekki við hvað í ósköpunum þú ert að miða.Það eru kanski 39% fylgi Trumps eða minnae en 30% vinsældir Merkel og Macron. Að auki eru óvinsældi Putins mjög litlar. 11% minnir mig.

Varðandi efnahag Rússlands þá er hann trúlega sá sterkasti í Evrópu og vissulega miklu betri en Í Bandaríkjunum.

Rússland er með afgang á fjárlögum,verður sennilega nálægt 3%

Þeir eru með mikinn jákvæðann viðskiftajöfnuð og jákvætt fjármagnsflæði.

Vextir eru þokkalega háir sem er merki um heilbrigði í samfélaginu.

Skuldir ríkisins eru afar lágar og og einnig skuldahlutfall almennings.

Húsnæðiseign almennings er með því hæsta sem gerist,sem er jú sparnaður eins og þú kannski veist.

Olíuverð er akkúrat þar sem Rússar vilja hafa það,enda stjórna þeir verðinu að mestu leiti.Það er nú ca 50% hærra en þarf til að halda fjárlögum í jafnvægi. Það er líka nógu lágt til að halda Saudum á mottunni og til að setja fracking iðnaðinn í Bandaríkjunum á hausinn. Þó þú eigir erfitt með að skilja það ,þá þjónar hátt olíuverð ekki hagsmunum Rússlands.Þeir eiga einfaldlega nóga peninga,og það er bara að aukast.

Rússneska bankakerfið stendur mjög sterkt.

Varasjóðir þjóðarinnar bólgna nú aftur út vegna góðærisins og erlendar skuldir lækka óðum.Landið er eitt af örfáum sem á gjaldeyrisvarasjóð sem er jafn hár og allar erlendar skuldir rikis og einstaklinga samanlagt.Þetta er ein megin ástæðan fyrir að efnahagsþvinganir hafa nánast ekkert að segja. Hafa aðeins minniháttar tímabundnar afleiðingar.

Önnur ástæða er að þó að viðskifti við Evrópu sú að minnka,eru viðskifti þeirra við önnur lönd að aukast meira.Einkum Asíu. Árangurinn af viðskiftaþvingununum hefur verið sá einn að Evrópa hefur tapað mörkuðum og Bandarísk fyrirtæki hafa orðið af viðskiftatækifærum í auðugasta ríki heims.

Þessi viðskiftaþvingana sirkus er orðinn hálf aumkunarverður.Síðast voru settar þvinganir á heilsubaðstað á Krím og einhverja einstalklinga. Eitthvað sem engu máli skifti. Svo komu þessir gæjar og þöndu út brjóstkassann og þóttust hafa unnið stórvirki. Hinsvegar geta þeir ekki ráðist á stóru Rússnesku fyrirtækin af því að þá kála þeir sjálfum sér í leiðinni. Þetta lærðu þeir þegar þeir reyndu að ráðast á Dereipaska. Þeir þurftu að bakka snarlega út úr því ,og enginn hefur nefnt Deripaska á nafn í sex mánuði. 

Cristine Lagard hjá IMF kom auga á þetta allt og sagí að Rússar væru með "besta efnahagsstjórnunarmodel sem hugsast gæti".

Ofan á þetta bætist að Rússneska þjóðin ar samstíga og veit hvert hún er að fara. Þetta er kannski mikilvægasti þátturinn. Hún er að vinna að   framfaramálum ,en ekki að brenna miðborgir eða að  skoða kynfærin á sér

Það eru í gangi og fyrirsjáanlegar miklar framfarir í Rússlandi.

Það væri fróðlegt ef þú gætir upplýst okkur um af hveju þú telur að Rússar séu á vonarvöl.

Borgþór Jónsson, 6.12.2018 kl. 12:11

7 Smámynd: Gunnar Rögnvaldsson

Þakka ykkur fyrir innlitið og skirf, Hrólfur, Tómas og Borgþór.

Kveðjur

Gunnar Rögnvaldsson, 7.12.2018 kl. 01:08

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband