Leita í fréttum mbl.is

Framsóknarflokkurinn hefur

Það er sama hvaða álit menn hafa á stjórnmálum. Formaður Framsóknarflokksins er bjartur geisli fyrir íslensk stjórnmál. Af hverju segi ég það. Jú, hann hefur endurnýjað trú margra á flokknum. Hann ber í sér þann hæfileika. Og það er mjög mikið að hafa fyrir einn flokk.

Verðbólgnun fylgistalna er eitt. En annað er, að það eru að miklu leyti væntingar sem stýra þróun verðbólgu. Væntingar. 

Hagstofa Danmerkur segir að 1 kg. af rúgbrauði hafi kostað 35 danska aura þremur árum áður en Danske Bank fór í gjaldþrot árið 1922. Árið 2008 kostaði 1 kg. af rúgbrauði hins vegar 19,95 danskar krónur. Í dag er það komið yfir 20 dönsku krónurnar. Hvernig skyldi standa á því í landbúnaðarlandinu Danmörku. Selst ekkert? Er gírkassinn farinn?

Og af hverju er atvinnuleysi í Danmörku komið í átta prósent og gjaldþrot fyrirtækja þau mestu í sögu landsins, með því að 621 fyrirtæki voru lýst gjaldþrota í desember. Sú tala var sögulegt Danmerkurmet. Og hví skyldu þriðju hver húsnæðiskaup renna út í sandinn eftir að menn hafa með húfu & hatt í hönd gert sér ferð í gegnum greiðslumatarhlaðborðið hjá húsnæðislánafyrirtækjum, sem öll eru komin í eigu bankanna, sem eru á hausnum. En þau voru á sínum tíma stofnuð af fólkinu til að skaffa því sem ódýrust lán; Realkreditten svo kallaða. Og af hverju er húsnæðismarkaður landsins hruninn um marga tugi prósenta að raunvirði tvisvar sinnum á 25 árum. Er hann ónýtur? Og af hverju segja svo kallaðir sérfræðingar landsins að stór hluti þess húsnæðis sem til sölu er, muni aldrei seljast; aldrei. Aldrei, og með öll þessi góðu og öruggu 30-ára lán á bakinu.

Fyrri færsla

Verðtrygging skatta


« Síðasta færsla | Næsta færsla »

Athugasemdir

1 identicon

En getur þú sagt mér hversvegna rjómabolla sem kostaði eina krónu í Sveinsbakaríi 1950, kostar nú 33.500 krónur í dag. Er ekki aðeins meiri stjórnleysi þar.

Ég er ekki að fela verðbóguna með því að taka núllin af.

Rétt er rétt.

V.Jóhannsson (IP-tala skráð) 11.2.2013 kl. 23:48

2 Smámynd: Gunnar Rögnvaldsson

Sæll 

Eins og þú sérð af þessu dæmi þínu V. Jóhannsson, þá er ekki allt sem sýnist. Ef rjómabollan kostar svona mikið, þá býst ég við að engar bollur hafi verið á borðum neinna hér á landi í dag. En það er víst ekki þannig: því samkvæmt fréttum þurfti 80 þúsund lítra af rjóma á bollur landsmanna vikuna fyrir bolludag. Fólk virðist hafa efni þessu. Þrátt fyrir allt. Skrítið. Þrátt fyrir krónuna.

Samt er það svo þetta kíló af rúgbrauði Dana kostaði ekki nema 35 danska aura þarna árið 1925. Danska hagstofan segir að það verð hafi jafngilt kostnaði upp á 8,61 danska krónu í dag. Svo virðist sem matur sé orðinn afar dýr í þessu landbúnaðarlandi Evrópusambandsins. Svo dýr að hann er reyndar orðinn sá dýrasti í 28 löndum ESB. Já sá allra dýrasti

Það er eins gott að við erum ekki í ESB, því þá þyrftum við að flytja inn fisk okkur til matar.

Kveðjur

Gunnar Rögnvaldsson, 12.2.2013 kl. 00:32

3 Smámynd: Gunnar Rögnvaldsson

Mér er náttúrlega skylt að taka það fram að það er kaupmáttur sem skiptir öllu máli í þessari mynd. Það er mjög erfitt að halda kaupmætti sterkum ef samkeppnisaðstaða landsins versnar og skerðist varanlega. Þá verður hátt atvinnuleysi landlægt og það eyðileggur sérhvert samfélag með tímanum.

Danmörk hefur búið við krónískt hátt atvinnuleysi frá því skömmu eftir að landið gekk í þáverandi EF árið 1973, sem síðan breyttist í EEC og sem síðan breyttist í ESB og sem nú er að breytast í nýtt evrópskt sovétríki.

Gunnar Rögnvaldsson, 12.2.2013 kl. 02:00

4 Smámynd: Ómar Ragnarsson

Það er margt ágætt í stefnu Framsóknarmanna um þessar mundir. En það er hreinasta öfugmæli að kalla það þor og hugrekki að hafa þá rányrkjustefnu sem flokkurinn hefur varðandi það að klára á nokkrum áratugum helst alla jarðvarmaorku landsins með tilheyrandi óheyrilegum óafturkræfum umhverfisspjöllum á kostnað komandi kynslóða.

Þvert á móti kostar það þor og hugrekki að breyta því hugarfari þöggunar og græðgi sem felst í slíkri stefnu.

Mig hefur langað til að kjósa Framsóknarflokkinn sem frjálslyndan flokk alveg frá því að ég fór að fylgjast í æsku með pólitík, en þessi flokkur virðist hafa einhvern óskiljanlegan hæfileika til þess að taka að sérað minnsta kosti eitt óréttlætismál í hvert sinn, sem gerir mann fráhverfan honum.

Fyrst var það kjördæmamálið, alveg til 1959, síðan spillingin i kringum SÍS og elskan á höftum og hagsmunapoti, og loks hin skefjalausa stóriðjustefna í sovétstíl, sem flokkinn skortir þor og hugrekki til að losa sig við.  

Ómar Ragnarsson, 12.2.2013 kl. 07:48

5 Smámynd: Gunnar Rögnvaldsson

Þakka þér 

Hvað á ég að segja Ómar?

Ég skrifaði: "Formaður Framsóknarflokksins er bjartur geisli fyrir íslensk stjórnmál. Af hverju segi ég það. Jú, hann hefur endurnýjað trú margra á flokknum. Hann ber í sér þann hæfileika. Og það er mjög mikið að hafa fyrir einn flokk."

Eiginlega get ég ekki svarað þér því mig skortir orð miðað við þann raunveruleika sem ég hef upplifað erlendis á síðustu 25 árum og þar áður hérlendis frá fæðingu. Og var ég fæddur og vel uppalinn á Siglufirði. Listinn hér er þinn frá þessum fáu línum sem þú skrifaðir, er hreint ótrúlegur. 

  • rányrkjustefnu
  • klára helst alla jarðvarmaorku landsins
  • óafturkræfum umhverfisspjöllum 
  • á kostnað komandi kynslóða
  • hugarfari þöggunar
  • græðgi sem felst í slíkri stefnu
  • kjördæmamálið
  • spillingin i kringum SÍS 
  • höftum og hagsmunapoti
  • skefjalausa stóriðjustefna í sovétstíl
 
 
Hvaða stjórnmálaflokka hefur þú kosið síðan þú varst ungur?
 
Ég minnist Framsóknarflokksins sem eins af burðarásum íslenska þjóðríkisins. Við gætum hafa orðið mörgu slæmu að bráð hefði þessa flokks ekki notið við. Hann fór útaf veginum um tíma en mér sýnist hann hér vera að bakka kagganum í lag upp á veginn og stefna fram á við á ný. Dálítið V8 yfir honum núna. Svoleiðis gleður mig.
 
En svona er þetta. Ég hef aldrei unnið hjá hinu opinbera. Kannski myndi ég hugsa öðruvísi þá.
 
En þér að segja, þá hef ég mestar áhyggjur af hangandi formanni Sjálfstæðisflokksins sem verið er að rúlla bæði sjón- og heyrnarskertum niður af snúrustaura-stjórnarformennsku hans í núll-dividenta (zero) þrotabúum í Baugsstíl. Og sem fara mun líklega ekkert annað á líternum en það sem hinn blóðrauði spóldregill undir driftugum kagga Framsóknar þarf að nota í af-staðið sitt á meðan hann skiptir síðan yfir í yfir-staðið.
 
Þetta lítur því ekki vel út. 
 
Kveðjur
 
 

Gunnar Rögnvaldsson, 12.2.2013 kl. 11:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband