Hverjir eru hagsmunir Kína á Kóreuskaga ?

Tungulipur taparinn Bill Clinton flytur "framework" ræðu sína 1994. Hangir hann nú í "ramma" hennar á vegg "alþjóðasamfélagsins", sem ekki er til

- SUNNUDAGUR -

Númer eitt: Að viðhalda þeim aðskilnaði sem er. Að Kórea sé áfram tvö ríki, suðurs og norðurs. Það er eina lausnin sem Kína álítur að tryggi sig gegn völdum sameinaðrar Kóreu. Kína vill ekki samkeppni á lægsta þröskuldinum sem til er inn í það ríki sem Kína er í dag, þ.e. yfir Yalufljótið. Þetta gildir einnig um sameiðana Kóreu undir völdum Pyongyang, sem er höfuðborg Norður-Kóreu í dag. En sérstaklega og hve ákafast gildir þetta um sameinaða Kóreu undir völdum Seoul, höfuðborgar Suður-Kóreu, sem nýtur lífsnauðsynlegrar verndar Bandaríkjanna. Kína vill alls ekki sameinaða Kóreu. Hvorki undir völdum Pyongyang né Seoul. Kína vill því fyrst og fremst sundraða Kóreu

Tvö: Að viðhalda þeim stöðugleika sem er innanlands í Kína núna og sem viðhaldið er með auknum terror og ofsóknum gegn þeim sem fengið hafa viss aukin völd í suðurhlutum landsins vegna viðskiptaopnunar sjávarsíðunnar við umheiminn. Xi Jinping einsræðisherra Kína er að herða og dýpka einræði sitt yfir Kína og koma öllum þeim völdum fyrir kattarnef sem ógnað geta alræði Kommúnistaflokksins. Allir loftfimleikar á stuðara-landamærum Kína og Kóreu, með tilheyrandi gusum fólksflutninga frá 80 milljón manna fólksfjölda Kóreuskaga, myndi ógna viðkvæmu stöðugleika-ógnarveldi kínverska Kommúnistaflokksins í landinu núna. Afleiðingarnar gætu hæglega orðið ófyrirsjáanlegar, eins og sést til dæmis í Evrópu

Þrjú: Að viðhalda viðskiptasamböndum við Suður-Kóreu, Bandaríkin og Japan. Ef útflutningur Kína kemst á hættusvæði, er hætt við að kommúnistaríkið falli saman því svo fáir í Kína hafa efni á að kaupa það sem framleitt er í landinu. Einkaneyslan í öllu Kína er ekki mikið meiri en einkageiri franska hagkerfisins spyr eftir á hverju ári. Kína lagði af stað í þessa för með núll einkageira í landinu. Allt hagkerfið var eign ríkisins. Sú vonlausa upphafsstaða eins hagkerfis mun elta það um aldur og ævi og halda því vansköpuðu til enda tíma þess undir alræði. Jafnvel steinaldarhagkerfi hafa náttúrlegan einkageira er þau leggja af stað í þróunarferð

Vandamál Kína er í hnotskurn þetta: Fyrst að fólkið í landinu fær aldrei frelsi sitt, þá verður að reyna fóðra það á peningum, en samt ekki of miklum, því þegar fólkið á annað borð hefur fengið næga peninga, þá heimtar það venjulega frelsið sitt. Fólk lifir ekki á peningum einum saman. Kommúnistaflokkurinn þarf því að halda einum skildingi -eins og glampandi kattaskít í tunglsljósi- á löngu skafti fyrir framan nef fólksins, en sem það nær þó aldrei, - svona eins og evrupenings-flokkurinn Viðreisn gerir í Norður-Kúbuveldi Samfylkingaraflanna hér á Íslandi

Veldi Kína svipar á margan hátt til veldis Sovétríkjanna og Rússlands. Umhverfis Han-valdamiðju landsins liggja þeir stuðarar sem vernda eiga valdamiðjuna gegn umheiminum. "Kragann" er hægt að kalla þessa stuðara. Hann umlykur Han-Kína. Fari þeir, þá hrynur Kína. Þessa stuðara þarf að fóðra með vissu fé á sem lengstu skafti, en helst engu frelsi. Og sjá verður enn fremur til þess að eina opið sem Kína hefur gagnvart umheiminum, sjávarsíðan, missi flest þau völd sem hún fékk með gróða frá erlendum fyrirtækjum, sem staðsettu (þræla) búðir sínar þar. Það er það sem Xi einræðisherra Kína er í gangi með núna. Að tortíma þeim völdum sem fylgdu þeim auði sem skapaðist við sjávarsíðuna, en helst án þess að brenna peningana. Hann gerði þá því bara sem mest upptæka. Á kommúnistamáli heitir þetta að "uppræta spillingu". Þeir sem höfðu þannig fengið viss völd til að standa uppi í hárinu á Kommúnistaflokknum, eru ekki meir

Fjögur: Að halda utanaðkomandi öflum burtu frá Kóreuskaga. Það getur Kína ekki nema með því að reyna stanslaust að grafa undan Bandaríkjunum um allan heim. En þau hafa gætt lífs og lima Suður-Kóreu frá og með árinu 1950. Þessi deila opnar á ný glugga fyrir neðanjarðar-borveldi Kína gagnvart Bandaríkjunum. Í þeim borkjarna eru einnig borvélar Rússlands og Evrópusambandsins. Takist Kína að grafa undan Bandaríkjunum, eru Japan, Suður-Kórea og Filippseyjar komin í útrýmingarhættu og öll Asía mun springa í loft upp. Þetta vita Bandaríkin mjög vel, því þau tryggja þjóðaröryggi og siglingafrelsi þessara ríkja. En þetta stangast á við viðskiptahagsmuni Kína og því verður Peking að reyna halda einhverskonar nagandi jafnvægi í kröppum línudansi Kommúnistaflokksins á eldlínunni, en sem slitnað getur eins og hendi sé veifað

Fram til þessa hefur Norður-Kóreu tekist að leika heimsveldi undir stjórn valdastéttar sem á engan sinn líka í þessum heimi. Leiðtoganum tókst að efna til samkomu við stórt borð þar sem Norður-Kórea kúgaði Bandaríkin, Suður-Kóreu, Rússland, Japan og Kína til að líta á sig sem jafningja. Þessi sex lönd sátu því saman við sama borð þar sem fimm þeirra reiddu þar af hendi það lausnargjald sem leiðtoginn setti upp. Bein útsending til hinnar sveltandi þjóðar Norður-Kóreu sannfræði hana um að leiðtogi hennar væri þrátt fyrir allt mesti, stærsti, snjallasti og virtasti leiðtogi veraldar. Um alla hungurmorða norður kóreönsku þjóðina fór því 20 megatonna gæsahúð af stolti. Leiðtogi hennar fékk allt, en Chamberlain Bandaríkjanna, Japans, Suður-Kóreu, Rússlands og Kína, fengu ekkert. Nú er komið að næstu greiðslu. Borgið, annars sprengi ég líka Pólland. Tékkóslóvakían í maga mínum var bara forrétturinn að forréttinum. Hæ Íran!

Ekki er hægt að segja annað en að hið gamla norður-kóreanska hvíldarheimili fyrrverandi samfylkingarlegra forsætisráðherra Norðurlanda, sé að standa sig

Í Hvíta húsinu situr ekki beint tungulipur maður núna. Hvað ætlar hann að gera? Það er það sem öllu máli skiptir, en ekki það sem hann segir

Þetta er mikilvægt, því ef Kína tekur líka upp viðskiptalíkan Norður-Kóreu, þá þurfa Bandaríkin að koma sér á ný upp þeim 32 þúsund kjarnorkuvopnum sem Kalda stríðið krafðist, því Sovétið hafði 40 þúsund. Kína er og verður aldrei annað en kínverskt sovétríki. Það mun aldrei laga sig að veröldinni eins og hún er, heldur alltaf leitast við að aðlaga og draga hana að sér

Vont er vel skilgreint í Heilögum ritningum Vesturlanda. Hollt er að muna það, því kvöldlestrartími baðstofulífs þjóðar fer í hönd,- eftir berjatínslu og réttir. Rússland hefur þess bók, en Sovétríkin höfðu hana ekki. Kína mun aldrei opna hana

Fyrri færsla

Íslendingar fleyta tólg til minningar um fallna forfeður sína

Athugasemdir

[Sigurður Þórðarson, 13.8.2017 kl. 13:19]

Ég hef oft heimsótt S-Kóreu og rætt við fólk sem á ættingja norðan megin. Ég hef lesið eitt og annað og myndað mér þá skoðun að þessi ríki muni sameinast og það eina sem geti komið í veg fyrir það séu öflugir utanaðkomandi kraftar.

[Jóhann Elíasson, 13.8.2017 kl. 16:10]

Ég var rétt áðan að horfa á fréttskýringarþátt um Norður Kóreu á RTA sjónvarpsstöðinni og er það með því ömurlegasta sem ég hef séð.Þar kom fram að 15% af landsframleiðslu Norður Kóreu (sem er það lítil að hún myndi ekki duga til að brauðfæða þjóðina þótt 100% af henni rynnu til þess) fer í herinn og annað eins fer í áróður þarlendra til að STYRKJA stöðu "litla feita brjálæðingsins".  Meðal annars var talað við konu frá Suður Kóreu, sem fékk að fara yfir landamærin til að heimsækja ættingja sína í Norður Kóreu í ÞRJÁR KLUKKUSTUNDIR.  Hún sagði að fátæktin væri ólýsanleg en ættingjar hennar fyrir norðan landamærin höfðu skrapað saman fyrir mat og á meðan á matmálstímanum stóð fór rafmagnið fimm eða sex sinnum.  Það er EKKERT internet í Norður Kóreu, heldur LOGGA menn sig inn á INNRA NET STJÓRNVALDA og þannig er komið í veg fyrir að "óæskilegar" upplýsingar berist til landsins.  Mjög strangt eftirlit er haft með ÖLLUM sem koma til landsins og er landsmönnum bannað að tjá sig við utanaðkomandi nema undir eftirliti.  Ég hef aldrei orðið vitni að eins mikilli foringjadýrkun eins og kom þarna fram  og það var sagt þarna í þættinum að leiðtogi landsins væri guðleg vera og ef menn færu eitthvað að efast um það biði þeirra ekkert annað en dauðinn.....

[Gunnar Rögnvaldsson, 13.8.2017 kl. 16:18]

Þakka þér innlitið og skrif, Sigurður.

Tja, það er nú það sem deilan snýst um. Suður-Kórea vill ekki sameinast undir fána Norður-Kóreu. Hún neitar að láta innlima sig í mannlega rottugildru Norðursins. Suðrið reiðir sig því á líflínu frá Bandaríkjunum. Væri hún ekki til staðar er líklegt að Norðrið myndi leggja Suðrið undir sig og gera það að þrælum. Já, það er að því leitinu rétt hjá þér, að það eru þessir utanaðkomandi kraftar sem koma í veg fyrir að Suðrið renni sem þrælaríki undir Norðrið.

En það er á hreinu að Kína vill halda þrælaríki Norðursins lifandi því það tryggir Kína að landið sameinast aldrei, eða svo lengi sem Norðrinu er haldið á lífi. Ég er því viss um að Kína styður við dyggilega Norðrið. Það er Peking í hag að Norðrið sundri Kóreu. Kína mun því ekki gera neitt nema að til dæmis hagkerfi þess sé tekið taki, snúið á hvolf og Sámur frændi hristi gengisfalsaða peningana úr vösum þess. Þá myndi koma nýtt hljóð í kalda kommúnista, því Lenín þeirra er kominn með fastan vindil í kjaftinn sem slokkna myndi þá í. 

Kveðjur

[Gunnar Rögnvaldsson, 13.8.2017 kl. 16:25]

Þakka þér Jóhann.

Íslendingar ættu hér að taka við sér, því 25 milljón manna hagkerfi Norður-Kóreu er ekki nema tvöfalt stærra en það íslenska. Við sem þykjumst ekki hafa efni á að lögga sjálfa lofthelgi okkar.

Já þetta ríki Norður-Kóreu er helvíti á jörð, nema fyrir valdastétt þess. Sú stétt mun hvergi geta haft það betra en þar, með 25 milljón einkaþræla undir sér. Þessi staða er ófáanleg fyrir hana annars staðar.

Kveðjur

[Gunnar Rögnvaldsson, 13.8.2017 kl. 16:52]

Ja hérna. 

Sú samkunda sem kallar sig þjóðþing Lýðveldis íslam í Íran, var rétt í þessu að samþykkja 520 milljón dala fjárveitingu til handa eldflauga-prógrammi Írans.

Norður-Kórea gleðst sennilega mikið við þessi tíðindi því þeir hafa skaffað Íran mikið af tæknilegum forsendum prógrammsins og fá líklega vel greitt fyrir úr þessu.

Ríkisstjórn Kúveit sagði fyrir nokkrum dögum að tæplega sex þúsund Norður-kóreanskir verkamenn væru að störfum í landinu. En í fyrradag afneituðu stjórnvöld þessu hins vegar með öllu.

Rússland er líka með Norður-Kóreanska þræla á sínum snærum austast í Rússlandi. Pútín mun nú leggja höfuð sitt djúpt í bleyti til að finna upp eitthvað sérstakt sem hann getur gert Bandaríkjunum illt í sambandi við málefni og stöðu mála Norður-Kóreu. Hann selur þeim til dæmis hveiti. Allt sem Rússland getur mögulega gert til sjúga krafta frá Bandaríkjunum í Austur-Evrópu, mun hann gera. Sama þó svo að Rússland sé algerlega andsnúið kjarnorkuvopna prógrammi NK.

Þetta kemur.

[Jónatan Karlsson, 13.8.2017 kl. 20:53]

Sæll Gunnar.

Þú ert alveg ágætur, en þú ættir frekar að kaupa þér svona viku kynningarferð og sumarauka til Kína, fremur en að úthúða þessu friðsama ríki líkt og mér heyrist þú gera.

Hagur manna í Kína er auðvitað mismunandi eftir stöðu og staðsetningu, en upp til hópa er fólk þar áberandi ánægðir föðurlandsvinir, líklega vegna þess að kjör þeirra fara batnandi.

[Sigurður Þórðarson, 13.8.2017 kl. 22:32]

Ég er alls enginn sérfræðingur um utanríkismál en hef átt allmarga kóreska vini og því haft tækifæri til að skyggnast inn í kóreska þjóðarsál. Tel mig hafa mýmargar ástæður til að ætla að vilji íbúanna beggja vegna landamæranna sé að sameining verði sem fyrst.

Hvernig valdastéttir hugsa þarf því ekki að skipta öllu máli þegar til kastanna kemur. Þjóðarvilji er afl sem óþarft er að vanmeta, ekki síst ef hann fær farveg.  

[Gunnar Rögnvaldsson, 13.8.2017 kl. 22:56]

Þakka þér innlitið Jónatan.

Ríki sem enn er byggt á stjórnarfari og valdastofnun sem myrti 60 miljónir af eigin borgurum til að hrifsa til sín völdum á ólöglegan hátt, er auðvitað mjög friðsamlegt ríki. Þar eru að sjálfsögðu ekki lengur neinir Austurvellir baðaðir í skrílslátalegum mótmælum og  aðförum að lýðræðisstofnunum þjóðar, því engar eru þær til í þessu ríki þínu og fólk einfaldlega tekið af lífi fyrir að mótmæla þeirri friðsömu fyrirmynd sem þú kynnir kommúnistaríkið Kína hér á bloggsíðu minni. Ekki skal mig undra að þú álítir, segir og skrifir  Bandaríkin sem veldi "undirförulla spunameistara helstu hryðjuverka skipuleggjenda jarðarinnar", eins og þú skrifar á bloggsíðu þinni. 

Kveðjur

[Gunnar Rögnvaldsson, 13.8.2017 kl. 23:04]

Þakka þér aftur Sigurður.

Já ég taldi mig vita að þú værir einmitt að hugsa á þessum nótum og ég skil vel hvað þú ert að hugsa, því það sama hugsa ég. Ekki ætti líta fram hjá því að það sem fram fer í sál þjóða getur komið eins og framkvæmd þrumu úr heiðskýru lofti.

Ef um tvö frjáls ríki sömu þjóðar væri um að ræða þá væru þau eitt. En eins og er þá er bara annað þeirra frjálst land og hefur ekki hugsað sér annað en að vera það og að berjast áfram fyrir frelsi sínu.

Eitthvað annað þarf að gefa sig til að um sameiningu geti orðið að ræða og á þeim lista er þá einungis Norðrið eftir. Það verður að gefa sig.

Kveðjur

[Þorsteinn Sch Thorsteinsson, 13.8.2017 kl. 23:10]

Sæll Gunnar
Þeir segja að AIPAC, Banka- og Zíonista MSM- fjölmiðla- elíta sé alls ekki ánægt nema að Donald Trump karlinn hefji stríð gegn Norður Kóreu, sérstaklega þar sem að fréttir eru um að Norður Kórea búi alls ekki yfir neinum kjarnorkuvopnum.

Putin: North Korea Doesnt Have Nuclear Weapons, It Has Trillions in Minerals

Putin: North Korea Has Zero Nukes, But Trillions in Rare Minerals

North Korea False Flag: Guam Could Become Second Pearl Harbor


Ron Paul: “I Fear Our Government More Than North Korea”


Donald Trump wants to invade the world, presumably for Israel and Saudi Arabia


China will prevent US first strike against North Korean regime – govt daily 

[Þorsteinn Sch Thorsteinsson, 14.8.2017 kl. 00:03]

[Helga Kristjánsdóttir, 14.8.2017 kl. 00:43]

Hvaða frétt er það Steini sem giskar, á að Trump hyggi á hernað vegna Ísrael? 

[Þorsteinn Sch Thorsteinsson, 14.8.2017 kl. 07:41]

Sæl Helga

Þeir segja hérna fyrir neðan, að Donald Trumo karlinn vilji hefja stríð fyrir Ísrael og Saudi Arabíu, eða :

"... Since he is an Israeli shill, he wants to destroy one country after another, and he thinks he has the nuclear and political power do whatever the Israelis tell him. The Israelis told him that Assad used chemical weapons on his own people, and Trump had to say, “Yes, sir.” Trump bombed Syria for a few hours, but deep inside he knew that the Israelis were just using him because they never gave him a single evidence showing that Assad was really responsible for the chemical gas attack. Russia has always been on the right side of history by showing that Assad had nothing to do with the chemical attack. Russia, as we have seen, has single-handedly thwarted the Syria invasion. The Israelis, warmongers and Neoconservatives in America were indeed really mad and sad because the world didn’t follow their wicked plan. Now the same warmongers and destroyers are moving Trump to North Korea and even Venezuela. Trump has recently said that he will bring “fire and fury” to North Korea. And now he is thinking about military actions against Venezuela. “The people are suffering and they are dying,” he said. “We have many options for Venezuela including a possible military option if necessary.”[1] Well, the people in Yemen, Iraq, and Afghanistan are suffering... "(Donald Trump wants to invade the world, presumably for Israel and Saudi Arabia)

[Jónatan Karlsson, 14.8.2017 kl. 07:42]

Sæll Gunnar.

Ég ímynda mér að þú sért að vitna til byltingar kommúnista og síðan hinnar ógeðfeldu menningarbyltingar, sem áttu sér stað fyrir að verða mannsaldri síðan.

Ég er nú aðalega að fjalla um samtíman á þessum vetvangi, en gæti auðvitað látið kalt vatn renna niður bakið á þér og öðrum, ef farið væri út í þá sálma.