Ófriðarbatterí ESB komið heim til hleðslu í Brussel

Evrópusambandið hefur fært löndum þess ófriðarhættu, hryðjuverk, upplausn, atvinnuleysi, stöðnun, vonleysi, fjárkúgun, fjármagnshöft, peningaskömmtun, lömun, getuleysi, feigð og náttúruleysi, trúleysi á alla framtíð og niðurbrot þjóða. Siðferðilegur grundvöllur þess er hin stóra mannlega eyðimörk út í eitt án sérkenna og neins sérstaks, nema þurrks og auðna

Í gær náðist enn einn áfanginn í niðurbroti ESB-ismans á Evrópu. Í gær var hátt í fjörutíu manns slátrað og meira en tvö hundruð særðir skammt fyrir utan aðalstöðvar Evrópusambandsins í borginni Brussel í Belgíu á altari hórfrelsis sambandsins, sem á fagmáli þess kallast "fjórfrelsi": ég bý í landi X en drep í Y og er á framfærslu Z

Hve lengi getur þetta elítubatterí andskotans haldið áfram að hlaða sig endurgjaldslaust. Ekki mikið lengur. Ekki mikið lengur án endurkomu þið vitið hvers. En eins og ávallt, mun sambandið krefjast meiri þurrks og stærri auðna sem lækningu við minni þurrk og óbreyttri auðn

Evrópusambandið framleiðir hörmungar til þess eins að ofurlaunaður herafli þess geti starfað við að leiðrétta þær með nýjum og enn ömurlegri hörmungum. Og haldið því áfram þar til að Evrópa öll og þjóðir hennar liggja sem sá ákjósanlegi pólitískt sundurtætti glóðvolgi jarðvegur stjórnleysis er kallað getur úr sér brætt Frankensteinveldi álfunnar til lífs á ný. Kallað fram gamla heimsveldið með hina keisaralegu abstraktion við andþjóðleg völd sem aldrei rúmast geta innan lýðræðislegs stjórnarfars, sjálfsákvörðunarréttar og friðar á meðal ólíkra þjóða með ólíka menningu. Þá er sambandið loksins komið heim þegar óábyrg abstraktion langt úti við sjóndeildarhring er komin með full völd á ný

Þarna gengur allt samkvæmt áætlun. Og hér heima þurrka menn sér EES-lamaðir á friðþægingar reglugjörðum sambandsins til sjálfsblekkinga og iða sér í fótabaði lömunar á meðan þeir halda að einhver annar úti við sjóndeildarhring á fjarlægu EES- og esb-level, andi og hugsi fyrir þá

Út með EES! Inn með landamæri á milli lífs og dauða

Athugasemdir

[Anna Sigríður Guðmundsdóttir, 23.3.2016 kl. 23:18]

Garður er granna sættir.

Misskilningurinn virðist vera sá, að ekki megi vera til staðar neinn granna sættir, sem setur eðlileg mörk í samræmi við eðlilegar umgengnisreglur og friðarins ábyrga frelsisrými einstaklinga.

Gildir á sama hátt á öllum svæðum jarðarinnar.

M.b.kv.

[Bjarne Örn Hansen (IP-tala skráð) 24.3.2016 kl. 01:20]

Ég er algerlega ósammála.

Vissulega er það rétt, að ESB hefur farið ranglega að.  Í fyrsta lagi, stuðlað ófriði til að hagnast ... í stað þess að stuðlast að því að gera sig óháða olíu og gas, þá ýttu þeir undir ófrið í þessum löndum, til að ná "völdum". Síðan stuðla þau að auknum innflutningi fólks, til að stuðla að fjölgun þriðja klassa samfélagsins ... því að yfir klassin, getur ekki stjórnað klassa tvö, nema með aðstoð fátæklinganna ... eða klassa þrjú, sem gerir allt fyrir peningana.

Núna, verðum við "klassi tvö" fyrir þukkli á flugvöllunum, en ekki flóttafólk ... sem fær ókeypis vegabréf.

Núna, þegar allt er að fara til fjandans ... þá þurfum við á sterkri stjórn að halda.  Við þurfum ESB, þurfum styrk ... þurfum stuðning.  Nú fyrst, er þörf á ESB ... að hlunna að því, ekki að draga það í sundur.  Því hver og ein þjóð, stendst ekki þrýstinginn.  Ísland eitt, á sér einskis von ... né getur staðið straumin, né óveðrið.

Á þessari stundu, gildir máltækið ... sameinaðir stöndum vér ... sundraðir föllum vér.

Ef við viljum lifa af það sem koma skal ... verðum við í Evrópu, að finna okkur sjálf og standa saman. Ef ekki, líður Evrópa undir lok, innan 50 ára.

[Gunnar Rögnvaldsson, 24.3.2016 kl. 07:17]

Þakka ykkur kærlega fyrir innlit og skrif.

Tja, Bjarne, Sovétríkin reyndu að hella meiri og betri sósíalisma og imperíalisma á kerfið. Alltaf var sagt að síðasta áfylling nomenklattúrunnar á bensíntank hins andvana fædda geggjunar-kerfis þeirra væri betri en síðasta átöppun. Að allt myndi batna ef bara kommissarar kerfisins kæmust lifandi fyrir næsta horn hins lokaða öngstrætis sem þeir byggðu handa sjálfum sér og engum öðrum. Enginn borgari hefur heldur nokkru sinni beðið um að neitt Evrópusamband væri stofnað. Sú áköllun hefur aldrei verið í gangi meðal kjósenda. Bandalagið er bara ný útgáfa af sovétríki.

Árgangurinn Perestrojka úr klikkunar vínkjallara sósíalista þótti lofa góðu um tíma og var markaðsfærður sem band-aid við sama AIDS og ESB keyrir á öll löndin í sínu bandalagi. Þau eru öll komin með króníska eyðni og lömunarveiki.

Í ESB er því strax núna eftir síðustu bardaga hjálparlausra borgara úti á götum sambandsins við sjálft fjórfrelsi þess, byrjað að tala um "öryggis-bandalag" innan í bandalaginu (1984) sem líka á að innihalda bankabandalag; réttnefni Bjørnebanden (the Matrix)

Nema að þetta sér bara brandari hjá þér Bjarne.

Kveðjur

[Gunnar Rögnvaldsson, 24.3.2016 kl. 08:15]

Örvitaveldi Brussel gerði fyrir aðeins 3 mánuðum síðan banka- og tryggingafélagalega ímyndarauglýsingu um borgina þar sem herveldi ESB býr í kastala sínum, þar sem gert var góðlátlegt grín að þeim komandi hryðjuverkum sem drápu í vikunni 40 manns og særðu 200.

Það þyrfti kannski að loka landamærum þessa ónýta lands svo að það geti ekki hýst og flutt meira út af terror sínum. Og síðan að loka niður öllu helvítis Evrópusambandinu í leiðinni. Þetta er veruleikafirrt fólk sem þarna er við völd á hæstu stöðum.

Hér má horfa á video-framleiðslu sérfræðinganna: Heimsækið Brussel

Kveðjur

[Gunnar Rögnvaldsson, 24.3.2016 kl. 08:31]

Afsakið. Myndbandið er víst bara tveggja mánaða gamalt.