Leita í fréttum mbl.is

Ríkissjóði Kýpur hent út úr ECB-aukaseðlabanka Þýskalands

Financial Times 26 júní 2012 - Cypriot government securities cannot be used as collateral
Úr yfirlýsingu ECB til Financial Times í gær. 
 
Þá er það gert. Fyrsta ríkissjóði evrulanda hefur nú verið hent út úr ECB-seðlabanka Evrópusambandsins. Ríkissjóði Kýpur er frá og með í gær bannaður allur aðgangur að eina seðlabanka landsins. Kýpverska ríkið á enga mynt lengur og hefur algerlega misst hið fjármála- og peningalega fullveldi sitt. Því var hent í ruslið. Þetta gerðist fyrirvaralaust í gær. Bankakerfi Kýpur getur því ekki lengur farið með ríkisskuldabréf þjóðkjörinnar ríkisstjórnar fólksins á Kýpur inn í ECB-seðlabanka landsins í Frankfurt í Þýskalandi — eins og öll evrulönd verða að gera — og lagt þau þar inn sem veð gegn evrupeningum þeim sem koma út úr hinni sovétpólitísku peningaprentvél sem ECB Aukaseðlabanki Þýskalands einn hefur sovétsáttmálalegan einkarétt á að gefa út á Kýpur; sem og alls annars staðar í evrusovétríki Evrópusambandsins.

Þetta gerðist eftir að evruknúið bankakerfi Kýpur — samkvæmt 1979-fæddu ERM I, II og III harakiri sjálfsmorðsregluverki evrulanda — kyrkti á undanförnum árum ríkissjóð fólksins í landinu handa Þýskalandi, þannig að matsfyrirtækið Fitch lækkaði lánshæfniseinkunn evruríkissjóðs Kýpur niður í ruslflokk í gær. Lánstraust Kýpur er einungis metið af þrem alþjóðlegum matsfyrirtækjum þannig að ríkissjóður landsins getur ekki stutt sig við hækjumat hins fjórða fyrirbæris, eins og sum önnur og mikilvægari evrulönd gera. Og svo er Kýpur það fámennt land og ei á nokkurn hátt kerfislega mikilvægt fyrir ECB-seðlabanka Evrópusovétsambandsins, að vel er hægt að ganga í skrokk á því — skilja höfuð þess frá bolnum — og síðan útstilla þessu litla eyríki sem brennandi aðvörunarmerki í útstillingargluggum myntbandalagsins.
 
Á Kýpur sem sogaðist upp í evrumynt sovétsambandsins þann 1. janúar 2008, búa aðeins ein milljón manns og er þessi eyja því án mikilvægis fyrir neinn merkilegan í reykfylltum bakherbergjum ráðstjórnarríkis þess sem Jóhanna Sigurðardóttir og Steingrímur J. Sigfússon hafa sótt um inngöngu í; fyrir þína hönd sem og allra annarra Íslendinga, með kosningasvikum og lygavefgerð.

Frelsið er forsenda lýðræðis. Ekkert land getur frjálst verið í Evrópusambandinu. Þess vegna verða þau öll sovétríki. Og einmitt þess vegna hafa Jóhanna Sigurðardóttir, Össur Skarphéðinsson, Steingrímur J. Sigfússon og Ögmundur Jónasson sótt um að Ísland verði eitt af sovétríkjum Evrópusambandsins. Þar munu þau geta setið fast eins og elítærar klessur ofan á Íslendingum, án nokkurrar ábyrgðar og áhættu. Þar ætla þau lýðveldi okkar Íslendinga dauða sinn.

Krækja
 
 
Fyrri færsla
 
 

« Síðasta færsla | Næsta færsla »

Athugasemdir

1 Smámynd: Gunnar Rögnvaldsson

Kýpur er minnsta "hagkerfi" evrusvæðisins. Giskað er á að landið þurfi bankabjörgun sem nemur helmingi landsframleiðslunnar. Skemmdirnar vegna rotnaðs evrubankakerfis Kýpur eru orðnar svo miklar. 

Bankakerfi landsins sendi á sínum tíma peninga inn í bankakerfi Grikklands sem síðan sendi féð í ljósum viðskiptalogum til Berlínar til að bjarga Þýskalandi frá innvortis hruni síðustu 12 árin. Þar sitja þeir á sogrörskistubotni kínverja Evrópu við Alpa á Fjöllum og mynda kverkartak Þýskalands um hálsa evrulanda.

Sýnist hæstráðendum Brussleveldisins svo, verða málefni Kýpur kannski tekin fyrir í næstu viku undir freyðivíns þvagláti tveggja til þriggja nokkuð merkilegra manna á litla salerninu á bak við reykfyllt bakherbergi á sovétríkjasamkomugöngum Brusselveldisins. Undir einu útpissi verða málefni Kýpur þá leyst til botns.
 

Gunnar Rögnvaldsson, 27.6.2012 kl. 16:11

2 Smámynd: Halldór Jónsson

Er Kýpur ekki með fullt af verðmætum sem þeir hafa keypt fyrir lánsféið?. Standa þeir ekki með pálmanna í höndunum með því að segja ESB að fara í rass og rófu og stofna sjálfstætt ríki með eigin mynt? Ekki borguðu Íslendingar Þýskurum skuldir sínar 1939.

Fríríki og ferðamannaparadís? Það verður erfitt með innflutning til Kýpur til að byrja með.En það lagast.

Halldór Jónsson, 28.6.2012 kl. 08:58

3 Smámynd: Halldór Jónsson

P.S.Tyrkirnir vilja áreiðanlega hjálpa þeim

Halldór Jónsson, 28.6.2012 kl. 08:59

4 Smámynd: Gunnar Rögnvaldsson

Hvaða lánsfé Halldór? Og hvaða verðæti Halldór? 

High-powered-money (M2 + M3) í evrupeningakerfinu er skapað með því að evruríkið gefur út ríkisskuldabréf sem banki í evrukerfinu labbar með inn í ECB-seðlabankann í Frankfurt og fær ný pressaða peninga út á þau? M3 fer í veskið þitt og kortin þín. M2 fer í fjármálakerfið. 

Ég óttast að þú sért með of margar krónískt þýskar heilasellur Halldór. Heldur þú að eignasafn kýpverskra banka sem samanstendur af grískum, spænskum, írksum og portúgölskum og ítölskum ríkisskuldabréfum séu einhvers virði eftir að sogrör Þýskalands sprengdi efnahag þessara ríkja í loft upp með læsgtu og sérpöntuðum þýskum stýrivöxtum frá lokum seinni heimsstyrjaldar? Þessir bankar hafa fjármaganað fjárlagahalla þessara landa sem aftur á móti fjármgangar heilagana viðskiptahgnað elliheimils Þýskalands við öll evruríkin.

Í bólum tapast engin peningar. Það eru hins vegar verðmætin sem keypt voru fyrir peningana sem reyndust ónýt. Þú ert bara með fullann ísskáp af ónýtri mjólk. En peningarnir eru hins vegar hjá kaupmanninum. Hjá Þýskalandi. 

Myntbandalag Evrópusambandsins ER fjármálabóla Halldór. Ein stór embættismanna- og ríkissköpuð fjármálabóla. Hún var sett af stað af Þýskalandi til þess eins — og aðeins eins — að bjarga Þýskalandi frá hruni vegna sameiningar tveggja þýskra en vonlausra ríkja.

Gunnar Rögnvaldsson, 28.6.2012 kl. 14:49

5 Smámynd: Gunnar Rögnvaldsson

Og nú er sem sagt komið að Þýskalandi að "do the transfers, please" í formi GJAFA (ekki lána) til Suður-Evrópu það sem eftir er æfi Þýskalands: GJAFIR! en ekki lán. Um það bil 14 prósent af landsfrmaleiðslu Þýskalands á hvjeru ári. 

Hvað heldur þú að þrælakjósendur þeir sem standa á verksmiðjugólfi í hinu kínverska Þýskalandi fyrir tvær evrur á tímann segi við þessu Halldór? Að senda gjafir til Suður-Evrópu það sem eftir er æfi ríkissjóðs lands þeirra?

Menn geta ekki haft mjöl í munni og blásið samtímis. Ekki hægt. 

Anja sem skúrar gólf gólf og gerir hreint fyrir tvær evrur á tímann (332 krónur) í Stralsund í Þýskalandi, sortnar fyrir augunum af bræði þegar hún les í dagblöðum um "þýska kraftaverkið í atvinnumálum", sem nú er notað sem tálbeitu-fyrirmynd handa öðrum evruríkjum á leið í þrot. "Ef ég gæti farið, þá væri ég fyrir löngu hætt og farin. Fyrirtækið hefur nauðgað mér í sex ár", segir Anja.

En Peter Huefken, sem er Þýskalands kollegi Gylfa Arinbjarnarsonar forseta ASÍ, segir að þetta sé langt frá því versta sem hann þurfi að eiga við í þýska evruríkinu. "Sumt fólk sem ég hef með að gera er með 55 cent á tímann (91 krónu)." Verkalýðsfélag Huefken er að reyna að stefna atvinnurekendum fyrir misnotkun á launþegum og hvetur önnur félög til að gera hið sama. Kauphækkun hefur ekki fengist í 15 ár. Og engin lágmakrslaun eru víðast hvar í landinu. Hægt en örugglega mjakar öldrunarhagkerfi Þýskalands Evrópu aftur á járnöld. 

Í millitíðinni haf raunlaun í Þýskalandi lækkað. Lækkað !! 20. árið í röð! Og þetta niðurfall eiga hin lönd myntbandalags Evrópusambandsins að keppa við undir læstu gengisfyrirkomulagi. Þetta er brjálæðislegt kapphlaup niður á botninn. 

Gunnar Rögnvaldsson, 28.6.2012 kl. 15:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband