Leita í fréttum mbl.is

Tímakaup

Í fjögur ár hefur ríkisstjórnin keypt sér tíma. Keypt sér fjögurra ára tilvist fyrir sjálfa sig með fullkomlega ráðhertum svikum við kjósendur Lýðveldisins. Keypt sér til sólundunar fjögur ár af dýrmætum líftíma Lýðveldis Íslendinga, sem stofnað var til á Þingvöllum þann 17. júní 1944.
 
Keypi ríkisstjórnin svikin fyrir einmitt hart skaffaðan sjálfstæðispening þjóðríkis Íslendinga. Og hefur þar með misnotað og sólundað helstu auðæfum þess, sem er sjálft hart unnið frelsi, fullveldi og sjálfstæði það er forfeður okkar sköffuðu. Ríkisstjórn Samfylkinga og Vinstri grænna er tvísleginn svitabaðaður túlípani í vaxtarækt aumingjaskapar og svika.

Botnfrosið skautavell hinnar pólitísku kreppu, sem með svikum varð til í kjölfar eins bankahruns, dansar ríkisstjórnin um á illa fengnum skautavöldum. Forsætisráðherrann er botnfrosið skautasvellið sjálft og sem dag fyrir dag í fjögur ár hefur þykknað með pólitísku froðugubbi Steingríms J. Sigfússonar og Ögmundar Jónassonar í botnlausri —en vottaðri— heimskuleðju Össurar Skarphéðinssonar utan ríkis ráðherra. Skaðræðið er daglega baðað með kastljósi kommúnistaávarps DDRÚV.

Í lítilli smámunnalegri allzheimsvök skautasvellsins, siglir um sjálfa sig hér-stubbuð flokksforysta Sjálfstæðisflokksins, sem þar með í engri stöðu heldur engu. Hún er fleytt gúmmíönd. Bótoxbundin hún sjálfvirkt blés út sjálfa sig; er bankinn sökk. Hún unni ekki afkomu sjálfsins. Því er dividentinn eitt þrotið núll. Ein andvök
 
Við þurfum andvörn.
 
Fyrri færsla
 

« Síðasta færsla | Næsta færsla »

Athugasemdir

1 identicon

Þú virðist bera hag þjóðarinnar fyrir brjósti. Hver myndir þú telja að okkar andvörn ætti að vera?

Flowell (IP-tala skráð) 26.1.2013 kl. 10:36

2 Smámynd: Gunnar Rögnvaldsson

Þakka þér Flowell

Ég er minnsti minnihluti Lýðveldis Íslendinga; ein lifandi persóna. Og mér er afar illt. Ég óttast framtíð okkar ef þessu heldur svona áfram. Óttast framtíð Íslands sem frjálss og sjálfstæðs Lýðveldis. Ég er fullur af reiði og heift eftir stjórnartíð ömurlegasta forsætisráðherra Lýðveldisins, sem einnig er handhafi handjárnaðra skjálfandi handa stærsta kosningasvikara Íslandssögunnar; Steingríms J. Sigfússonar, hins huglausa formanns Vinstri grænna.

Ég hafði vonast til að steypublautt gipshöfuð flokksforystu Sjálfstæðisflokksins myndi annað hvort þorna eða fara frá til að gera pláss fyrir hreinan skjöld og brýnt sverð í þessari sjálfstæðisbaráttu Íslendinga fyrir áframhaldandi tilvist þjóðríkis okkar.

Því miður hef ég nú misst alveg það litla traust sem ég hafði á núverandi þröngri forystu Sjálfstæðisflokksins. Stjórnarseta stjórnarformanns í núll dividenta þrotabúum af verulegri stærð, mun að mínu reynast Sjálfstæðisflokknum afar illa. Ég ber hag formannsins ekki fyrir brjósti mér, enda líklega óþarfi. 

Traust mitt á forystu þessa andspyrnuflokks okkar er horfið. Trú mína á flokknum sjálfum er þó óbreytt. En hann þarf nýjan leiðtoga. Persónu sem er leiðtogi þess sem stærra er en hún sjálf. Flokkurinn ætti að vera þessi andspyrna sem ég nefndi.

Kveðjur

Gunnar Rögnvaldsson, 26.1.2013 kl. 15:17

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband