Leita í fréttum mbl.is

Dagur hins pólitíska næturlífs Reykjavíkurborgar að kveldi kominn

Að verðlaunum og sem persónulega skilnaðargjöf hlaut uppgjafar hún ekki gullúr, heldur bannfæringavopn borgríkis Pírata, Samfylkingar, Vinstri grænna og Bjartrar "framtíðar". Ég skammast mín verulega fyrir að skrifa þessi fjögur orð tengd inn í svo óbærilegt samhengi. Hvorki grænt, bjart né framtíð eiga svona slæmt skilið

Gömlu tuttugustu aldar galdrabrennur kommúnista-trúarinnar snúa aftur í Reykjavík, er eitt sinn var höfuðborg fiskimanna og bænda. Þar eru borgarfulltrúar kjósenda ekki lengur fulltrúar, heldur fullir trúar og þjóðar-haturs

Fullir kommúnistatrúar og haturs á einu einstöku þjóð-ríki sem mengar nágrenni Evrópusambandsins með lýðræði og ríkisstjórnun sem staðfast sinnir grundvallarskyldum sínum gagnvart borgurunum, með því að vernda líf, limi og eigur þeirra. Sem er eina grundvallarskylda hverrar kjörinnar ríkisstjórnar. Sú eina grundvallarskylda sem með algeru og ofureflis lögmæti getur réttlætt sjálfa tilvist hennar. Allt annað geta borgararnir sjálfir séð um, sé út í það farið

Þetta er sama gamla rauða súpan og síðast, en nú elduð á logunum frá byltingarkenndum grænum salernispappír þessa fjórflokks ömurlegra og andlýðræðislegra pólitískra afla. Þetta er fólkið sem gekk með kröfuspjöld KBG Sovétríkjanna, sem bæði hannaði og dagskrár- og hugmyndstýrði svo kölluðum "friðarhreyfingum" þeirra í Evrópu á kaldastríðsárunum. Afglapar út í eitt. Og þetta er fólkið sem ætlaði inn í "öryggisráðið". Hugsið ykkur. Þetta er fólkið sem trúir enn

Afsögn þessara veruleikafirrtu borgríkis-poppkorna er algert lágmark. Sé þeim í anda og verki annt um borgarana og landið sem þau lifa á, þá ætti persónuleg afsökunarbeiðni þeirra hvers og eins á íslensku og alþjóðlegu tungumáli að birtast innan skamms og frekari skammar og skemmda fyrir lýðveldið okkar Ísland

Ég neita enn að trúa því að svo illa sé komið fyrir stjórnmálum íslenskrar þjóðar að hér, eins og undir þjóðaupplausn Evrópu, sé ekki lengur hægt að láta kjósa sig án þess að tala illa um eða vera illa við og hata jafnvel Ísraelsríki og Gyðinga. Það er virkilega illa komið fyrir Íslandi undir sósíalistunum í bæjarstjórn Reykjavíkur núna. Hinn veruleikafirrti metrópólítan-sósíalisti undir ostaklukku, sem tegund, er hættumerki úrkynjunar og hnignunar

Hér þyrfti innanríkisráðuneyti lýðveldisins að grípa í taumana. Ef til vill væri æskilegt að leysa Reykjavíkurborg upp í smærri einingar eða að flytja höfuðstað Íslands frá Reykjavík og þar með þingsstað Alþingis og stofnanir Lýðveldisins í jarðnært og sjálfbærara umhverfi

Við glímum ekki við 40 mílna KEF-RVK eldflaugafjarlægð Tel Aviv fyrrum höfuðborgarstæðis Ísraels frá Gaza. Hér er nóg pláss til höfuðstaðarflutninga í friði undir hervernd þjóðríkis Bandaríkja Norður-Ameríku og varnarpláss okkar til slíkra flutninga innan fullrar 200 sjómílna landhelgi og hitaveita Bjarts í Sumarhúsum, nálgast nú eina milljón ferkílómetra

Hvorki 250 milljón manns á Grænlandi, Færeyjum og Kolbeinsey, Eldey, Vestmannaeyjum, Surtsey, Viðey og Engey og Flatey og Grímsey, hafa það sem helsta stefnumál sitt að útrýma Íslandi og Íslendingum af yfirborði jarðar. Flatarmál Ísraelsríkis er einn fimmti hluti Íslands! Engin ríkisfjárlög lands okkar myndu undir slíkum aðstæðum duga til bleyjukaupa á núverandi borgarstjórnarmeirihluta þess pláss sem hýsir höfuðstað Lýðveldisins með slíkri þjóðarskömm og nú

Fyrri færsla

Heil ríkisstjórn í höndum hryðjuverkamanna


« Síðasta færsla | Næsta færsla »

Athugasemdir

1 Smámynd: Ragnhildur Kolka

Nú loksins verður hugtakið "fjórflokkurinn" skiljanlegt.

Ragnhildur Kolka, 20.9.2015 kl. 10:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband