Leita í fréttum mbl.is

Kista full af stolnum þjóðargersemum

Nú þurfa menn bara að fylgjast með því hvernig elítur Evrópusambandsins munu notfæra sér til hins ýtrasta vandamál Úkraínu sér til eigin framdráttar

ESB hefur frá byrjun staðið úti á götum Úkraínu og hellt bensíni á þá neista sem mættu koma frá samskiptum landsins við Rússland. Út á götur í Kiev mættu þeir í eigin persónu til að steyta hnefana

Hugsa sér að þetta geti gerst hjá þingmönnum ríkja sem eru í stjórnmálasambandi við Úkraínu í gegnum meðal annars utanríkisþjónustu og sendiráð

Hvað hefðu Íslendingar sagt ef Brusselmennin hefðu mætt hingað til óeirða með skrílsliði til árása á þinghús íslenskrar þjóðar og seðlabanka undir áföllum þjóðarinnar 2009. Reyndar hafa þeir síðan þá verið steyptir niður í skrílsvellina, því staðsettir eru þeir hér enn

Öll árin frá því að múrinn féll hefur Evrópusambandið tekið á móti stolnum þjóðarauði Rússlands og þar með sýnt rússneskum almenningi hvers eðlis Evrópusambandið í raun og veru er: kista full af stolnum þjóðargersemum í vörslu ókjörinnar klíku

Nú mun Evrópusovétsamband Brussels þenja sig út. Þetta eru kjöraðstæður fyrir sambandið til að hrifsa til sín enn stærra og valdameira umboðsleysi sitt. Á þessu nærist ESB; sprengingum

Brusselsk-Evrópa er frá 1987 af, skuldum vafin gagnvart rússneskum almenningi og stjórnvöldum hans. Rússum var meðal annars lofað því að Þýskaland og þar með Evrópusambandið yrði aldrei sú gerræðislega steypublanda til alræðis sem sullið ESB orðið er í dag. Því var frú Margaret Thatcher einnig lofað. Og líka þeim sem í Hvítu húsi sat

Fyrri færsla

Kapítalismi er ekki það sama og kapítalismi


« Síðasta færsla | Næsta færsla »

Athugasemdir

1 Smámynd: Helgi Jóhann Hauksson

Allir fasistar styðja greinilega Pútin og landvinninga hans — og hvað þykist þið svo hafa raunverulega verið að meina eitthvað með tali um að virða „fullveldi“ — í ykkar augum er fullveldi sem Pútín vill fótum troða einskis virði og þá auðvitað ekki fullveldi annarra ríkja sem fasistaleiðtogar ykkar myndu vilja fótum troða.

Helgi Jóhann Hauksson, 30.7.2014 kl. 13:19

2 Smámynd: Gunnar Rögnvaldsson

Þjóðernisbrota- og tungumálakort af Úkraínu

Mynd; þjóðernisbrota- menningar- og tungumálakort af pólitískri púðurtunnu Úkraínu

Þakka þér innliitð Helgi 

Úkraínuvæðing og Balkanisering Evrópusambandsins

Að mörgu leyti má segja að Evrópusambandið sé Úkraína og að Úkraína sé eins og smækkuð mynd af Evrópusambandinu undir framköllun þess er stanslaust skerpist sem yfirríkisleg umboðslaus ófreskja á framköllunarpappír Brusselveldisins. Sem fjöl-hegningar-samfélag* með hroðalegum mannlegum framtíðarhorfum

Þannig er útópíusamband ESB að verða. Það er orðið yfirríkisleg samsteypa elítuvelda þar sem heilar sex fimm-ára áætlanir í stíl Sovétríkjanna sálugu hafa nú þegar spilað sig algerlega fallít í formi hinna þriggja tíu-ára áætlana Evrópusambandsins umhverfis "Lissabon markmiðin" frægu. Þau eru hin marklausu mið sem meðal annarra ESB-fíklar á borð við fyrrum forsætis- utanríkis- allsherjar- og menntamálaráðherra Íslands staupuðu sig svo lengi á. Sem sú lygi er um tíma hélt pappírsfljótum sambandsins rennandi til áfangastaðar lyganna í Brusselskógum ESB. Þeir sem sögðu "þetta er þvaður", voru hins vegar sendir í intellektuelt gúlag í aðildarlöndunum

Allar þessar þrjár 10-ára Lissabon-áætlanir ESB eru fyrir löngu orðnar elítuvátryggt ESB-misfóstur gegn framförum og hagsæld. Þær urðu að herjandi fíaskói á fólkið í Evrópusambandinu, eins og við mátti búast

* Fjöl-hegningar-samfélag er hægt að skilgreina sem samsull "esb-samhæfinga" og svo kallaðra "esb-umbóta" (coordination & structural reforms). ESB-samhæfing og ESB-samþvættið fer ávallt og einungis fram í nafni elítu- og klíkuvelda, ekki ósvipað peningaþvætti. Algerlega framhjá fólkinu

ESB-samhæfing felst í því í að lofa yfirríkislega að gera landi sínu og þjóð í heild eitthvað slæmt í þágu elítu landsins, gegn því að annað ESB-land lofi yfirríkislega að gera sínu landi og fólki eitthvað sem í heild er jafn slæmt fyrir það land og þá þjóð, en eins og í fyrrnefnda landinu, einungis í þágu elítu hins síðarnefnda lands

Allir tapa nema ESB-elítan og ESB-hagsmunaklíkan. Svona er Evrópusambandið byggt upp um leið og AngloSaxon PaxAmerican-Evrópa er rifin niður og sjálfstæði og fullveldi aðildarríkjanna dælt úr þeim yfir í hið nýja allsherjandi sovét ESB

Tengt 

Austurvöllur orðinn Wall Street sósíalista og stjórnleysingja?

Kveðjur

Gunnar Rögnvaldsson, 30.7.2014 kl. 19:44

3 Smámynd: Helga Kristjánsdóttir

Þeir eru hér enn verðum að bindast samtökum og að hrekja þá burtu. Þetta er andstyggð.

Helga Kristjánsdóttir, 30.7.2014 kl. 21:43

4 identicon

Þótt ég sé sammála þér í mörgu varðandi ESB, þá tel ég samt að Rússar beri meginábyrgð á núverandi ástandi í Úkraínu.

Það voru Rússar sem fjármögnuðu spillinguna í Úkraínu og studdu bæði glæpamennina Kutchma og Janukovitch gegn úkraínsku þjóðinni.

Það voru Rússar sem innlimuðu Krím, ekki ESB. Það voru Rússar sem vopnuðu uppreisnarmenn í A-Ukraínu, sem m.a. skutu niður farþegavélina með rússnesku flugskeyti.

Rússnesk yfirvöld og Rússar yfirleitt líta á Úkraínu sem þeirra eigin og hafa alltaf gert það, enda var Úkraína "brauðkarfa Sovétríkjanna", og sem Sovétríkin mergsugu líkt og þau mergsugu leppríkin í A-Evrópu. Mesta ógn við Úkraínu er ekki ESB, heldur Rússland.

Ég tel að Úkraínumenn eigi sjálfir að velja hvort þeir vilji vera hluti af ESB eða ekki, þótt aðild að þessu sambandi sé enginn hagur fyrir Ísland.

Pétur D. (IP-tala skráð) 30.7.2014 kl. 23:50

5 Smámynd: Gunnar Rögnvaldsson

Þakka ykkur fyrir

Þetta er jú "fjölmenningar-samfélagið" í hnotskurn. Svona munu málin líklega þróast innan vambarþenslu landamæra Evrópusambandsins þegar fram líða nokkrar fáeinar stundir - og eru nú þegar farin að bæra á sér. Fátt gott er víst í vændum þaðan.  

Það voru söguleg mistök að svíkja þau loforð sem Rússum voru gefin þegar Sovétríkin féllu. Sameining Þýskalands er sennilega stærsta, versta og óleysanlegustu mistök sem átt hafa sér stað í Evrópu frá lokum WWII og jafnvel lengur. Vestur- og Austur- Þýskalönd áttu að verða ríkjasamband, eins Helmut Kohl lofaði.

Með sameiningunni dó máttur þriðja málsaðilans á meginlandinu sem átti að vera svo kallaður talsmaður minnihlutanna; þ.e.a.s framkvæmdastjórn ESB. Þá hefði drápsvél velmegunar og framfara í Evrópu aldrei fæðst; þ.e.a.s evra myntbandalagsins. Hún, sú pólitíska mynt, er kransafígúran á pólitísku mikilmennskubrjálæði mjög slæmra afla innan ESB.

Hrun Sovétríkjanna var eitt, en afleiðingar þess í nútímanum fyrir Rússland, eru allt annað. Rússland mun óhjákvæmilega leitast við að gera við og rétta út gömlu stuðara landsins (buffer-zones), sem taka eiga höggin er koma mættu frá útlandinu. Þessi stuðari er miklu eldra fyrirbæri en hin sálugu Sovétríki - og er ekki nátengdari þjóðrembu en landamæri og landfræðilegir stuðarar annarra ríkja eru - og í þetta skiptið, ekki nærri náttengd hinni fölskvalausu evrópumennisrembu Evrópusambandsins.

Aldrei hefur leiðin fyrir brjálaða menn á leið til Moskvu verið eins stutt frá útlöndum og hún er nú. Það eitt hefði fyrir langa löngu átt að hringja öllum viðvörunarbjöllum hjá valdhöfum í Vestur-Evrópu. En þar er bara steinsofið í tímanum og hver minnsti vottur af umhugsun er samstundis seldur á útsölum fyrir ekki neitt. 

Hefst því nú löng og ströng gönguferð Evrópu á heimagerðum jarðsprengjum ESB.

Reynsla Rússlands af ESB er fyrir það fyrsta mótuð af innrás Napóleons af heimsveldinu Frakklandi inn í Rússland.

Charles de Gaulle forseti hins þriðja lýðveldis Frakklands af þeim fimm til sex, neitaði Bretum á sínum tíma um inngöngu í Evrópusambandið, því hann sagði að Bretland passaði ekki þar inn.

Passaði ekki þar inn, sagði hann, því að Evrópusambandið ætti að ná frá eystri-ströndum Atlantshafs og austur að Úralfjöllum. Að Bretland ætti ekki heima á því meginlandi Evrópusambandsins. Þetta var og er alveg rétt hjá honum, enn þann dag í dag.

En þá vitið þið það; ESB á að ná alla leið austur að Úralfjöllum.

Og í öðru lagi er reynsla Rússlands af Evrópusambandinu mótuð af innrás Adolfs Hitlers af brjáluðu Þýskalandi & Co inn í Rússland. Reynsla Rússlands af Vestur-Evrópu er því nokkuð strembin.

En reynsla Rússlands af Evrópusambandinu er jafnvel ennþá erfiðari viðfangs því Evrópusambandið er nýtt dulbúið imperial-fyrirbæri sem stöðvar ekki útþenslu sína fyrr en það rekst á óhagganlegar fastar stærðir; rekst á immovable objects.

Það væri ákaflega sorglegt ef að Evrópusambandinu tækist að véla NATO til þjónustu við sig sem útþenslubolverk Evrópusambandsins austur. Það væri virkilega sorglegt. Ég vona að NATO skilji þetta. Alveg sama hversu mikið Póllandi et al. langar í gamla veldið sitt, sem nú er læst inni í Úkraínu.

Rússlandi var af Evrópusambandinu —nú orðið Þýskaland— lofað vissum hlutum er Sovétríkin hrundu. Þau loforð hefur ekki verið staðið við.

Nái hin stuðandi hugsjón stærstu raflagningamanna Evrópusambandsins —frá 1947ruslatunnu upphafi þess— alla leið til áfangastaðar sambandsins austur við Úralfjöll, já, þá vitum við fyrirfram hverslags barbarí það samband yrði. Það yrði tryllt.

Það sem sögunnar menn eiga eftir að velta virkilega alvarlegum vöngum yfir um ókomna framtíð er þetta; hver styggði friðinn sem þjóðríki Bandaríkjamanna í Norður-Ameríku kom á og tryggði með meira en algerlega lögmætu valdi sínu á meginlandi Evrópu. Friðinn sem þjóðríkið Bandaríkin komu á, kostuðu og tryggðu með milljón sinnum meira lögmæti en alla aðra gat látið sig dreyma um, fyrr og allar götur Evrópu síðar.

Og hver var það sem svo veruleikafirrtur varð strax árið 1947, að hann fór að gramsa ofan í hinu gamla ruslatunnuveldi meginlandsins á öskuhaugum þess. Hver er þessi sá er nú blæs þar af öllu sínu afli lífinu í gamlar glæður brennandi rústa tapranna á meginlandi Evrópu!

Það er nefnilega það; austur til Úrals

Kveðjur

Gunnar Rögnvaldsson, 31.7.2014 kl. 02:05

6 Smámynd: Helgi Jóhann Hauksson

Og þú heldur virkilega að það allt leysist bara ef þessi fjölþættu þjóðabrot og málsvæði Úkraínu ásamt með öllum þeim aragrúa þjóðabrota, trúarsamfélag og mismunandi málsvæða sem fyrir eru í Rússlandi og þeim svæðum sem Pútín ásælist öðrum svo sem í Moldóvu, sameinist undir himneskri einræðisstjórn hins guðdómlega foringja og skínandi fyrirmyndar sjálfs Vladimir Vladimirovich Putin, að þá hverfi öll vandamál?

Helgi Jóhann Hauksson, 31.7.2014 kl. 10:44

7 Smámynd: Helgi Jóhann Hauksson

Og svo er auðvitað stóra spurningin hvort allur þessi texti þinn sé réttlæting fyrir því að þú virðir ekki fullveldi ríkja, í þessu tilviki Úkraínu. Eins og þú veist þá merkir „fullveldi“ endanlegt og varnlegt vald yfir landsvæði.

Helgi Jóhann Hauksson, 31.7.2014 kl. 10:56

8 Smámynd: Helgi Jóhann Hauksson

Þú veist náttúrlega að Fullveldi merkir einmitt fullt vald yfir skilgreindu landsvæði, og að landamæri Úkraínu voru óskoruð og viðurkennd af öllum ríkjum. Hvernig getur þú fordæmt samstarf Evrópuríkja og kallað það fullveldisafsal þó þau geta hvert um sig hvenær sem er dregið sig útúr því en réttlætir einhliða innlimun Rússland á landssvæðum sem tilheyrðu fullvalda Úkraínu og hernaðarleguum stuðningi Rússa við aðskilnaðarsinna þar.

Helgi Jóhann Hauksson, 31.7.2014 kl. 12:08

9 Smámynd: Gunnar Rögnvaldsson

Sæll aftur Helgi

Kannski er einfaldast að orða þetta þannig að nýtt kalt stríð í Evrópu sé óafsakanleg stigmögnun á vandamáli sem jafnvel virðist óleysanlegt sem innanríkismál í Úkraínu. Saga þessa hluta Evrópu hverfur ekki bara við það eitt að ESB lýsi því yfir að Úkraína tilheyri ESB.

Það væru ófyrirgefanleg mistök að setja þetta mál í þannig búning að það sé réttlæting á nýju köldu stríði. Evrópa hefur ekki efni á því. Hvorki Vestur- né Austur Evrópa. 

Ég hræðist svefngengla af þeirri tegund sem sigldu Evrópu inn í heimsstyrjöldina fyrri. Segja má að sú styrjöld hafi verið sorgleikur en ekki glæpur. En myntbandalag ESB með sínum vanvita pólitíska- og geopólitíska metnaði á meginlandi Evrópu er hins vegar bæði sorgleikur og glæpur : one EU bridge too far.

Kveðjur

Gunnar Rögnvaldsson, 31.7.2014 kl. 16:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband