Leita í fréttum mbl.is

Þvaður Görans Persson í Morgunblaðinu

Fyrst er hér áríðandi frétt um öryggisráðsfólkið á fullum launum;
 
EUR per CHF gólfið steypt af SNB á 1,20 þann 6. september 2011
Mynd; Yfirlýsing SNB þann 6. september 2011 
 
Í viðtali í Morgunblaðinu þann 27. nóvember 2012 segir þessi fyrrverandi fjármála- og forsætisráðherra Svíþjóðar að "gengi" svissneska frankans sé "bundið" við evru. Þetta er sami maðurinn og lofaði sænska fólkinu því að Svíþjóð væri ekki að ganga í "neitt sambandsríki" (europeisk federation) þegar sænska fólkið undir linnulausum áróðri var hrætt inn í Evrópusambandið eftir bankahrun í landinu árið 1992. Og það með aðeins 52,3 prósent meirihluta atkvæða í þjóðaratkvæðagreiðslunni þann 13. nóvember 1994 —já með linnulausum hræðsluáróðri og falsi— og svo síðar þegar þvinga átti mynt Þýskalands og Frakklands upp á sama fólkið undir forsæti þessa manns. Þá var ESB runnið upp fyrir Svíum og þeir sögðu nei. En út úr ESB komast þeir aldrei aftur. Þökk sé meðal annars framlagi þessa bundna manns. Göran Persson sagði Svíum þá að evran væri uppfundin og komin í heim Evrópubúa til þess að "koma í veg fyrir kreppur". Ha ha. Líklega hefur hann átt við að evran hafi verið fundin upp til að koma af stað kreppum. Því í skjóli áfalla og hörmunga geta krónískir ESB-menn eins og Göran Persson gúffað í sig meiri völd frá þjóðríkjum Evrópu sem alltaf eru í eilífri upplausn undir sovéskum skipulagsbreytingum (structural reforms) síðan Rómarsáttmáli Evrópusambandsins leit dagsins ljós í reykfylltum bakherbergjum um miðjar nætur Evrópu sem um aldir munu vara, skv. hefðbundinni venju.

Sannleikurinn —fyrirbæri sem fæstir í Evrópustöðu Görans Persson hirða um — er sá að gengi svissneska frankans er ekki "bundið" eða "tengt" við evru. Sannleikurinn er sá að þeir sem eiga evrupeninga í evrulöndum treysta ekki lengur á að þessir og þeirra pólitísku evrupeningar manna sem í ESB-liði Görans Perssons eru, muni ekki leysast upp á sama hátt og Göran Persson sjálfur hefur verið leystur upp og nú rúllað nöktum út úr skáp atburðarásarinnar sem Svíþjóð engin og bara alls engin áhrif getur haft á og — alveg þveröfugt við það sem hann lofaði sænska fólkinu — sem sá sambandsríkissinni sem hann alltaf hefur verið, en sagði sænsku þjóðinni að hann væri alls ekki.
 

****

DI skrifar þann 14. júlí 2011: Trots krisen i Europa anser förre statsministern Göran Persson att Sverige ska gå med i valutaunionen. På sikt tror han en gemensam skattepolitik och högre pensionsålder i euroområdet är oundvikligt.

 

Göran Persson svarar; "Vi går mot en europeisk federation. Det kanske ligger 30 år bort, men det är inte lång tid när vi talar om den här typen av stora förändringar,"

**** 

Það eina sem bindur svissneska frankann við evru er sjálf gengisskráning evru, sem svissneski seðlabankinn þó heimilar enn í landinu. Þannig eru allir gjaldmiðlar heimsins tengdir; í gegnum gengisskráningu. Og þannig á það að vera. Þeir eiga ekki að vera tengdir með pólitískum handjárnum þvers á landamæri eins og evran er kyrkingartengd um hálsa myntbandalagslanda Evrópu. Ekki er víst að nein evra verði til á skrá neins staðar innan skamms. Það er alls ekki víst. Því stafar heiminum mikil hætta af evrunni. Sú er hennar eina tenging við veruleikann.
 

****

The ECB has lost its independence and is now trying to maneuver the halls of Eurozone's politics |SL 12. nóvember 2012|

****

 

 Og klukkan tifar á meðan sogrörs ECB-aukaseðlabanki Þýskalands veður pólitíkst um myntsvæðið sem einmitt sú pólitíska stofnun sem hann er. Hleypir Spáni inn í hitann eitt augnabilk, þvert á allar umsamdar reglur, en bara um stund, en læsir Portúgal úti á meðan því annars er hætta á að Grikkaland biðji um einn extra dropa á krossinum. ECB er orðið stjórnlaust ófreskju rekald með alla pólitíkusa myntsvæðisins ofan í öllum vösum sínum.
 
Svissneski seðlabankinn steypir járnbent þak 

Sannleikurinn er sá að fyrirtæki og íbúar evrusvæðisins flýja með evrur sínar yfir í svissneska franka. Þetta þýðir að eftirspurn eftir svissneskum frönkum er svo mikil að það ógnar útflutningsatvinnuvegum Svisslendinga og skapar hættu á verðhjöðnun innanlands. Seðlabanki Sviss (SNB) hefur því gefið út aðvörun til markaðarins og sem hann handhefur. Fari gengi svissneska frankans yfir vissa tölu gagnvart evru, vegna gríðarlegrar eftirspurnar sökum fjármagnsflótta evrubúa inn í gjaldmiðil Svisslendinga, þá mun seðlabankinn ekki hika við að grípa til aðgerða með því að prenta og gefa út eins mikið magn franka og nauðsynlegt er til að halda gengi hans gagnvart tilvistarkrepptri evru undir hinni yfirlýstu gengistölu seðlabankans. 

Þetta þýðir í stuttu máli það að SNB lofar aðilum markaðarins að hann muni —gerist þess þörf— prenta ÓENDANLEGT magn af frönkum til að halda gengi hans fyrir neðan þá gengisskráningu frankans gagnvart evru sem seðlabankastjórnin í Sviss hefur sett sem þak eða gólf.
 
SNB sótthreinsar (e. sterilization) sig svo af þessum vafasömu fjöllum af tifandi evrum í gjaldeyrisforða sínum eftir ýmsum krókaleiðum, sem geta verið ansi flóknar. Fyrst með því að henda þeim immed út úr fjármálabókhaldi bankans sem tifandi evrum og án neinnar viðkomu í fjármálakerfi landsins. Hann ER þegar hættur að kaupa frönsk ríkisskuldabréf fyrir þessar evrur því það er orðið of áhættusamt eftir atburði síðustu viku. En fyrst og fremst af því að Frakkland á enga mynt og getur því ekki bjargað sér út úr vandræðum. SNB ER fyrir löngu hættur að kaupa flest ríkisskuldabréf allra þeirra evrulanda sem heita ekki Þýskaland, því þau eiga enga mynt og geta ekki bjargað sér. Hann kaupir hins vegar mikið af breskum ríkisskuldabréfum og bandarískum. Líkur eru á að sótthreinsun bankans á áhættusömum tifandi evrum út úr peningakerfi landsins endi loks sem eins konar þjóðar- eða auðlegðarsjóður. Það á eftir að koma í ljós. 

Gengisbinding Görans Persson við evrur er hins vegar pólitískt persónuleg og líklega skattfrjáls. Og hún er aðeins til í höfði hans svo lengi sem hann sjálfur er gengisskráður í Brussel. 
 
Aðeins meira um fullveldið og svissneska frankann
 
Þetta er dýpra mál en mér virtist í fyrstu þegar tilkynning svissneska seðlabankans var gefin út í fyrra. Þá sagði ég; Svissneski seðlabankinn (SNB) sýnir hér ófullvalda evruríkjum hvar bankinn keypti dýrmætt og fullvalda ölið. Í myntbandalagi Evrópusambandsins verða lönd í álíka aðstæðum að deyja drottni sínum og leggjast sem örkumla sjúklingar í öndunarvél uppgjafar og sjálfspyntinga í Brussel. Grikkland, Portúgal og Írland eru með ca. 50-60 prósent of hátt gengi fyrir hagkerfi sín. En þau geta ekkert aðhafst sér til sjálfshjálpar. Þau eiga enga mynt og engan prenthæfan seðlabanka. Þau deyja bara.
 
 
SNB er í reynd að stunda það sem seðlabanki Bandaríkjanna hefur verið að gera, en samt á annan hátt. Aðferð SNB er þessi; seðlabankinn sjósetur peningastefnu sem fyrir opnum tjöldum hótar að prenta alla þá peninga sem til þarf til þess að halda gengi frankans neðan vissra marka gagnvart umheiminum. Næstum öruggt er að bankinn verður að gera alvöru úr hótunum sínum. Aðstæðurnar í tímarúmi sögunnar eru þannig innréttaðar því this is now ! Hvað mun bankinn kaupa fyrir þessa nýprentuðu peninga, sem þó eru ekki líkamlega prentaðir heldur verða t.d. FX-skiptalínur bankans notaðar til samstundis peningasköpunar? Jú hann mun kaupa evrur, dali, pund og annað. En hvernig ætlar hann að losna við þessa peninga og hvað ætlar hann að gera við allar verðlitlu evrurnar sem hann á á hættu að sitja uppi með þegar evran lendir á nýja Berlínarmúrnum. Jú hann mun jafnt og þétt kaupa ríkisskuldabréf fyrir evrurnar og losa sig þannig út úr því birgðahaldi. En hvaða ríkisskuldabréf? Sannarlega ekki þeirra evrulanda sem heita ekki Þýskaland eða álíka. En hvað mun SNB gera við þessi ríkisskuldabréf? Jú, það sama og Norðmenn. Búa til þjóðarsjóð? 
 
Fyrri færsla
 

« Síðasta færsla | Næsta færsla »

Athugasemdir

1 Smámynd: Haraldur Baldursson

Sviss er að sýna heiminum skólarbókardæmi um frelsið sem felst í sjálfstæðri mynt.

Haraldur Baldursson, 27.11.2012 kl. 11:02

2 Smámynd: Halldór Jónsson

Vorum við ekki í þessari stöðu fyrir hrun? Nema við höfðum enga stjórn á peningunum sem streymdu inn heldur hækkuðum bara innlenda vexti sem hert á aðstreyminu inn í einkabankana og gengishækkuninni en þeir lánuðu gjaldeyrinn út í neyslu formi gengistryggðra lána. Seðlabankinn greip ekki inní með að draga inn gjaldeyrinn úr klóm banksteranna og fleiri.Þessvegna er snjóhengjan svona stór.

Nú koma valdir menn með nógan gjaldeyri frá Tortólu og selja hann á aflandsgengi til að búa til blómleg fyrirtæki. Og allt er í keyinu að sjálfsögðu.

Halldór Jónsson, 27.11.2012 kl. 13:55

3 Smámynd: Gunnar Rögnvaldsson

Þakka ykkur

Nei Halldór: strýrivextir SNB hafa ekki verið notaðir í þágu þessara aðgerða. Þeir eru næstum óbreyttir. Það er eingöngu seðlapressan sem er látin tala. Hún er hótunin.
 
SNB rates frá júní 2011 til nóvember 2012 

Gunnar Rögnvaldsson, 27.11.2012 kl. 14:11

4 Smámynd: Gunnar Rögnvaldsson

Þegar Íslenska krónan veður orðin ein besta alþjóðlega og sjálfstæða mynt 18. stærstu eyju veraldar, þá verður "convertability" hennar ekki vandamál.

Vegna þess að íslenska krónan er ekki enn alþjóðlegur gjaldmiðill — og það á reyndar við um flesta gjaldmiðla heimsins — þá getur íslenska ríkið ekki alfarið haft allar sínar skuldir í eigin gjaldmiðli. Þetta þýðir að íslenska ríkið mun ávallt skulda hluta heildarskulda sinna í mynt sem það getur ekki prentað né stýrt sjálft, eins og Bretland, Bandaríkin, Sviss og Japan geta. Því getum við ekki handhafið sama frelsi og Sviss hefur í peningamálum. 

Við þurfum því að fara í gömlu vinnufötin og koma þessu máli í lag. Það fyrsta er að hvell sparka ríkisstjórninni frá og standa þannig vel að málum um langa framtíð að svo slæm ríkisstjórn geti aldrei aftur náð hér völdum til að eyðileggja landið.

Við þurfum á samheldni og samstöðu þjóðarinnar að halda eins og í landhelgisstríðunum. Standa saman. Við þurfum því leiðtoga. 

Davíð gæti þetta, því hann er fyrst og fremst LEIÐTOGI.

En hann er því miður ekki á lausu. Og bara eitt eintak er til af honum. Hér getur einn maður skipt sköpum. 

Kveðjur

Gunnar Rögnvaldsson, 27.11.2012 kl. 14:32

5 Smámynd: Helga Kristjánsdóttir

Þetta er skemmtilegt innlegg drengur,ertu þú ekki bara sá sem okkur vantar,en sama sagan upptekinn.

Helga Kristjánsdóttir, 27.11.2012 kl. 21:26

6 Smámynd: Gunnar Rögnvaldsson

Þakka þér Helga.

Mér þykir vænt um að vera kallaður drengur. Það yljar sálinni.

Kveðjur til þín.  

Gunnar Rögnvaldsson, 28.11.2012 kl. 00:53

7 identicon

Halló!!!

Hver tekur mark á Göran Persson?

Hvað er verið að hampa þessu himpingimpi sem ekki einu sinni Sossar (kratar í Svíþjóð) nefna á nafn í Svíþjóð þó líf liggi við. Allir, ég segi og skrifa ALLIR Kratar Skammast sín fyrir hann. Hann liggur lágt í heimalandinu, sem segir enginn verður spámaður í sínu heimalandi. Er það ekki skrýtið???

jóhanna (IP-tala skráð) 28.11.2012 kl. 00:54

8 Smámynd: Bragi

Góð grein, Gunnar. Grein Sober Look sýnir einnig hversu skuggalegt þetta er orðið á meginlandinu.

Bragi, 28.11.2012 kl. 03:12

9 Smámynd: Ómar Geirsson

Drengir geta líka verið ágætis leiðtogar Gunnar, var ekki Pitt kallaður hinn ungi ef ég man rétt, alveg þar til að hann dó úr hárri elli.

En Helga hefur rétt fyrir sér, það er búið að stilla upp víglínunni og þjóðeyðingarfólk hefur þegar safnað saman liði sínu en á móti er aðeins dreifð fólks með ólíkar lífsskoðanir en einbeittan vilja til að enda ekki sem þrælar, hvorki skulda þrælar, evruþrælar eða þrælar fjármagns eða regluverks.

Vandinn er að þetta fólk horfir á það sem skilur að, ekki það sem sameinar.

Lífið sjálft.

Kveðja að austan.

Ómar Geirsson, 28.11.2012 kl. 08:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband