Viðskiptastríð ljósmæðra - og Bandaríkjanna

Áhöfnin á Halastjörnunni (hans Gylfa): Ég hvísla yfir hafið

****

Í reynd er enginn eðlislægur munur á viðskiptastríði ljósmæðra og viðskiptastríði landa. Ljósmæður eru hluti af þjóðinni sem heldur þeim uppi. Þær eignast börn, borga skatta og geta því orðið fyrir barðinu á sjálfum sér eins og gerist í viðskiptastríðum á milli landa. En sum stríð eru þó mikilvægari en önnur, sérstaklega þau þar sem viðskipti flestra liggja undir. Allir geta eignast börn án ljósmæðra. Þær eru ekki afhendingarkeðja sem allt byggist á. Eins er það með afhendingarkeðjur í hinum stóra heimi. Hægt er að setja upp nýjar keðjur eins og hendi sé veifað. Það er í reynd auðveldara en margir halda. Þannig að viðskiptahallalöndin eru oftast sigurvegarar í viðskiptastríðum

Ljósmæður eru ekki með krónískan viðskiptahalla. Því er ekki hægt að halda fram. Og börn munu halda áfram að fæðast, án þeirra. En viðskiptahalli Bandaríkjanna er hins vegar kerfislega mikilvægur fyrir öll Vesturlönd, því án Bandaríkjanna hætta Vesturlönd að vera Vesturlönd. Viðskiptahagnaðarlöndin munu tapa viðskiptastríði við Bandaríkin, það segir sagan langa. Það er því rangt þegar háskóaliðið segir að "allir tapi" í viðskiptastríðum. Það er ekki rétt, því annars myndi enginn há kjarabaráttu. Háskólar vorir eru að verða ansi lélegir. Í þá mun brátt ei borga sig að fara

Fyrri færsla

Aðeins flokkur skíthæla hafnar forseta danska þjóðþingsins

Athugasemdir

[Valdimar Samúelsson, 21.7.2018 kl. 15:58]

Vel orðað Gunnar málið er nefnilega það að Ljósmæður eru ekki ómissandi en haga sér alveg eins og Terroristar.

[Gunnar Rögnvaldsson, 21.7.2018 kl. 16:45]

Þakka þér Valdimar.

Nei nei ljósmæður haga sér alls ekki eins og "terroristar". Það er af og frá. Þær eru bara í kjarabaráttu, eins og margir aðrir. Það er allt og sumt. Mönnum er heimlit að hafa ýmsar skoðanir á því.

En þar sem viðskiptahalli ljósmæðra er ekki krónískur þá gengur sú barátta ekki svo auðveldlega upp. Aðilar málsins munu auðvitað semja um kaup og kjör.

Kveðjur 

[Sigþór Hrafnsson (IP-tala skráð) 21.7.2018 kl. 16:54]

Sæll Gunnar

Það er áhugaverð hugmynd að láta Kína borga viðskiptahalla BNA. En það er allt annað að láta það raungerast. Spurningar sem að vakna eru á borð við; Hvað gera kínverskir neitendur þegar erlendar vörur hækka? Hvernig munu Bna menn bregðast við hækkun á amerískum vörum sem framleiddar eru í Kína? Hver verða taktísk svör Kína?

Það ber líka að hafa í huga að Kína bjó til kerfi umhverfis BNA eftir allar Asíu kreppurnar á sínum tíma. Kerfið gengur að mestu út að vera með veikan gjaldmiðil gagnvart Bna. Það hefur virkað ansi vel fyrir Kínverja hingað til.

[Gunnar Rögnvaldsson, 21.7.2018 kl. 16:56]

En reyndar finnst mér meira mikilvægt að fjölskyldur sem eignast fleiri en þrjú börn séu verðlaunaðar fyrir að fjárfesta í framtíð lands okkar. Annars verða ljósmæður smám saman atvinnulausar og síðasti maður mun slökkva ljósin.

[Gunnar Rögnvaldsson, 21.7.2018 kl. 17:16]

Sæll Sigþór.

Kína er með meira en þúsund milljón fátæklinga sem lifa á þremur dölum á dag. Kommúnistaflokknum verður varla skotaskuld úr að selja þeim það sem Bandaríkin vilja ekki kaupa. Kína er heimsveldi sjálfskapaðrar fátæktar kommúnista. Þeir um það. Enginn þarf á þeim að halda því þeir skapa enga raunverulega eftirspurn í alþjóðahagkerfinu, alveg eins og Þýskaland. Bæði ríkin hanga eins og svarthol á eftirspurn frá öðrum löndum. Þau gætu reynt að gefa eitthvað til baka af þeirri eftirspurn sem þau hafa sogað út úr annarra þjóða neytendum. En það geta þau ekki af því að þau eru geld og vonlaus ríki og enda sem stórslys. 

Þessi tvö ríki munu annað hvort þurfa að drepast úr nísku og kommúnisma áður en það verður hægt að eiga eðlileg viðskipti við þau, eða bara deyja alveg, úr krónískum skorti af eftirspurn.

Eins og þú sérð er ég ekki lengur í akademísku skapi þegar að blaðurkenningum "háskóla(sam)félagsins" um svo kölluð "frjáls viðskipti" kemur. Slík viðskipti hafa aldrei verið til og verða aldrei til. Svo einfalt er það.

Núna stendur þriðjungur allra íbúða tómar í Kína, nema það að Kommúnistaflokkurinn hefur fyllt þær upp af ritvélum sem enginn nokkru sinni mun spyrja eftir. Um þessar ritvélar hafa allar 5-ára áætlanir kommúnistaflokksins snúist og gera enn. Og ekkert af þessum lager hefur verið afskrifaður út hagtölum landsins aftur, og það mun ekki verða gert. Kína er því ekki sú hagstærð sem menn halda. Það mun koma eins og Sovétríkin undan komma-jöklinum, sem verandi minna en hagkerfi Japans er í dag.

Kveðjur

[Gunnar Rögnvaldsson, 21.7.2018 kl. 18:22]

Annars er það svo Sigþór að viðskiptahalla er ekki hægt að "borga". Hann er afleiða. Og hann heitir jöfnuður sem ætlast er til að sé í jafnvægi.

Það sem einkennir Asíulöndin (og Þýskaland) er að þau eru ofur-útflutningsháð og byggja á útflutningi. Það gengur ekki upp þegar um meiriháttar hagkerfi er að ræða, því í reynd er þá verið að minnka hlut heimilanna í landsframleiðslunni. Eins og þú veist þá eru það fyrirtækin sem framleiða landsframleiðsluna en heimlin sem neyta hennar. Og þess sem heimilin neyta ekki, er flutt út til annarra landa, eða sparað upp. Og vegna þess að heimilin eru ávallt nettóinnflytjendur (net importer) þá virkar veikt gengi á þau eins og skattur og hlutur þeirra í landsframleiðslunni minnkar þar af leiðandi enn meira, og sparnaður þeirra er þar með fluttur yfir til fyrirtækja landsins. Þess vegna er Kína að deyja og þess vegna er Þýskaland þegar dautt - innvortis.

Annað gildir um minniháttar hagkerfi því "tradable sector" þeirra er ávallt mun stærri, hann neyðist einfaldlega til að vera það.

[Valdimar Samúelsson, 21.7.2018 kl. 21:28]

Samþykki þetta Gunnar en stundum er of langt gengið fyrir nokkrar krónur. Raðherra laun er hinsvegar allt of há miðað við almenn laun og mikil heimska og frekar eyðilegging að leyfa þeim að fara svona hátt. 

[Haukur Árnason, 21.7.2018 kl. 23:49]

Ef að það er rétt, að hjúkrunarfræðingur, eftir 4 ár í HÍ sé með hærri laun en ljósmóðir með 4+2 ár í HÍ, þá er það rétt sem þú segir:  " Háskólar vorir eru að verða ansi lélegir. Í þá mun brátt ei borga sig að fara"

[Sigþór Hrafnsson (IP-tala skráð) 21.7.2018 kl. 23:50]

Þakka svarið Gunnar. Raunar hef ég aldrei skilið hvernig Kína rúllar áfram ár eftir ár, sennilega með hökru og lygum?

[Gunnar Rögnvaldsson, 22.7.2018 kl. 00:24]

Já Haukur. Svona er þetta að verða.

Það dettur fáum nema Íslendingum í hug að menntun eigi að vera sjálfvirk ávísun á hærri laun.

Mér finnst að það ætti að banna fólki að fá sér meira en eina menntun á kostnað skattgreiðenda.

Pia Kjærsgaard kom með þá hugmynd að það menntafólk sem yfirgefur landið sem kostar menntun þeirra, strax eftir nám, og þegar það er skortur á þannig fólki, já þá ætti að gjaldfella öll námslán þeirra strax. Þetta fékkst að vísu ekki í gegn þegar þetta var rætt í DK, en vasi skattgreiðenda getur bara ekki haldið áfram að vera eins konar ókeypis sjálfsali þar sem fólk getur sankað að sér menntagráðum og hent þeim á haugana ef því sýnist svo og fengið nýja gráðu á kostnað skattgreiðenda í staðinn. 

Það hlýtur að fara að líða að því að fólk verði látið borga fyrir sitt nám sjálft, og þá get ég fullvissað þig um að fólk mun velja menntun sína af mörgum sinnum meiri kostgæfni en það gerir í dag. Það er orðið stórkostlegt offramboð af háskólafólki, Íslandi til skaða.

Kveðjur

[Borgþór Jónsson, 23.7.2018 kl. 01:15]

Það er kannski ekki beinlínis rétt að það sé offramboð af háskólafólki,en það er griðarlegt offramboð af háskólafólki sem hefur enga menntun. Í sumum tilfellum er hin svokallaða menntun verra en ekkert og beinlínis skaðlegt fyrir samfélagið ,til dæmis kuklið sem á sér stað í Kynjafræðideild Háskólans.Það er ekki nóg með að þessi deild útskrifi einskis nýtt og hættulegt fólk ,heldur eitrar það út frá sér út í aðrar deildir skólans.

Þúsundum saman siðlast menn í gegnum háskólann og afla sér "menntunar" sem hefur ekkert gildi og það er enginn markaður fyrir. Svo setja menn upp launakröfur í samræmi við sína einskisnýtu prófgráðu. Þetta held ég að sé aðal vandamálíð og er fylgifiskur ókeypis menntunar. Ef hlutirnir eru ókeypis er engin ástæða til að krefjast þess að þeir séu verðmætir.

Á hinn bóginn kemur mikill kostnaður við nám í veg fyrir að hæfir og metnaðarfullir einstaklingar fái notið menntunar og bæti samfélagið. En þetta er eitt af mörgu sem ekki má ræða.

En hugmynd þín um eina ókeypis prófgráðu er athugunarinnar virði. Samt er þetta ekkii einfalt mál ,því að stundum getur verið nytsamlegt að hafa fleiri en eina gráðu í skildum greinum

Ég hef meiri efasemdir um endurgreiðslu á kostnaði. Þetta er afar flókið mál og ef menn feta sig út á þessa braut getur verið vandamál hvar á að stoppa. Ég er á því að við Íslendingar gætum að lokum komið afar illa út úr þessu í ljósi þess að við erum mjög háð því að fólk geti menntað sig erlendis. Ég sé fyrir mér að í framhaldinu verði settar kvaðir á verkfræðinga,til dæmis, sem mennta sig í Kaupmannahöfn um að þeir verði að vinna í Danmörku um ótiltekinn tíma. Þar með eru þeir okkur glataðir.

Hitt er annað mál að mórallinn í þessum efnum er orðinn óviðunandi og það þarf að fara að brýna fyrir fólki að menntun er ekki ókeypis. Það eru bara aðrir sem borga hana.

Þegar læknadeilan stóð yfir var viðtal í einhverju blaði við unga konu sem var að útskrifast sem læknir.

Hún tilkynnti lesendum ,roggin,að hún ætlaði sko ekki að vinna á Íslandi fyrir skítakaup en færi til útlanda strax þegar hún fengi skýrteinið.

" Eg skulda Íslandi ekkert" bætti hún við  hrokafull.

Hún hefur væntanlega átt við íslensku þjóðina en ekki landið.

Hún virtist ekki gera sér minnstu grein fyrir að þessi þjóð sem hún var að skíta yfir hafði fært henni að gjöf menntun sem var milljóna virði.Sennilega tugmilljóna. Hún hafði þegið þessa gjöf af íslenskum almenningi sem flestir hverjir búa við miklu lakari afkomu en henni stóð til boða.

En hún skuldar okkur ekkert að eigin sögn. Þetta er mórallinn og því þarf að breyta.