Límdu sig við Rússana

Fum og fát einkenndi atganginn á jörðu niðri í Sýrlandi um leið og Donald J. Trump tísti að tauga- og efnavopnahernaði á saklaust fólk yrði svarað með enn öflugri aðvörunarárás en í fyrra. Tóku þá strax hernaðarlegar eigur Assads-liðsins að líma sig fastar við samskonar eigur Rússlands í Sýrlandi. Þannig átti að redda sér

En hversu lengi mun þannig sjónhvarf út af af síbreytilega sviðinu duga. Það er ekki gott að segja, því bandaríski forsetinn vildi að slegið yrði til gegn rússneskum og írönskum stríðstólum líka. Pentagon og James Mattis varnarmálaráðherra réðu forsetanum frá því, sökum mögulegrar "stigmögnunar"

Hinum nýja þjóðaröryggisráðgjafa Hvíta hússins, John Bolton, sem líklegt er að vildi sjá meira, tókst að sögn Wall Street Journal að hamra saman áætlun sem miðlaði málum á þann hátt að það skotmark sem ráðist yrði á, yrði rústað svo tryggilega að ekkert stæði eftir. Að það sem eyðilagt væri yrði þar eftir algerlega handónýtt. Og það var eins við manninn mælt: skotmörkin litu út eins og bílastæði fyrir utan súpermarkað að árás lokinni, tilbúin til malbikunar, þannig að bréfin í Caterpillar lækkuðu strax á mánudag

Þar sem Þýskaland á ekkert fljúgandi farartæki sem flogið getur í myrkri, og heldir ekkert slíkt sem uppfyllir til dæmis kröfur fyrir NATO-leiðangra, þá sat það að venju heima, enda ná nýjustu eldflaugar Írans nú til Saxlands í Þýskalandi

Og með dyggari aðstoð Norður-Kóreu ná þær brátt til Íslands og lengra. Það styttist í það og næstu tilrauna-sprengingar Norðursins, að loknum komandi platfundi, nema að eitthvað sem máli skiptir verði að gert

Eldflaugasýnigin á laugardag:

Bandaríkin: 88
******************************************** ********************************************

Frakkland: 9
*********

Bretland: 8
********

Þýskaland:
einn kínverji (rautt ekkert)

Fyrri færsla

Rússar hafa misst tökin

Athugasemdir

[Borgþór Jónsson, 19.4.2018 kl. 11:15]

Þetta var sniðugt hjá Sýrlendingu,þeir vita sem er að Tomahawk flaugar hafa enga möguleika til að komast í gegnum Rússneskar loftvarnir. Tomahawk flaugar eru hægfara og með fyrirsjáanlega flugstefnu. Þær fljúga með sama hraða og Boeing 737.

Skotmörkin voru ekki 3,þau voru 8.

Tvö skotmörk urðu ekki fyrir neinu tjóni af því flaugarnar komust ekki á leiðarenda,fjögur urðu fyrir minniháttar skemmdum og tvö voru eyðilögð.

Mestu skemmdirnar urðu á fyrrverandi skrifstofu OPWC í Sýrlandi sem hafði verið rýmd af því OPWC hafði farið fram á að húsið yrði rifið. Húsið hafði vottorð frá í Nóv. síðastliðnum um að þar væru engin eiturefni. Þar voru því engar loftvarnir.

Þessi árás var því gífurlegt áfall fyrir Bandaríska herinn. Þetta var í raun dómur yfir Tomahawk flaugunum um að þær eru ónothæfar í stríði þar sem einhverjar loftvarnir eru fyrir hendi. Jafnvel 40 ára gamlar loftvarnir sem hafa nýtýsku radar.Þetta var úrskurður um að í framtíðnni verða svona flaugar eingöngu notaðar gegn Íslandi og Færeyjum.

Ástæðan fyrir að árásin sneyddi kyrfilega framhjá varnarsvæði S 400 kerfisins var ekki að þeir óttuðus stigmögnun,heldur að þeir vissu að ef flaugarnar færu í gegnum áhrifasvæði þeirra mundi engin flaug komast á leiðarenda. Það hefði verið frekar neyðarleg ekki satt.