Þýskir stinga áfram höfðum í nýsovéskan sand ESB

NATO-fundurinn snérist að sjálfsögðu um Bandaríkin því þau halda NATO uppi sem hernaðarbandalagi á meðan stærstu ESB-löndin halda sér að mestu frá því að halda NATO sem hernaðarbandalagi, því stjórnmálin í þeim löndum snúast um að níða Bandaríkin niður og tala út og suður um hvað NATO eigi að snúast um, vegna eigin innri vangetu. Evrópa er orðin eins og fallandi alki sem reynir að útskýra akademískan óbata sinn með blaðri og dagdrykkju. Þýski kanslarinn er pólitískur yfirmaður í steingeldu hálf-sovésku landi sem mælist með hve mesta andúð á Bandaríkjunum, sem halda uppi NATO og þakinu yfir nýsovésku Þýskalandi. Í ríkisstjórn hennar eru vinstrimenn af hreinum stasískum trúbálki sem sjá helst að hernaðarmætti Bandaríkjanna sé skipt út fyrir hernaðarmátt Rússlands. Þýskaland mun um aldur og ævi verða til stórkostlegra vandræða fyrir meginland Evrópu og veröldina. Það hefur hingað til verið liðið, því Bandaríkin umbáru það vegna þess að þau þurftu á Þýskalandi að halda í glímunni við Rússland í full-sovésku stjórnarfari, sem nú er að endurtaka sig undir nýjum merkjum. Bandaríkin þurfa ekki lengur á Þýskalandi að halda og það gremst Þjóðverjum vegna þess að þá þurfa þeir að taka dálitla ábyrgð á sínu lífi. Það er afar erfitt, sérstaklega núna, þegar þau lönd sem báru Þýskaland efnahagslega uppi eru annað hvort sviðin jörð eða orðin andsnúin ESB-ryksugun Þýskalands

Evrópa kemur ekki nálægt neinum mikilvægum málum lengur því hún hefur enga, nada, núll getu til að leysa þau: hvorki Úkraínumálið, Krím né allt hið rotna beinagrindasafn hins afturgangandi sovéts í Vladímír Pútínlandi, ekki Mið-Austurlönd, ekki Kína, ekki Norður-Kóreu, ekki ISIS, ekki heimsviðskiptamál, ekki Ísrael-Palestína, ekki Íran né upprennandi Stór-Tyrkland. Evrópa er orðin gamalt hrúgald á öskuhaugum sögunnar. Hún er orðin ruslatunna sem Bandaríkin umbera, en ekkert umfram það. Þau sjá smá von í Austur-Evrópu sem bandamanni, en restin af meginlandinu er að verða nýtt stasi-ríki undir sovésku ESB

Ekkert merkilegt evrópskt fyrirtæki er lengur til og hinn stafræni hluti heimsins á engan veginn heima þar; núll. Allir bankar meginlandsins eru gangandi beinagrindur. Enginn góður háskóli er lengur til á meginlandinu, jú  einn, en hann er í Sviss. Enginn merkilegur stjórnmálamaður býr lengur á meginlandi Evrópu, frekar en var í Austur-Þýskalandi og Sovét. Þeir geta einfaldlega ekki orðið til. Jöfnuður! en ekki frelsi er orðið mottó og Evrópusambandið nálgast nú eins konar mafíuríki sem ekki er hægt að kjósa burt. Allt er orðið fyrrverandi og álfan er ekki fær um að verja sig lengur. Henni tekst með naumindum að kreista fram 1,4 prósent af ESBlanda-framleiðslunni í varnir. Satt að segja -veit Donald Trump- erum við að horfa á rústirnar af því sem einu sinni var. Evrópa er búin að vera fyrir fullt og allt. Hún er orðin hálf sovéskt betlandi fyrirbæri á leið til Rómar II. Evrópusambandið drap hana enda er það Stasi. En eigum við að leyfa því að drepa Ísland líka?

Fyrri færsla

Óvissuferð endar: Nýja Sjáland pantar fjórar bandarískar kafbátaleitarvélar

Athugasemdir

[Valdimar Samúelsson, 13.7.2018 kl. 09:32]

Gunnar góð grein eins og venjulega. Nei viðeigum ekki að leifa ESB að ná tölum hér og reyna að koma okkur frá öllum samskiptum við þau. Það er aðalspurningin hvort StórMoskvan á Íslandi með múslímskum milljóndollara sé ekki búinn að kaupa upp landið okkar á meðan stjórnvöld eru meðvirk vitandi að sala hefir stóraukist þetta árið.  

[Borgþór Jónsson, 13.7.2018 kl. 11:03]

Það verður alltaf svolítill gusugangur þegar heimsveldi hrynja.

Það virðist vera að Bandaríska heimsveldið ætli að hrynja með svipuðum hætti og það Sovéska.

Leppríkin þau snúast gegn kvalara sínum og þegar það gerist hrynur innatóm skelin. Vestur Evrópa er nú á svipuðum stað og Austur Evrópa fyrir 30 árum. 

Eins og gengur þá er Evrópa svolítið munaðarlaus eftir áratugi í gíslingu Bandaríkjanna og stígur nú feimnislega fyrstu skrefin í áttina til frelsis.

Það er ekki gott að segja hvort þessi skref verða stigin til fulls í þetta skifti,eða hvort ferðalagið verður stöðvað eins og gert var forðum í Tékkóslóvakíu og Ungverjalandi. En þróunin er hafin og hún verður aðeins tafin ,en ekki stöðvuð.

Það eru afskaplega fáar kynskóðir sem hafa séð heimsveldi hrynja,en við eru svo lánsöm að sjá þetta fyrirbæri gerast tvisvar. Hvílíkir tímar.

Þegar Sovétríkin hrundu fór allt á besta veg. Það gerðist með nokkuð friðsamlegum hætti og upp úr óreiðunni reis sterk og samheldin þjóð sem er hvar sem á er litið öflugasta þjóð Evrópu.

Nú verður spennandi að sjá hvernig Bandaríkjunum reiðir af. Bandaríkin eru í dag að einangrast frá restinni af veröldinni. Í rauninni er eina ástæðan fyrir því að einhver yrðir á það ágæta fólk ,að þeir eiga gríðarlega stórann her. Nú hefur Putin skorað þennan her á hólm ,og hann kiknaði. Bæði í Sýrlanndi og Úkrainu.Aðrar þjóðir eygja nú von um að það sé hægt að hrinda þessu oki af sér. Þetta er svolítið svipað og gerðist í seinni heimstyrjöldinni. Þegar Sovétmenn voru búnir að sýna fram á að Nasistar væru ekki ósigrandi,og raunar brjóta þá að bak aftur, skriðu hin ríkin út úr holunum og hjálpuðu til að einhverju marki.

Svo er líka spennandi að sjá hvað gerist heima í Bandaríkjunumm sjálfum.

Bandaríkjamenn eru afar ólíkir Rússum í allri framgöngu og forsögu.

Hvað gerist þegar fer að þrengjast verulega að þessari ofdekruðu þjóð sem hefur ekki séð vandamál í margar kynslóðir. Allir Bandaríkjamenn eru dánir sem hafa einhverntíma þurft að þola harðræði.Rússar voru á hinn bóginn að koma út úr löngu tímabili sem var hlaðið af vandamálum Ólíkt Rússum þá er ofbeldi og græðgi inngróið í Bandarísku þjóðarsálina.

Þetta er uppskrift að borgarastyrjöld. Það er meira en líklegt að þegar þrengir að,þá verði borgarastyrjöld í Bandaríkjunum,í það minnsta að þau liðist í sundur. Betur stæðu ríkin reyni að bjarga sér á kostnað hinna fátækari. Þá er bara að henda poppi í pott og fylgjast með hilgdarleiknum.

.

Svo er hinn möguleikinn ,að þeir starti heimssyrjöld til að losna við óþægindin. Þá þurfum við engann pott fyrir poppið. Það mun poppast af sjálfu sér. 

[Borgþór Jónsson, 13.7.2018 kl. 12:27]

En hvað verður um Evrópu.

Í lífi Evrópu hafa undanfarna áratugi verið þrír örlagavaldar.

Það eru Sovétríkin, NATO og ESB.

Við geturm kanski lært ritthvað af viðbrögðum Austur Evrópuríkjanna þegar þau fengu frelsi.

Þessi ríki höfðu löngu gleymt hvernig átti að reka sjálfstætt ríki,svo þau afsöluðu sér strax sjálfstæði með að ganga í ESb og/eða NATO. 

Þar hittu þau fyrir ríki sem líka höfðu gleymt þessu.

Þar kemur til herseta Bandaríkjanna og aðild þeirra að NATO.

NATO er alfarið stjórnað af Bandaríkunum og Evrópskir fulltrúar fara bara þangað til að skrifa undir það sem þeim er sagt að gera. 

Katrín Jakobsdóttir leysti þetta snilldarlega með því að tala bara um kartöfluuppskeruna í Þykkvabæ. Ég held að enginn hafi veitt þessu athygly,það var enginn að hlusta hvort sem er.

Síðan skrifaði Katrín undir herskáa stefnu NATO og fór heim. Þegar heim kom sagðist hún vera friðardúfa og hafi bara talað um kartöflur. En undirskriftin gildir.

Þetta er nokkuð lýsandi fyrir NATO og ESB fundi.

Nokkrar þjóðir hafa til dæmis lýst yfir andstöðu við viðskiftastríðið gegn Rússum. Það er ekki af meðaumkun með Rússum,heldur af því að þær eru verulega skaðlegar fyrir þessi ríki.

En þegar þessar þjóðir koma á fundina segja þær ekki neitt,eða tala um kartöflur.

Það er engin umræða leyfð.

Þetta er pínu eins og Varsjárbandalagið. Þú kemur bara inn á svona fundi með eina skoðun og það er skoðunin sem þú fékkst senda í pósti daginn áður frá Bandarísku haukunum.

Merkel andaði reyndar út smá gagnrýni á fréttamannafundi þegar hún réttilega líkti Bandaríkjunum við Sovétríkin.

En svo skrifaði hún undir og fór heim.

[Erla Magna Alexandersdóttir, 13.7.2018 kl. 18:03]

ÞAÐ VAR ALDREI ÞJÓÐARATKVÆÐAGREIÐSLA mer vitanlega- um að ganga í esb. HVERSVEGNA Í ANDSK---- ÞURFUM VIÐ ÞÁ AÐ GERFA ÞEIM VATNIÐ OKKAR OG FARA EFTIR LÖGUM ÞÞEIRRA  ? HVAÐA FYLLIBYTTUR Í RIKISSTJÓRNINNI HAFA SKRIFAÐ UNDIR - HVAР ??

[Helga Kristjánsdóttir, 14.7.2018 kl. 01:48]

Rétt er það Erla,hversvegna sækja þeir ekki ólölegt plaggið sem Össur fór með til Brussel 16.júlí 2009.,,,,?

[Helga Kristjánsdóttir, 14.7.2018 kl. 19:02]

Nei aldrei! Ég komst að þeirri merkilegu staðreynd að fyrrum gallharðir Sjst.menn eru búnir að fá nóg af stjórnmála-gaufi þeirra á þingi og í fyrsta sinn heyrði ég gagnrýnina frá þeim heitasta sem ég þekki,það finnast ekki margir jafningjar hans hvað það varðar.
2 dögum seinna; Hvað er þá eftir til ráða? þegja og bíða sætta sig við verbúðarlífið. Verða afkomendur okkar jafn harðir af sér og forfeðurnir